Фатен Србин кој се обидел да пренесе 130 килограми марихуана скриена во ладилник на приколка на Табановце, поведена истрага

Основното јавно обвинителство Куманово донесе Наредба за спроведување истражна постапка против српски државјанин осомничен за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.На 29 октомври, на граничниот премин Табановце, во камион со полуприколка (ладилник) со словенечки регистарски ознаки, тој се обидел да пренесе 129,7 килограми наркотична дрога марихуана. Дрогата, во 14 торби скриени во камионот во сопственост на превозна компанија од Словенија, ги пронашле царинските службеници при контрола на возилото. Јавниот обвинител до судијата на претходна постапка од Основниот суд во Куманово достави предлог за определување мерка притвор за осомничениот, соопшти ОЈО

Македонија | пред 6 месеци

И Бахамите го чекаат ударот на „Мелиса“ – најсилниот ураган во последните 90 години пустоши низ Карибите

Бахамите се подготвуваат за ударот на ураганот Мелиса, кој денес пристигнува по своето разорно патување низ Карибите. Бурата, која зад себе остави пустош во Јамајка, поплави во Куба и 24 жртви во Хаити, продолжува да се движи со огромна сила, предупредуваат метеоролозите.Според Националниот центар за урагани на САД (NHC), временските услови на Бермуда ќе се влошат во доцните попладневни часови и вечерта, кога се очекуваат налети на ветер што ќе достигнат до 150 километри на час.Ураганот Мелиса, кој во вторникот ја погоди Јамајка како бура од највисоката — петта категорија според скалата Сафир-Симпсон, беше најмоќниот што стигнал до копното во последните девет децении. Ветровите со брзина од околу 300 километри на час предизвикаа масовна штета и уништени цели региони на островот.Во Куба, каде што поројните дождови предизвикаа поплави и урнување на покриви, властите соопштија дека нема човечки жртви, но материјалната штета е огромна. Сантијаго де Куба, вториот по големина град во земјата, остана без електрична енергија, а многу далноводи паднаа на земја.Во меѓувреме, Хаити, кој не беше директно погоден од ураганот, но претрпе тешки последици од обилните дождови, брои најмалку 24 загинати, меѓу кои и десет деца, додека 18 лица сè уште се водат како исчезнати, според најновиот извештај на Обединетите нации.Според најновата анализа на климатолози од Империјал колеџ во Лондон, климатските промени предизвикани од човекот придонеле ураганот Мелиса да биде значително помоќен и поразорен од сличните бури во минатото.

Свет | пред 6 месеци

Трамп ги укина санкциите кон Додик, зошто?

