Дескоски: Професорите не се извршители на административни задачи, кои би им ги задавал Ректорот или Деканот, туку носители на дејноста

Професорот Тони Дескоски преку објава на социјалните мрежи упати остри критики кон Нацрт-законот за високо образование, оценувајќи дека предложените решенија сериозно ја нарушуваат автономијата на универзитетите и отвораат простор за непотизам.„По малку изненадувачки, на Правниот факултет за само неколку дена се појави цела лавина на забелешки и критики на Нацртот на ЗВО кој Министерката Јаневска го пушти во јавност.Пред неколку дена најпрво имавме седница на Институтот за меѓународно (јавно и приватно) право во кој членува и Деканот на Факултетот Проф. Сашо Георгиевски. Едногласно усвоивме 28 забелешки, најголемиот дел за суштинските новини кои се предложени во Нацртот. Намерно не завлегувавме во детали, зашто тоа е невозможно да се срочи во еден документ.Бев пријатно изненанден кога пред некој ден ни беа доставени Забелешките од другите Институти од Факултетот, кои беа уште поообемни. И интересно, сите забелешки се за новините, а ниту една за одредбите кои се задржани од постојниот ЗВО од 2018 година.На денешната седница на Наставно-научниот совет, големото мнозинство од присутните се согласивме дека големиот број на забелешки всушност укажува дека понудениот нацрт на ЗВО е неквалитетен и дека е неможно амандмански да се интервенира на него. Дополнително, ако се усвојат дадените забелешки, всушност се враќаме на ЗВО од 2018 (кој нели треба да се смени).Едноставно, нацртот на ЗВО под плаштот на некаква реформа која ќе го зголеми квалитетот на универзитетското образование, всушност во огромен обем ја руши Автономијата на универзитетот.Едноставно кажано, клучниот дефект на Нацртот на ЗВО е обидот за корпоративно реструктуирање на универзитетите и факултетите, со (се)моќни Ректори и Декани како нивни раководители, наместо она што Универзитетот претставува од Болоња наваму - колектив на рамноправни индивидуи (професори), кој е раководен од нив самите. Само така можете да имате слобода на мислење и научно творење, а рушењето на овој основен постулат на универзитетската автономија всушност води кон деградирање на Универзитетот. Или поинаку кажано, професорите не се извршители на административни задачи, кои би им ги задавал раководниот орган (Ректорот или Деканот), туку се носители на дејноста.ЗА НЕПОТИЗМОТ!Додека главниот акцент на Министерката при бранењето на Нацртот е дека со него ќе се заоструваат критериумите за избор во наставно-научни и соработнички звања, во исто време се обидува да се затскрие „испуштањето“ на една норма од ЗВО од 2018 година (сегашниот член 160, став 6). Всушност, тоа е одредбата со која се забранува на Факултетите да се примаат во наставно-научни и соработнички звања ДЕЦАТА НА ПРОФЕСОРИТЕ од дадениот Факултет, која гласи:„На иста единица на универзитет не можат да бидат избрани во наставно-научни, наставно-стручни, научни, наставни и соработнички звања лица кои се роднини по крв во права линија до кој и да е степен.„На тој начин, Нацртот ширум ја отвора вратата на Факултетите да се примаат децата на Професорите како соработници или наставници. Е, тоа е вистинската новина, а не поставувањето на невозможни услови за избор во звања.ПРЕЗЕМАЊЕ НА НАСТАВНИЦИ СО СПОГОДБА????!!!!!!Уште една од безбројните небулози на нацртот на ЗВО е новината (од член 175 став 2) според која за да премине еден професор од една на друга јавна високообразовна или научна установа, веќе нема да мора да се спроведува постапка за избор на установата каде се префрла. Нема конкурс, нема утврдување потреба, нема постапка за избор, нема избор од ННС и потврдување од Сенатот (ако е за редовен професор), туку само спогодба меѓу Установите (која ќе ја склучат одговорните лица). Небаре преземате техничка секретарка или дактилограф. Така, секој од нас едно утро ќе може да биде известен од Деканот дека добил „колега“ на Катедрата од друг Универзитет!Има уште многу небулози во Нацртот на ЗВО. За да се осврне на нив, на човека би му требале страници и страници текстови. Се надевам дека и други Колеги ќе укажат на некои од нив.Обидот Нацртот на ЗВО да се поправи е бесцелен, исто како и долготрајниот обид на Едвард Кардељ да ги отстрани недостатоците на социјалистичкото самоуправување.Единствена опција е истиот да биде повлечен, а потоа со студени глави и со јавна расправа да се размисли што понатаму. Колку побрзо истиот биде повлечен, толку ќе бидат помали штетните последици.Не сакам ни да го замислам хоророт кој ќе настане ако тој биде усвоен во Законодавниот дом!Good night and good luck“, вели тој.

