Жичницата на Водно денеска не работи поради силен ветер и дожд

Жичницата на Водно денеска нема да продолжи со работа поради неповолни временски услови.„Јавното сообраќајно претпријатие - ЈСП Скопје ги известува своите корисници дека поради дожд и засилен ветер, кој ги надминува дозволените безбедносни граници, жичницата е ставена вон функција.Надлежните служби ја следат состојбата на терен и штом се создадат услови за безбедно функционирање, жичницата ќе продолжи со редовен превоз на патници.Апелираме до граѓаните за разбирање“, се вели во соопштението.

Скопје | пред 2 месеци

Измени во законите за градење и градежно земјиште со кои се става ред во подземната инфраструктура и се уредуваат базните станици на телекомите

На предлог на Министерството за транспорт, Владата ги усвои измените на Законот за градење и Законот за градежно земјиште, со кои измени се потикнува економскиот развој на државата и општините, се озоможува подобри и поквалитетни услуги за граѓаните и се овозможува рационално користење на јавните добра.„Имено, со измените на Законот за градежно земјиште  конечно се воспоставува ред во линиската подземна инфраструктура (оптички кабли, телекомуникациска мрежа, водоводни и канализациони системи, гасоводни мрежи, нафотводи, итн) и за прв пат ќе се овозможи нивно впишување во евиденцијата во Катастарот на инфраструктурни градби во Агенцијата на катастарот за недвижности, односно целта е да се има јасен увид во целокупната линиска инфраструктура во државата заради соодветно и рационално планирање на нови градби од овој тип.Со измените, се овозможува општините да можат да располагаат со градежното земјиште предвидено со урбанистички план за Технолошки индустриски зони, се со цел општините да имаат економски развој и можност за домашните компании полесно да ги реализраат своите инвестициски планови.  Дополнително со измените се врши усогласување на Законот за градежно земјиште со Законот за урбанистичко планирање.Во однос на Законот за градење, со измените се предвидува подобрување на условите за регулирање на имотно правниот статус на базните станици на телекомуникациските компании, а преку тоа и поквалитетни и поефикасни телекомуникациски услуги за граѓаните.Дополнително со измените во Законот за градење се подигнува нивото на квалитет на технички преглед на градбите од прва категорија, преку зголемување на критеруимите за формирање на Комисија за технички преглед и професионален пристап за спроведување на техничките прегледи на градбите од прва категорија“, се вели во соопштението.

Македонија | пред 2 месеци

Едногласна позитивна оценка за Ристовска и Савевски, еден против Раичевиќ: заврши оценувањето на кандидатите за републички обвинител

Девет членови на Совет на јавни обвинители сметаат дека Лидија Раичевиќ треба да биде избрана за републички јавен обвинител и ѝ дадоа позитивна оценка, додека против беше само членката Кети Петкова.Едногласна поддршка доби Ленче Ристовска, за која десетте членови гласаа „за“, односно дадоа позитивно мислење. Позитивна оценка од сите десет членови доби и судијата од Кривичен суд Скопје, Ненад Савевски.Претходно, Советот заклучи дека Владимир Панчевски не ги исполнува законските услови, бидејќи нема непрекинат работен стаж од најмалку 10 години, што е предуслов за да биде оценуван како кандидат за функцијата на местото на разрешениот Љупчо Коцевски. Панчевски доставил и програма од 50 страници.Позитивно мислење претходно доби и в.д. државна јавна обвинителка Анита Тополова-Исајловска. Расправата по кандидатурите е во тек.Постапката за избор на нов државен јавен обвинител започна со огласот што го распиша Собрание на Република Северна Македонија на 12 јануари годинава, со рок за пријавување од 15 дена од денот на објавувањето во „Службен весник“. Кандидатите мора да имаат најмалку 10 години непрекинат стаж како јавни обвинители или судии од областа на кривичното право.Согласно Законот за Јавното обвинителство, кандидатурите се доставуваат до Владата, која бара мислење од Советот на јавните обвинители. Советот има рок од 15 дена да достави образложени мислења. Доколку не даде позитивно мислење за ниеден кандидат, Владата не може да утврди предлог и му предлага на Собранието распишување нов оглас. За избор на нов државен јавен обвинител се потребни најмалку 61 глас од пратениците.

