Партнерот ѝ го одзел телефонот, ја нападнал со остар предмет и ѝ го демолирал возилото

На 3 февруари 2026 година околу 20:50 часот, во СВР Скопје била пријавена сериозна семејна расправија со елементи на насилство, која се случила во дом на подрачјето на Кисела Вода.Според пријавата поднесена од 31-годишна жена, нејзиниот партнер Љ.З. ѝ го одзел мобилниот телефон, по што физички ја нападнал и ѝ се заканувал со употреба на остар предмет. Како што е наведено во пријавата, инцидентот продолжил и надвор од домот, каде што во дворот со тврд предмет било оштетено и нејзиното возило.Од Министерството за внатрешни работи информираат дека се преземаат соодветни мерки и активности за целосно расчистување и документирање на случајот.

Скопје | пред 2 месеци

Ромските протести продолжуваат: Блокиран Плетвар, протест и пред полициската станица во Битола

Протестите на припадниците на ромската заедница продолжија и денеска, при што беше предизвикан застој во сообраќајот на планинскиот превој Плетвар, откако демонстрантите го блокираа патот.Покрај блокадата кај Плетвар, протестен собир се одржа и пред полициската станица во Битола, каде учесниците јавно ги изнесоа своите барања и незадоволство.Засега нема информации за интервенција од полицијата, а сообраќајот на Плетвар беше отежнат во периодот на блокадата.Претходно премиерот Христијан Мицкоски изјави дека побарал решителна и силна реакција од полицијата за сите кои го прекршиле законот, упатувале јавни закани и го загрозиле мирот и безбедноста на граѓаните за време на вчерашните протести поврзани со одземањето на возилата на лица кои управувале без возачка дозвола.„Разговарав утрово со министерот за внатрешни работи. Тоа што го побарав од него е оној кој го прекршил законот, јавно упатил закани, го загрозил мирот и безбедноста на граѓаните – жестоко да се одговори. И ќе се одговори за да не се повтори тоа дивеење вчера што се случи“, рече Мицкоски.Од АМСМ информираат дека од 11:30ч. започнат е најавен јавен собир на околу 150 лица од ромска националност поради измените на ЗБСП на крстосница за с. Ореовец на планински превој Плетвар на магистралниот пат А1 Прилеп – Градско, патниот сообраќај е во прекин во двата правци. На блокадата има поставено возила, гуми и други предмети.

Македонија | пред 2 месеци

ЈП „Охридски комуналец“ апелира за селекција на метален отпад поради заштита на животната средина

Металниот отпад не го губи својот квалитет и може да се рециклира бескрајно, поради што неговото правилно селектирање има значајна улога во намалувањето на загадувањето и заштитата на животната средина, информираат од ЈП „Охридски комуналец“.Од претпријатието посочуваат дека користењето рециклирано железо придонесува за намалување на аерозагадувањето за дури 86 проценти, загадувањето на водата за 76 проценти, како и за намалување на употребата на вода за 40 проценти на глобално ниво. Селекцијата на металниот отпад, како што нагласуваат, значително го намалува и испуштањето на штетни материи во природата.Воедно, од „Охридски комуналец“ предупредуваат дека неселектираните лименки, конзерви и други метални елементи кои завршуваат на депонијата Буково често претставуваат зголемен ризик од пожари, најчесто предизвикани од човечки фактор при нелегално собирање метален отпад.Граѓаните на Охрид металниот отпад можат да го одложуваат во жолтите канти каде што е започната селекцијата, како и во жолтите контејнери поставени од „Пакомак“. Како и кај другите рециклирачки материјали, особено е важно металните конзерви и лименки да бидат чисти пред одложување.Од јавното претпријатие порачуваат дека отпадот е прашање кое ги засега сите и упатуваат апел за одговорно однесување и правилна селекција, со цел почист и побезбеден Охрид.

