(Видео) Пилотот што спаси 167 луѓе се соочува со тужба од 1,5 милиони долари

Рускиот пилот Сергеј Белов по сè изгледа ќе мора да плати 1,5 милиони долари поради оштетување на својот Airbus А320 откако авионот принудно слетал на поле во Новосибирската област во септември 2023 година, во инцидент во кој никој од 161 патник и шест членови на екипажот не бил повреден.Судските документи кои станаа јавни на 22 јануари откриваат дека од капетанот Белов лично се бара надомест на штета во врска со вонредното слетување, кое во тоа време привлече големо внимание на светските медиуми како драматичен, но успешно завршен настан без човечки жртви.За време на летот, „Ербас А320“ изгубил притисок во зелениот хидрауличен систем, што довело до низа оперативни одлуки на екипажот. Поради забележаниот технички проблем, одлучиле да го пренасочат летот кон Новосибирск, чија писта нуди поголеми безбедносни маргини.Меѓутоа, во текот на продолжението на летот не било забележано дека стајниот трап не може да се вовлече, што го зголемило аеродинамичкиот отпор и ја забрзало потрошувачката на гориво. Како што резервите на гориво се приближувале до критично ниво, екипажот прогласил вонредна состојба и донел одлука за итно слетување надвор од аеродром.Авионот на крајот слетал на поле околу 185 километри западно од Новосибирск. Во авионот имало 161 патник, плус шест членови на екипажот и сите преживеале без сериозни повреди. Снимките од евакуацијата меѓу пченкарните полиња станаа симбол на смиреноста и професионализмот на кабинскиот и летачкиот екипаж.Понатамошната истрага, која во меѓувреме делумно била повлечена и ревидирана, укажала на неколку фактори кои влијаеле на текот на настаните. Меѓу нив се наведени грешки во проценката и распределбата на оптоварувањето во пилотската кабина, неточности во планирањето и следењето на потрошувачката на гориво и недоволно управување со ресурсите на екипажот. Истовремено, причината за почетниот технички дефект била препишана на абење на флексибилното црево во хидрауличниот систем.Во деновите по инцидентот, раководството на „Урал ерлајнс“ најавило можност авионот, по детална проверка, повторно да полета со сопствен погон и да полета од писта. Подоцнежните медиумски извештаи сугерирале поинаков исход: авионот ќе биде демонтиран и искористен за резервни делови, што на крајот и се случило.Тужбата поднесена против пилотот покренува пошироко прашање за личната финансиска одговорност на членовите на екипажот за одлуки донесени во вонредни околности. Во комерцијалното воздухопловство вообичаено е операторот да ја сноси примарната одговорност, додека поединечните грешки се анализираат низ регулаторни и дисциплински постапки, а не преку приватни тужби.

Магазин | пред 2 месеци

„Две овци нацртани да му дајш да чуват, едната одма ќе му избегат“, остра критика за Советот на обвинители кој за сите даде позитивно мислење

Адвокатот Војо Димоски со остра реакција ги коментираше оценките на Совет на јавни обвинители за кандидатите за државен јавен обвинител, оценувајќи дека институцијата ја издигнала „праксата на немање став“ на ниво на уметност.Според Димоски, фактот што Советот оценил дека четворица кандидати имаат ист капацитет, исти досегашни резултати и исто знаење за функцијата, е спротивен на здравиот разум и на логиката на веројатност. Тој смета дека ваквата одлука е очекувана, имајќи предвид, како што наведува, начинот на кој се врши изборот на правосудни функционери.„Ако некому не му е јасно каков е штофот од кој се направени мнозинството правосудни функционери нека го погледне Советот на јавни обвинители.Тие праксата на немање став за работите денеска ја издигнаа на ниво на уметност. По нивната проценка четворица кандидати имаат ист капацитет, исти досега покажани резултати и исто знаење за функцијата Државен обвинител. Тоа се коси со теоријата на веројатност и со здравиот разум, ама од друга страна е сосема очекувано како избор на луѓе кои и самите се резултат на негативна селекција.Трагедијата е дотолку поголема што овојпат, можеби првпат досега, имаа избор кој се движи во распонот од слепи послушници до кандидати со потврден интегритет и стручност.Сега останува Владата да направи чисто политички избор помеѓу кандидатите кои Советот неправедно ги изедначи.Просто кажано:за една работа земаат плата во Советот и кога ќе дојде време да ја сработаат ја префрлаат на друг.Еден мој драг професор, Бог да го прости за негов колега велеше: Две овци нацртани да му дајш да чуват, едната одма ќе му избегат!“, напиша Димоски.