Коментари | пред 2 месеци

(Видео) Трагедија во Род Ајленд: Три лица убиени, тројца повредени во пукање на хокеарски натпревар

Три лица, вклучувајќи го и наводниот напаѓач, се убиени вчера кога вооружен човек отвори оган на лизгалиште за хокеј на мраз во градот Патуксент, Род Ајленд , за време на младински натпревар, според локалните власти.Тројца други се повредени и се во критична состојба. Шефицата на полицијата во Патуксент, Тина Гонсалвес, на прес-конференција изјави дека „имаме најмалку три лица мртви“, вклучувајќи го и осомничениот. Тројцата повредени се однесени во болница и се во „критична состојба“, рече таа. Најмалку една од жртвите е жена, додека втората жртва е хоспитализирана.Вооружениот човек кој отвори оган на хокеарски натпревар во средно училиште во Потакет, Род Ајленд, беше идентификуван вчера вечер од страна на полицијата како 56-годишниот Роберт Дорган, кој се појавува и под името Роберта Еспозито.Човекот, кој се чини дека бил на операција за промена на полот (иако ова не е потврдено од властите), убил две лица и сериозно повредил уште три пред да си го одземе животот.Видео емитувано во живо на социјалните мрежи ги доловува сцените на паника што следеа по пукањето, каде гледачите трчаа кон излезите, а други се обидуваа да им пружат прва помош на жртвите.Според извор од Бирото за алкохол, тутун, огнено оружје и експлозиви (ATF), цитиран од „Фокс њуз“, инцидентот наводно започнал како епизода на семејно насилство и ескалирал во убиство и самоубиство. Истиот извор рекол дека сторителот наводно ја убил својата сопруга и пукал во две од своите деца пред да го насочи пиштолот кон себе. Третото дете е повредено и е хоспитализирано.Полицијата не ги објави имињата на жртвите и на стрелецот, ниту пак какви било дополнителни информации за состојбата на повредените. Гонсалвес рече дека досега собраните докази укажуваат на „семејни несогласувања“.Локалната станица на Ен-би-си њуз објави дека една од жртвите е млада девојка, но нема официјална потврда од властите.Пукањето се случило за време на натпревар во хокеј на мраз помеѓу младинските екипи, на кој биле присутни играчи и гледачи.Сведоштва од теренотВидеата што циркулираат на социјалните мрежи и се емитуваат од телевизиската станица – кои не се потврдени – покажуваат како играчите и гледачите трчаат за да се засолнат додека во затворениот стадион се слушаат повеќе истрели.„Откако беа испукани истрелите, јас и моите соиграчи се упативме кон соблекувалната“, изјави сведок на теренот за локалната телевизиска мрежа WJAR. Тој рече дека некои играчи ја држеле вратата затворена, додека останатите „се обиделе да се засолнат внатре“ во соблекувалната.Инцидентот се надополнува на долгиот список на напади со оружје во Соединетите Американски Држави, каде што има повеќе оружје отколку луѓе. Во 2024 година, повеќе од 16.000 луѓе беа убиени од огнено оружје, не сметајќи ги самоубиствата, според невладината организација „Архива за насилство со оружје“.Напади со оружје се евидентирани на сите видови места, од училишта и работни места до цркви, супермаркети, јавен превоз и јавни улици, истакнувајќи еден траен проблем што останува во центарот на јавната дебата во Соединетите Американски Држави.

Свет | пред 2 месеци

Кузеска: Со владин авион и парите од граѓаните премиерот бил на Јадранско море на одмор

Со владин авион и парите од граѓаните премиерот бил на Јадранско море. На одмор. Ова е срамна слика за една опиена власт од луксуз, приватен бизнис и тендери, вели Богданка Кузеска, порпаролка на СДСМ.„Додека граѓаните едвај врзуваат крај со крај, додека владата одбива 600 евра минимална плата и им крати 40 милиони евра на земјоделците, премиерот се луксузира врз грбот на народот.Исто како Груевски, тој купуваше очила од 60 илјади евра и луксузен мерцедес а Мицкоски има часовници од 60 илјади евра и сака да се луксузира со авион.Пола Влада се шетала со владиниот авион. Главна дестинација- Будимпешта, кај нивниот шеф, Груевски.За еден час, овде, пред Владата ќе започне протест на работниците за поголеми плати, за достоинствен живот.Нека се симне Мицкоски, нека ги погледне работниците кои едвај може да си ги прехранат семејствата и да им одговори:Колку ги чини граѓаните овој луксуз на премиерот со владиниот авион?Затоа ли се најавува купување на нов владин авион – за уште повеќе приватни патувања со народни пари“, додава Кузеска.

Македонија | пред 2 месеци

Перински: Поддршка за локалниот потенцијал: Објавен повик за зголемување на регионалната конкурентност

Mинистерството за локална самоуправа објави Јавен повик за финансирање на предлог-проекти насочени кон намалување на диспаритетите меѓу и во рамките на планските региони и зголемување на регионалната конкурентност за 2026 година, по одделни мерки и активности за поттикнување рамномерен регионален развој.„Целта на повикот е доделување средства на проекти кои ќе придонесат кон намалување на разликите во степенот на развиеност меѓу регионите, јакнење на регионалната конкурентност и поттикнување на локалниот развој преку искористување на сопствените потенцијали. Како приоритетни за 2026 година се утврдени следните активности и мерки: - развој на современа и модерна инфраструктура во планските региони;- препознавање и искористување на конкурентските предности на планските региони;- подобрување на енергетската ефикасност на јавните објекти и користење обновливи извори на енергија.Вкупниот износ на средства предвидени за финансирање на проекти изнесува 74.840.000 денари. Овие средства се предвидени во Програмата за намалување на диспаритетите меѓу и во рамките на планските региони и зголемување на регионалната конкурентност за 2026 година. Право на поднесување предлог-проекти имаат: Центрите за развој на планските региони, општините, општините во градот Скопје, градот Скопје, јавните претпријатија и јавните установи основани од државата, од општините, од општините во градот Скопје и од градот Скопје, високообразовните и научни институции и здруженијата.Рок за поднесување апликации е во текот на 2026 година, односно до искористување на расположливите средства. Повикот со условите и критериумите е достапен на веб-страницата на Министерството за локална самоуправа“, се вели во соопштението.