ОО | пред 2 месеци

„Центар е казино-општина“: „Шанса за Центар“ ја мапираше секоја кладилица и казино во општината

Граѓанската иницијатива „Шанса за Центар“ алармира дека во општина Центар бројот на казина, автомат-клубови и кладилници го надминува бројот на детски и спортски игралишта. Тие објавија и мапа од центарот на градот на која се обележани сите казина и кладиници, како начин да се истакне несразмерната застапеност на објекти за коцкање во однос на јавните простори за спорт и рекреација.„Oгледалце огледалце, колку јавни спортски терени останаа во Центар на кои децата не треба да плаќаат за да играат?Огледалце: Уште неколку.Огледалце, огледалце, па каде да играат и спортуваат децата и луѓето?Огледалце: Имаат скоро 60 казина и кладилници. Така ќе ги научат и овошјата...Центар е казино-општина.Лани ги мапиравме казината, автомат-клубовите и кладилниците покрај кои поминувавме.Ги има повеќе отколку сите детски и спортски игралишта заедно.Како што имаме извори на загадување на воздухот, имаме и извори на загадување на духот“, стои во објавата.

Скопје | пред 2 месеци

Мицкоски ги повика да излезат „од партиската прегратка неколкумина од раководството на ССМ“

Претседателот на Владата на Република Македонија, Христијан Мицкоски денеска одговарајќи на новинарско прашање во однос на утрешната средба со УПОЗ и очекувањата од истата, изјави:„Па очекувам да излезат од партиската прегратка тие неколкумина во раководството на Сојузот на синдикати и да се договорат со Владата во интерес на работниците, односно во интерес на административните службеници, бидејќи уште тие, како што многу пати кажав во минатото, уште тие 7.700-7.800 наши колеги немаат со Владата договорен Колективен договор, сите останати имаат. Така што со ова, Владата како работодавач ги заокружува односите до истекот на мандатот на оваа Влада, до 2028 година, со сите оние на чии што работодавач директен или индиректен е Владата.“

Македонија | пред 2 месеци

Песков: Арктикот е наш

Русија е арктичка држава и е отворена за соработка на Арктикот, изјави портпаролот на претседателот на Руската Федерација, Дмитриј Песков.„Тоа е нашиот регион. Ние сме арктичка држава, за разлика од огромното мнозинство земји на Европската унија. Отворени сме за соработка и за заедничко делување“, рече Песков пред новинарите.Тој додаде дека ако политиката на Европската унија биде насочена кон соработка на Арктикот, Русија тоа ќе го поздрави.„Ако претставниците на Европската унија имаат предвид нова политика насочена кон меѓународна соработка, тоа може да се поздрави. Ако пак се мисли на конфронтација, што моментално е многу модерно во Брисел, тогаш тоа, се разбира, тешко може да се поздрави и тешко дека ќе има каков било позитивен ефект“, истакна Песков.Според неговите зборови, Русија има големи интереси на Арктикот и ќе ги брани, користејќи го целиот арсенал на меѓународното право.Претходно, Каја Калас, шефица на европската дипломатија, на конференција во Норвешка изјави дека Европската унија има потреба од нова безбедносна политика на Арктикот.

Свет | пред 2 месеци

Доволно е власта да се откаже од криминални тендери и ете пари за минимална плата од 600 евра, вели Цветаноски

Имајќи ја предвид тешката економска положба на работниците, намалениот животен стандард и барањата на синдикатите, СДСМ поднесе закон за зголемување на минималната плата на 600 евра. И наместо да ги покачи платите на работниците и да обезбеди пари, ВМРО тргна во медиумски напади врз СДСМ, а потоа и врз синдикатите, вели Симона Цветаноски, членка на Извршниот одбор на СДСМ.„Владата вели за работниците „нема пари“. Но има пари за криминални тендери, има пари да се планира купување нов владин авион и туристички патувања, како оние во Давос, со државни пари.Затоа веднаш се стави во погон партиската говорница на ВМРО и медиумските кујни под контрола на Орбан.Секојдневно се напаѓа СДСМ.Вистината е тешка за власта. СДСМ беше конструктивна, СДСМ поднесе закон неколкупати за покачување на платите, за стандардот на граѓаните, за минималната плата. Власта одби.ВМРО и Мицкоски си поигруваат со достоинството на работниците. ВМРО тера црна кампања, Мицкоски јавно се шегува, им поставува услови, им дели задачи, им порачува кого „ќе чекал во четврток“.Ова е ароганција кон оние што едвај врзуваат крај со крај.Наместо да ги напаѓа работниците и СДСМ, Владата треба да обезбеди пари за поголеми плати.Доволно е да се откаже од криминалните тендери и ете ги парите.600 евра минимална плата не е луксуз – тоа е минимум за достоинствен живот“, додава таа.