Укинувањето на американските санкции за Милорад Додик и групата од околу триесет негови соработници и членови на најтесното семејство претставува потврда дека актуелната администрација на Доналд Трамп испробува нов пристап кон Босна и Херцеговина, согласни се поголемиот дел од политичарите, аналитичарите и медиумите во таа земја.Канцеларијата за контрола на странски имот (OFAC) при американското Министерство за финансии во средата соопшти дека од списокот на санкционирани се отстранети Додик, членката на Претседателството на БиХ Жељка Цвијановиќ, дваесетина поранешни и сегашни функционери во институциите на БиХ и Република Српска, како и повеќе компании кои претходно се најдоа на „црната листа“ на САД поради сомнеж дека се дел од коруптивна мрежа која го одржува Додик на власт и му овозможува лично да се збогатува.OFAC не даде никакво објаснување зошто Додик, неговите соработници и тие компании повеќе не се под казнените мерки кои подразбираа забрана за патување во САД и замрзнување на имот доколку санкционираните поседуваат таков на американска територија.Подоцна од Стејт департментот појаснија дека станува збор за редовни ревизии кои се спроведуваат секоја година со цел унапредување на американските интереси, но потврдија и дека укинувањето на санкциите е директно поврзано со повлекувањето на Додик од функцијата претседател на Република Српска и поништувањето на спорните закони што претходно, по негова иницијатива, ги усвои ентитетскиот парламент.Укинати санкции„Конструктивните чекори што ги презеде Народното собрание на Република Српска во претходните недели треба да придонесат за поголема стабилност на Босна и Херцеговина и ќе овозможат партнерство со САД засновано врз заеднички интереси, економски потенцијал и заеднички просперитет“, се наведува во соопштението од Стејт департментот што го објави порталот Detektor.ba.Од таму додадоа дека планираат блиска соработка со политичките актери и учесници „од целиот политички спектар во БиХ“ за да ги унапредат заедничките приоритети, но остана нејасно зошто на списокот на санкционирани и натаму се наоѓаат некои членови на Српската демократска партија (СДС), како и Маринко Чавара од ХДЗ, претседател на Претставничкиот дом на парламентот на БиХ, кој беше санкциониран поради проценката дека е одговорен за блокирање на именувањето судии во Уставниот суд на Федерацијата БиХ додека ја извршуваше функцијата претседател на тој ентитет.Поради тоа, Чавара со месеци не може да ја прима ниту веќе заработената плата.Додик првпат беше ставен под американски санкции во 2017 година, кои останаа на сила и за време на првиот мандат на Трамп, додека администрацијата на Џо Бајден ги засили, казнувајќи го целиот круг на негови блиски соработници и спроведувачи на Додиковите сецесионистички закани и идеи.Синиша Карањ, актуелен кандидат на Додик на предвремените избори за претседател на Република Српска, беше санкциониран затоа што како министер за внатрешни работи директно работел на подготовка на закони врз основа на кои тој ентитет би се одвоил од БиХ.„Додик сè продаде за лична корист“Иако медиумите во Република Српска под контрола на власта еуфорично известуваат за укинувањето на санкциите како за „крунисана победа“ на Додик, тој самиот реагираше воздржано, заблагодарувајќи му се на Трамп за разбирањето.„Уште еднаш се покажа дека сè што беше изговорено против нас беше лага и пропаганда“, напиша Додик на мрежата X, додавајќи дека Република Српска „никогаш нема да падне“.Од опозицијата во Република Српска веднаш реагираа, оценувајќи дека укинувањето на санкциите е доказ дека Додик „сè продал“ за лична корист.„Сè уште не знаеме што сè дале, но едно е сигурно — бидејќи СДС и другите останаа на црната листа, тие не се бореле за Република Српска, туку само за себе. Сметката за овие отстапки допрва ќе ни пристигне“, изјави градоначалникот на Бања Лука и лидер на Партијата на демократскиот напредок (ПДП), Драшко Станивуковиќ.т.

Свет | пред 6 месеци

Времето во Македонија: Умерено облачно со температури до 20 степени, нови врнежи од понеделник

По утринската магла во одредени котлини во земјата, во текот на денот времето ќе биде претежно облачно со краткотрајни сончеви периоди, велат од Управата за хидрометеоролошки работи (УХМР). Ќе дува слаб до умерен југоисточен ветер.Минималните температури ќе се движат во интервал од -1 до 5 Целзиусови степени, додека максималните ќе од 15 до 20 степени.Времето во Скопје преку денот сончево со мала до умерена облачност и слаб променлив ветер. Температурите ќе се движат од минимални 4 до максимални 19 степени.За деновите од викендот УХМР најавува претежно сончево време со локална облачност.

