Унгарски „МОЛ“ во игра за преземање на НИС – чекор што може да ги симне санкциите на САД

Веќе 77 дена „Нафтената индустрија на Србија“ работи под санкции на американската влада, а излезот од ситуацијата се бара преку продажба на мнозинскиот удел на руските акционери. Српската министерка за рударство и енергетика Дубравка Ѓедовиќ Хандановиќ потврди дека унгарската компанија МОЛ води преговори за преземање на овој пакет, при што и Белград и Будимпешта официјално ги поддржуваат разговорите. Овој потег е еден од клучните услови за можноста санкциите да бидат укинати.Според Ѓедовиќ Хандановиќ, и покрај санкциите, пазарот досега не почувствувал потреси бидејќи државата располага со резерви на дизел, бензин, мазут и керозин. Сепак, таа предупреди дека залихите постепено се трошат, а логистичките капацитети не се доволни за да се увезуваат количини што би ја покриле целосната побарувачка. Затоа, како што наведе, дијалогот со партнерите мора да продолжи.И НИС и МОЛ веќе се обратиле до американската Канцеларија за контрола на странски средства (OFAC), која одлучува за режимот на санкциите. Откако и руската страна даде поддршка преговорите да продолжат, српската влада ќе ја поддржи иницијативата и пред американските институции. Министерката порача дека следниот чекор е OFAC да одлучи за лиценцата за работа на НИС и за понатамошниот статус на компанијата.Истовремено, таа уверува дека снабдувањето со гас е стабилно и дека резервите се полни, со важечки договор со Русија до крајот на март. Целта, како што рече, е граѓаните да имаат сигурно и што е можно поекономично снабдување, особено во деновите кога потрошувачката достигнува и до 17 милиони кубни метри дневно.

Свет | пред 4 месеци

Советничката Цаневска: Усје надвор од Скопје, советниците застанаа на страната на граѓаните

Независната советничка во Советот на Град Скопје, предложена од СДСМ, Катерина Цаневска, соопшти дека за првпат по подолг период сите советници застанале на страна на граѓаните и постигнале согласност за потребата од дислокација на цементарницата „Усје“ надвор од градот и скопската котлина.Со едногласно усвоените заклучоци, донесени по иницијатива на Зелен хуман град, се отвора институционална постапка за системско преиспитување на влијанието на големите индустриски капацитети врз животната средина и јавното здравје. Советот го задолжува Град Скопје да поднесе официјално барање до Министерството за животна средина и просторно планирање за целосна и детална проверка на работењето на „Усје“, како и на останатите големи загадувачи, со утврдување дали ги исполнуваат условите од интегрираните еколошки дозволи и важечката регулатива. Министерството ќе треба во најкус можен рок да ги достави резултатите од контролата.Истовремено, од Државниот инспекторат за животна средина се бара да спроведе серија ненајавени и вонредни инспекциски надзори, со цел да се утврди реалната состојба на терен, почитувањето на законските лимити за емисии и примената на мерките за заштита на здравјето на граѓаните.Во заклучоците се наведува и дека Општина Кисела Вода, врз основа на наодите од инспекциските и институционалните извештаи, ќе мора особено внимателно да постапува при изработката на идните детални урбанистички планови и други плански документи. Истата обврска важи и за останатите скопски општини, како и за Градот Скопје, со цел да се обезбеди усогласено и одржливо урбанистичко планирање.Дополнително, градоначалникот на Град Скопје ќе побара од Владата да отвори постапка за дислокација на „Усје“, но и на другите големи индустриски капацитети, на локации надвор од скопската котлина, во согласност со Законот за животна средина и Просторниот план на државата.Ова е интегралното соопштение од ТИТАН Усје:Целосно ја разбираме загриженоста на јавноста за квалитетот на воздухот во градот, но нашата компанија не е причина за тоа. Напротив, ТИТАН Усје работи согласно најдобрите достапни техники во производството на цемент. Технологијата која се применува во ТИТАН Усје соодветствува со најдобрите компании од оваа индустрија во Европската Унија.Целосно ги отфрламе неоснованите обвинувања кон ТИТАН Усје, кои се невистинити и не се засноваат на факти и на научни податоци. За жал, и овој пат компанијата се користи како изговор за неосновани напади, иако реалните, научни и мерливи факти јасно укажуваат дека причините за загадувањето треба да се бараат на друго место.Научните истражувања, направени од независни домашни и странски експерти, покажуваат дека квалитетот на амбиенталниот воздух во Скопската котлина е под силно влијание на метеоролошките услови (струење на воздух, висока влажност, температурна инверзија и сл.), а од антропогените фактори влијанијата од индустријата имаат помало влијание од затоплувањето на домовите и јавните објекти, сообраќајот, градежните активности и горењето на отворено.Работата на ТИТАН Усје е континуирано контролирана од страна на Државниот инспекторат за животна средина. Последниот увид од страна на Државниот инспекторат за животна средина, институција која е надлежна за сите инсталации со А - Интегрирана еколошка дозвола, беше извршен на 18 декември 2025 година, при што инспекцијата повторно утврди дека нема отстапувања од законски дозволените лимити. Исто така, на 18 ноември годинава во ноќните часови имаше ненајавен инспекциски увид од страна на оваа институција и тогаш беше констатирано дека сите вредности се во законски дозволените рамки.Иако многу пати сме ги изнеле фактите, во интерес на јавноста ќе потсетиме дека:• Споредбените податоци јасно и недвосмислено укажуваат дека лошиот квалитет на амбиенталниот воздух во Скопје нема корелација со работата на компанијата. Имено, во дел од зимските месеци, кога амбиенталниот воздух во градот е со најлош квалитет, компанијата ги врши редовните годишни ремонти на печките и тие се исклучени. Обратно, во летните месеци, кога печките работат со полн капацитет, амбиенталниот воздух во градот е со најмало загадување. Резултатите од мерењата го потврдуваат овој факт.• Сите досегашни јавно достапни научни истражувања и студии покажуваат дека индустријата не е меѓу главните причинители на лошиот квалитет на амбиенталниот воздух во Скопје. Потврда на тоа е и фактот дека загаденоста во овој период е голема и во други градови во земјата, каде што нема индустрија.• ТИТАН Усје поседува А - Интегрирана еколошка дозвола издадена од Министерството за животна средина и просторно планирање. Согласно оваа дозвола, УСЈЕ има обврска да врши 24-часовен мониторинг на издувните гасови, согласно европските стандарди кои се транспонирани во националното законодавство. За таа цел, на сите точки кои се точно утврдени од надлежните институции, имаме инсталирано систем за мерење од германскиот производител SICK, кој е редовно калибриран и контролиран од овластени независни надворешни компании. Сите мерења континуирано покажуваат дека не се надминуваат законски определените Гранични Вредности на Емисии (ГВЕ), а кај дел, вредностите се неколкукратно пониски од законски дозволените лимити – на пример, кај вкупната прашина најчесто три до пет пати, а кај SO2 и неколку десетици пати пониски од дозволените.• На истите емисиони точки се прават и дополнителни контролни мерења што ги вршат независни лаборатории, а резултатите од овие мерења исто така потврдуваат дека нема отстапки од законски дозволените лимити.• ТИТАН Усје е современ индустриски капацитет со високо ефикасен, комплексен систем на филтрирање, каде во секој филтер има по 2000 вреќи кои ја запираат прашината, која потоа се враќа во производниот процес и станува составен дел од финалниот производ.• Целосно се неточни тврдењата дека компанијата ги исклучува филтрите. Филтрите се неразделив дел од производната линија, односно кога работат печките, задолжително работат и филтрите.ТИТАН Усје ќе продолжи да работи согласно законските норми, со одговорен и транспарентен однос кон сите засегнати страни. Сите заинтересирани приватни и правни лица можат да дојдат и да ја посетат компанијата, но и да побараат дополнителни информации за нашата работа, технологија и мерките што се користат за да се обезбеди ефикасна заштита на животната средина.