Македонија | пред 2 месеци

Уапсен скопјанец, во домот му нашле марихуана, дигитална вага, пиштол, рамка со куршуми и пари

На 03.02.2026 во 22:50 часот, полициски службеници од СВР Скопје го лишија од слобода Ѓ.С. (23) од Скопје.При претрес со судска наредба извршен во неговиот дом на подрачјето на Центар, пронајдени и одземени се марихуана, дигитална вага, пиштол, рамка со куршуми, пари и други предмети.По целосно документирање на настанот, против лицето ќе биде поднесен соодветен поднесок.

Скопје | пред 2 месеци

Охридски комуналец ќе подига селектиран отпад од повеќе охридски улици

Јавното претпријатие „Охридски комуналец“ ги информира корисниците на услугите дека во петок, на 6 февруари 2026 година, согласно Календарот за подигнување селектиран отпад за 2026 година, ќе се врши подигнување на отпад од пластика и хартија од кантите за селекција.Акцијата ќе биде реализирана на улиците „Железничка“, „Прилепска“, „Винковачка“, „Будва“, „Крали Марко“ и „8-ми Март“, при што ќе се собира пластика од жолтите садови, како и хартија и картон од сините садови.Од ЈП „Охридски комуналец“ апелираат до граѓаните од наведените улици да го почитуваат утврдениот календар за селекција и подигнување отпад, нагласувајќи дека правилното одвојување на отпадот е клучно за заштита на животната средина и за одржлива иднина.Селектирањето на отпадот, како што потенцираат од претпријатието, е одговорност на секој поединец и значаен чекор кон почист и поздрав Охрид.

ОО | пред 2 месеци

Москва: Русија продолжува со војната

Портпаролот на Кремљ, Дмитриј Песков, изјави дека Украина сѐ уште не се согласува на повлекување на трупите од Донбас и дека затоа Русија ја продолжува својата специјална воена операција.„На Украина ѝ се отворени вратите за мирно решение на конфликтот, но додека официјален Киев не донесе соодветни одлуки, Русија ја продолжува својата специјална воена операција“, изјави Песков.Тој додаде дека ставот на Русија е кристално јасен и дека тоа добро го разбираат и киевскиот режим и американските посредници, на кои Русија им е „благодарна за вложените напори“.„Русија останува отворена. Нашиот став е кристално јасен. Добро го разбираат и киевскиот режим и американските преговарачи. Додека режимот во Киев не донесе соодветни одлуки, специјалната воена операција продолжува, а нашите единици напаѓаат цели за кои се верува дека се поврзани со украинскиот воен комплекс“, истакна Песков.Песков додаде дека Кремљ нема намера денес да објавува какви било соопштенија за резултатите од трилатералните преговори во Абу Даби.„Времето за почеток на работата на трилатералната група во Абу Даби го одредуваат делегациите на терен“, рече Песков.Преговарачкиот процес во трилатерален формат – Украина, Соединетите Американски Држави и Русија – се одржува денес во Абу Даби. Преговорите се одвиваат зад затворени врати, без присуство на новинари, изјави извор за РИА Новости.

Свет | пред 2 месеци

Напад во руско училиште: Ученичка запалила пожар и со чекан нападнала деца и наставник

Во Краснојарск, Русија, ученичка од осмо одделение вооружена со чекан подметнала пожар во училиште и нападнала други ученици, при што има повредени лица, објавија руските медиуми.Ученицата фрлила запалена крпа во училницата, а потоа удрила неколку ученици со предмет сличен на чекан, соопшти Министерството за внатрешни работи, пренесува агенцијата RIA Novosti.Пет деца и еден наставник се повредени во нападот, јави изворот, пренесува агенцијата TASS.Ученичката, чии постапки предизвикале несреќа во училиштето во Краснојарск, е задржана во притвор, соопшти Главната истражна управа на рускиот Истражен комитет, пренесува агенцијата RIA Novosti.Според изворот, повредените не се во животна опасност.