Македонија | пред 2 месеци

Од јули уште две нови авиолинии кон Алгеро Сардинија и кон Палермо

Заменик претседателот на Владата и министер за транспорт Александар Николоски на својот фејсбук профил објави дека од месец јули од аеродромот од Скопје се воведуваат уште две нови авиолинии кон Алгеро Сардинија и кон Палермо.„Уште две нови авиолинии од Скопскиот аеродром! Убави вести за сите што сакаат да патуваат, како и за сите што сакаат да ја посетат Македонија.Од 18ти јули од Аеродром Скопје ќе може да се лета за Алгеро Сардинија во ИталијаОд 15ти јули од Скопје ќе може да се лета и до Палермо во ИталијаСо овие две нови авиолинии на Wizz Air се очекува уште повеќе да го зголемат авио сообраќајот на Скопскиот аеродром кој во 2025 година имаше рекордна година со над 3.2 милиони патници и со новите линии станува лидер во регионот.Исто така најавено е зголемување на бројот на летови и патници на постојаните линии, како и нов авион на Скопскиот аеродром од најновата класа на Airbus A321 Neo.Имајќи предвид дека ова се линии кои ќе оперираат во летната сезона за нив не се предвидени субвенции, што е квалитет плус и показател дека комерцијално се повеќе ќе има интерес за Скопскиот аеродром”- објави вицепремиерот Николоски.

Македонија | пред 2 месеци

По реакциите: Министерството за дигитална трансформација најави консултации за Водичот за инфлуенсери и промената на Законот за аудиовизуелни услуги

Во однос на објавите во медиумите поврзани со реакциите на дел од инфлуенсерите и дигиталните креатори на содржини во врска со Правилникот на Агенцијата за аудио и аудиовизуелни медиумски услуги (АВМУ), т.н. Водич за инфлуенсери и Законот за аудио и аудиовизуелни медиумски услуги, Министерството за дигитална трансформација како надлежно министерство за политики во областа на дигиталниот простор и развојот на онлајн екосистемот ја информира јавноста за следното:Министерството ја следи јавната дебата и сериозно ги зема предвид изразените ставови од страна на креаторите на дигитални содржини. Дигиталната економија и креативната индустрија се значаен сегмент од современиот медиумски и економски систем, и нивниот развој треба да се темели врз јасни правила, правна сигурност и почитување на европските стандарди. Истовремено, јасно е дека овој медиумски плурализам ја поттикнува слободата на говор, различноста на мислење и демократијата воопшто.Регулаторната рамка во областа на аудио и аудиовизуелните медиумски услуги произлегува од законските измени усвоени од Собранието во минатиот состав во 2023 година, со кои се врши усогласување со европското законодавство, особено со Директивата за аудиовизуелни медиумски услуги на Европската Унија. Подзаконските документи (пред се Правилникот) произлегуваат од овие измени на Законот, но се донесени во текот на 2025 година. Водичот е неформален документ на АВМУ со необврзувачка содржина, кој не произведува правен ефект.Министерството смета дека секоја регулатива што се однесува на динамичен и брзорастечки сектор како што е дигиталното создавање содржини треба да биде пропорционална, јасна и во континуиран дијалог со засегнатите страни. Саморегулацијата и кодексите на однесување се легитимни инструменти во европската пракса, кои треба да ја надополнуваат законската рамка која обезбедува заштита на јавниот интерес, транспарентност на комерцијалните содржини и заштита на малолетниците.Во насока на надминување на предизвиците, излегување во пресрет на потребите и барањата на креаторите на дигитални содржини, но и генералната јавност, Министерството за дигитална трансформација ќе иницира средби и консултативен процес со претставници на инфлуенсерите организирани во споменатотот здружение, АВМУ, медиумската заедница и експертската јавност, со цел да се разгледаат можностите за дополнително појаснување или унапредување на подзаконските акти, во насока на обезбедување балансирано и европски усогласено решение.Нашата стратешка цел останува развој на конкурентен, слободен и одговорен дигитален простор, кој ќе овозможи раст на креативната индустрија, но и ќе гарантира правна сигурност и заштита на граѓаните. Ниту една мерка или активност нема да значи намалување на слободата на говор на креаторите на содржини и медиумските работници, ниту задирање во правата на граѓаните пошироко.Министерството ќе продолжи активно да работи на унапредување на дигиталната регулаторна рамка во согласност со меѓународните стандарди и во интерес на развојот на целокупниот дигитален екосистем во Македонија.

Македонија | пред 2 месеци

ВМРО-ДПМНЕ: Загрижени сме за ПР-от на СДС, знаат ли дека СНС и Вучиќ се во друга држава политичари?