Коментари | пред 2 месеци

Средба на Сиљановска-Давкова со Никол Варнс, вршителка на должноста амбасадорка во Амбасадата на САД

Претседателката Гордана Сиљановска-Давкова ја прими Никол Варнс, вршителка на должноста шеф на мисијата во Амбасадата на САД.Таа изрази подготвеност за понатамошна соработката со истата динамика и посветеност како со претходната амбасадорка.Разговорот започна со осврт на меѓународните односи, состојбите во НАТО, ЕУ и регионот.Потоа соговорничките се фокусираа на македонските работи: реформските процеси во судството, дигитализацијата, борбата против корупцијата и организираниот криминал и реализацијата на инфраструктурните проекти.За нив, инклузивниот модел на одлучување и меритократијата во сите сфери на општествениот живот, а особено во образовниот систем и во регрутирањето на државната и јавна администрација на највисоко ниво се клучни не само за нашата евроинтеграција, туку и за просперитетот на државата.Во време на безбедносни предизвици и ризици, за обете, американско-македонското стратешко партнерство, како и  сојузништвото во НАТО се важни за стабилноста.Амбасадорката ја потврди американската подготвеност за унапредување на пријателските односи, поздравувајќи ја неодамна усогласената заедничка изјава за рамката за идниот Договор за реципрочна, фер и балансирана трговија, како значаен чекор во зајакнувањето на економската соработка.Сиљановска-Давкова и Варнс очекуваат со Акцискиот план да се конкретизираат низа проекти во интерес на граѓаните.

Македонија | пред 2 месеци

Петрушевски: ССМ бара исполнување на барања кои не биле испорачани 7 години од страна на СДС

На телевизија Канал 5 во емисијата „Само Вистина“ вечерва гостуваше пратеникот од редовите на ВМРО-ДПМНЕ, Бране Петрушевски кој на самиот почеток истакна дека ССМ за една година од Владата бара исполнување на барањата кои во изминатите седум години, за време на владеењето на СДС не биле испорачани.„За една година се бара нешто коешто не било испорачано изминатите 7 години, имале доволно време СДС да ги зголемуваат платите, да ја зголемуваат минималната плата, за да сега синдикатите бидат помалку незадоволни. Кога СДС беше на власт и кога ја зголеми минималната платата на 18.000, со законска измена во договор помеѓу работниците и работодавачите, ја зголеми само минималната плата но не и другите плати, тогаш ССМ на нивно барање иницираше амандман којшто ние го поднесовме за зголемување на сите плати, тогаш ние од ССМ добивме пофални зборови“, рече Петрушевски.Петрушевски објасни дека со доаѓањето на власт, Владата ги исполнила барањата на ССМ, со зголемувањето на платите во јавниот сектор, на здравствените работници, полициските службеници, социјалните работници, како и зголемувањето на платите за 11.000 вработени во администрацијата.„Таа обврска којашто сме ја презеле ние како тогашна опозиција за разлика од другите опозициски партии, ние штом дојдовме на власт ги испорачавме тие барања на ССМ. Линеарното зголемување на вработените во јавниот сектор го направивме секаде, ги зголемивме платите во образованието со колективен договор каде што зголемувањето ќе биде од 40 до 60% во рок од 4 години, ги зголемивме платите во високото образование за 14%, здравствените работници исто така ќе добијат од 40 до 50% повисоки плати, полициските службеници добија 10% зголемување, социјалните работници добија 20% поголеми плати, вработените во СОЗР 30%, последниот договор со УПОЗ и САДУ околу 11 илјади вработени во администрација добиваат 40% поголеми плати“, објасни Петрушевски и додаде:„Испочитувани се сите колективни договори коишто претходната власт ги потпиша на заминување и не ги почитуваше, во одбраната, во културата и сите други институции. Ние ги зголемуваме платите многу повеќе од она коешто тогаш беше барање на Трендафилов кога беше СДС на власт, сега одеднаш бара 12 илјади и прави протести и блокади каде што претходно не ги правеше. Дијалог се води на институционално ниво, затоа постои социо-економскиот совет каде што треба да седнат работниците и работодавачите, да се усогласат, да ги истакнат аргументите синдикатите кои се нивните барања“.

Македонија | пред 2 месеци

Крадците имаат нова мета на автомобилите: Кражбата на овој дел може скапо да ве чини

Кражбите на автомобилски делови веќе со години не се реткост, но во последните месеци се појави нов тренд – сè почесто исчезнуваат ознаките на производителите од возилата.Она што некогаш беше само естетски детал денес крие скапа технологија, поради што стана атрактивна мета на организираните групи.Во бројни американски градови, особено во New York, забележан е пораст на кражби на амблеми од понови возила од марките Mazda, Honda и Hyundai.Проблемот не е во самата ознака, туку во радарските сензори кои често се наоѓаат токму зад неа и претставуваат клучен дел од напредните системи за помош на возачот (ADAS). Тие системи овозможуваат автоматско сопирање во итни случаи, адаптивен темпомат и одржување безбедно растојание.Бидејќи ваквите системи од 2024 година се задолжителни во сите нови возила регистрирани во Европската унија, постои стравување дека трендот на кражби би можел да се прошири и на европскиот пазар, пишува Jutarnji.Замената на украдениот или оштетен сензор не е евтина: цената на делот обично изнесува од 500 до 1.500 евра, додека дополнителната калибрација на системот по вградувањето чини уште од 200 до 500 евра.Вкупниот трошок за сопствениците на возилата така може да се приближи до износ од околу 2.000 евра.