Свет | пред 2 месеци

Oколу 25 милиони евра ќе бидат распределени во културата, вели Мицкоски

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на тоа дали се планира поддршка за проекти од национален интерес во културата, изјави:„Да, оваа година имаме зголемен буџет за половина милијарда денари, културата е наш приоритет. Програмата е отприлика негде околу 25 милиони евра, средства којшто ќе бидат распределени во културата.“

Македонија | пред 2 месеци

(Видео) Трендафилов да застане на страна на работникот, а не на страната на неговите наредбодавци од СДС, вели Манасиевски

На ССМ и Трендафилов уште малку им фали за да се официјализираат како орган на партијата СДС, со оглед на начинот на којшто функционираат сега и во минатото, вели Валентин Манасиевски, член на ЦК на ВМРО-ДПМНЕ„Да ја потсетиме јавноста на едно неубаво време кога СДС насилно и спротивно на волјата на граѓаните го менуваше името на државата, поддршка за да излезат и да гласаат граѓаните даде токму ССМ.Тие во видеото кое ќе го проследиме, велат дека тоа ќе донесе голем економски бенефит, нивната социјална положба ќе се подобри и ќе имаме поголема безбедност“, вели Манасиевски.https://youtu.be/Ih7pWbBH8TY„Поврзаноста на ССМ и Трендафилов со СДС не е од денес, туку од поодамна. Впрочем СДС преку Јованка Тренчевска го постави Трендафилов за претседател на ССМ. ССМ и Трендафилов се уклучуваат како на утикач кога СДС е во опозиција, а се исклучуваат кога се на власт. Платите се големи и добри и убаво живеат граѓаните кога СДС на власт, кога имаме национални предавства, кога инфлацијата достигнуваше и до 20%, а зголемување на платите едвај околу 10%, кога јавниот долг се зголеми за 5 милијарди евра за само 7 години, кога полицајци се удираа самите од возила пајаци, кога државата беше на раб на банкрот за ССМ и Трендафилов во овој период убаво се живееше, ама денес со 3% инфлација, повисоки плати во секторите каде Владата е работодавач, со поголем дијалог и разбирање, не се живее убаво за Трендафилов и ССМ.Дволичноста и лицемерието на ССМ и Трендафилов е огромно. Наместо водење политика и работење во прилог на СДС, треба да почне да се работи во прилог на работниците“, додава тој.

Македонија | пред 2 месеци

Филипче: Пораките на Делчев се потсетник дека Македонија мора да да се движи кон напредок, а не кон изолација

Претседателот на Социјалдемократскиот сојуз на Македонија, д-р Венко Филипче, испрати порака со оддавање почит кон делото на македонскиот револуционер и визионер, Гоце Делчев."Денеска одбележуваме 154 години од раѓањето на македонскиот великан и револуционер Гоце Делчев, еден од  визионерите кој ги постави темелите на македонската државотворност.Делата на Делчев се нашиот  потсетник дека Македонија се гради со храброст, солидарност и заедништво.Неговата порака за  "светот како поле за културен натпревар на народите“  и денес е јасен повик дека Македонија мора да оди напред, кон  модерна, просперитетна и европска држава, а не назад во изолација.Во време кога државата повторно се соочува со сериозни предизвици, да не дозволиме националните интереси да бидат заложник на дневна политика. Да го продолжиме аманетот на Делчев, да градиме напредна, праведна, демократска и економски силна држава, во која младите и сите граѓани ќе гледаат перспектива. Нека е вечен споменот на великанот Гоце Делчев", стои во пораката на претседателот на СДСМ, д-р Венко Филипче.

Македонија | пред 2 месеци

Документите за транспортираните мозоци во САД можеби и не се чуваат во целост, вели Алиу кој не верува дека има злоупотреби при извозот кон САД

Министерот за здравство Азир Алиу изјавува дека е побарана детална анализа на сите достапни податоци поврзани со случајот во кој мозоци на починати македонски државјани со психијатриска дијагноза биле транспортирани како чекиран багаж на комерцијални летови во САД и Канада за медицински истражувања.„Барав да ги анализираат податоците поврзани со случајот. Ние не сме надлежни за истражувањата, бидејќи станува збор за истражувачки проект. Секој проект почнува со меморандум. Ние сме надлежни да дадеме дозвола за извоз или увоз на материјал од страна на некоја наша институција и токму во тој дел се фокусираме“, вели Алиу.Тој појаснува дека случајот датира од пред околу 30 години, период во кој, како што нагласува, не постоела Агенцијата за лекови и медицински средства, туку дозволите за ваков вид активности ги издавало директно Министерство за здравство. Според него, токму поради временската дистанца не треба да се брза со информации и заклучоци.Алиу оценува дека постои многу мал простор за злоупотреби, особено имајќи предвид дека, како што вели, втората држава вклучена во процесот е САД, а институцијата која го спроведувала истражувањето е престижен универзитет со научници со светска репутација.„Почнувајќи од себеси, не верувам дека таа држава, таа лабораторија или тој универзитет би дозволиле незаконски внес на материјал“, истакнува министерот.Тој додава дека од работната група конкретно побарал да утврди како бил испратен материјалот и по кои процедури, со цел да се добие јасна и документирана слика за целиот процес.Во однос на документацијата, Алиу укажува дека и според стариот и според новиот закон, постои реална можност дел од документите да не бидат достапни. „Ако земеме предвид дека станува збор за документи стари 30 години, страв ми е дека институциите можеби и ги немаат сите документи“, вели тој, објаснувајќи дека според старите законски решенија документацијата за изнесување биолошки материјал се чувала 15 години, додека според новите законски одредби рокот е 25 години.Министерот потенцира дека јавноста ќе биде информирана откако работната група ќе ги заврши анализите.