Македонија | пред 6 месеци

Американскиот Сенат гласаше за отфрлање на царините на Трамп за повеќе од 100 земји

Американскиот Сенат зазема став против глобалните царини на Доналд Трамп, гласајќи за поништување на таканаречените реципрочни царини кои влијаат на 100 држави.Четири републиканци се здружија со сите демократи за да гласаат со 51-47 за резолуција за укинување на царините што претседателот ги воведе со извршна наредба.Ова беше трет пат републиканците да гласаат заедно со демократите за резолуција за царини оваа недела, претходно обединувајќи се за укинување на давачките насочени кон Бразил и Канада.Гласањето против одлуки на Трамп е реткост за републиканците во неговиот втор мандат. Но, републиканските сенатори Сузан Колинс од Мејн, Мич Меконел и Ранд Пол од Кентаки и Лиза Мурковски од Алјаска се придружија на опозицијата.И покрај одлуката донесена во Сенатот, Претставничкиот дом веројатно нема да преземе слични мерки. Републиканците во Претставничкиот дом претходно оваа година создадоа правило кое ќе ги блокира гласањата за резолуциите за царините.Царинските резолуции се изразуваат несогласување со самите царини и за тоа што Трамп ги пречекорува своите овластувања кога ги донесува и го заобиколува Конгресот. Сенаторот Тим ​​Кејн, демократ од Вирџинија, им рече на новинарите дека симболичното делување на опозиција треба да го привлече вниманието на претседателот.

Свет | пред 6 месеци

Од полноќ изборен молк, во недела втор изборен круг

Кандидатите за градоначалници уште денеска имаат шанса дс ги претстават своите програми и ветувања.Од вечерва на полноќ почнува изборниот молк кој ќе трае до недела. До тогаш граѓаните можат да размислат кому ќе му го дадат својот глас.На 2 ноември ќе се одржи вториот круг од локалните избори.Во вториот круг ќе се гласа во 32 општини и во Градот Скопје, а ќе се прегласува за членови на Совет на три избирачки места во општината Шуто Оризари.Во сабота според законот ќе гласаат болните и изнемоштените, затворениците и лицата во домашен притвор.Во Градот Скопје во трката за градоначалник се кандидатот Орце Ѓорѓиевски, поддржан од ВМРО-ДПМНЕ и коалицијата и Амар Мециновиќ од Левица.Во Карпош ќе се натпреваруваат Стевче Јакимовски од коалицијата ,, Искуство за успех и кандидатот од ВМРО-ДПМНЕ, Сотир Лукровски, во Аеродром каде во игра се Дејан Митески од ВМРО-ДПМНЕ и Александар Трајановски од СДСМ, во Центар битката ќе се води меѓу Горан Герасимовски од СДСМ и Мирослав Лабудовиќ од Движењето ЗНАМ.Во втор круг во Шуто Оризари ќе се соочат Ерџан Демир поддржан од ВМРО-ДПМНЕ и Курто Дудуш од Унија на Ромите.Втор круг ќе има и во Брвеница, Валандово, Виница, Дебар, Дебрца, Демир Капија, Кичево, Конче, Кочани, Крушево, Куманово, Лозово, Македонска Каменица, Македонски Брод, Неготино, Пробиштип, Ранковце, Росоман, Струга, Студеничани, Тетово, Чешиново-Облешево и Чучер Сандево.Во Гостивар, Врапчиште, Центар Жупа и Маврово на 2 ноември нема да има гласање бидејќи во првиот круг од локалните избори не беше исполнет законскиот цензус на излезени граѓани. Тука изборната постапка почнува одново по објавувањето на конечните резултати од локалните избори.

Македонија | пред 6 месеци

Мицкоски: Скопје добива градоначалник кој ќе работи неуморно и чесно, Орце Ѓорѓиевски е човекот кој ќе воведе ред, чистота, култура