Скопје | пред 4 месеци

Трамп: Наредив воздушни удари против ИСИС во Нигерија за заштита на христијаните

Дел од кампoвите на Исламска држава во северозападна Нигерија беа мета на американски воздушни напади изведени во координација со нигериските власти, соопшти Африканската команда на САД (AFRICOM). Според првичните процени, во операцијата, изведена во државата Сокото, биле убиени повеќе припадници на терористичката организација.Нападите уследија по растечкиот притисок од Вашингтон во врска со нападите врз христијански заедници во земјата. Американскиот претседател Доналд Трамп во порака на Truth Social наведе дека токму поради тие напади наредил да се дејствува против огранокот на ИСИС, за кој неговата администрација смета дека стои зад прогонството на христијаните во регионот.Во Нигерија, претседателот Бола Тинубу — во својата божиќна порака — повика на религиска толеранција и истакна дека државата останува посветена на заштитата на сите граѓани, без оглед на нивната верска или етничка припадност. Министерството за надворешни работи потврди дека соработувало со САД во операцијата.Нигерија со години се соочува со сложени безбедносни предизвици — од верски мотивирани напади, до комунални и етнички судири и конфликти околу пристапот до ресурси. Експертите предупредуваат дека и христијанските и муслиманските заедници биле жртви на екстремистички групи.Прашањето за безбедноста на христијаните во Нигерија е долго време истакната тема во американските конзервативни кругови. Некои блиски сојузници на Трамп повикуваат на поактивна американска улога, тврдејќи дека нигериските власти не прават доволно за спречување на нападите.Иако Трамп често се повикува на ограничување на американските воени интервенции во странство, откако се врати на власт нареди неколку значајни операции — меѓу кои и дејствувања поврзани со Иран и Венецуела.

Свет | пред 4 месеци

Русија откри илегални печатници за лажни документи, запленети над 50.000 фалсификати

Во Русија е разбиена организирана криминална група која контролирала мрежа на илегални печатници за производство на фалсификувани пасоши и други документи, а во полициската акција се уапсени 14 лица, соопшти портпаролката на руското Министерство за внатрешни работи, Ирина Волк.Во објава на Телеграм, Волк информира дека за време на акцијата биле запленети повеќе од 50.000 фалсификувани документи. Според првичните проценки, нелегалните печатници оствариле противправна добивка поголема од 2,6 милијарди рубљи, односно околу 27,9 милиони евра, пренесува руската агенција РИА Новости.„Повеќе од 2,6 милијарди рубљи е вкупниот приход од нелегалните активности на овие илегални печатници, кои моите колеги од Одделот за економска безбедност и борба против корупцијата при Главната управа на Министерството за внатрешни работи на Русија за Москва ги ликвидираа“, изјави Волк.Надлежните служби најавуваат продолжување на истрагата со цел целосно утврдување на обемот на криминалните активности и можната вмешаност на други лица во оваа мрежа за фалсификување документи.

Свет | пред 4 месеци

Напад со беспилотно летало во Одеса, без жртви и повредени

Руски дрон извршил напад врз инфраструктурен објект во украинскиот град Одеса, при што по ударот избувнал пожар, соопшти денеска началникот на градската воена управа, Сергиј Лисак.Како што информира Лисак преку објава на Телеграм, нападот предизвикал материјална штета врз објект од инфраструктурно значење, а веднаш по ударот интервенирале надлежните служби за гаснење на пожарот и отстранување на последиците.Според првичните информации, во нападот нема загинати ниту повредени лица. Надлежните служби вршат дополнителни проверки на поширокото подрачје со цел да се утврди дали има оштетувања и на цивилната инфраструктура и на станбени објекти во околината.Украинските власти наведуваат дека состојбата е под контрола и дека јавноста ќе биде дополнително информирана доколку се утврдат нови последици од нападот.

Свет | пред 4 месеци

(Видео) Си донеле душеци и влечки во Министерство, по масите цигари со пластични чаши за отпад: Избркани лица од ДУИ

Вицепремиерот во Владата и министер за односи меѓу заедниците, Иван Стоиљковиќ објави видео во кое се гледа во каква состојба е претворена канцеларија во Министерството за односи меѓу заедниците.„Ова е канцеларијата во Министерството за односи меѓу заедниците, инаку претворена во ова што го гледате, во која „работеа“ вчера отпуштените службеници кои, по некоја случајност се од ДУИ. По документирањето на состојбата истите се испратени да си спијат дома. Толку!“, напиша тој.Оваа објава на Стоилковиќ следи откако денеска опозициската ДИИ обвини за дискриминација во Министерството за односи меѓу заедниците, бидејќи вчера од оваа институција се отпуштени седуммина Албанци.„Во услови кога на вработените им се одземаат најосновните елементи за работа, како функционални канцеларии, столчиња, техничка опрема и конкретни задачи, секоја таква мерка е административна фарса и доказ за однапред смислена дискриминаторска намера“,се вели во соопштението од ДУИ.

Настани | пред 4 месеци

ТИТАН Усје: Загадувањето во Скопје не е поврзано со нашата работа

Компанијата ТИТАН Усје со јавно соопштение реагира на обвинувањата дека е еден од причинителите за лошиот квалитет на воздухот во Скопје, нагласувајќи дека целосно ја разбира загриженоста на јавноста, но дека ваквите тврдења не се засноваат на факти, научни податоци и мерливи показатели.Од компанијата истакнуваат дека ТИТАН Усје работи согласно најдобрите достапни техники во цементната индустрија и применува технологија која е на исто ниво со водечките компании во Европската Унија. Според нив, сите обвинувања дека нивното работење придонесува за загадувањето се неосновани и невистинити, а компанијата повторно, како и во минатото, се користи како изговор за проблем кој има други причини.Како што наведуваат, независни домашни и странски научни истражувања укажуваат дека квалитетот на амбиенталниот воздух во Скопската Котлина е силно условен од метеоролошките фактори, како што се температурната инверзија, високата влажност и слабата циркулација на воздухот. Од антропогените извори, според тие анализи, многу поголемо влијание имаат затоплувањето на домовите и јавните објекти, сообраќајот, градежните активности и горењето на отворено, отколку индустриското производство.Во соопштението се нагласува дека работењето на ТИТАН Усје е под постојан надзор на Државниот инспекторат за животна средина. Последниот редовен инспекциски увид бил извршен на 18 декември 2025 година, кога повторно било утврдено дека нема отстапувања од законски дозволените емисиски лимити. Дополнително, во ноќните часови на 18 ноември бил спроведен и ненајавен инспекциски надзор, при што било констатирано дека сите измерени вредности се во рамките на дозволеното.Компанијата потсетува дека податоците од мерењата јасно покажуваат отсуство на корелација меѓу нејзиното работење и загадувањето во градот. Во зимските месеци, кога загаденоста е највисока, фабриката врши редовни годишни ремонти и печките не работат, додека во лето, кога производството е со полн капацитет, квалитетот на воздухот е значително подобар. Истовремено, загадувањето во овој период е високо и во други градови во земјата каде што нема индустриски капацитети.ТИТАН Усје поседува А-интегрирана еколошка дозвола издадена од Министерството за животна средина и просторно планирање, врз основа на која е обврзана да врши 24-часовен континуиран мониторинг на издувните гасови. Мерењата се вршат со сертифицирани системи од германскиот производител SICK, редовно калибрирани и контролирани од независни овластени компании. Според компанијата, сите податоци покажуваат дека граничните вредности на емисии не се надминуваат, а кај дел од параметрите се и повеќекратно пониски од законски дозволените.Дополнителни контролни мерења, кои ги спроведуваат независни лаборатории, исто така не покажале отстапувања од дозволените лимити. Компанијата нагласува дека располага со модерен и високо ефикасен систем за филтрирање, со илјадници филтер-вреќи кои ја задржуваат прашината и ја враќаат во производствениот процес. Тврдењата дека филтрите се исклучуваат ги оценуваат како целосно неточни, бидејќи тие се составен и задолжителен дел од производната линија.Од ТИТАН Усје порачуваат дека ќе продолжат да работат транспарентно и согласно законските норми, со отвореност кон јавноста. Како што наведуваат, сите заинтересирани граѓани и правни субјекти можат да ја посетат компанијата и директно да се информираат за технологијата, процесите и мерките за заштита на животната средина што се применуваат.