Македонија | пред 2 месеци

Мицкоски: Чествувањето на Гоце Делчев нека ни биде пример како треба да ја градиме нашата Македонија

Денес го одбележуваме денот на раѓањето на македонскиот великан Гоце Делчев, човек којшто оставил нераскинлива трага и денес се сеќаваме и исполнуваме на неговото дело коешто го направил и за македонскиот народ но и за Македонија како држава, но и генерално за сите граѓани, изјави премиерот Христијан Мицкоски. „Неговата борба за независна македонска држава, за држава во срцето на Балканот, јас би рекол е епска, за жал прерано го загубил својот живот на 31 година, имал уште многу што да каже доколку преживеел, но за жал не успеал повеќе од 31 година да живее и го положува својот живот повторно со идеалите за македонската држава. Така што уште еднаш денес да си го спомнеме неговиот лик и дело, да го чествуваме и да го сеќаваме и тоа нека ни биде пример како понатаму треба да ја градиме нашата заедничка татковина Македонија“, додаде Мицкоски

Македонија | пред 2 месеци

Мицкоски за случајот со транспортираните мозоци: Да почекаме истрагата и Обвинителството да дадат одговор

Премиерот Христијан Мицкоски изјави дека нема јавно да коментира додека не добие поконкретни информации во врска со објавите дека мозоци на починати македонски државјани со психијатриска дијагноза биле транспортирани како чекиран багаж на комерцијални летови во САД и Канада за медицински истражувања.„Не би коментирал јавно додека не добиеме поконкретно. Ова е состојба која се случувала пред неколку децении. Да оставиме истрагата и Обвинителството да дадат одговор на многу прашања“, рече Мицкоски.Во одделна изјава, одговарајќи на прашање што очекува од новиот јавен обвинител кој допрва треба да биде избран, Мицкоски истакна дека приоритет мора да биде расчистување на сите случаи кои со години биле запоставени.„Прво што треба да направи е сите оние документи и случаи кои стоеле во фиока да се истражат. Каде што има дело и докази – да има случај, каде што нема – да се затвори“, изјави премиерот.Тој додаде дека од идниот јавен обвинител очекува да биде „заштитник на правото, генератор на правда и правдина“.

Македонија | пред 2 месеци

Сејф сити: Од 650 прекршоци, 590 се за пребрзо возење

Во текот на 03.02.2026 година, системот „Безбеден град“ регистрираше вкупно 650 прекршоци. Од нив, 36 биле за минување на црвено светло, 590 за возење со брзина над дозволеното, а 24 за нерегистрирани возила.Дополнително, изречени се 61 забрана за управување со моторно возило.Од МВР апелираат до сите учесници во сообраќајот да ги почитуваат правилата и пропишите, со цел да се обезбеди безбеден сообраќај низ целата држава.

Македонија | пред 2 месеци

(Видео) Мицкоски најави жесток одговор за заканите и нарушувањето на јавниот ред на протестите организирани од тие кои немаат возачки дозволи

Премиерот Христијан Мицкоски изјави дека побарал решителна и силна реакција од полицијата за сите кои го прекршиле законот, упатувале јавни закани и го загрозиле мирот и безбедноста на граѓаните за време на вчерашните протести поврзани со одземањето на возилата на лица кои управувале без возачка дозвола.„Разговарав утрово со министерот за внатрешни работи. Тоа што го побарав од него е оној кој го прекршил законот, јавно упатил закани, го загрозил мирот и безбедноста на граѓаните – жестоко да се одговори. И ќе се одговори за да не се повтори тоа дивеење вчера што се случи“, рече Мицкоски.Изјавата на премиерот доаѓа по серијата протести и блокади на патишта, при што дел од демонстрантите палеа и гуми и отпад и влегуваа во вербални конфликти со полициските службеници. Протестите се реакција на примената на измените на Законот за прекршоци, со кои е предвидено задолжително одземање на возилата на лица затекнати како управуваат моторно возило без положен возачки испит.