Македонија | пред 2 месеци

Фатени осум возачи без дозвола, со активна забрана и под дејство на алкохол

Во текот на вчерашниот ден, полициски службеници на целата територија на државата лишија од слобода осум возачи, од кои седум за возење без возачка дозвола и еден со забрана за управување возило од Б категорија и под дејство на алкохол.Двајца возачи во Скопје и по еден возач во Прилеп, Неготино, Тетово, Кочани и Делчево управувале возило без возачка дозвола. Додека еден возач во Виница управувал возило иако имале мерка забрана за управување моторно возило од Б категорија и под дејство на алкохол.Лицата се приведени во полициска станица, а по целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 2 месеци

Платата во образование доцни, реагира лидерот на СОНК

Лидерот на Синдикатот за образование, наука и култура, Јаким Неделков, објави дека платите на вработените во јавниот сектор образование сеуште не се исплатени иако е 17 феврурари и законскиот рок е пробиен.Тој вели дека изработката на списоците од Министерството за образование била навремена и дека од Министерството за финансии добил информација дека наскоро ќе има исплата.„Платата во образование доцни. Според извори блиски до СОНК, МОН благовремено ги доставил списоците до МФ, но од објективни причини во ова министерство се доцни. Но, како што не уверуваат од таму, денес ќе има плата?!“, објави Неделков на социјалните мрежи.

Македонија | пред 2 месеци

Софија Спасова-Медарска избрана за заменик-претседател на ДКСК

ДКСК денеска на 27-та седница го усвои посебниот извештај за утврдените состојби во финансирањето на изборна кампања за избор на градоначалници и советници во општините во Р. Македонија 2025 година, со препорака дека за идните изборни процеси е потребно унифицирање на стандардите за евиденција и јавните правила во однос на учесниците, како и врската за банкарски податоци, а се отвора и прашање за дигитализирање на процесите на креирање на финансиските извештаи, со цел да се овозможи одговорно, отчетно и транспарентно водење на процесот.Претседателот на ДКСК, Адем Чучуљ сумирајќи ги наодите во Извештајот посочи дека иако постојат основни механизми за финансиско известување и јавна отчетност нивната ефикасност не е доволна поради правилата, кои се дизајнирани, особено во однос на локалните избори, кои се одржуваат во два круга, со голем број на учесници. Тој посочи дека овие слабости во значаен дел се повторуваат и во претходните изборни циклкуси и посочи дека се потребни законски измени за усвојување на подобри решенија.Чучуљ истакна дека моделот на финансирање останува доминантно зависен од јавните средства, како и од внатрешно партиски извори на учесниците. Проверливоста на финансирањето е ограничена, како што рече Чучуљ, поради системски пропусти.ДКСК формирала 43 предмети по поднесени пријави, како и по сопствена иницијатива, кои се однесуваат на прекршување на Изборниот законик и на Законот за спречување на корупцијата и судирот на интереси, за 38 предмети е донесена одлука, а за пет случаи постапувањето е во тек.На денешната седница Софија Спасова-Медарска беше избрана за заменик-претседател на ДКСК, во следните шест месеци.

Македонија | пред 2 месеци

Владимир Панчевски не исполнува услови за државен обвинител, в.д. обвинителката Топалова-Исајловска доби позитивно мислење