Скопје | пред 4 месеци

За првпат цел Совет на Град Скопје сложен за УСЈЕ да се дислоцира надвор од Скопје; Компанијата со реакција: работиме согласно сите стандарди

Советниците од Град Скопје едногласно изгласаа заклучок дека цементарница „УСЈЕ“ треба да се дислоцира од Кисела Вода, односно градска средина. По маратонска седница што траеше 13 часа, едногласно беше поддржана иницијативата на „Зелен хуман град“ (ЗХГ) за започнување постапка за дислокација на фабриката „УСЈЕ“ надвор од Скопје.Со донесените заклучоци, Градот се обврзува активно да го следи целиот процес, а институциите да одговорат дали индустриските капацитети ги почитуваат еколошките стандарди и закони.Во усвоената иницијатива се предвидува:Град Скопје да поднесе официјално барање до Министерството за животна средина за целосна проверка на работењето на „УСЈЕ“ и останатите големи загадувачи, со утврдување дали ги исполнуваат условите од нивните дозволи и важечката регулатива. Министерството е задолжено во најкус можен рок да ги достави резултатите.Паралелно, од Државниот инспекторат за животна средина се бара да спроведе низа ненајавени, вонредни инспекциски надзори. Целта е да се утврди реалната состојба на терен, почитувањето на лимитите на емисии и примената на заштитни мерки за здравјето на граѓаните.Општина Кисела Вода, врз основа на наодите од инспекциските и институционалните извештаи, ќе мора особено внимателно да постапува при креирање на идните детални урбанистички планови и другите плански документи. Истата обврска важи и за останатите скопски општини и за Градот Скопје, со цел да се обезбеди усогласено и одржливо планирање.Дополнително, градоначалникот на Град Скопје ќе побара од Владата да отвори постапка за дислокација на „УСЈЕ“ — како и на другите големи индустриски капацитети — на локации надвор од скопската котлина, согласно Законот за животна средина и Просторниот план.Заклучокот ќе биде доставен до Владата, Министерството за животна средина, Државниот инспекторат и сите општини во градот.Од ЗХГ порачаа дека ова е историски момент за Скопје и најавија дека ќе го следат секој чекор од процесот, за како што велат — здравјето на граѓаните да стане приоритет број еден.Според компанијата, пак, нападот е неоснован, бидејќи, како што соопштија, работат согласно сите стандарди и не ги надминуваат законски дозволените лимити:Ова е интегралното соопштение од ТИТАН Усје:Целосно ја разбираме загриженоста на јавноста за квалитетот на воздухот во градот, но нашата компанија не е причина за тоа. Напротив, ТИТАН Усје работи согласно најдобрите достапни техники во производството на цемент. Технологијата која се применува во ТИТАН Усје соодветствува со најдобрите компании од оваа индустрија во Европската Унија.Целосно ги отфрламе неоснованите обвинувања кон ТИТАН Усје, кои се невистинити и не се засноваат на факти и на научни податоци. За жал, и овој пат компанијата се користи како изговор за неосновани напади, иако реалните, научни и мерливи факти јасно укажуваат дека причините за загадувањето треба да се бараат на друго место.Научните истражувања, направени од независни домашни и странски експерти, покажуваат дека квалитетот на амбиенталниот воздух во Скопската котлина е под силно влијание на метеоролошките услови (струење на воздух, висока влажност, температурна инверзија и сл.), а од антропогените фактори влијанијата од индустријата имаат помало влијание од затоплувањето на домовите и јавните објекти, сообраќајот, градежните активности и горењето на отворено.Работата на ТИТАН Усје е континуирано контролирана од страна на Државниот инспекторат за животна средина. Последниот увид од страна на Државниот инспекторат за животна средина, институција која е надлежна за сите инсталации со А - Интегрирана еколошка дозвола, беше извршен на 18 декември 2025 година, при што инспекцијата повторно утврди дека нема отстапувања од законски дозволените лимити. Исто така, на 18 ноември годинава во ноќните часови имаше ненајавен инспекциски увид од страна на оваа институција и тогаш беше констатирано дека сите вредности се во законски дозволените рамки.Иако многу пати сме ги изнеле фактите, во интерес на јавноста ќе потсетиме дека:• Споредбените податоци јасно и недвосмислено укажуваат дека лошиот квалитет на амбиенталниот воздух во Скопје нема корелација со работата на компанијата. Имено, во дел од зимските месеци, кога амбиенталниот воздух во градот е со најлош квалитет, компанијата ги врши редовните годишни ремонти на печките и тие се исклучени. Обратно, во летните месеци, кога печките работат со полн капацитет, амбиенталниот воздух во градот е со најмало загадување. Резултатите од мерењата го потврдуваат овој факт.• Сите досегашни јавно достапни научни истражувања и студии покажуваат дека индустријата не е меѓу главните причинители на лошиот квалитет на амбиенталниот воздух во Скопје. Потврда на тоа е и фактот дека загаденоста во овој период е голема и во други градови во земјата, каде што нема индустрија.• ТИТАН Усје поседува А - Интегрирана еколошка дозвола издадена од Министерството за животна средина и просторно планирање. Согласно оваа дозвола, УСЈЕ има обврска да врши 24-часовен мониторинг на издувните гасови, согласно европските стандарди кои се транспонирани во националното законодавство. За таа цел, на сите точки кои се точно утврдени од надлежните институции, имаме инсталирано систем за мерење од германскиот производител SICK, кој е редовно калибриран и контролиран од овластени независни надворешни компании. Сите мерења континуирано покажуваат дека не се надминуваат законски определените Гранични Вредности на Емисии (ГВЕ), а кај дел, вредностите се неколкукратно пониски од законски дозволените лимити – на пример, кај вкупната прашина најчесто три до пет пати, а кај SO2 и неколку десетици пати пониски од дозволените.• На истите емисиони точки се прават и дополнителни контролни мерења што ги вршат независни лаборатории, а резултатите од овие мерења исто така потврдуваат дека нема отстапки од законски дозволените лимити.• ТИТАН Усје е современ индустриски капацитет со високо ефикасен, комплексен систем на филтрирање, каде во секој филтер има по 2000 вреќи кои ја запираат прашината, која потоа се враќа во производниот процес и станува составен дел од финалниот производ.• Целосно се неточни тврдењата дека компанијата ги исклучува филтрите. Филтрите се неразделив дел од производната линија, односно кога работат печките, задолжително работат и филтрите.ТИТАН Усје ќе продолжи да работи согласно законските норми, со одговорен и транспарентен однос кон сите засегнати страни. Сите заинтересирани приватни и правни лица можат да дојдат и да ја посетат компанијата, но и да побараат дополнителни информации за нашата работа, технологија и мерките што се користат за да се обезбеди ефикасна заштита на животната средина.