ПР-от на СДС предводен од Башановиќ, изгледа заборава дека СДС е партија во Македонија, а не во Србија. Башновиќ е во лоши односи со Вучиќ - човек кој направи повеќе за Македонија, отколку Заев кога беше премиер, вели ВМРО-ДПМНЕ.„Но, ни се отвора нова загатка, а таа е за поврзаноста на Башановиќ, Заев и Гашиќ. Кружат информации во кулоарите на нарко бизнисот во Србија дека оваа тројка и те како има поврзаност со запленетата дрога од 5 тони. Дополнително, ако потсетиме дека човекот кој ја одгледувал дрогата во случајот “Јовањица” е близок до Гашич, а во Македонија бил соработник во фирми на братучедите на Заев, (Трајче) чиј возач го уапси ДЕА за 200 килограми дрога кога сакаше да ги пренесе низ граница.Вучиќ освен со Башановиќ, по се изгледа не е во добри односи и со Гашиќ, по она што се случи во Коњух каде беа запленети 5 тони дрога на член на СНС, близок до Гашиќ, Вучиќ изгледа не е во добри односи и со Заев, па оттаму и нападите на СДС против Вучиќ.Клопчето се одмотува, поврзаноста на Заев и Филипче со дрогата во Србија и Македонија по се изгледа ќе излезе на површина“, се вели во соопштението,

Македонија | пред 2 месеци

Почина американскиот актер Роберт Дувал

Американскиот актер Роберт Дувал, добитник на Оскар за улогата во филмот „Нежна милост“ и добитник на две награди „Еми“, почина денес на 95-годишна возраст, објави неговата сопруга Лусијана Педраза Дувал во објава на „Фејсбук“.Дувал, пишува „Варајети“, е запаметен по воздржаниот, суров натурализам што ја обележа генерацијата актери меѓу кои беа Роберт Де Ниро, Дастин Хофман и Џин Хекман.Иако никогаш не бил комерцијална ѕвезда на ниво на Де Ниро, неговиот ненаметлив, но целосно посветен пристап кон ликовите му донесе голема почит од колегите и критичарите, според американското списание.За време на неговата богата кариера, тој го освои Оскарот за најдобар глумец во 1984 година за филмот „Нежни милостини“, а беше номиниран за наградата Оскар вкупно седум пати, за улоги во филмови, вклучувајќи ги „Кум“, „Апокалипса сега“ и „Големиот Сантини“.Имаше и значајни улоги на телевизија, во мини-сериите „Осамен гулаб“ и „Скршена патека“, за кои освои две награди „Еми“.Своето деби на големото платно го имаше во 1962 година како Бу Радли во филмот „Да се ​​убие птицата подбивница“.Неговиот пробив во кариерата се случи во 1972 година со улогата на Том Хејген во филмот „Кум“, што му ја донесе првата номинација за „Оскар“.Ја повтори улогата во продолжението, „Кум втор дел“, а потоа се појави во филмовите „Телевизиска мрежа“ и „Апокалипса сега“, во кои ја изговори познатата реплика „Го сакам мирисот на напалм наутро“ како полковник Килгор, што му донесе уште една номинација.Ја доби својата седма номинација за најпрестижната филмска награда за неговата улога во драмата „Судијата“, во која играше судија обвинет за предизвикување фатална сообраќајна несреќа.Дувал е роден во Сан Диего, во семејство на адмирал на американската морнарица, а студирал глума во Њујорк.Во текот на својата кариера, истакнува „Варајети“, тој остави длабок белег на сцената, како и во телевизиските проекти, вклучувајќи го и филмот „Сталин“ од 1992 година, за кој беше номиниран и за наградата „Еми“.Една од неговите последни улоги беше во филмот „Бледо сино око“ од 2022 година, пренесува „Танјуг“. По него остана сопругата Лусијана Педраза Дувал, со која беше во брак од 2005 година.

Магазин | пред 2 месеци

Будимпешта е најчеста дестинација на владиниот авион: најмногу летале Николовски и Силјановска Давкова

Будимпешта е релацијата на која најмногу летал владиниот авион. Дури седум пати се летало кон престолнината на Унгарија во периодот откако ВМРО – ДПМНЕ состави влада во јуни 2024, па заклучно со декември 2025 година, објави телевизија Телма.Од министрите најмногу во воздух бил министерот за транспорт и врски и заменик претседател на владата, Александар Николовски а најчесто летал токму за Будимпешта. Го користел авионот 11 пати од кои шест пет бил таму.Преку документите кои ги обезбеди Телма од Службата за општи и заеднички работи во Владата, имало случај  кога владиниот авион бил упатен на сервис во германскиот град Нирнберг на 12 јануари лани. Оттаму бил упатен кон Будимпешта, го земал Николовски и се вратиле во Скопје. Министерот за транспорт летал и за Лондон, а дел од делагацијата бил и поранешниот вицепремиер за економија Владимир Пешевски. Бил и во Прага, Виена, а летал и на релација Скопје – Истанбул и назад, но не  директно за Скопје, туку прво застанал во Охрид.Повеќе од Николовски, владиниот авион го користела само претседателката Гордана Силјановска Давкова. Летала 13 пати. Во соседството била до Тиват, Подгорица, Тирана, а имала и летови до Рим, Истанбул, Копенхаген.