Медиасет | пред 2 месеци

Се деблокира експропријацијата, 850 метри „голгота“ заминуваат во минатото - до крајот на годината четири ленти и нова патека на „Борис Трајковски“

Градоначалникот на Град Скопје, Орце Ѓорѓиевски, соопшти дека е постигнат договор за довршување на булеварот „Борис Трајковски“, еден од најфреквентните сообраќајни правци во градот, кој секојдневно го користат повеќе од 100.000 жители.Ѓорѓиевски информира дека одржал средба со стопанствениците долж трасата, при што бил постигнат договор за забрзано спроведување на експропријацијата – процес што, како што наведе, во минатото останал недовршен. Со тоа, според него, се отвора патот за реализација на проектот кој со години бил најавуван, но не и реализиран.Булеварот „Борис Трајковски“ е еден од приоритетите во рамки на капиталните инфраструктурни зафати, а градоначалникот оцени дека неговата недовршеност претставувала сериозен проблем за жителите на овој дел од градот.Во најскоро време се очекува објавување на јавната набавка, а проекциите, според најавата, се дека изградбата ќе биде завршена до крајот на оваа календарска година.Станува збор за делницата од околу 850 метри, од трафостаницата во Пинтија до кружниот тек во Драчево, која треба да добие современо решение со четири коловозни ленти и безбедна пешачко-велосипедска патека.Градоначалникот апелираше за трпение од граѓаните за време на градежните активности, оценувајќи дека привремената непријатност ќе резултира со трајно и безбедно сообраќајно решение.

Скопје | пред 2 месеци

Казна за туѓо моторче: скопјанец раскажува за „Безбеден град“ и шест дена по шалтери

Скопјанецот Игор Јуруков јавно го сподели своето искуство со системот „Безбеден град“, откако, како што тврди, добил казна за пречекорување на брзина што, според него, не ја сторил. Наместо возилото што навистина се движело со поголема брзина, казната завршила на негово име, поради, како што објаснува, начинот на кој функционира системот за автоматско препознавање на регистарски таблички.Според неговото сведочење, инцидентот се случил додека се движел во група возила по булеварот „Илинденска“, кога сите забавиле поради црвено светло. Во тој момент, меѓу возилата поминало моторче, по што на неговиот телефон пристигнала СМС-порака за пречекорување на брзина и казна од 15 евра. Јуруков тврди дека радарот ја регистрирал брзината на моторот, а софтверот од камерата ја поврзал со неговата регистрација, бидејќи моторите немаат предна регистарска табличка.Следувала низа административни чекори. На шалтер за „сејф-сити“ во МВР бил упатен да се обрати во полициска станица, од каде што, пак, бил насочен кон судот за прекршоци. Таму му било објаснето дека треба да поднесе жалба во два примероци, но бидејќи возилото било службено, од него било побарано дополнително да даде изјава во полиција дека токму тој управувал со автомобилот.По повторни одења во полициска станица и доставување на патен налог и полномошно, Јуруков вели дека службено лице го советувало да ја плати казната со 50 отсто попуст, бидејќи „нема шанси системот да згреши“. Тој одбил и инсистирал на поднесување изјава, по што требало да добие нов записник на свое име.И покрај најавите дека новата документација ќе пристигне веднаш или најдоцна следниот ден, тоа не се случило, па Јуруков повторно се вратил во полициската станица. По неколкудневна упорност, конечно добил нов записник со нов датум.Потоа следувала нова посета на судот, каде наместо две, од него биле побарани три копии од документацијата. По дополнително враќање со потребниот број примероци, жалбата била примена, но без јасен одговор дали рокот од осум дена за плаќање на казната ќе биде стопиран.Јуруков оценува дека случајот за стручно лице од областа на сообраќајот би бил едноставен, но укажува дека постапката за поднесување жалби е бавна и административно оптоварена. Според него, потребно е системско решение што ќе овозможи поедноставна и поефикасна постапка, наместо, како што вели, „шетање по шалтери и копии на хартија“.Тој изрази надеж дека судската постапка ќе донесе разрешница и дека ваквите случаи ќе придонесат кон подобрување на системот.

Македонија | пред 2 месеци

Предупредување за силни налети на ветер во текот на ноќта и утре

Управа за хидрометеоролошки работи попладнево издаде итно предупредување за претстојната ноќ и утрешниот ден, 18 февруари, поради најавата за силен северозападен ветер кој ќе зафати делови од државата.Според прогнозата, се очекува умерен до засилен ветер, при што на одредени места брзината ќе надминува 60 километри на час. Најсилни удари се најавуваат во источните делови на земјата, како и во Пелагонискиот регион.Метеоролозите апелираат до граѓаните да бидат внимателни при движење на отворен простор, особено во подрачја изложени на силни налети. Се препорачува обезбедување на предмети на тераси и во дворови кои би можеле да бидат однесени од ветерот или да предизвикаат материјална штета.