Владимир Панчевски не ги исполнува законските услови за да биде оценуван како кандидат за државен јавен обвинител, откако членовите на Совет на јавни обвинители заклучија дека нема непрекинат работен стаж од најмалку 10 години. Со тоа, тој не може да конкурира за функцијата републички јавен обвинител на местото на разрешениот Љупчо Коцевски.Истовремено, в.д. државна јавна обвинителка Анита Тополова-Исајловска доби позитивно мислење од членовите на Советот.Меѓу останатите кандидати се обвинителката Ленче Ристовска, судијата од Кривичен суд Скопје Ненад Савевски и обвинителката од скопското Обвинителство Лидија Раичевиќ. Расправата по кандидатурите е во тек.Постапката за избор на нов државен јавен обвинител започна со огласот што го распиша Собрание на Република Северна Македонија на 12 јануари годинава, со рок за пријавување од 15 дена од денот на објавувањето во „Службен весник“. Кандидатите мора да имаат непрекинат работен стаж од најмалку 10 години како јавни обвинители или судии од областа на кривичното право.Согласно Законот за Јавното обвинителство, кандидатурите се доставуваат до Владата, која потоа бара мислење од Советот на јавните обвинители. Советот е должен во рок од 15 дена да достави образложени мислења. Доколку не даде позитивно мислење за ниеден кандидат, Владата не може да утврди предлог и треба да му предложи на Собранието распишување нов оглас. За избор на нов државен јавен обвинител се потребни најмалку 61 глас од пратениците.

Македонија | пред 2 месеци

(Видео) 24 министри живеат на грбот на 530 илјади работници, вели Трендафилов од протестот пред Владата барајќи минимална плата од 600 евра

Претседателот на Сојуз на синдикати на Македонија, Слободан Трендафилов, од протестот пред Владата порача дека работниците нема да отстапат од своите барања и дека синдикалната борба ќе продолжи сè додека не се обезбеди достоинствен животен стандард.Тој истакна дека присуството на голем број работници пред Владата е јасна порака дека незадоволството е реално и дека институциите повеќе не смеат да го игнорираат гласот на оние што ја создаваат вредноста во државата. Според него, барањата на синдикатот не се политички, туку егзистенцијални и произлегуваат од потребата за фер плати и подобри услови за работа.Трендафилов нагласи дека Владата мора да покаже подготвеност за конкретни решенија, а не само за декларативна поддршка. Тој порача дека синдикатите се отворени за дијалог, но дека нема да прифатат одолговлекување и празни ветувања.„Работниците бараат правда, сигурност и плата со која може да се живее достоинствено. Нема да се повлечеме додека тоа не стане реалност“, истакна Трендафилов, додавајќи дека протестите се легитимен демократски инструмент за притисок кога институциите не реагираат.Од ССМ најавуваат дека синдикалните активности ќе продолжат и во наредниот период доколку не се постигне конкретен договор со Владата.

Македонија | пред 2 месеци

Стојаноски: 2 години власт, конкретни резултати за јавниот сектор, продолжуваме со раст на платите и стабилна економија