Настани | пред 2 месеци

„Еко свест“ бара итен нов Закон за природа: Постојниот е застарен и нештитен за природните богатства

„Еко свест“, заедно со уште 14 граѓански еколошки организации побара од новиот министер за животна средина Муамет Хоџа итно да се донесе нов закон за природа. Во писмото упатено до министерот, граѓанските организации го потенцираат проблемот со неефикасните механизми за заштита на природата и притисокот од инфраструктурните и другите развојни проекти врз природните предели и вредности и нагласуваат дека прашањето за заштитата на природата не се третира како приоритет во државата.„Природата секогаш била предмет на уништување на сметка на профитот и инвестициите. Сведоци сме дека граѓаните сѐѐ почесто се принудени самостојно да се обидуваат да спречат штетни проекти во нивната средина, бидејќи постојните механизми на актуелниот закон не успеваат навремено да ги идентификуваат или спречат штетите врз природата. На ова значително придонесуваат несоодветните законски решенија, кои не нудат суштинска имплементација и функционална заштита на терен“, велат од „Еко свест“ и посочуваат дека голем број законски и подзаконски одредби во доменот на заштитата на животната средина се во судир поради дисперзираноста на институтциите надлежни да постапуваат во оваа област.Граѓанските организации потсетуваат дека измени на Законот за заштита на природата беа направени уште во 2018 година, тие никогаш не беа усвоени. Во меѓувреме, во европското законодавство се усвоија нови Директиви и се променија практиките на управување со ресурсите кои се директно поврзани со Законот за заштита на природата. Заради тоа неопходно е донесување на нов Закон за природата, кој согласно европските практики ќе претставува конзистентен систем на процедури, решенија и мерки кои несомнено ќе ги подобрат затекнатите услови во областа на заштита на природата.„Новиот Закон за природа е приоритет поради неопходноста за заштита на реките и езерата, планините и шумите, растенијата и животните, нашата природа е светско наследство, а нејзината заштита е одговорност кон нас и кон помладите и земјата. Секое одложување на новиот закон за природа придонесува кон уназадување на природата, која веќе е во загрозувачка состојба“, посочуваат екологистите.Природата во Македонија се соочува со системски предизвици кои директно ја загрозуваат биолошката разновидност и опстанокот на нашите највредни природни подрачја. Без итна и сеопфатна реформа, ќе продолжи деградацијата и трајното губење на природните ресурси од кои зависиме сите ние. Постојниот Закон за заштита на природата е застарен, нефункционален и не обезбедува соодветна, долгорочна заштита и управување со нашите природни богатства.Недостасуваат јасни забрани, нема конкретно наведени забранети активности и забрана за изградба на инфраструктурни проекти во заштитените подрачја, оставајќи ги ранливи на штетни интервенции и развој на инфраструктурни проекти, има политизација на управувањето, а директорите на националните паркови се политички функции, а не стручни кадри, што го поткопува професионалното управување.Организациите посочуваат и дека во институциите за заштита на природата и управувачките структури на заштитените подрачја нема доволно стручни кадри како биолози, еколози, хидролози и други, а нема ниту научно тело, Завод за заштита на природата, кое би вршело оценка, следење и институционална координација. Недостасуваат и инспектори за спроведување инспекциски надзор врз природата, а царинските и полициските службеници се недоволно подготвени. Ренџерските служби во заштитените подрачја немаат соодветни овластувања и не постои добра меѓусекторска соработка.Управителите на заштитени подрачја немаат соодветни капацитети и ресурси да обезбедат ефикасна заштита, што резултира со губење на најголемите природни вредности поради нивно искористување за економски цели, а заштитените подрачја немаат системско финансирање од државниот буџет.Слабостите на постојниот закон дозволуваат подрачја кои треба да бидат заштитени според закон, не се прогласуваат, а прогласените подрачја не се активно заштитени поради непостоење на Планови за управување и соодветен кадар. Биолошката разновидност нема висок степен на заштита и сè уште не е приоритет во државните политики. Недостасуваат и студии за причините за загуба на биолошката разновидност, и веродостојни, систематизирани и отворени податоци за дивиот свет, а значајните видови како мечката, рисот и волкот немаат соодветна заштита преку национални акциски планови.„Бараме итна акција од страна на Владата и Министерството за животна средина и просторно планирање, итно донесување на нов Закон за природа, кој ќе одговори на тековните потреби и долгорочно ќе обезбеди заштита. Со новиот Закон да се предвидат забранети активности за секоја категорија заштитено подрачје. Мора да воведе членови со кои ќе се забранат геолошки истражувања, експлоатација на минерални суровини и изградба на хидроелектрани во заштитените подрачја и ќе воспостави Завод за заштита на природа“, велат од Еко свест.