Скопје добива градоначалник кој ќе работи неуморно, вреден борец, посветен, човечен, личност која ќе направи да се гордееме сите, но и кој е свесен дека резултатите и испорачаните проекти се обврска, исто како и довербата, и дека погледите во него по изборите се вперени со двоен диоптер и многу цилиндри и ќе му се прати секој чекор и ќе се очекуваат брзи дејствија и резултати од него. Драги скопјани, токму овој човек, вашиот човек за главниот град, Орце Ѓорѓиевски, е доказ дека можат да се направат промени кога некој работи со срце, рече претседателот на ВМРО-ДПМНЕ, Христијан Мицкоски на денешниот народен митинг во Скопје во рамки на изборната кампања под слоган „Вистинскиот избор! Твојот човек! Твоето место! За твојата иднина!“ за вториот круг од локалните избори во недела на 2 ноември.Мицкоски посочи дека Ѓорѓиевски е човек што не ветува без да е сигурен дека може да исполни, и кој испорачува за граѓаните.„И кога гледам што Орце направил за Кисела Вода, знам дека истиот дух, истата енергија и иста совесност ќе ја донесе во Скопје. И Скопје ќе влезе во една нова фаза на предвидливост и извршување на обврските. Орце е сериозен, приземен, прилично методичен карактер. Тој ќе го направи Скопје повторно да живее слободно и да дише слободно. Град каде што јавниот превоз нема да е изговор и да се прекршува врз суети и изговори, туку систем каде што пешачките премини значат безбедност, а не се руски рулет, каде што отпадот е ресурс, а не срам и загаденост“, рече Мицкоски.Додаде дека Скопје бара управување, не експеримент и за Орце, Скопје е мрежа на животи и сега му треба вашиот јасен мандат за Скопје да стане град на ред, чистота, култура, лесно движење, рамно развиени општини и чесна локална економија.Мицкоски исто така ги повика граѓаните да гласаат и за Сотир Лукровски во Карпош, за Дејан Митевски во Аеродром, за Ерџан Демири во Шуто Оризари, како и за Зоран Бајовски кој е во натпревар за прв човек за блиската општина до Скопје, Чучер Сандево.„Ова е вистински избор. Затоа што е избор за секој ден, не само за изборен ден. Ова е избор за твој човек, човек што работи и кога нема камери. Ова е твоето место, град во кој не си гостин. Ова е за твојата иднина, да останат и децата, и соништата“, истакна Мицкоски.

Македонија | пред 6 месеци

Мицкоски: Имаме историска шанса да го добиеме Кичево, Кичево да биде симбол на соживот, а не на поделби

Христијан Мицкоски, претседател на ВМРО-ДПМНЕ, на денешниот митинг од пред платото на Филхармонија, се осврна и на Кичево, и кандидатот за градоначалник од редовите на ВМРО-ДПМНЕ. Според него, Кичево се наоѓа пред историска можност да избере градоначалник кој ќе ја промовира инклузивноста и соживотот меѓу сите.  Мицкоски рече дека овој избор не е прашање на етничка припадност, туку на вредности и посветеност на сите жители на Кичево со цел градот да стане симбол на единство, прогрес и историска победа за сите.,,Дваесет години таму немало градоначалник што ја носи нашата програма, нашите вредности, немало човек кој гледа за сите, туку гледал само самиот за себе си. Дваесет години градот беше под управување, кое често ги делеше луѓето по вера, народност или партија“, вели Мицкоски.Мицкоски повика на единство меѓу сите заедници во Кичево, апелирајќи до Македонците, Албанците, Турците, Власите, Ромите, Србите и Бошњаците.,,Вечерва испраќам од овде од Скопје порака до сите кичевчани  и Македонци, и Албанци, и Турци, и Власи, и Роми, Срби, Бошњаци. Излезете во недела и гласајте за човекот што ќе биде градоначалник на сите! Да се обединиме околу идејата дека Кичево може да биде симбол на соживот, а не на поделби. Да ја направиме историјата вистина, првпат по две децении, Кичево да има градоначалник кој не прашува „чиј си“, туку „што можеме да направиме заедно“, додаде Мицкоски.Тој истакна дека оваа победа ќе биде заедничка за сите граѓани на Кичево и дека Владата ќе го поддржува Кичево во напорите да го подобри животот на сите жители, и додаде дека оваа промена не е прашање на етничка припадност, туку на човечка посветеност.,,Тоа ќе е заедничка историска победа на сите граѓани на Кичево, а ние како Влада ќе го помагаме Кичево максимално, во свои напори да го подобри животот на сите негови граѓани. И тука нема етничка приказна, туку сосема човечка димензија. Ова не е повик за етничко гласање туку за гласање за човек, за човек Македонец со сопруга Албанка, кои се пример за вредности и сила, човек кој ќе работи за сите, за своите кичевчани, ќе биде градоначалник буквално за сите и за Македонците, и за Албанците, ќе ги помага и ќе биде коректен, и за Турците, Ромите, Власите, Бошњаците. Со сите кои таму живеат без разлика на партија, етникум и верска определба. Тој е човек и ќе работи за Кичево“, посочи Мицкоски.