Македонија | пред 2 месеци

Пропадна обидот со 350.000 евра да добијат слобода, онкологот Васев и директорот остануваат во притвор

Екс-директорите на Клиниката за радиотерапија и онкологија, Нино Васев и Нехат Нухи, остануваат во притвор, откако Кривичниот совет го одби предлогот на одбраната за нивно ослободување. И покрај тоа што адвокатите понудија имотна гаранција во вредност од над 350.000 евра, судијката Славица Наумова-Јосифовска оцени дека околностите не се променети и дека и натаму постојат причините поради кои претходно беше определена мерката притвор.Судот дополнително појасни дека во оваа фаза од постапката нема надлежност да одлучува за понудената гаранција, упатувајќи ги странките на Советот кој го потврдил обвинението. Со ова, двајцата обвинети во предметот „Онкологија 2“ остануваат во истражниот затвор до понатамошна одлука.На денешното рочиште сведочеше претставник од Државен завод за ревизија, кој изнесе наоди од ревизијата на Клиниката за 2021 година. Според ревизорскиот извештај, биле констатирани слабости и неусогласености во финансиското работење и во примената на законските прописи.Ревизијата утврдила дека планот за набавка на биолошка терапија не бил резултат на стручен колегиум, туку се темелел на историски податоци за потрошени количини лекови, што, според сведочењето, создава ризик од селективно определување на терапијата без соодветна стручна анализа. Констатирани биле и разлики во сметководствената евиденција, односно несогласување меѓу месечните податоци за издадени лекови од аптеката и примените лекови во организациските единици на Клиниката.Според сведокот, дел од биолошката терапија била набавувана на реверс, при што во моментот на прием и издавање не била внесена цена во материјалната евиденција. Тој посочи дека во 2021 година одлуките за тоа кои пациенти ќе примаат биолошка терапија ги носеле докторите, со одобрение од медицинскиот директор, без претходна проценка дали има доволни количини за сите пациенти на кои им е препишана терапијата. Дополнително, на Клиниката не биле донесени медицински протоколи и критериуми за примена на биолошка терапија, што, според ревизијата, создава ризик од нееднаква достапност на лековите.Во извештајот се наведува и дека во 2021 година била набавувана биолошка терапија во период кога постапката за јавна набавка не била спроведувана од Министерство за здравство. Дел од лековите, според ревизијата, ги продавал единствен економски оператор со ексклузивно право, а начинот на набавка, како што беше посочено, влијаел врз почитувањето на начелото на конкуренција.Судењето продолжува со вкрстени прашања од одбраната.Во предметот „Онкологија 2“, Васев и Нухи се обвинети дека во периодот од 2018 до 2022 година незаконски набавувале лекови, ги прикривале преку фиктивни тендери и присвојувале дел од терапијата, со што, според обвинението, го оштетиле државниот буџет за речиси 36 милиони евра. Двајцата ја негираат вината и тврдат дека процесот има политичка заднина.

Македонија | пред 2 месеци

Паднато дрвo оштети три возила во општина Кисела Вода

Од Центарот за управување со кризи (ЦУК) информираат дека денеска околу 15:30 часот преку единствениот број за итни повици 112 пристигнала пријава за паднато дрво на улицата Вера Јоциќ во општина Кисела Вода, во непосредна близина на средното економско училиште Васил Антевски – Дрен.Според првичните информации, дрвото предизвикало материјална штета на три возила и го попречува сообраќајот на наведената локација. Во соопштението на ЦУК се наведува дека се чувствува мирис на изгорен кабел, но нема активен чад.За настанот известени се СВР Скопје и ЈП Паркови и зеленило. Екипи од МВР треба да извршат увид на местото на настанот, а од ЈП Паркови и зеленило ќе го отстранат дрвото од коловозот.

Скопје | пред 2 месеци

Државјанин на Франција осуден за тајно фотографирање жени

Бивш советник во францускиот Сенат во вторник доби условна казна од една година поради тајно фотографирање жени под здолништа, меѓу кои и пратенички во горниот дом на парламентот. Петдесетгодишниот Себастијан Г. се судеше откако во 2023 година двајца негови колеги во заедничкиот простор на десничарската партија Лез Републикен открија тврд диск со повеќе од 1800 фотографии, претежно сексуална содржина, како што наведуваше судијата за време на судењето минатиот месец, јавува Ле Монд.На дискот имало фотографии на задници и деколтеа на облечени жени, снимени на јавни места како улица или Сенат, како и фотографии на поранешната девојка на Г. која ја снимал гола во својот дом. Следната година случајот бил пријавен кај администрацијата на Сенатот, по што добил отказ по повеќе од две децении служба. „Никогаш не сакав никого да повредам“, изјавил на судот во јануари, тврдејќи дека фотографиите никогаш не ги споделил и дека чувствувал „потреба да ја собира убавината на жените“.Судот му го забрани пристапот до Сенатот и му наложи психолошко и психијатриско лекување. Минатиот месец, судот исто така го прогласи за виновен и поранешниот сенатор кој пратеничка ја дрогирал со екстази со намера за сексуален напад, осудувајќи го на 18 месеци затвор.

Свет | пред 2 месеци

(Видео) Американската војска изврши 3 напади на Тихиот Океан и Карибите, загинаа 11 лица

Американското јужно командување (САУТКОМ) изврши три напади врз пловила во источниот дел на Тихиот Океан и на Карибите, при што загинаа 11 мажи, соопшти американската војска во вторник. Нападите се случиле на локации познати како рути за трговија со дрога.Во првиот напад загинале четворица мажи, во вториот исто така четворица, а во третиот тројца, наведува американската војска во соопштението.„Разузнавачките податоци потврдија дека пловилата се движеле по познати рути за трговија со дрога и учествувале во операции на криумчарење“, соопшти САУТКОМ на социјалната мрежа Икс.