Македонија | пред 2 месеци

Уапсени седум возачи: Управувале без дозвола, со забрана или под дејство на алкохол

Во текот на 03. и 04.02.2026 година, полициски службеници од Дебар, Пробиштип, Тетово, Велес, Кавадарци и Кичево лишија од слобода повеќе лица поради управување со моторни возила без положен возачки испит, со активна забрана или под дејство на алкохол.Во Дебар, на 04.02.2026 околу 00:30 часот, А.Л. (28) и А.Л. (23) од Дебар биле лишени од слобода откако претходно учествувале во физичка пресметка со други лица, а при контрола било утврдено дека 28-годишниот управувал возило под дејство на алкохол (1,65 промили) и без возачка дозвола. Возилото било одземено.Во Пробиштип, Ж.К. (57) од с. Трипатанци бил лишен од слобода поради управување со „југо“ без регистарски ознаки и без положен возачки испит. Во Тетово, А.И. (43) бил лишен од слобода за управување со возило за време на активна забрана, а возилото привремено одземено.Во Велес, Б.П. (22) од Неготино управувал „сеат толедо“ без да поседува возачка дозвола, а во Кавадарци, С.Ф. (43) управувал „фолксваген пасат“ без дозвола, при што и на двете лица возилата и документи биле одземени.Во Кичево, Ф.Т. (21) од с. Стрелци и Џ.А. (32) од Прилеп биле лишени од слобода за управување со возила без положен испит.По целосно документирање на сите случаи, против сите ќе бидат поднесени соодветни пријави.

Македонија | пред 2 месеци

Бил Гејтс: Се каам

Еден од најбогатите луѓе на светот, Бил Гејтс, го прекинал молкoт откако во најновиот пакет објавени документи се појавија обвиненија поврзани со осудениот сексуален престапник и педофил Џефри Епстајн.„Секогаш фокусот беше на тоа дека тој познава многу многу богати луѓе и тврдел дека може да ги убеди да донираат пари за глобално здравје“, рече Гејтс во интервју за Nine News.Милијардерот продолжи: „Знаете, гледано наназад, тоа беше ќор-сокак и бев глуп што поминував време со него. Бев еден од многу луѓе кои се каат што некогаш го познавале. Наводно, Џефри напишал е-пошта самиот на себе. Таа е-пошта никогаш не била испратена. Таа е-пошта, знаете, е неточна. Не знам што му беше во главата тогаш. Секој момент што го поминав со него – затоа се каам и се извинувам што го направив тоа“, навел Гејтс.Тој додал дека бил присутен „само на вечери“, но никогаш не отишол на островот и дека, според информациите, никогаш не запознал ниту една жена.„И, знаете, што повеќе информации излегуваат, тоа ќе биде појасно дека, иако тоа време беше грешка, тоа немаше никаква врска со таков вид однесување“, истакнал Гејтс.Најновиот сет документи содржи обвиненија против повеќе познати личности, вклучувајќи и Гејтс, кој се сретнал со Епстајн неколку пати за да разговараат за проширување на неговите филантропски активности.Една е-пошта која Епстајн си го пратил самиот на себе во 2013 година покажува негово разочарување поради одлуката на Гејтс да го прекине нивниот однос, а во неа се тврди дека Гејтс добил полово пренослива болест и побарал совет од Епстајн како тајно да и даде антибиотик на својата тогашна сопруга Мелинда.Мелинда, која се разведе од Бил Гејтс во 2021 година, изјави дека оние кои се споменати во документите, вклучувајќи го и нејзиниот поранешен сопруг, имаат што да објаснат.Таа додала дека чувствува длабоко сочувство кон жртвите на Епстајн и дека е среќна што е „далеку од сета таа нечистотија“.