Македонија | пред 6 месеци

Ѓорѓиевски: На 2 ноември масовно да излеземе на гласање и заедно да му го вратиме сјајот и редот на нашето Скопје

Стоиме заедно во пресрет на конечната одлука, ова е одлука за судбината на нашиот град. Одлука за тоа во каков град сакаме да имаме ние и во каков град сакаме да живеат нашите деца. Нашиот град е уморен од хаос, уморен е од нечистотија, од сообраќаен метеж во кој губиме часови од нашиот живот, од празни ветувања и од неспособност, рече кандидатот на ВМРО-ДПМНЕ за градоначалник на град Скопје, Орце Ѓорѓиевски на денешниот митинг во Скопје во рамки на изборната кампања под слоган „Вистинскиот избор! Твојот човек! Твоето место! За твојата иднина!“ за вториот круг од локалните избори во недела на 2 ноември.Ѓорѓиевски посочи дека Скопје е град со сериозни, длабоки и наталожени проблеми и овие проблеми не се решаваат со учење во од и со празни фрази, туку бараат сериозни, искусни и итни решенија.„На Скопје, почитувани, не му требаат експерименти, на Скопје не му требаат луѓе кои допрва ќе се учат што е локална самоуправа. Не му требаат луѓе кои допрва ќе откриваат што е тоа Генерален урбанистички план, што е Детален урбанистички план, што е физибилити студија, што е главен проект, а што е буџетско планирање“, истакна Ѓорѓиевски.Тој вели дека градот бара човек којзнае што прави уште од првиот ден, затоа што Скопје нема време за губење, ниту пак за учење.„Немаме време некој допрва да учи колку училишта има во Скопје, да учи колку претпријатија има, да учи кои се булеварите во главниот град, да ги учи каде се скопските населби. Ние во изминатите четири години докажавме како се работи, а пред неколку дена на дуел, нивното незнаење, лажната скромност и преголемата амбиција и доживеа целосен дебакл“, рече Ѓорѓиевски.Во обраќањето до скопјани, Ѓорѓиевски истакна дека сега пред нив ја бара довербата со дела оставени зад него, посочувајќи дека за Кисела Вода вети 70 километри асфалтирани улици, и испорача, вети нови градинки, и тоа го реализиравме, и листите на чекање ги сведуваме на нула.Ѓорѓиевски рече, имаме јасен план, со стотици проекти во нашата програма и знаеме како да го решиме сообраќајниот колапс.„Ќе ја одблокираме клучката Момин Поток, ќе го пробиеме булеварот Хрватска за да ги споиме Гази Баба и Бутел, ќе го завршиме булеварот АСНОМ со новиот мост за да ги споиме Аеродром и Гази Баба, ќе го прошириме булеварот Цветан Димов во Чаир со шест ленти. Ќе го изградиме Февруарски Поход со нов мост преку Вардар, со кој Аеродром добива целосно нов коридор, ќе воведеме трета лента на булеварот Александар Македонски за да нема повеќе хаос на источниот дел од градот. Ова не се само линии на хартија, ова се артерии кои ќе го оживеат градот“, истакна Ѓорѓиевски.