Свет | пред 2 месеци

Русија повеќе троши на отштети за загинати војници отколку на плати на живи војници

Анализите покажуваат дека Русија одвојува поголем дел од буџетот за отштети на семејствата на загинати војници отколку за плати на живи војници или за нови регрути. Според независните руски аналитички групи Тим за разузнавање и следење на конфликтите и Медиазона, повеќе од една третина од трошоците за воено персонал во Украина оди на надоместоци за семејствата на стотици илјади загинати, додека платите на активните војници чинат околу 33%, а бонусите за новаци околу 20%.Промената на руската тактика од брзи оклопни напади кон бавни пешадиски јуриши доведе до поголеми загуби, особено во сиромашните региони како Бурјатија и Чукотка. Украинските одбранбени тактики постојано нанесуваат големи загуби, а руските сили губат војници побрзо отколку што можат да регрутираат нови.Притисокот и понекогаш насилството од регрутационите канцеларии, како и игнорирањето на ранети и загинати војници, се широко документирани, а семејствата на исчезнати и загинати често се соочуваат со тешкотии да добијат информации или надомест.Овој тренд ја покажува големината на човечките и финансиските трошоци на војната за Русија и предизвиците со кои се соочува во одржувањето на својата војска во Украина.

Свет | пред 2 месеци

Американски авиони слетаа во Обединетото Кралство пред можен напад врз Иран

Два клучни американски авиони за рано предупредување и командување, што се користат за управување со бојното поле, слетаа во Обединетото Кралство во услови на засилено распоредување на американски воени сили кои би можеле да бидат искористени за евентуални напади врз Иран, објави Би-би-си.Станува збор за авиони од типот Боеинг Е-3 Сентри, познати како АВАКС, кои утринава слетале во воздухопловната база РАФ Милденхол во Сафолк. Нивното пристигнување било забележано и фотографирано од воздухопловен ентузијаст, а според податоците од следење на летови, леталата полетале од Енкориџ на Алјаска.Натамошното движење на овие стратешки значајни авиони внимателно ќе се следи, бидејќи дел од аналитичарите нивното пристигнување го сметаат за еден од последните „делови од мозаикот“ потребни за можен американски удар врз Иран.Истражувачот Стефан Воткинс, кој со користење јавно достапни информации ги следи движењата на бродови и авиони, претходно за Би-би-си Verify изјави дека доколку настаните се одвиваат по истиот образец како операцијата „Миднајт Хамер“, кодното име за американските напади врз ирански нуклеарни постројки во јуни 2025 година, тоа би значело дека ударот е неизбежен.

Свет | пред 2 месеци

(Видео) Нови протести во Иран, демонстрантите извикуваа „Смрт за Хамнеи“

Во западниот дел на Иран синоќа се одржа протест со кој учесниците одбележаа 40 дена од почетокот на смртоносната пресметка на иранските власти со антивладините демонстрации што ја зафатија земјата претходно оваа година. Според тврдењата на активисти, во задушувањето на протестите биле убиени најмалку 6.000 лица.BBC Verify ја потврди автентичноста на две видеоснимки од протестот во градот Абданан, во покраината Илам, недалеку од границата со Ирак. На снимките се гледаат околу стотина демонстранти собрани на кружен тек, кои ги креваат тупаниците во воздух и извикуваат „Смрт за Хамнеи“, алудирајќи на иранскиот врховен водач Али Хамнеи. Дел од возачите ги поздравиле со свирење од автомобилските сирени.Локацијата била утврдена преку споредба на деталите од снимките, како излозите на продавниците и распоредот на зградите, со јавно достапни фотографии. Анализата покажала дека станува збор за раскрсницата меѓу улиците „Ист Вали Аср“ и „Шахид Мотахари“, а според достапните информации протестот бил снимен синоќа.На една од видеоснимките се забележува воден жиг со вчерашниот датум според иранскиот соларен хиџретски календар. При пребарувањето не биле пронајдени траги дека материјалите претходно биле објавени на интернет, а сувите временски услови на снимките се совпаѓаат со локалните метеоролошки извештаи.BBC во изминатите недели анализирал голем број видеа поврзани со бранот антивладини протести што избувнаа и покрај привременото исклучување на интернетот и траеја повеќе од две недели. Меѓу нив има и снимки на кои се гледаат натрупани тела во болница, како и снајперисти распоредени на покривите на згради.