Скопје | пред 4 месеци

ТИТАН Усје: Загадувањето во Скопје не е поврзано со нашата работа

Компанијата ТИТАН Усје со јавно соопштение реагира на обвинувањата дека е еден од причинителите за лошиот квалитет на воздухот во Скопје, нагласувајќи дека целосно ја разбира загриженоста на јавноста, но дека ваквите тврдења не се засноваат на факти, научни податоци и мерливи показатели.Од компанијата истакнуваат дека ТИТАН Усје работи согласно најдобрите достапни техники во цементната индустрија и применува технологија која е на исто ниво со водечките компании во Европската Унија. Според нив, сите обвинувања дека нивното работење придонесува за загадувањето се неосновани и невистинити, а компанијата повторно, како и во минатото, се користи како изговор за проблем кој има други причини.Како што наведуваат, независни домашни и странски научни истражувања укажуваат дека квалитетот на амбиенталниот воздух во Скопската Котлина е силно условен од метеоролошките фактори, како што се температурната инверзија, високата влажност и слабата циркулација на воздухот. Од антропогените извори, според тие анализи, многу поголемо влијание имаат затоплувањето на домовите и јавните објекти, сообраќајот, градежните активности и горењето на отворено, отколку индустриското производство.Во соопштението се нагласува дека работењето на ТИТАН Усје е под постојан надзор на Државниот инспекторат за животна средина. Последниот редовен инспекциски увид бил извршен на 18 декември 2025 година, кога повторно било утврдено дека нема отстапувања од законски дозволените емисиски лимити. Дополнително, во ноќните часови на 18 ноември бил спроведен и ненајавен инспекциски надзор, при што било констатирано дека сите измерени вредности се во рамките на дозволеното.Компанијата потсетува дека податоците од мерењата јасно покажуваат отсуство на корелација меѓу нејзиното работење и загадувањето во градот. Во зимските месеци, кога загаденоста е највисока, фабриката врши редовни годишни ремонти и печките не работат, додека во лето, кога производството е со полн капацитет, квалитетот на воздухот е значително подобар. Истовремено, загадувањето во овој период е високо и во други градови во земјата каде што нема индустриски капацитети.ТИТАН Усје поседува А-интегрирана еколошка дозвола издадена од Министерството за животна средина и просторно планирање, врз основа на која е обврзана да врши 24-часовен континуиран мониторинг на издувните гасови. Мерењата се вршат со сертифицирани системи од германскиот производител SICK, редовно калибрирани и контролирани од независни овластени компании. Според компанијата, сите податоци покажуваат дека граничните вредности на емисии не се надминуваат, а кај дел од параметрите се и повеќекратно пониски од законски дозволените.Дополнителни контролни мерења, кои ги спроведуваат независни лаборатории, исто така не покажале отстапувања од дозволените лимити. Компанијата нагласува дека располага со модерен и високо ефикасен систем за филтрирање, со илјадници филтер-вреќи кои ја задржуваат прашината и ја враќаат во производствениот процес. Тврдењата дека филтрите се исклучуваат ги оценуваат како целосно неточни, бидејќи тие се составен и задолжителен дел од производната линија.Од ТИТАН Усје порачуваат дека ќе продолжат да работат транспарентно и согласно законските норми, со отвореност кон јавноста. Како што наведуваат, сите заинтересирани граѓани и правни субјекти можат да ја посетат компанијата и директно да се информираат за технологијата, процесите и мерките за заштита на животната средина што се применуваат.

Македонија | пред 4 месеци

Граѓаните побараа веднаш да се дислоцира фабриката: „Усје нè труе“

Граѓани и активисти денеска одржаа протест на раскрсницата меѓу булеварите „Борис Трајковски“ и „Србија“ во Скопје, на околу пет километри од центарот на градот, барајќи дислокација на цементарницата „Усје“ надвор од урбаното подрачје. Протестот беше организиран од граѓанската иницијатива „Стоп за Усје“, која обвинува дека фабриката континуирано го загадува воздухот во главниот град.Според организаторите, во изминатиот период било истражувано работењето на цементарницата, при што, како што наведоа, станува збор за интернационална компанија со слични проблеми и во други земји. Петар Керамитчиев од „Стоп за Усје“ изјави дека, според нивните сознанија, странскиот капитал и раководството на компанијата наоѓаат „легални начини“ да го оправдаат загадувањето, што, според него, директно го загрозува здравјето на граѓаните и децата.Од иницијативата порачаа дека денешниот протест е предупредување до властите и дека по празниците ќе следуваат нови протести и можни блокади на сообраќајот, доколку не се преземат конкретни мерки против, како што велат, големите загадувачи.Неколку часа пред протестот, од „Титан Усје“ соопштија дека работењето на цементарницата е под постојан надзор на Државниот инспекторат за животна средина. Од компанијата информираа дека последниот инспекциски увид бил извршен на 18 декември, како и ненајавена контрола на 18 ноември, при што во двата случаи било утврдено дека нема отстапувања од законски дозволените лимити.Од „Усје“ нагласуваат дека фабриката располага со високо ефикасен и комплексен систем на филтрирање, со околу 2.000 филтер-вреќи по филтер, кои ја задржуваат прашината и ја враќаат во производниот процес. Компанијата категорично ги отфрла тврдењата дека филтрите се исклучуваат, посочувајќи дека тие се неразделен дел од производната линија.Според „Титан Усје“, податоците од мерењата покажуваат дека нема директна поврзаност меѓу работењето на цементарницата и загадувањето на амбиенталниот воздух во Скопје. Како аргумент наведуваат дека во зимските месеци, кога загадувањето е најголемо, печките често не работат поради редовни ремонти, додека во лето, кога работат со полн капацитет, квалитетот на воздухот е најдобар.Компанијата поседува А-интегрирана еколошка дозвола и врши 24-часовен мониторинг на издувните гасови со опрема од германски производител, а, како што тврдат, сите мерења покажуваат дека емисиите се под законски дозволените гранични вредности, што било потврдено и од независни лаборатории.

Македонија | пред 4 месеци

Герасимовски: Целосно го поддржувам протестот за УСЈЕ, мора да има ригорозни санкции

Градоначалникот на Општина Центар, Горан Герасимовски, во гостување во Дневникот на телевизија Сител изјави дека целосно го поддржува протестот поврзан со УСЈЕ и порача дека мора да има строги и континуирани контроли, не само таму, туку во сите фабрики.„Доколку тоа што се зборува е вистина, мора да следуваат ригорозни санкции “, истакна Герасимовски.Како потпретседател на ЗЕЛС, Герасимовски нагласи дека очекува Град Скопје да изработи јасен план, стратегија и програма во која ќе бидат вклучени сите 10 скопски општини, со цел намалување на загадувањето и негово целосно искоренување.„Договорено е до крајот на годинава, односно до средината на следната недела, да имаме состанок во рамки на ЗЕЛС со сите општини, каде ќе се разговара за повеќе теми, а приоритет ќе биде аерозагадувањето“, рече Герасимовски.Тој посочи дека се неопходни клучни мерки: функционален и ефикасен јавен и сообраќаен превоз, кој со години се најавува, но сè уште не е на соодветно ниво, воведување мерки при екстремно загадување, како системот „пар-непар“ за намалување на сообраќајот, строги инспекциски контроли, како и засилени проверки кај домаќинствата што се греат на штетни материјали како гуми, пластика и други опасни горива. Дополнително, неопходни се и редовни контроли во индустриските зони и кај најголемите загадувачи.Герасимовски истакна дека Општина Центар нема индустриска зона, но дека воздухот нема граници и дека сите скопски општини се подеднакво засегнати од загадувањето.Во однос на можната дислокација на цементарницата УСЈЕ, градоначалникот порача дека тоа нема да биде лесна задача, но, ако се сака се се може.