Денеска сме должни да ја кажеме вистината. Синдикатот нè напаѓа дека кога бевме опозиција сме ги поддржувале на протестите, а сега наводно тоа не било случај. Точно е, кога тие протестираа од 2020 до 2024 година, ние излеговме пред Собранието, пред Министерството за финансии. Како што можете да видите на фотографиите, остварувавме бројни средби и кога бевме во опозиција, а особено тие средби се интензивираа откако ја преземавме власта. Ги поддржувавме и заедно спречивме многу штетни политики кои сакаше да ги имплементира тогашната власт. Го критикувавме тогашниот криминален систем на СДС и ДУИ, затоа што не ги почитуваше колективните договори и затоа што платите доцнеа со месеци, вели Бојан Стојаноски, пратеник на ВМРО-ДПМНЕ„Но, ајде да ја поставиме суштинската разлика. Тогашното барање на ССМ беше линеарно зголемување од 2.806 денари по вработен во јавниот сектор, што можете да го видите од амандманот којшто беше изготвен од нив, а поддржан од наша страна. Истовремено може да се види како на официјалната веб страна на ССМ тие дури и јавно ни се заблагодаруваат на нас, неколкумина, кои тогаш застанавме рамо до рамо со нив.Денес, две години откако ја водиме државата, фактите се следни:- Во општините раководени од градоначалниците на ВМРО-ДПМНЕ, платите се зголемени во просек за околу 5.000 денари по вработен.- Вработените во образованието добија колективен договор со кој тие во основното и средното образование ќе имаат од 46% до 60% повисоки примања во рок од четири години.- Вработените во високото обрасование добија покачување за минимум 14%- Здравствените работници ќе добијат 40 до 50% повисоки плати во еден мандат, со склучениот колективен договор од оваа Влада.- Полициските службеници добија 10% зголемување.- Социјалните работници добија 20% повисоки плати.- Вработените во Генералниот секретаријат и СОЗР добија 30% зголемување преку посебни колективни договори.- Околу 11.000 вработени во администрацијата, судовите и обвинителствата се опфатени со историски договор кој гарантира покачување на платите за 40%, за 2 години и 3 месеци, кој трае до 2028 година.- Испочитувани се во целост сите колективни договори кои претходната власт ги игнорираше, во одбраната, културата и други институции.- Платите денес се исплаќаат редовно, без доцнење со месеци како што беше во времето на СДС и ДУИ.Сите овие зголемувања на платите се многу поголеми од тоа зголемување што тогаш го бараше ССМ, а уште поважно до крајот на мандатот ќе го надмине целосно барањето кое што сега го има Трендафилов. Сега прашањето е многу едноставно: Ако тогаш барањето беше 2.806 денари, а денес зголемувањата се значително поголеми од тоа, каде е проблемот? Вистината е следна: Ние како опозиција поддржувавме борба за повисоки плати затоа што имаше неправда. Денес, како власт, ние не ветуваме на улица, ние реализираме преку договори, проценти и потпишани колективни спогодби.За овие две години, Владата склучи договори, зголеми плати и воспостави системска рамка до 2028 година. Воедно да потсетиме и на тоа дека инфлацијата значително ја намаливме од оние двоцифрени стапки кои беа во перидот од претходно. Во исто време, од страна на раководството на ССМ нема ниту еден нов договор со кој тие самостојно избориле зголемување. Нема ниту една конкретна победа издејствувана преку преговори. Работниците заслужуваат синдикален лидер кој ќе седи на маса и ќе договара проценти, рокови и гаранции.Во моментов, на чело на ССМ е човек кој се обидува да гради политичка кариера преку конфронтација во име на трудот на работниците. Да бидам јасен: Ние не бегаме од дијалог. Ние не бегаме од разговор за минимална плата. Но минималната плата мора да се договара институционално, во Економско-социјалниот совет, меѓу работодавачите и синдикатите, со Владата како посредник.Решението мора да биде одржливо за сите инволвирани, за работниците, за работодавачите, за буџетот, за економијата во целост. Популизам со говори е лесен. Потпишан договор што важи четири години значи сериозен пристап, предвидливост и одговорност кон сите чинители. Владата како работодавач ќе продолжи со системски зголемувања на платите, но и почитување на склучените колективни договори.Денешната блокада нема да ја спречи Владата да продолжи со заложбата за раст на платите. Напротив, ние ќе продолжиме да работиме на поголем економски раст од досегашниот кој ќе овозможи зголемување на сите плати во државата, а не само на минималната.Почитувани,Работниците не се и никогаш нема да дозволат да бидат средство за политички пресметки. Тоа се сериозни луѓе кои ги извршуваат своите работни обврски, а бараат сигурност, плата на време и договор што важи“, додава тој.

Македонија | пред 2 месеци

(Видео) „Со 33 обвинети предметот за Пулс мора да трае“ – Давидовиќ лоцира одговорност кај разрешениот Коцевски за напнатата атмосфера

Адвокатот Звонко Давидовиќ во емисијата „Претрес“ изнесе сериозни забелешки за текот на судскиот процес „Пулс“, оценувајќи дека начинот на кој бил поставен предметот од самиот почеток придонел за напната атмосфера во судницата.Според него, со оглед на бројот на обвинети – 33 или 34 лица – и обемот на доказниот материјал, било јасно дека постапката ќе трае подолг временски период. Давидовиќ посочи дека сменетиот јавен обвинител Љупчо Коцевски не покажал доблест отворено да им укаже на семејствата и на јавноста дека станува збор за комплексен предмет што не може да заврши брзо.„Кога обвинителите одговарале за она што го направиле, а завршило многу лошо? Со 33-34 обвинети и со една хрпа докази, предметот мора да трае“, изјави Давидовиќ, додавајќи дека на едно рочиште се сослушуваат најмногу двајца до четворица сведоци.Тој ја опиша атмосферата во судницата како „наелектризирана“,што, според него, не е коректно и не придонесува за фер постапка.Во разговорот, новинарот го праша дали смета дека коренот на ваквата состојба лежи кај обвинителот Коцевски, на што Давидовиќ одговори кратко и недвосмислено: „Апсолутно.“За целиот судски случај, но и за други ексклузивни теми:

Македонија | пред 2 месеци

Скопјанец нападнат во казино во Карпош, уапсени две лица

На 16.02.2026 во 23:05 часот, полициски службеници од СВР Скопје лишија од слобода двајца мажи од Скопје, Л.К.(19) и К.Н.(22), по претходна пријава за физички напад. Инцидентот се случил околу 22:30 часот во казино на подрачјето на Карпош, кога двајцата пријавени физички го нападнале 59-годишниот Р.М. од Скопје.По целосно документирање на случајот, против Л.К. и К.Н. ќе следуваат соодветни кривични пријави.

Скопје | пред 2 месеци

На државен имот си изградила пат и поставила армирана бетонска рампа: Кривична пријава за жена од Велгошти

СВР Охрид поднесе кривична пријава против 40-годишната Д.Р. од село Велгошти, охридско, поради постоење основи за сомнение дека сторила кривични дела „бесправно градење“ и „узурпација на недвижности“.Според пријавата, Д.Р. без одобрение изградиле пристапен пат и поставила армирана бетонска рампа на катастарска парцела во државна сопственост во атарот на селото. Врз основа на констатираната состојба, овластен градежен инспектор изготвил решение за нивно отстранување.Случајот е предаден на надлежното обвинителство, а по целосно документирање настанот ќе следуваат соодветни правни мерки.

Македонија | пред 2 месеци

18-годишен пешак тешко повреден во Пробиштип по удар од автомобил

На 16.02.2026 во 06:10 часот, во Пробиштип, на улицата „Миро Барага“, патничко возило „тојота“ со штипски регистарски ознаки, управувано од Д.Т. (50) од Пробиштип, удрило во 18-годишниот пешак Ф.А. од Пробиштип.Пешакот се здобил со тешки телесни повреди и му е укажана медицинска помош во Јавната здравствена установа Пробиштип. На местото на настанот извршен е увид од увидна екипа на ОВР Пробиштип, по наредба на јавен обвинител, а се преземаат мерки за целосно расчистување на случајот.

Македонија | пред 2 месеци

Влада: Владиниот авион е користен согласно прописите, опозицијата шири сензационализам и хипокризија

Јавно и недвосмислено укажуваме дека владиниот авион е користен исклучиво во согласност со прописите и актите за негово користење, согласно Правилникот за условите и начинот на користење на истиот. Секое користење е евидентирано, документирано и предмет на институционална контрола. Ниту една активност не е надвор од утврдените процедури, ниту постои каква било форма на злоупотреба, велат од Владата на Република Македонија.„Особено е симптоматично што опозицијата свесно ја игнорира хуманитарната и државничка димензија на користењето на авионот во ситуации од итен карактер. Јавноста добро знае дека истиот воздухоплов беше ставен во функција на спасување човечки животи, меѓу другото и при транспорт и координација на активности поврзани со повредените од трагичниот пожар во Кочани. Загрижува фактот што истата политичка структура која денес обвинува, во минатото го користеше владиниот авион за патувања кои останаа длабоко контроверзни во јавноста, вклучително и летови до Ниш, во тоа време од патувањата со владиниот авион гледавме фотографии и изјави со кои се манипулираше јавноста. Денешните обиди за морализирање од страна на истите актери претставуваат класичен пример на политичка хипокризија. Кога беа на власт, ги уриваа стандардите на отчетност, ги злоупотребуваа службените ресурси до максимум, а никогаш не иницираа суштински реформи напротив, токму во нивниот период на владеење, јавноста беше сведок на безброј злоупотреби. Владата останува цврсто посветена на принципите на законитост, отчетност и транспарентност. Секој надлежен орган има право и обврска да изврши увид и контрола, и ние немаме што да криеме. За разлика од политиката на сензационализам и конструирани афери, наш приоритет остануваат конкретните резултати, заштитата на јавниот интерес и унапредувањето на меѓународната позиција на државата“, се вели во соопштението.