Свет | пред 2 месеци

Уапсен обезбедувач кој како руски агент ги наведувал нападите врз Славјанск

Служба за безбедност на Украина соопшти дека во Донецката област е уапсен 51-годишен маж осомничен дека како агент на Федерална служба за безбедност на Русија ги наведувал руските воздушни напади врз Славјанск. Според информациите, уапсениот работел како обезбедувач во локална котларница.Истрагата покажала дека осомничениот го привлекол вниманието на руските служби со објавување прокремљовски коментари на Телеграм, во кои изразувал надеж за целосна окупација на регионот. По регрутирањето, по завршувањето на смените, се движел низ градот за да ги лоцира местата со најголема концентрација на припадници и техника на украинските одбранбени сили. Забележаните позиции ги означувал на електронски мапи, при што доставувал и проценки за бројноста на војниците, видот на вооружувањето и намената на околните објекти.Една од задачите му била и следење на последиците од неодамнешните руски напади врз Славјанск со наведувани воздушни бомби и беспилотни летала. Собраните податоци ги испраќал до својот претпоставен во ФСБ во форма на извештаи составени на мобилен телефон. Контраразузнавачите на СБУ го утврдиле идентитетот на рускиот координатор и, откако ги обезбедиле локациите што биле предмет на шпионажа, го уапсиле осомничениот во неговиот дом.При претресот било откриено и подземно засолниште кое тајно го изградил за да се сокрие и да го дочека доаѓањето на руските сили во случај на улични борби. Запленети му се два мобилни телефона што ги користел за комуникација со ФСБ преку апликации за размена на пораки.Против него е поднесено обвинение за велепредавство извршено во услови на воена состојба. Тој се наоѓа во притвор и му се заканува доживотен затвор со конфискација на имотот. Акцијата ја спровеле припадници на СБУ од Донецката и Луганската област под раководство на регионалното обвинителство во Донецк.

Свет | пред 2 месеци

„Анима Мунди“ бара напуштањето миленик да стане кривично дело: Пет од шест заловени кучиња имаат сопственик

„При едно неодамнешно заловување, во текот на само еден ден, по женка во циклус, од шест заловени кучиња од страна на ЈП Лајка, дури пет биле со сопственик. Сопствениците дошле да ги подигнат од стационарот. Овој податок е алармантен и укажува на клучен аспект од каде извира проблемот, истакнуваат од Здружението за заштита на животни „Анима Мунди“.Овој пример, како што велат, не значи дека тоа е единствениот извор на проблемот, туку претставува јасен доказ „во мало“, видлив во пракса.Според нив, неодговорното сопствеништво, заедно со појави како дислокација на кучиња и континуиран прилив на животни од различни страни, суштински ја нарушуваат програмата и создаваат состојба во која станува речиси невозможно ефикасно да се контролира и сузбие.„Наместо постепено намалување на бројот на бездомни кучиња, овие фактори постојано го обновуваат и продлабочуваат проблемот, поништувајќи ги напорите на институциите и службите на терен.Додека ЈП Лајка троши ресурси за заловување, стерилизација и згрижување, паралелно се создава нова генерација кучиња што повторно ќе завршат на улица – слободно пуштени, репродуктивно способни и оставени без надзор. Без санкции, без контрола и без лична одговорност, системот ги третира само последиците, но не и причините за проблемот.Истовремено, во последните 4,5 месеци сe почесто сведочиме на дислокација на кучиња- префрлање од една општина во друга, организирано префрлање на топката наместо вистинско решавање. Таквите дејствија, кои ги сметаме за координирани, дополнително ја продлабочуваат кризата и покажуваат дека, покрај неодговорното сопствеништво, постои и сериозен проблем со организирано исфрлање животни на туѓа територија, со фокус на град Скопје“.Фактот,мкако што додаваат, дека пет од шест заловени кучиња имаат сопственик е директен доказ дека проблемот не може да се реши без строга законска регулација.Од „Анима Мунди“ посочуваат дека се потребни сериозни, неизбежни и доследно применувани казни за неконтролиран расплод, за пуштање кучиња без надзор и за напуштање животни.Предлагаат и бараат, напуштањето миленик да стане кривично дело.„Во повеќе европски држави напуштањето животно се третира како кривично дело со можност за високи парични казни и затворска санкција (Хрватска, Франција, Португалија). Со тоа државата јасно порачува дека оставањето миленик на улица не е „лична одлука“, туку општествено штетно и казниво дејствие. Напуштеното животно е неодговорност што има директни последици врз јавната безбедност, буџетите на општините и благосостојбата на животните.Иницијативата за криминализација на исфрлањето миленик на улица, вклучително и оставање мали кучиња, електронски ја имаме доставено до Министерство за правда Министерство за внатрешни работи, Владата на РМ и Агенција за храна и ветеринарство“.Очекуваат институционален одговор и конкретни законски измени, како и што поскора измена на Законот за заштита и благосостојба на животните кој е во процедура.Животните, посочуваат од здружението, не се виновни што се на улица.„Не е решение да се убиваат животните. Решението е да се спречи создавањето нови напуштени животни – а тоа може да се постигне само ако одговорноста стане реална, лична и најстрого санкционирана.Ако сакаме системско решение, системот мора да се промени. Законот мора да го спречи проблемот пред да се појави и оневозможи неодговорност без последици. Затоа што систем што толерира напуштање создава страдање. А само систем што казнува неодговорност, може да создаде ред“.

Македонија | пред 2 месеци

Поради врнежите од дожд свлечиште на патот кон Бањиче

Општина Тетово ги известува граѓаните да бидат дополнително внимателни при движење кон Бањиче, откако поради обилните врнежи од дожд се појавило свлечиште на патниот правец.Од Општина Тетово информираат дека свлечиштето е резултат на нестабилното време и навлажнетиот терен, што довело до одронување на земја и камења на коловозот.Надлежните служби и екипи веќе се на терен и активно работат на расчистување на патот.