Скопје | пред 4 месеци

Мицкоски: Лага е дека има договор за мигранти, граѓаните да бидат спокојни

„Јавноста да биде спокојна. Сè додека е оваа влада, нелегална миграција, легална миграција, како резултат на пропаднати апликации за азил, како резултат на некакви си договори, нема да има. И тоа се гледа“, нагласи премиерот Христијан Мицкоски како одговор на пратеничко прашање во Собранието.„Многу пати коментиравме во јавноста дека е апсолутна лага и конструкција дека било кога сме разговарале воопшто на оваа тема во процесот за постигнување на договор за стратешко партнерство со Обединетото кралство, посочи премиерот Мицкоски, оценувајќи ја оваа тема како кампања за невистина на опозицијата за растурање на пердуви со цел да се тргне вниманието од внатрепартиските случувања во СДСМ, изборот на новиот состав на нивниот партиски Извршен Одбор.Тоа е филозофијата и пи-ар трикот што мислат дека ќе го направат. Мислам дека тоа не е игра на краток рок, туку игра на уназадување. Ако некој пледира да биде сериозна политичка опција, тогаш треба да има и сериозни позиции, а ова не се сериозни позиции, туку политички гимнастики кои немаат апсолутно никаква врска… Еве ќе дојдат и март и април, мигранти ќе нема, ќе дојде и јуни пак ќе нема мигранти, и тогаш што ќе се прави? На следните избори наместо 18, ќе имаат 12 пратеници“, оцени Мицкоски.Мицкоски притоа посочи и на празната сала во делот каде што треба да седи опозицијата, во која немаше пратеници, нагласувајќи дека ова е ден, седница за поставување на пратенички прашања, ден кога опозицијата треба да ја прашува владата, а пратениците кои ги чинат граѓаните меѓу две и три илјади евра месечно, пратениците од опозицијата ги нема.Ова е сликата на македонската опозиција денеска. Да видат граѓаните кој пледира да биде влада во Македонија.Мицкоски посочи дека и покрај стравувањето на СДСМ од предвремени избори, како одговорна Влада и мнозинство во Собранието, избори напролет нема да има, бидејќи следната година е полна со предизвици кои треба да се решаваат.На темата „мигранти“ Мицкоски ја поздрави Резолуцијата донесена во македонското Собрание.„Со тоа јасно и недвосмислено се става крај на оваа измислена тема мигранти, ги потврдува политиките на владата, а политиките на владата ги потврдија граѓаните на локалните избори коишто се случија пред неколку недели. Оваа влада како ретко која влада од независноста до денес, има обврска да ги штити интересите на граѓаните бидејќи има во историска смисла најголема доверба. И затоа мораме да се однесуваме одговорно колку и да имаме работа со неодговорна опозиција“, рече Мицкоски. „Мицкоски ја искоментира и претставката пред Уставниот суд за усвоената Резолуција во Собранието поднесена од СДСМ, нарекувајќи го како „чудно“ и невидено во светот, бидејќи не станува збор за закон или подзаконски акт, туку за Резолуција. Мислам дека местото не е таму. Местото е тука, во Парламентот. Тука се прави таа дебата, тука се бранат аргументите, тука граѓаните следат, но овие места на опозицијата се празни. И затоа кога утре ќе зборат за интересите на граѓаните, за стандардот на граѓаните, за подобра држава, граѓаните треба само оваа слика да ја видат, денес на пратенички прашања. Ова е сликата на опозицијата во македонското собрание“, одговори премиерот Христијан Мицкоски на прашање за темата за мигранти, притоа посочувајќи на празните места во Собранието а на кои ги немаше пратениците од опозицијата.

Македонија | пред 4 месеци

(Видео) Данела Арсовска со Али Ахмети договараше да биде премиер наместо Мицкоски, тврди нејзиниот екссоработник Драги Книга

Драги Митковски-Книга, поранешен близок соработник и експријател на ексградоначалничката на Скопје, Данела Арсовска, во гостување во „Претрес со Ландов“ изнесе серија тврдења за настаните и разговорите што, според него, се одвивале во периодот пред парламентарните избори. Во разговорот, Митковски сведочеше за политички калкулации, амбиции и конфликти во кои, како што тврди, била вклучена самата Арсовска.Книга: Одреден период пред парламентарните избори муабетите беа веќе одеа во таа насока дека Мицкоски нема да биде премиер ради тоа што нема да ги убаци Бугарите во Устав, него ќе го сменат и ќе мора да се направи техничка влада.Ландов: Ова Данела го зборува? Да. Со вас?Книга: Да, да, да, и дека можеби ДУИ ќе ја предложи за технички премиер.Ландов: Аха. Да сфатам Данела се надевала дека ќе биде технички премиер наместо Мицкоски? Математиките не излегле како што треба?Книга: Така е, и она идеше на состаноци со господинот Aли Aхмети во општина Сарај. Се скаравме таа ме обвини дека јас сум седел со Христијан Мицкоски во Воденица и сум договарал да ја убедам да си даде оставка. Јас и Мицкоски да седиме во Воденица ќе знае пола држава.Зошто Драги Книга не се вклопи во приказната на Данела Арсовска на Блерим Беџети?

Студио | пред 4 месеци

„Телата беа насекаде“ – сведоштво за пожарот во „Пулс“ што ја замолкна судницата

Со длабоко потресно сведочење на Дејан Николов, сопственик на соседен автолимарски сервис, денеска продолжи судењето за катастрофалниот пожар во дискотеката „Пулс“ во Кочани од 16 март 2025 година, во кој животот го загубија 63 млади лица. Пред судот и пред родителите на жртвите, Николов ги опиша драматичните и пеколни моменти од кобната ноќ, оставајќи ја судницата во солзи и тишина.Николов, првиот сведок сослушан по воведните зборови на одбраната, детално говореше за објектот во кој со години работела дискотеката, истакнувајќи дека функционирала во крајно небезбедни услови. Според него, прозорците кои однадвор изгледале како евакуациски отвори биле затворени или заѕидани одвнатре со изолациски материјали, поради што просторот, во случај на пожар, станал смртоносна стапица.Сведокот раскажа дека случајно се нашол пред дискотеката со пријатели и со својот син, само неколку минути пред да избие пожарот. Кога се појавил густ црн чад и настанал хаосот, веднаш реагирал, вклучувајќи го цревото од својот сервис со силен притисок за да помогне.„Слушав тропање и викање од женскиот тоалет. Прозорецот имаше решетки. Ги искршивме стаклата, а девојчињата се држеа за решетките и молеа за помош. Светеа со телефоните и врескаа. Ги прскав со вода за полесно да дишат. Син ми зад мене викаше: ‘Тато, те молам спаси ги!’“, сведочеше Николов, додека солзите не ги сокрија ни родителите на загинатите, ни присутните во судницата.Тој опиша како, заедно со својот син и неговите пријатели, со заштитни маски и гази, се обидувале да извлечат и да помогнат на настраданите, иако пламенот се ширел, а кровната конструкција почнала да пука и да се урива. Посебно го спомена моментот кога му пришол син на еден од локалните лекари, со тешки изгореници, барајќи помош.„Кога дојде пет часот наутро, времето за мене престана да постои. Верував дека има само повредени. Потоа се свртев и видов три безживотни тела покрај мене. Тоа беше ужас што не може да се опише… тела имаше насекаде“, рече Николов со треперлив глас.И покрај сведоштвата за пренатрупаноста на клубот, небезбедните услови, нелегалната употреба на пиротехнички средства и долгогодишното работење без исполнување на минимално-техничките стандарди, сите 35 обвинети на почетокот на процесот изјавија дека не се чувствуваат виновни. Дел од нив изразија сочувство до семејствата на жртвите, но останаа на ставот дека не сториле тешки дела против општата сигурност.Судењето, кое се одржува во судницата во Идризово, продолжува со вкрстено испрашување на сведокот од страна на одбраната.