Македонија | пред 2 месеци

Мисајловски најави 300 нови војници во Армијата

Министерството за одбрана наскоро ќе објави конкурс за прием на 300 нови војници во Армијата, најави министерот за одбрана Владо Мисајловски. Во гостување на Тема на денот на Сител телевизија, тој информираше дека се очекува огласот да биде објавен по добивањето на потребната документација од Министерството за финансии, со цел приемот да започне веќе во пролетниот рок.– Кога ќе стигнат од финансиите сите потребни документи, ќе ги објавиме конкурсите, се надевам веќе во пролетниот рок што доаѓа, што повеќе луѓе да влезат, да се натпреваруваат меѓу себе и да бидат дел од Министерството за одбрана, односно од Армијата, вели Мисајловски.Истакна дека интересот кај младите постои и дека офицерскиот кадар и специјалните единици се на високо ниво на обученост. Мисајловски додаде дека со зголемувањето на буџетот за одбрана ќе се создадат услови и за подобрување на статусот и примањата на припадниците на Армијата.– Минатата година, од јануари, сите вработени во Министерството добија 30 отсто зголемување на нивните плати. Кога ќе се зголемува буџетот на Министерството, се разбира дека ќе гледаме и кадарот да биде подобро платен, и тоа можам да го ветам, рече Мисајловски.Министерот, исто така, најави дека набрзо ќе има решение со кое би се задржале војниците кои што ќе наполнат 45 години, за да можат да продолжат да го даваат нивниот придонес во Армијата.– Има иницијативи, што најважно е како да се задржат сите војници што ќе наполнат 45 години. Мислам дека набрзо ќе има решение, со кое ќе бидат сите задоволени, како да ги задржиме сите војници во Армијата, за да можат дополнително да дадат придонес, рече Мисајловски.

Македонија | пред 2 месеци

Укината забраната за камиони на планинскиот премин Стража и на крак Маврово – Дебар

Во 08:00 часот се укинати забраните за тешките товарни возила на планинскиот премин Стража и на крак Маврово – Дебар, извести АМСМ.Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

Македонија | пред 2 месеци

(Фото) Огромен пожар во Шпанија: Загинаа млади лица, прогласена тридневна жалост

Пет лица загинаа, а четворица се полесно повредени во пожарот што избувна во петкатна станбена зграда во Манлеу, близу Барселона, објави весникот „El Pais“.Се верува дека сите жртви биле млади лица, а можно е некои да биле и малолетници.Пожарот бил пријавен синоќа во 21:10 часот, а избувнал во остава на покривот на зградата.Пожарникарите испратиле 13 екипи на лице место, а огнот бил изгаснат во 21:41. Причината за пожарот засега не е позната.Според известувањата, најмалку четири жртви се наоѓале во просторот каде избувнал пожарот и не успеале да избегаат поради причини што сè уште се утврдуваат.Процесот на идентификација на телата ќе биде завршен денес.Истражната единица „Mossos d’Esquadra“ покренала истрага за причините за пожарот.Сите повредени лица добиле полесни повреди и не биле хоспитализирани.Претседателот на каталонската влада, Салвадор Иља, изрази сочувство до семејствата на загинатите и посака брзо закрепнување на повредените, додека градоначалникот на Манлеу, Арнау Ровира, прогласи тридневна жалост.Знамињата ќе бидат спуштени на половина копје, а минута молчење е закажана за вторник во 19 часот пред Градската куќа.Според податоците на Цивилната заштита, три семејства се привремено сместени во хотел во Манлеу, додека останатите станари се вратиле во своите домови.

Свет | пред 2 месеци

Протест пред Владата, посебен режим на сообраќај во Скопје

Денеска (17.02.2026) со почеток од 11:00 часот од страна на Сојузот на синдикати на Македонија ќе биде одржан протест пред Владата на бул.„Илинден“ и бул.„Свети Климент Охридски“ и доколку се појави потреба од пренасочување, сообраќајот ќе биде пренасочен по околните сообраќајници.Од тие причини Единицата за безбедност на патниот сообраќај ќе преземе мерки за посебен режим на сообраќајот во централното градско подрачје на Град Скопје.Апелираме до сите граѓани учесници во сообраќајот да се почитуваат наредбите кои ќе ги даваат полициските службеници.

Скопје | пред 2 месеци

(Видео) Бака Прасe за запалениот автомобил: Полицијата ме праша на кого се сомневам, не реков ништо за ДекиBMW

Јутјуберот Богдан Илиќ, познат како Бака Прасe, одржа лајв во кој откри што точно се случувало во моментот кога му беше запален автомобилот.Откако му беше запален „Брабус“ вреден 500.000 евра, полицијата го сослушала Бака Прасe. Инспекторите со него направиле информативен разговор во неговиот стан.Имено, на мрежите почна да кружи снимка од тиктокер, одреден ДекиBMW, кој се снимал кај „Брабусот“ и јавно му се заканувал на Богдан, само еден ден пред автомобилот да биде запален.Сега, Бака Прасe во лајвот објасни дека тој нема никаква врска со инцидентот.„Дали мислите дека ДекиBMW е зад сè, го симнал клипот за „Брабусот“. Тој навистина се вознемири дека ќе го уапсат? Полицијата ме праша на кого се сомневам, не реков ништо за Деки. Замисли ДекиBMW завршува во затвор“ вели Бака Прасe.„Не знам што да кажам. Мене ми пишуваше Игор во 4 наутро: „Брате, жив ли си, добро ли си? Стигнувам.“ Јас му одговарам: „Молам?“, тој вели: „Запален е брабус“. Помислив благодарам боже, никој не е повреден. Слегов долу, а брабусот целосно изгоре. Се смеев, не сум пресреќен, секако, но не ми е гајле, ќе купам пет нови. Што да правам, се случува. Е сега, кој стои зад тоа, тоа прашање и мене ме интересира. Од Брабусот ми останаа само спомени, беше посебен, one of one. Го возев, не сум среќен што го запалија, но не се потресов многу, не би се шегувал ако не бев спокоен. Но тие што го запалија, не знам што точно мислеа дека ќе постигнат. Јас сега ќе дојдам и ќе речам: „Ќе платам рекет, кому треба да се јавам да платам рекет?“ Не ми е гајле – наведе Богдан Илиќ.