Македонија | пред 2 месеци

Позајмил автомобил од братучед, па го продал за 4.500 евра

Надворешната канцеларија за криминалистички работи Гостивар поднесе кривична пријава против Б.С. (40) од Гостивар, поради постоење основи на сомнение за сторено кривично дело „затајување“.Според пријавата, на 26.09.2025 година, пријавениот позајмил патничко возило „фолксваген голф“ од негов братучед, а подоцна го продал за 4.500 евра на друго лице од Скопје. Се преземаат мерки за целосно расчистување на случајот.

Македонија | пред 2 месеци

Тетовчанец ја тепал бившата сопруга, па и се заканил со нож

СВР Тетово поднесе кривична пријава против Б.П. (48) од тетовско, поради постоење основи на сомнение за сторени кривични дела „телесна повреда“ и „загрозување на сигурноста“.Според пријавата, на 31.12.2025 година, пријавениот физички ја нападнал неговата поранешна сопруга, при што ѝ се заканил со остар предмет. Се преземаат мерки за целосно расчистување на случајот.

Македонија | пред 2 месеци

Четиригодишно дете тешко повредено во сообраќајка во Скопје

На 16.02.2026 околу 17:00 часот, на улицата „Живко Фирфов“ во Скопје, патничко возило „фолксваген туран“ со скопски регистарски ознаки, управувано од А.Д. (41) од Скопје, удрило во четиригодишно дете од Скопје.Детето се здобило со тешки телесни повреди и е пренесено во Градската општа болница „Св. Наум Охридски“, каде што му е укажана медицинска помош. На местото на настанот извршен е увид од увидна екипа на СВР Скопје, а се преземаат мерки за целосно расчистување на случајот.

Скопје | пред 2 месеци

Лавина на Попова Шапка, повреден 24-годишен скијач од Данска

24-годишен скијач од Данска е повреден од снежна лавина на Попова Шапка, кај местото викано „Церипашина“.-Екипа од друштво за спортски и други услуги со специјално возило во 16:10 часот го пронашла лицето Ф.М.Л. (24) од Данска, кој, според пријавеното, бил повреден од снежна лавина додека скијал. По укажаната помош, лицето со амбулантно возило е пренесено во приватна болница во Скопје, информира портпаролот на СВР Тетово, Фатмир Реџепи.Инаку, вчера од Националниот парк Шар Планина предупредија на внимателност бидејќи забележано било значително зголемување на лавинската опасност.

Македонија | пред 2 месеци

„Градиме Иднина“ алармира: 25.000 деца на улица во Македонија, секој случај на питачење во кругот на клиниките мора да биде пријавен