Македонија | пред 2 месеци

Автомобил излета во река кај Бијело Поље, спасени четири жени

Во попладневните часови на патниот правец кон Томашево, на територијата на Бијело Поље, се случи потешка сообраќајна незгода во која учествувало едно возило што се движело од правецот Томашево кон Слијепач Мост.„Во возилото се наоѓаа четири женски лица кои со помош на случајни минувачи и пожарникари-спасувачи беа извлечени од возилото и со возило на Службата за заштита и спасување пренесени до Итната помош“, изјави за RINA Един Колиќ, командир на Службата за заштита и спасување Бијело Поље.Сите четири лица, за среќа, поминале со полесни телесни повреди, а полицијата е на местото на настанот и ги утврдува причините за незгодата.

Свет | пред 2 месеци

Шведска нуди „сопствен остров“ на користење, но не и на милијардери

Visit Sweden започна необична туристичка кампања со која нуди можност за користење на еден од пет приватни острови во Шведска, со цел да ја претстави „шведската перспектива за слободата и одговорноста во природата“. Организаторите изрично наведуваат дека милијардери не можат да се пријават, бидејќи концептот на луксуз во оваа иницијатива се дефинира преку мирот и едноставноста, а не преку материјалното богатство.Извршната директорка на организацијата, Сузане Андерсон, изјави дека Шведска има повеќе острови од која било друга земја во светот и дека целта е да се понуди искуство на „најискрената форма на луксуз“ – тишина и спокој во природна средина.Иако кампањата го носи називот „Ваш шведски остров“, добитниците нема да станат сопственици на островот, ниту ќе имаат право да го преименуваат. Наместо тоа, ќе ја добијат титулата официјален чувар на островот во период од една година, со диплома што го потврдува статусот. Во тој период ќе можат да го користат островот за кампување, пливање и дружење, со обврска да го почитуваат природното опкружување и дивиот свет.Во Шведска, правото на јавен пристап до природата е законски загарантирано, што значи дека и други лица ќе можат да го посетат или поминат низ островот.Во рамки на натпреварот се доделуваат пет острови: Медбодан, Флисан, Сторбергет, Тјувхолмен и Марстен. Наградата вклучува повратен авионски билет за две лица до Шведска, но не и превоз до самиот остров, кој учесниците ќе треба сами да го организираат со кајак, даска за веслање или чамец.За учество е потребно да се сними видео во траење до една минута во кое кандидатот објаснува зошто токму тој заслужува да стане чувар на островот. Пријавите се отворени до 17 април 2026 година, а победниците ќе ги избере стручно жири врз основа на креативноста на пријавите. Кампањата е отворена за сите меѓународни патници постари од 18 години, со единствен исклучок – милијардерите.

Свет | пред 2 месеци

ЕУ отвора официјална истрага против Шеин поради сомнежи за нелегални производи

Европска комисија покрена официјална истрага против кинеската интернет-платформа за трговија Shein поради сомнежи за кршење на европското законодавство, вклучително и продажба на нелегални производи и недоволна заштита на корисниците. Одлуката следува откако минатата година од компанијата беа побарани дополнителни информации за начинот на работење.Истрагата ќе се фокусира на три спорни сегменти од услугите на платформата. Покрај наводната продажба на нелегални производи, Брисел ќе го испитува и таканаречениот „зависнички дизајн“, кој вклучува бонус-програми, елементи на игри и награди што, според европски претставници, може да претставуваат ризик за менталното здравје на корисниците. Дополнително, посочени се извештаи за облека, козметика и електронски производи кои не се во согласност со прописите на Унијата.Третото подрачје на интерес се системите за препораки на производи, за кои постои сомнеж дека не се доволно транспарентни и дека можат да ги преплават корисниците со персонализирани понуди. Според правилата од Акт за дигитални услуги, платформите мора да понудат лесно достапна алтернатива на системите засновани на профилирање. Европската унија оценила дека Шеин досега само општо објаснил како функционира неговиот систем за препораки.Од компанијата соопштија дека сериозно ги сфаќаат обврските од европското законодавство и дека целосно соработуваат со Европската комисија и ирскиот регулатор Coimisiún na Meán, кој ќе ја води истрагата. Посочуваат дека презеле мерки за зајакнување на усогласеноста со правилата, вклучително и проценка на системските ризици и подобрена заштита на малолетните корисници.Европската истрага е одвоена од постапките што претходно ги водеше Франција, каде што се испитуваше законитоста на поединечни производи. Според европските претставници, сегашната истрага се однесува на целокупниот систем на функционирање на платформата.ЕУ првпат побара информации од Шеин во април 2024 година, при што компанијата оценила дека нејзините услуги се со „низок ризик“, додека европските институции сметаат дека постои висок ризик од продажба на производи што ги прекршуваат правилата на Унијата. Како можна крајна мерка, доколку не се постигне усогласување со прописите, останува и опцијата за ограничување или блокирање на продажбата во Европа.