Магазин | пред 2 месеци

СДСМ: 17 дена нема одговор за најголемиот нарко-скандал: како 5 тони дрога поминале преку граница

Трета недела веќе, 17 дена нема одговор како 5 тони дрога, вредна 40 милиони евра поминале преку македонската граница во Србија, вели СДСМ.„Сите молчат за најголемиот нарко скандал во регионот, сите се прават дека ништо не знаат.Мицкоски се прави дека не знае, Тошковски, Николовски, Тарчуловски, Томовски, цела Влада не знае.На 65 илјади камери, скренери, контроли, полиција, царина, и никој ништо да не знае?Молкот не е случаен, молкот е потврда дека скандалот со 5 тони дрога води во врвот на власта и дека некој де обидува да го заташка.Не поминува дефокусот ниту лицитациите на Мицкоски за наводно запленета нелегална марихуана од 25, 40 или 100 тони.Ако се произвела марихуана на површина од речиси 40 фудбалски стадиони, наводно нелегално, крива е повторно владата. Одговорност мора да има и за МВР и за Здравство и за Земјоделие и за инспекторати, за сите што требало да контролираат, а не контролирале, за сите што требале да спречат, а не спречиле.СДСМ нема да дозволи најголемиот нарко скандал да се заташка. Сите ќе одговараат“, се вели во соопштението.

Македонија | пред 2 месеци

ВМРО-ДПМНЕ: Складирањето на 30 тони дрога барало четири до пет години, фирмата на Котев работела противзаконски уште за време на власта на Филипче и Заев

СДС, Венко Филипче и Зоран Заев, биле и се синоним на криминал и корупција. Нема пора во општеството да не се копне и од таму да не излезат криминалите на Заев и Филипче, вели ВМРО-ДПМНЕ.„Но, со последните сомнежи и индиции за нелегално производство и трговија со марихуана, дуото Филипче и Заев, се надградиле со вмешаноста во наркопазарот.Филипче гордо сликан поранешниот функционер на СДС, човек близок до Заев, Тони Котев, вистински сопственик на фирмата ЦБД Медплант за медицинска марихуана, која од своите почетоци работи со пропусти.Наспроти тврдењата на Филипче дека додека тој бил министер се било во ред и дека фирмата работела прописно, информациите кои стигнаа до нас го говорат спротивното. Односно, за да се складираат 30 тони дрога, колку што беа запленети, треба да помине процес од околу четири до пет години, а тоа значи дека фирмата на Котев противзаконски работела уште од времето кога Филипче и Заев беа власт.ЦБД Медплант, исто така, лиценца за медицински канабис доби токму од Заев и Филипче во 2020 година, во период кога сакаа да ја легализираат марихуаната и со тоа државата да ја направеле светска туристичка дестинација и на голема врата ја промовираа продажбата на цвет од канабис.За потоа, во 2023 година по нивна насока да се смени подзаконски акт, односно Правилникот за одгледување марихуана.Дали поради сето ова, денес Заев и Филипче се преправаат дека не го познаваат лицето Тони Котев, со кој до вчера, додека им течел бизнисот, гордо, рамо до рамо се сликаа.Се плашат ли Филипче и Заев од целосно расчистување на случајот и дали се точни нашите информации дека двајцата имаат удел во бизнисот со марихуана, па толку голема им е паниката?Затоа ли патувањето на Филипче кон Грција и јавувањата на Заев кон поединци во царина, се случуваат во тој период и дали случајно и поранешен висок функционер е вмешан во овој нарко бизнис на Филипче и Заев?Наспроти негирањето и дефокусот од СДС, едно е сигурно, како поминува времето, сè се расчистува и индициите за криминалот со марихуаната водат до Филипче и Заев.Одговорност мора да има, затоа Јавното обвинителство целосно да го истражи и расветли случајот“, се вели во соопштението.