Македонија | пред 4 месеци

(Видео) Запленета над 25 тони пиротехника, најдена во возило кое го возеле скопјани

Над 25 тони пиротехнички средства се пронајдени и одземени во акција на Министерството за внатрешни работи, спроведена на повеќе локации, при што од слобода се лишени две лица, од кои едното е полициски службеник.Како што соопшти МВР, на 24 декември 2025 година во 08:35 часот на наплатната станица Градско, полициски службеници од ОВР Кавадарци, во содејство со Единицата за недозволена трговија со оружје, опасни материи и радиоактивен материјал при Одделот за криминалистичка полиција, ги лишиле од слобода Н.Р. (41) и И.Р. (41), двајцата од Скопје.При контрола на товарно возило „пежо боксер“ со струшки регистарски ознаки, управувано од Н.Р., во кое како сопатник бил И.Р. – полициски службеник вработен во Полициската станица Бит Пазар, била пронајдена и одземена поголема количина пиротехнички средства. Лицата не поседувале никаква документација за средствата, а изјавиле дека истите му припаѓаат на правно лице од Скопје.Во рамки на понатамошните мерки и активности, пред магацин на истото правно лице било пронајдено уште едно товарно возило натоварено со пиротехнички средства, кое било оставено и напуштено.Денеска, пак, по судска наредба бил извршен претрес во магацините на правното лице, при што биле пронајдени и одземени над 25 тони пиротехнички средства.Од МВР информираат дека Единицата за недозволена трговија со оружје, опасни материи и радиоактивен материјал, во координација со ОВР Кавадарци, продолжува со преземање мерки и активности за утврдување на сите инволвирани лица. По целосно документирање на случајот, ќе биде поднесена соодветна кривична пријава по член 396 став 7 од Кривичниот законик.

Настани | пред 4 месеци

Пронајдено тело во Вардар кај Трубарево

Во водите на реката Вардар, во атарот на скопското село Трубарево, денеска било пронајдено и извлечено тело на машко лице, соопшти Министерството за внатрешни работи.Како што информира МВР, на 24 декември 2025 година во 14:20 часот во СВР Скопје било пријавено дека околу 11:00 часот во реката Вардар е забележано тело, по што веднаш биле преземени мерки за негово извлекување.По извршената идентификација, утврдено е дека станува збор за П.С. (71) од Скопје, за кого еден ден претходно, на 23 декември 2025 година, било пријавено дека се оддалечил од својот дом и му се губи трагата.На местото бил извршен увид од надлежните служби, а по наредба на јавен обвинител, телото на починатиот е предадено на обдукција, со цел да се утврдат причините за смртта.

Скопје | пред 4 месеци

Филипче: Резолуцијата за мигранти е противуставна, забрана на говор како во Третиот Рајх

Претседателот на СДСМ, Венко Филипче, денеска на седницата за пратенички прашања во Собранието остро ја критикуваше резолуцијата донесена од парламентарното мнозинство, оценувајќи ја како директен удар врз уставниот поредок и демократските слободи и споредувајќи ја со времето на Третиот Рајх.„Мислев да прашам нешто за мигрантите, ама вие донесовте резолуција која е противуставна со која што забранувате слобода на изразување, слобода на говор и се заканувате со кривични постапки, исто како во времето на Третиот Рајх. Резолуција, само тоа ќе каже власта, само тоа е вистината“, изјави Филипче.Тој истакна дека ваквиот документ претставува опасен преседан и отворен обид за замолчување на опозицијата.„Како Ванчо Михајлов да го пишувал овој документ што мнозинството на власта го изгласа во парламентот“, рече Филипче.Претседателот на СДСМ Филипче во Собранието укажа дека поради ваквите постапки на власта, целосно е маргинализирана дебатата за суштинските прашања, меѓу кои и реформите во правосудството.„Сакав да прашам нешто и за реформите во правосудството, нема и за тоа да прашам, затоа што гледаме што се случува. Затоа што нема ниту еден реформски закон. Европа знае дека вие повеќе не сте партнери, знае дека не ја кажувате вистината кога зборувате со европските функционери“, нагласи тој.Филипче додаде дека двата закони кои Владата сега набрзина ги турка во процедура не ги почитуваат препораките од оценската мисија, туку претставуваат нивна селективна и прилагодена верзија, исклучиво според интересите на власта.„Само два закони сега, набрзина во постапка и тоа без апсолутно да се имплементираат препораките од оценската мисија, односно некоја ваша која што на власта одговара модификација на тие препораки, кои што треба да бидат реформски закони“ , порача Филипче од собраниска говорница.

Македонија | пред 4 месеци

Мицкоски за СДСМ: Сакате да бидете „Левица од Али експрес“

Лидерот на СДСМ, Венки Филипче од собраниска говорница праша:зошто поскапела струјата за граѓаните и изнесе неколку ставови и примери за неуспешното владеење на мнозинството, меѓу другото прашањата за мигрантите, загадувањето, платите, цените.Премиерот Христијан Мицкоски упати навредливи зборови кон СДСМ, обвинувајќи го Филипче дека сака партијата да биде „Левица од Али експрес”.„Интересна пи-ар стратегија, договорена од новите пи-ар стратези: Навистина чудни соопштенија испраќате секое сабајле, но претпоставувам така тие ви викаат, па мислите дека тоа е начинот на кој ќе бидете ,,Левица од Али експрес” и мислите дека на тој начин како СДСМ ќе привлечете внимание“, одговори Мицкоски.

Македонија | пред 4 месеци

Адвокатот на газда Нацев: Наместо вина, ќе докажеме херојство на обезбедувачите

Во судницата каде што се води судскиот процес за трагичниот пожар во кабарето „Пулс“ од 16 март 2025 година, денеска својот воведен говор го изнесе одбраната на првообвинетиот Александар Нацев. Неговиот адвокат оцени дека обвинението против Нацев е конструирано и дека тој во ниту еден момент не настапувал како реален сопственик или лице што управувало со агенцијата за обезбедување „Рубикон секјурити солушнс“.Според одбраната, клучната теза на Обвинителството дека Нацев бил неформален сопственик кој заедно со управителот Јан Јанчевски ја раководел агенцијата, не е поткрепена со докази. Адвокатот истакна дека Нацев бил ангажиран како вработен, односно консултант, исклучиво поради својата стручност во областа на безбедноста, без какви било управувачки или сопственички овластувања.Во судницата беше нагласено дека Обвинителството не може да докаже никаква поврзаност на Нацев со правното лице пред 2024 година, кога тој формално станал вработен. Тврдењето дека бил „реален сопственик“, според одбраната, претставува систем од претпоставки, а не факти засновани на докази.Како еден од клучните аргументи, одбраната го посочи и фактот дека меѓу агенцијата „Рубикон“ и кабарето „Пулс“ не постоел писмен договор за физичко обезбедување, што, според адвокатот, е законски предуслов за утврдување на конкретна одговорност. Агенцијата, како што беше посочено, дејствувала како оператор на услуги, а не како субјект кој целосно ги презема безбедносните протоколи во објектот.Одбраната дополнително наведе дека обезбедувачите ангажирани таа вечер немале обврска да го контролираат бројот на гости, да ја проверуваат функционалноста на влезовите и излезите, ниту да поднесуваат план за обезбедување до Министерството за внатрешни работи. Како што беше истакнато, на терен биле ангажирани тројца обезбедувачи, а законската обврска за изработка на план за обезбедување постои само кога се ангажирани повеќе од пет лица.Во воведниот говор беше критикувано и таканареченото интегрирано обвинение, при што адвокатот оцени дека временската рамка намерно е стеснета за да се совпадне со периодот кога Нацев веќе бил вработен во „Рубикон“. Притоа беше посочено дека во низа слични трагедии во странство, меѓу кои случаи во Романија, Бразил и Соединетите Американски Држави, никогаш не биле гонети сопственици на агенции за обезбедување.Наместо вина, одбраната најави дека преку сведочења ќе докаже дека вработените во „Рубикон“ во кобната ноќ постапувале храбро, преземајќи улога на пожарникари и медицински лица и ризикувајќи ги сопствените животи во обид да спасат што поголем број луѓе.На крајот, адвокатот нагласи дека Александар Нацев со ниту едно свое дејствие или пропуст не го предизвикал пожарот и дека не може да биде товарен за непреземање дејствија кои ниту законски, ниту договорно бил обврзан да ги преземе.