Свет | пред 2 месеци

Сиљановска: Кога ги усогласуваме нашите закони со европските стандарди, градиме систем во којшто правилата ја надживуваат власта

Регулативата не е само за контрола, туку станува збор за создавање предвидлив простор каде што општествената доверба може да расте, рече претседателката Гордана Сиљановска-Давкова во своето обраќање на Глобалниот форум за владини регулативи и правда, во рамки на Светскиот самит на владите во Дубаи. Во обраќањето на тема „Законодавството како овозможувач на владеењето на правото“ таа посочи дека наместо да се потпираме на институционален илузионизам и да веруваме дека совршен закон на хартија е крајот на патот, треба да се фокусираме на напорна работа во годините пред нас - да изградиме институции што дишат, што се адаптираат и што им припаѓаат на луѓето. Го претстави македонскиот случај и посочи дека државата веќе 25 години по потпишувањето на Договорот за стабилизација и асоцијација со Европската Унија, формално и правно се усогласува со Европската Унија, со нејзините институции, правила и регулативи, но и покрај тоа сме меѓу најдолгогодишните кандидати за полноправно членство во Европската Унија.Но, усогласувањето, според претседателката, не го правиме само заради Брисел, туку и поради фактот што процедурите се гаранција за еднаквост. Кога ги усогласуваме нашите закони со европските стандарди, градиме систем во којшто правилата ја надживуваат власта, рече претседателката, истакнувајќи дека ова е разликата меѓу владеењето на човекот и владеењето на правото.Посочи дека македонските институции остануваат инклузивни и посочи дека Националната стратегија за развој 2024 ‒ 2044 помага да ги калибрираме политиките и законите.

Македонија | пред 2 месеци

Закани кон новинарот Александар Видиновски, ОЈО отвори предмет

Во насока на заложбите за заштита на безбедноста на новинарите и итно постапување за секое загрозување на медиумските слободи, Јавното обвинителство на Република Северна Македонија, оформи предмет по допрен глас за утврдување на идентитетот и испитување на кривична одговорност кај повеќе лица кои преку коментари на социјалната мрежа Фејсбук упатиле сериозни закани кон новинарот и уредник во Канал 5 Телевизија – Александар Видиновски.„Коментарите биле објавени под видео прилог на новинарот кој се однесува на непрописно паркирани возила пред објектот на Амбасадата на Република Бугарија во Скопје и во себе содржеле сериозни закани, говор на омраза, ксенофобични пораки и пораки што поттикнуваат национална нетрпеливост.Имајќи во вид дека во конкретниов случај станува збор за новинар и уредник кој врши дејност од јавен интерес и професионални задачи, прдметот е доставен на надлежно постапување на Основното јавно обвинителство Скопје со цел да преземе дејствија за испитување на индициите за евентуално постоење на елементи на кривично дело за кое се гони по службена должност“, се

Македонија | пред 2 месеци

Обвинителство отвори предмет за случајот со „извоз на мозоци“ во САД

Јавното обвинителство на Република Северна Македонија, врз основа на повеќе објавени информации во медиумите, оформи предмет по допрен глас поради наводите од објавените документи во случајот за Џефри Епштајн кои упатуваат дека примероци од мозоци на починати лица од земјава наводно биле транспортирани за научно-истражувачки цели во САД.„Имајќи ја во вид природата на наводите, кои вклучуваат обработка, замрзнување и меѓународен транспорт на човечки ткива, како и евентуални прашања за усогласеноста со законските и етичките стандарди за експерименти со човечки ткива и примероци, Јавното обвинителство оформи предмет со цел да ги испита сите индиции за евентуално постоење на елементи на кривично дело кое се гони по службена должност.Предметот е доставен на надлежно постапување на Основното јавно обвинителство за гонење на организиран криминал и корупција кое треба да преземе дејствија на прибирање официјални информации од надлежните органи, институции и здравствени установи, во насока на утврдување на евентуално нелегално постапување со човечки ткива и биоматеријали, пропусти или злоупотреби при добивање дозволи и согласности“, се вели во соопштението.

Македонија | пред 2 месеци