Здружението „Градиме Иднина“ денеска одржа прес-конференција пред Министерството за здравство, алармирајќи за институционалната пасивност и порастот на организирана експлоатација на деца преку питачење.„Клучни алармантни податоци Во Македонија има околу 25.000 деца на улица, од кои 2.000 секојдневносе во критична здравствена состојба. Овие деца немаат здравствено осигурување, легитимација, ниту се евидентирани во системот.Дневниот „промет“ по дете изнесува од 3.000 до 7.000 денари, пари кои завршуваат кај организаторите („шефовите“), додека децата живеат во мизерија и насилство.Најкритични градови се: Скопје (до 350 деца), Охрид (до 120 во сезона), Куманово, Тетово и Битола.Барања до Министерството за здравство и надлежните институции Здружението „Градиме Иднина“ најостро бара:Почитување на Меѓусекторскиот протокол: Итна имплементација на протоколот за постапување со деца на улица од 2022 година.Бесплатно лекување: Ослободување од сите партиципации и трошоци за хируршки интервенции за децата од улица.Формирање комисија за ревизија: Истрага за злоупотреба на медицински потврди и факсимили. Постојат сомнежи дека се издаваат лажни извештаи кои „мафијата на лажни просјаци“ ги користи за манипулација на граѓаните пред клиниките.Заштита на децата по болничко лекување: Децата кои се излекувани да не се враќаат кај биолошките родители кои ги експлоатираат, туку да се сместуваат во групни домови или згрижувачки семејства.Одговорност за медицинскиот персонал: Одземање на лиценци и кривична одговорност за секој лекар кој издава лажни потврди за питачење.Нашите истражувања покажуваат дека во државните клиники дејствува организирана мрежа. Се користат деца за собирање донации кои наместо за лекови, се трошат на луксузен живот, коцкање и недвижнини на нивните „шефови“.„Нема да дозволиме никого да не замолчи. Овој проект ќе го тераме до крај, сè додека и последното дете не биде спасено од канџите на мафијата,“ изјавија од Здружението.До граѓаните: Ве замолуваме да не им давате пари на питачите. Со секој даден денар, вие директно ја финансирате нивната експлоатација и мафијата која стои зад нив.До МВР и Агенциите за обезбедување: Бараме поголема присутност и професионалност. Секој случај на питачење во кругот на клиниките мора веднаш да биде пријавен на 192.Здружението „Градиме Иднина“ останува на ставот дека здравјето и иднината на децата се над секоја политика. Бараме итен работен состанок со Министерот за здравство за решавање на овој повеќегодишен проблем“, велат од здружението.

Македонија | пред 2 месеци

Реките со енормен пораст по обилните дождови - Треска четири, а Вардар два и пол пати над просекот

Обилните врнежи од дожд што ја зафатија државата изминатите денови предизвикаа значителен пораст на водата во реките.Според најновите податоци на Управа за хидрометеоролошки работи (УХМР), нивото на речиси сите поголеми водотеци е далеку над просекот за февруари, а на одредени мерни места се бележи зголемување и за повеќе од четири пати во однос на вообичаените вредности.Најдраматична е состојбата со реката Треска кај Македонски Брод, каде што денеска се измерени 196 сантиметри во споредба со февруарскиот просек од 49 сантиметри.Зголемени вредности бележи и најголемата македонска река Вардар. Кај Јегуновце утрово се измерени 220 сантиметри, што е за два и пол пати повеќе од вообичаеното ниво за овој период од годината. Покачено ниво на водата на Вардар е регистриран и кај Скопје, Велес и Демир Капија.Според УХМР, зголемување на нивото на водата се бележи и на Црна Река кај Новаци, на Брегалница кај Берово, на Пчиња кај Катлановска Бања, на Сатеска кај Ботун, како и на Црн Дрим кај Ложани.Нивоата на Охридското, Преспанското и на Дојранското Езеро се во рамките на февуарскиот просек.

Македонија | пред 2 месеци

Николоски најави нов авион Airbus A321 Neo на Скопскиот аеродром

Заменик претседателот на Владата и министер за транспорт Александар Николоски на својот фејсбук профил најави нов авион на Скопскиот аеродром од најновата класа на Airbus A321 Neo.„Најавено е зголемување на бројот на летови и патници на постојаните линии, како и нов авион на Скопскиот аеродром од најновата класа на Airbus A321 Neo.Имајќи предвид дека ова се линии кои ќе оперираат во летната сезона за нив не се предвидени субвенции, што е квалитет плус и показател дека комерцијално се повеќе ќе има интерес за Скопскиот аеродром“, вели Николоски.Николоски исто така најави дека од месец јули од аеродромот од Скопје се воведуваат уште две нови авиолинии кон Алгеро Сардинија и кон Палермо.