Македонија | пред 4 месеци

Мицкоски: Народот е жеден за правда, новиот јавен обвинител мора да ги извади пријавите од фиоките

Враќање на довербата во институцијата Јавно обвинителство, темелна и напорна работа и сериозно постапување по над сто кривични пријави кои, како што рече, со месеци и години стојат во фиоките на Обвинителството, се клучните очекувања што премиерот Христијан Мицкоски ги има од новиот државен јавен обвинител. Тој ова го истакна одговарајќи на пратеничко прашање во Собранието.Мицкоски нагласи дека граѓаните со право се „жедни и гладни за правда“ и дека токму борбата за правда претставува суштинската реформа што мора да се спроведе, а не, како што рече, зголемување на платите или буџетите за обвинителите и судиите.Според информациите со кои располага, процедурата за избор на нов државен јавен обвинител не би требало да трае повеќе од еден и пол до два месеца. Тој изрази очекување во тој период да биде избран нов обвинител кој веднаш ќе се зафати со сериозна работа, бидејќи, како што рече, го чека огромен обем на нерешени предмети.Премиерот посочи дека во изминатата година и пол, според неформални разговори со колеги од Владата и од институциите, постоела појава каде што институциите поднесувале кривични пријави, а Обвинителството не постапувало по нив. Станува збор, како што наведе, за можеби неколку стотици случаи.Тој додаде дека фактот што Владата не прави јавна естрада, не врши спектакуларни апсења и не снима упади во домови, не значи дека пријавите не се поднесени. Напротив, тие постојат, но не добиле судска разрешница.Мицкоски оцени дека негодувањето на граѓаните е разбирливо, бидејќи тие со право прашуваат зошто, и покрај најавите за борба против криминалот, нема видлива реализација. Одговорот, според него, лежи во фактот дека голем број пријави сè уште не се процесуирани.Премиерот истакна дека Владата не е судска власт ниту обвинителство и дека нејзината улога завршува со поднесување на кривичните пријави, по што надлежноста ја преземаат обвинителите и судиите. Затоа, како што рече, првата и основна задача на новиот јавен обвинител мора да биде враќањето на довербата во Обвинителството, а потоа и во судството во целина.Тој нагласи дека без силна правна држава нема успех на ниту едно друго поле – ниту инвестиции, ниту економски раст, ниту нови работни места и повисоки плати. Во тој контекст потсети дека во наредниот период пред Собранието ќе се најде значаен сет закони од реформската агенда, дел од кои веќе го поминале филтерот на Венецијанската комисија.Меѓу нив се законот за Судскиот совет, кој веќе е во собраниска процедура, како и законите за Советот на јавни обвинители, за Јавното обвинителство и за судската служба, за кои очекува да бидат разгледани во јануари.Мицкоски уште еднаш потенцираше дека Владата излегла во пресрет на барањата на јавните обвинители и судиите, дозволувајќи плановите за вработување и унапредување да ги одобруваат Советот на јавни обвинители и Судскиот совет. Дополнително, како што рече, дадена е насока за мапирање на потребите од кадар во судовите и обвинителствата, особено за ИТ-експерти, сметководители и технички персонал, со цел да се обезбедат соодветни средства преку Буџетот и ребалансот.„Сè што побараа од нас, го направивме“, заклучи премиерот.

Македонија | пред 4 месеци

Мицкоски до ДУИ: Вие баравте да се укине балансерот

Пратеничката од ДУИ, Рина Ајдари на седницата за пратенички прашања таа кажа дека оваа Влада ја укинала алатката за правична застапеност и оти речиси две години, Албанците се без заштитени права и се објавуваат, како што рече, скандалозни конкурси за вработување само на Македонци.,,Испраќање невистини од говорницата нема да ви донесе политички поени туку дополнително ќе одите во негативна насока што не е добро за вас. Се што кажавте е неточно и невистина. Чесно и доблесно ќе беше да се извините пред граѓаните и да кажете дека ние од ДУИ на владина седница донесовме одлука со која препорачавме да се избрише алатката Балансер и чесно и доблесно ќе беше да кажевте дека сите оние судии во Уставниот суд коишто ја донесоа таа одлука се уставни судии избрани од претходното владино мнозинство на СДСМ и ДУИ или се предлог на поранешниот претседател на државата, господинот Пендаровски. Ова е вистината што сите почитувани граѓани треба да ја знаат. Се останато е невистина и обид за груба политичка манипулација, одговори премиерот Мицкоски.

Македонија | пред 4 месеци

Сопственикот на „Рубикон“: Цел сум на политизирани клевети на кои може да позавиди и Орвел

На денешното рочиште за катастрофалниот пожар во дискотеката ,,Пулс“, воведен збор имаше обвинетиот Александар Нацев, сопственик на Агенцијата за обезбедување „Рубикон”.Тој ги отфрли обвиненијата и се пожали дека девет месеци е жртва на јавен линч. Според него обвинението е „брутално силување“ на законите.Според неговата одбрана тој не бил ниту одговорно лице, ниту реален сопственик на агенцијата за обезбедување „Рубикон“, туку само вработен како консултант поради неговата експертиза во безбедноста.„Дури и Џорџ Орвел би можел да позавиди на ваквата конструкција. Со непобитни докази ќе го укажеме отсуството на каква било вина кај мене. Во време на трагичниот настан, јас воопшто не бев во државата“, рече Нацев.Тој кажа дека не бил во земјата кога се случи пожарот во „Пулс“.