Македонија | пред 2 месеци

Нема нови поплави во Тетово и Кичево, нивото на реките и водотеците е во континуирано намалување

По обилните врнежи од дожд, состојбата со поплавите во земјата се стабилизира. Во Кичево продолжува испумпувањето на водата од подрумите, додека во Тетовскиот регион се воведени ограничувања за сообраќај поради лизгави патишта. Евакуираните лица се згрижени и има обезбедена храна, вода и хигиенски средства.„Тетовски регионВо Тетовскиот регион нема нови пријави за излевање на реката Вардар кај село Форино, ниту на останатите водотеци каде што во текот на вчерашниот ден беше евидентирано излевање и поплавување.Во 05:45 часот, поради врнежи од снег, воведени се следните ограничувања во сообраќајот:Забрана за движење на товарни моторни возила на патните правци Гостивар–Стража–Кичево и Гостивар–крак Маврово–Дебар.На патниот правец Тетово–Попова Шапка е воведена забрана за движење на автобуси, додека за останатите патнички моторни возила е задолжителна употреба на зимска опрема.Битолски регионВо Битолскиот регион, преку Единствениот број за итни повици 112 е примена пријава од жител на ул. „Буквски Мост“ за поплавена куќа. Случајот е пријавен во ТППЕ Битола за понатамошно постапување.Нивото на реката Црна Река во село Новаци изнесува 310 см.Во ЕЛС – Долнени утрово е остварен контакт и се очекува интервенција на патниот правец од село Сливје кон село Костинци, кој е во лоша состојба. Активностите ќе се реализираат со механизација од ЈП „Македонија пат“.Кичевски регионНа подрачјето на Кичево нема нови поплавувања на објекти. Состојбата останува непроменета, а нивото на реките и водотеците е во континуирано намалување.250 евакуирани лица се сместени во спортската сала „Христо Узунов“, каде им се обезбедени храна, вода и хигиенски производи.Екипи на ЈП „Комуналец“ и ТППЕ вршат испумпување на водата од подрумите на улиците Прилепска, Пиринска, Први Мај и 29 Ноември“, информират од ЦУК.

Македонија | пред 2 месеци

Таксистите во Атина протестираат против новиот закон за нулта емисија

Грчките таксисти во Атина започнаа тридневен штрајк, против предлог-законот кој предвидува од јануари 2026 новите такси возила во Атина и Солун да бидат возила со нулта емисија.Возачите се противат на „насилниот транзит“ кон електрични возила, повикувајќи се на недоволна инфраструктура за полнење. Во Атина постојат само 31 брзи полначи.„Вложивме во нови возни паркови и ги намаливме емисиите,“ изјави Парис Орфанос, секретар на синдикатот.Иако 270 сопственици на такси годинава треба веднаш да ги заменат возилата, законското решение предвидува привремени исклучоци.

Свет | пред 2 месеци

ВМРО-ДПМНЕ: Очекуваме ЈО темелно и целосно да го расветли случајот со модуларната болница во Тетово

Сведоштвата на поранешната обвинителка Лејла Кадриу отвораат сериозни прашања за причините и одговорноста за трагичниот настан во модуларната болница во Тетово, вели ВМРО-ДПМНЕ.„Филипче ја составил, потпишал и одобрил техничката спецификација, но доколку постапувал согласно закон и доколку не го интересирале провизии, трагедијата можела да биде спречена.Модуларната болница во Тетово била изградена без исполнување на минимум стандарди. Наместо овие објекти да служеле за безбедност на граѓаните, истите не биле во согласност со пропишаните стандарди за изградба на објекти од областа на здравството.Зошто законите не се почитувале и се импровизирало при нивното спроведување?Зошто не биле доследно применети Законот за градење и Законот за здравствена дејност?Зошто профитот бил ставен пред јавното добро?Филипче и СДС наместо безбедноста на граѓаните ги интересирале провизии, анекси и тендери.Во време на Филипче се вршеле набавки на вакцини од фирма која продава манго и ананас. Дополнително, се делеле физиолошки раствори наместо хемотерапија на Онкологија.Пожарот во модуларната болница во Тетово исто така се случил поради низа пропусти при изградбата на објектот.Очекуваме Јавното обвинителство темелно и целосно да го расветли случајот со модуларната болница во Тетово“, се вели во соопштението.

Македонија | пред 2 месеци

Аврамовски: Возачите на камиони мора да бидат сметани за професионалци, а не за туристички патници

„Додека нашите владини претставници уверуваа за брзо решение со транспортерите,  претставникот на здружението ‘Меѓународен транспорт’, кое ги води преговорите со ЕУ за надминување на блокадите, изјави дека Унијата не прифатила ништо од нивните барања и дека се повторно се можни нови блокади“, изјави портпаролот на Либерално-демократската партија (ЛДП), Љубен Аврамовски.ЛДП уште пред две недели алармираше дека додека нашите министри се враќаат од Брисел со „одлични вести“ за надминувањето на проблемот со транспортерите и ЕУ, босанскиот министер за транспорт Един Форто, изјави дека засега “нема решение за проблемот со транспортерите и ќе има дополнителна работна група“.„Повторното нагласуваме, одложувањето на проблемот до септември не значи никакво решение, ниту одлична вест. Секој изминат ден за превозниците значи изгубено време и губење на заработката. Упатуваме апел до нашите државни претставници за искрена посветеност и сериозен ангажман во врска со надминување на моменталната криза со транспортерите. Возачите на камиони мора да бидат сметани за професионалци, а не за туристички патници“, вели Аврамовски во својата изјава за медиумите.