Македонија | пред 2 месеци

Од судница до Брисел: Политичките ривали на иста маса во НАТО

Пратеничката од СДСМ, Славјанка Петровска, и пратеникот од ВМРО-ДПМНЕ, Драган Ковачки, заедно учествуваат на состаноците на Парламентарно собрание на НАТО што се одржуваат во Брисел, по низата јавни препукувања и меѓусебни политички обвинувања во изминатиот период.Двајцата пратеници, покрај соочувањата во Собранието, претходно се најдоа и во судница, откако Петровска поднесе тужба за клевета против Ковачки, поврзана со негови тврдења дека таа поседува хациенда во Бутел.Во објава на социјалните мрежи, Петровска информираше дека учествува на редовните состаноци на Парламентарното собрание на НАТО, оценувајќи дека тоа претставува можност за размена на ставови и за презентација на позициите на претставниците на Алијансата и на Европската унија во контекст на актуелните геополитички движења.„НАТО останува обединето и цврсто посветено на заштитата на безбедноста на граѓаните на својата територија. Сојузниците се свесни за промената на облиците на заканите и континуирано ги прилагодуваат своите безбедносни и одбранбени системи на новите предизвици“, напиша Петровска.Настанот во Брисел се одвива во време на засилени безбедносни тензии на европскиот континент, при што се очекува фокусот да биде ставен на колективната одбрана и одговорот на новите глобални предизвици.

Македонија | пред 2 месеци

Левица: Дали експлоатација на минерали од приватна фирма ги загадува струшките извори?

Жителите на Струга 10 дена се оставени без чиста вода за пиење поради сериозната еколошка хаварија со изворот на вода за снабдување. Иако институциите соопштија дека се преземаат мерки за лоцирање на причините, сеуште нема никакви официјални информации како загаденоста на водата во Струга достигна 30 пати над дозволеното, велат од Левица.„До Левица пристигнаа информации дека над самиот извор се врши експлоатација на минерали од приватна компанија "Ми транс". Дали активностите преземени при експлоатацијата довеле до екстремно загадување е прашање на коешто што побрзо треба да одговорат надлежните институции.Левица го повикува Државниот инспекторат за животна средина и надлежниот инспекторат во рамки на Министерството за енергетика итно да излезат на терен и да извршат вонреден инспекциски надзор. Надлежните институции мора да дадат одговор дали несоодветна експлоатација на минерали во самите извори ја предизвикало оваа хаварија и дали е несоодветно издадена дозвола за експлоатација.Институциите и градоначалникот не смеат да го заташкаат случајот и мора точно да ја утврдат одговорноста поради која 50.000 граѓани се оставени без чиста вода за пиење“, се вели во соопштението.

Македонија | пред 2 месеци

(Видео) Поплавите во Далмација изнесоа човечки рипки на површината – дел од нив однесени во Зоолошката во Загреб

По врнежите во Хрватска, силните подземни води на површината изнеле поголем број човечки риби на подрачјето на Сплитско-далматинската жупанија, извести Јавната установа „Море и крш“.Човековата риба (Proteus anguinus) е динарски ендем и најголемиот жител на карстовите подземни води, каде што живее исклучиво во целосна темнина и во стабилни микроклиматски услови.Кога тие се изнесени од подземјето на површината, се соочуваат со бројни ризици, а најголема закана претставуваат бактериските инфекции. Нивниот организам не е прилагоден на површинските води и микроорганизми, па контактот со нив може да биде фатален.Поради наведените опасности, вработените на Јавната установа „Море и крш“ излегоа на терен и во соработка со експерти од Зоолошката градина на Град Загреб згрижиле повеќе десетици примероци.Сите собрани животни ќе останат под трајна грижа во Зоолошката градина на Град Загреб. Таму ќе им бидат обезбедени контролирани услови кои го имитираат нивното природно подземно живеалиште за да се обезбеди нивниот опстанок.

Свет | пред 2 месеци

Пронајдена марихуана и куршуми кај 28-годишник

На 16.02.2026 во 10:30 часот во струшкото село Подгорци, полициски службеници од криминалистичката полиција при ОВР Струга го лишија од слобода Д.Р. (28) од истото село.При претрес на неговиот дом, извршен со судска наредба, биле пронајдени и одземени марихуана и куршуми различен калибар.По целосно документирање на настанот, против пријавениот ќе бидат поднесени соодветни кривични пријави.

Македонија | пред 2 месеци