Македонија | пред 4 месеци

Герасимовски: Дом за стари лица, нова градинка и зголемени субвенции за граѓаните, буџетски приоритети за Центар во 2026

Советот на Општина Центар на 3. Седница едногласно го усвои Буџетот за 2026 година.Проектираниот основен буџет на Општина Центар за наредната година изнесува 1.217.450.000 денари и претставува највисок буџет досега. Од вкупниот износ, 527.230.000 денари, односно 43 проценти, се наменети за капитални инвестиции, додека 690.220.000 денари, односно 57 проценти, се планирани за тековни оперативни расходи.Буџетот е реален и транспарентен, со фокус на реализирање на проектите зацртани во програмата за вториот мандат на градоначалникот Горан Герасимовски.„Секој денар е насочен кон проекти што носат подобри услови за живот, поквалитетно образование, повеќе грижа за најмладите и повозрасните и уреден јавен простор. Ова е буџет со кој ги исполнуваме ветувањата дадени пред граѓаните“, рече Герасимовски.Во делот на капиталните проекти се планирани значајни вложувања со долгорочен ефект. Општина Центар обезбеди средства за изградба на модерен дом за стари лица, со услови усогласени со европските стандарди, додека за најмладите се предвидува нова детска градинка во близина на Клиничкиот центар „Мајка Тереза“, со капацитет до 100 деца. Овие проекти, нотирани во програмата, се клучни за подобрување на квалитетот на животот на сите генерации во локалната самоуправа.Во рамките на стратешките инвестиции, се планира изградба на граѓанско-административна зграда, која ќе биде симбол на отворена и достапна општина, со капацитет од 300 паркинг-места. Реализацијата на овој проект тежок 380.000.000 денари, ќе се одвива фазно, со цел да се обезбеди квалитетна и функционална инфраструктура.Дополнително, на местото на монтажниот паркинг во Буњаковец, е предвидена изградба на нова катна гаража со капацитет од околу 250 возила, како решение за проблемот со недостиг од паркинг-места во тој дел од Центар.Во образованието се инвестира и преку изградба на два нови базени во основните училишта „11 Октомври“ и „Димитар Миладинов“.Како дел од капиталните вложувања, Општина Центар значително го зголемува и буџетот за зеленило, на 20.000.000 денари, со цел заштита и унапредување на животната средина во урбани услови.Буџетот предвидува и низа активности за уредување на јавниот простор и подобрување на инфраструктурната мрежа, меѓу кои реконструкција на улица Ленинова, од Партизанска до Градски парк, како и реконструкција на повеќе локални улици, уредување на пјацети и потегот од Зелено пазарче до улица Македонија, поставување пристапни рампи и набавка на нова урбана опрема.Во локалниот економски развој и дигитализацијата, Буџетот за 2026 година опфаќа мерки насочени кон подобрување на квалитетот на живеење и современо управување со општината. Меѓу нив е и Смарт системот за мерење бучава, ветен во програмата за 2026 година, а реализиран уште на крајот на 2025 година. Вкупно 30 дигитални уреди се поставени на најфреквентните локации со цел континуирано следење на нивото на бучава и враќање на мирот и спокојот на граѓаните.Наредната година ја воведуваме Центарската картичка, со која жителите ќе добиваат попуст за одредени производи и услуги, доградба на ГИС-порталот во мобилна апликација, активирање на уште една бесплатна Wi-Fi зона на Боемска, продолжување на поддршката за НЕЕТ младите и почеток на меѓународен проект финансиран од Европската комисија, во соработка со АЛДА.Значаен раст има и во вложувањата во социјалната заштита, образованието и културата. Еднократната парична помош за новороденче во следната година се зголемува од 7.000 на 10.000 денари, а финансиската поддршка за повозрасните граѓани во социјален ризик од 2.500 на 5.000 денари.Бесплатниот оброк е една од клучните мерките ветени во делот на образованието и поддршката на семејствата во Центар. Од септември 2026 година, сите ученици во целодневната настава ќе добиваат оброк на трошок на општината, обезбедени се средства и за бесплатни екскурзии преку проектот „Ја сакам Македонија“.Продолжува успешниот проект на воведување училишни униформи, а се зголемува и финансирањето на обезбедувањето во училиштата. Буџетот за образование е зголемен од 51.000.000 денари во 2025 година на 72.840.000 денари во 2026 година, што покажува тенденција на понатамошен раст.Двојно зголемен е и буџетот за култура, кој покрај средствата за веќе етаблираните проекти како „Центарска симфонија“, „Нешто што ќе остане“, „Вечер под ѕвездите“ и „Мурали и графити“, воведува и нови културни содржини како детскиот фестивал „Детелинка“, „Звукот на иднината“ и „7/8 Центарски такт“. Со овие вложувања, Општина Центар ја позиционира 2026 година како година на културен подем и континуирана поддршка на уметноста и младите.Новата финансиска рамка е скроена во соработка со граѓаните. Општина Центар им се заблагодарува за идеите и предлозите, кои помогнаа во креирањето на проекти и буџетски решенија што одговараат на реалните потреби на жителите. Ваквата соработка е темел за развој и отчетност, нов буџет насочен кон подобрување на секојдневието и квалитетот на животот во општината.

Скопје | пред 4 месеци

ДЗС предупредува: Ниту една прослава не вреди човечки живот

Дирекцијата за заштита и спасување упати апел до сопствениците на угостителски објекти и организаторите на прослави, потсетувајќи ги да постапуваат одговорно и целосно да ги почитуваат прописите за заштита од пожари и за безбедност на посетителите.Со цел да се избегнат трагични инциденти, пожари или паника при масовни собири, ДЗС нагласува дека почитувањето на прописите за безбедност не е избор, туку задолжителна одговорност на секој организатор.За да се осигура максимална заштита на посетителите, ДЗС посочува дека е задолжително почитување на максимално дозволениот број на гости во објектот, сите коридори и патишта за евакуација мора да бидат чисти, а излезните врати отклучени и функционални. Исто така, се наведува дека противпожарните апарати мора да бидат редовно одржувани и веднаш достапни за употреба, а забрането е користење на пиротехнички средства и да не се користи отворен пламен во затворени простории или други потенцијално опасни материјали спротивно на законските прописи.„Ниту една прослава, ниту една забава не вреди повеќе од човечкиот живот. Апелираме до сопствениците и организаторите строго да го почитуваат дозволениот број посетители, да обезбедат исправна противпожарна опрема и слободни излези за евакуација”, укажува директорот Ангелов.

Македонија | пред 4 месеци

Родителите на загинатите во „Пулс“ се сомневаат дека токсиколошките анализи за смртта се нецелосни

Родителите на загинате во дискотекат,,Пулс“ се сомневаат дека токсиколошките анализи за причините за смрт на нивните деца не се целосни и бараат дополнителни вештачења.Александар Наунов, татко на загинато девојче кој е и претседател на Здружението „16 Март 2025 се сомнева дека причина за смрт е и присуството на цијанид во телата на загинатите, но тоа, како што рече не е утврдено со форензичките анализи на МВР, иако било оставено како можност.„Цијанид можен, анализи нема. Сериозен јаз меѓу институционалните тврдења и обдукциската документација отвора прашање за вистинската причина за смртта на нашите најмили. Иако во одговорот во ОЈО се наведува дека вештачењата на Институтот за хемија и анализите на МВР-ОФИ ја потврдиле веројатноста дека испуштање на цијанидни гасови како последица на согорување на материјалите во клубот, е клучното прашање кое останува неодговорено. Дали при обдукциите е направена конкретна токсиколошка анализа за цијанид и други отровни гасови во телата на нашите починати деца. Во обдукциските наоди како причина за смрт е наведено задушување од јаглерод моноксид меѓутоа во самиот обдукциски наод јасно се наведува дека од телата се земени и крв и урина за одредување на јаглерод моноксид, како и за токсиколошката анализа при што изрично стои дека останатите токсиколошки анализи ќе бидат дополнително доставени на семејствата“, праша Наунов.Ова, посочи не е содржано во конечните обдукциски наоди и отвора сериозен сомнеж.Според Наунов, додека не се објават и документираат резултатите од сите дополнителни токсиколошки анализи не може со сигурност да се тврди дека причината за смрт е целосно и точно утврдена.На денешното рочиште воведни зборови треба да даде одбраната на обвинетиот сопственик на агенцијата за обезбедување „Рубикон секјурити солушнс“, Александар Нацев, како и правните застапници на трите обвинети фирми за трагедијата.

Македонија | пред 4 месеци