Македонија | пред 2 месеци

По оштетувањето на нафтоводот „Дружба“: ЕК не гледа закана за снабдувањето со нафта

Откако хрватскиот министер за економија Анте Шушњар објави дека Хрватска е подготвена да им помогне на Унгарија и Словачка во снабдувањето со нафта, се огласи и Европската комисија.„Во моментов не гледаме закана за безбедноста на снабдувањето на земјите членки“, порача Европската комисија откако Будимпешта побара руската сурова нафта кон Унгарија и Словачка итно да се пренасочи преку хрватскиот систем, односно Јадранскиот нафтовод.Исто така, Брисел потсети дека Јадранскиот нафтовод е дел од регионалната стратегија за диверзификација во рамки на REPower планот и дека неговите капацитети неодамна биле тестирани, со што имплицитно ги отфрли претходните унгарски тврдења дека алтернативниот пат за снабдување со нафта не е технички доволен и дека Хрватска е „непостојан партнер“.Ана Кајза Итконен, портпаролка на Европската комисија за енергетика, изјави дека размената на пораки меѓу Будимпешта и Загреб уследила по делумното уништување на нафтоводот „Дружба“, кој руската сурова нафта преку Украина ја доставувал во Словачка и Унгарија.Според нејзините зборови, дел од нафтоводот бил погоден во напад со дрон, а испораките се запрени од 27 јануари.„Сето тоа го имаме многу јасно на радар бидејќи приоритет ни е безбедноста на снабдувањето на земјите членки, но во моментов не гледаме закана по снабдувањето, бидејќи земјите членки, според европското законодавство, мора да имаат задолжителни стратешки резерви доволни за најмалку 90 дена“, изјави Итконен.Потврди дека Комисијата е во постојан контакт не само со Унгарија и Словачка, туку и со хрватските власти.За политичките изјави разменети меѓу владите на Хрватска и Унгарија Комисијата засега нема коментар бидејќи „разговорите се во тек“.

Свет | пред 2 месеци

Најмногу дожд во Пожаране – 23 литри на метар квадратен за 24 часа

Во изминатите 24 часа најмногу дожд наврнал во Пожаране, каде се измерени 23 литри на квадратен метар, а значителни врнежи има и во западните делови од земјава. Според утринските мерења, најстудено било на Попова Шапка со измерени -3 степени, каде снежната покривка достигнала 104 сантиметри.Поголема количина врнежи се регистрирани и во Маврови Анови со 22 литри на метар квадратен и во Тетово со 14, додека во Охрид наврнале 12 литри дожд. Снежна покривка, покрај на Попова Шапка, има и во Маврови Анови со 6 сантиметри, во Лазарополе 5 и во Крушево 1 сантиметар.Минималните температури во повеќе градови се движеле од нула до шест степени, при што најтопло било во Гевгелија со 6 степени, а утрински температури од 3 до 4 степени се измерени во повеќе градови низ земјата.

Македонија | пред 2 месеци

Секој четврти работодавач во Германија не пријавил работници

Илјадници работодавачи во Германија одбиле да исплатат минимална плата во текот на 2025 година. Тоа го соопшти единицата за финансиска контрола на непријавена работа по инспекцијата на околу 25.000 работодавачи, кога било утврдено дека речиси секој четврти работодавач не пријавил работници.Со инспекцијата било утврдено дека прекршувањето на законот за минимална плата било особено често во угостителството, пренесе Шпигел.Единицата за финансиска контрола на непријавена работа извршила 25.765 пати инспекции кај работодавачи низ цела Германија во 2025 година и покренала постапки во 6.121 случај поради сомнеж за прекршување на законот за минимална плата.Се истакнува дека повеќе од 500 постапки биле покренати против шпедитерски компании, градежни фирми и фризерски и козметички салони.Постапки биле покренати и против работодавачи во областа на такси превозот, продавниците за пијалаци и службите за обезбедување.Месечната бруто минимална плата во Германија за полно работно време минатата година изнесувала 2.161 евро.

Свет | пред 2 месеци

Премиерот на море со авион а за работниците нема пари за 600 евра плата, вели СДСМ

Премиерот ужива во луксузот на грбот на народот. Дури и на Јадранско море, на капење оди со владиниот авион, вели СДСМ„Додека нема пари за работниците, нема пари за зголемување на минималната плата на 600 евра, додека се кратат 40 милиони евра за земјоделците.Исто како Никола Груевски, тој купуваше мерцедес од 600 илјади евра и носеше очила од 60 илјади евра а Мицкоски има часовници од 60 илјади евра и сака да купи нов авион, за нови туристички прошетки.Додека Мицкоски лета, работниците тонат.Граѓаните едвај врзвуваат крај со крај, се борат со скапотијата и ниските плати а премиерот Мицкоски се луксузира во свет на привилегии, ароганција и расипништво.Колку ги чинело граѓаните ова луксузирање на премиерот со владиниот авион“, се вели во соопштението.

Македонија | пред 2 месеци

Населението во Македонија старее: Средната возраст порасна за речиси пет години од 2015

Средната возраст на населението во земјава е 42,21 година, додека во ЕУ е 44,9 години, покажуваат податоците на Еуростат за 2025 година.Во споредба со 2015 година средната возраст на луѓето во Македонија е зголемена за речиси пет години (37,4 во 2015).Од земјите во регионот помладо население од нас има само Црна Гора 40,4 години, а постаро Албанија 44,3 и Србија 45,4 години. Средната возраст на Грците е 47,2, а на Бугарите 47,2 години. Во Хрватска и во Словенија средната возраст е 45,5 години.

Македонија | пред 2 месеци