Свет | пред 2 месеци

СДСМ бара одговор: Колку чинело летот на Мицкоски до Јадран и кој патувал со него?

СДСМ јавно го повика премиерот Христијан Мицкоски да одговори колку средства од буџетот чинело неговото патување со владин авион до Јадранското Море и со кого бил на тоа патување.Од партијата тврдат дека користењето на владин авион за, како што наведуваат, приватно луксузирање претставува „вистинското лице на власта“, оценувајќи дека додека граѓаните се соочуваат со економски притисоци, извршната власт демонстрира непримерен однос кон јавните пари.СДСМ наведува дека во исто време Владата одбива зголемување на минималната плата на 600 евра, кратела средства за земјоделците во висина од 40 милиони евра, како и пет милиони евра во спортот, додека, според нив, се користат буџетски средства за луксузни патувања.Во соопштението се прави паралела и со поранешниот премиер Никола Груевски, со тврдења за претходни набавки на луксузни предмети, како и со наводи дека дел од членовите на Владата патувале со владин авион во Будимпешта.Партијата дополнително реагира и на информациите за можноста за набавка на нов владин авион, оценувајќи дека станува збор за непотребен трошок во услови на буџетски дефицит. Според СДСМ, ваквите приоритети се спротивни на реалните потреби на граѓаните, кои се соочуваат со зголемени трошоци за живот.„Нека не се крие Мицкоски, да излезе пред граѓаните и да каже колку чинело неговото возење со авион до море и кој бил со него“, порачаа од СДСМ, барајќи транспарентност и отчетност за трошењето на јавните средства.

Македонија | пред 2 месеци

Барал брза заработка, добил упатства за експлозив: Украинските служби уапсија маж кој разнел автомобил по налог на руски служби

Служба за безбедност на Украина и Националната полиција уапсија 33-годишен невработен маж, осомничен дека на 16 февруари во Одеса извршил бомбашки напад врз теренско возило по налог на руски тајни служби. Во експлозијата, која се случила во киевска градска четврт, бил повреден сопственикот на возилото. Станува збор за втор ваков инцидент во ова подрачје во последните десет дена.Според истрагата, осомничениот бил регрутиран преку канали на апликацијата Телеграм, каде што барал начини за брза заработка. Откако стапил во контакт со лица поврзани со руските служби, добил детални упатства за изработка на импровизирана експлозивна направа од лесно достапни материјали. Потребните делови ги набавил во продавници за техничка опрема, по што ја составил направата и ја поврзал со мобилен телефон за далечинско активирање.По извидување на локацијата, осомничениот ја поставил експлозивната направа под автомобилот. Во близина сокрил паметен телефон преку кој, според тврдењата на истражителите, руските оперативци го надгледувале подрачјето и ја активирале експлозијата од далечина.При претрес на неговиот дом биле запленети компоненти за изработка на експлозивни направи и мобилни телефони преку кои комуницирал со нарачателот. Истражителите на СБУ поднеле пријава против него за кривично дело терористички чин. Одреден му е притвор, а му се заканува казна до 12 години затвор, како и одземање на имот.

Свет | пред 2 месеци

Герасимовски: Центар ангажира лични асистенти за учениците со посебни образовни потреби

Општина Центар објави јавен повик за ангажирање лични асистенти за ученици со посебни образовни потреби во рамки на проектот „Образование за сите“, за учебната 2025/2026 година.Право на пријавување имаат лица со најмалку завршено средно образование. Предност имаат кандидати со соодветно високо образование, претходно искуство во работа со деца со попреченост или лиценца за личен асистент, како и долгорочно невработени лица, млади до 29 години, лица над 50 години, самохрани родители и родители на деца со попреченост.„Ангажманот на личниот асистент подразбира директна поддршка на ученикот во текот на наставниот ден. Поддршката вклучува помош при следење на наставата, движење низ училиштето, комуникација со соучениците и наставниците и други активности во согласност со индивидуалните потреби на ученикот“, вели градоначалникот Горан Герасимовски.Избраните кандидати ќе бидат ангажирани како лични асистенти во основните училишта на територија на општината, со скратено работно време од 20 часа неделно, во период од четири месеци, почнувајќи од март 2026 година до крајот на актуелната учебна година.За ангажманот е предвиден паричен надоместок во висина од 15.000 денари (нето) месечно.Пријавувањето се врши во Архивата, барака 6, секој работен ден од 9 до 15 часот.Јавниот повик трае пет работни дена од денот на неговото објавување и е достапен на општинската веб-страницата и на огласните табли во основните училишта на територија на општината.

Скопје | пред 2 месеци

Жичницата на Водно денеска не работи поради силен ветер и дожд

Жичницата на Водно денеска нема да продолжи со работа поради неповолни временски услови.„Јавното сообраќајно претпријатие - ЈСП Скопје ги известува своите корисници дека поради дожд и засилен ветер, кој ги надминува дозволените безбедносни граници, жичницата е ставена вон функција.Надлежните служби ја следат состојбата на терен и штом се создадат услови за безбедно функционирање, жичницата ќе продолжи со редовен превоз на патници.Апелираме до граѓаните за разбирање“, се вели во соопштението.

Скопје | пред 2 месеци