Македонија | пред 6 месеци

Мицкоски: Следи период на реализација на 70 нови проекти во различни области, нова развојна фаза на Македонија

Претседателот на ВМРО-ДПМНЕ, Христијан Мицкоски се обрати на народниот митинг на ВМРО-ДПМНЕ и коалицијата „Твоја Македонија’’ од пред платото на Филхармонија каде што истакна дека  следува период на реализација на 70 нови проекти во различни области како образование, здравство, земјоделие, култура, проекти кои ќе значат нова развојна фаза на Македонија.„Нашата задача не е едноставна. Не само заради ситуацијата која ја наследивме, туку таа е многу поголема. Нашата цел не е само политичка победа, туку обновување на вербата дека Македонија може и мора да биде подобра земја. И иако оди потешко од што мислевме, сепак основите ги поставивме. Не можевме веднаш да почнеме со екстремно позитивни резултати, моравме прво да ги направиме темели. Некои мислеа дека тоа ќе оди преку ноќ. Но, темел не се прави од муабет, туку од пот и многу поминати часови на средби, планирања, анализи, патувања, размена на мислења и одлуки.И токму затоа денес можам да кажам: темелот е поставен. Сега по изборите, почнува буквално фаза на жестока работа  и големи резултати. Во наредниот период ќе почнеме со повеќе од 70 нови проекти, во инфраструктура, енергетика, здравство, образование, земјоделие, култура, технологија, правда и други области. Ќе има конкретни чекори: нови училишта, модерни болници, мерки за чист воздух, дигитална администрација и инвестиции што ќе треба да донесат достоинствени плати,“ истакна Мицкоски.Мицкоски најави серија конкретни мерки кои ќе го подобрат животот на луѓето, ќе ја зацврстат економијата и ќе донесат подобро во секој дом.„Во наредниот период, покрај проектите што ги најавивме, започнуваме со серија на конкретни мерки, кои ќе го подобрат животот на луѓето, ќе ја зацврстат економијата и ќе донесат подобро во секој дом. Овие мерки не се само лист хартија, туку планови што ќе го променат животот на луѓето. Да, животот е скап. Да, секој ден е борба со сметки, со гориво, со кирија. Но нема да чекаме да се намалат цените сами од себе. Ќе создадеме услови, за повеќе пари во џебот, за поевтино живеење, за повеќе можности. Мора да ја направиме државата сојузник на граѓаните, а не непријателски систем кој е трул и ги предизвикува да се иселуваат. Ниту еден млад човек нема да биде оставен без шанса за дом. Ниту една мајка нема да мора да избере меѓу кариера и семејство. Ниту еден бизнис нема да пропадне затоа што државата му стои на пат. Тоа е вистинската промена. Ова не е фантазија, ова е план. И како што рекол Ајзенхауер: „Планот е ништо, но планирањето е сè.“ Затоа ќе го градиме системот што во иднина ќе функционира без оглед на тоа кој е на власт, долгорочно и со коренити промени, затоа што државата не е ничија приватна фирма, туку наш заеднички дом,“ нагласи Мицкоски.

Македонија | пред 6 месеци

СДСМ се огради од Маја Мојсова по фотографијата со кандидатот на ВМРО-ДПМНЕ

Социјалдемократскиот сојуз на Македонија остро ги демантираше шпекулациите дека му дава поддршка на кандидатот на ВМРО-ДПМНЕ, Сотир Лукровски, по појавувањето на фотографија на која тој е заедно со членката на СДСМ, Маја Мојсова.„СДСМ не дава никаква поддршка за Сотир Лукровски! Во целост ги демантираме шпекулациите дека фотографијата на Маја Мојсова со кандидатот на ВМРО-ДПМНЕ, Сотир Лукровски, претставува било каква форма на поддршка од СДСМ“, соопштија од партијата.Од СДСМ нагласуваат дека партијата апсолутно не го поддржува кандидатот на Мицкоски и ВМРО-ДПМНЕ, „против кој се бореше во првиот изборен круг“, и дека ќе побараат објаснување од Маја Мојсова за објавената фотографија.

Македонија | пред 6 месеци

Николоски: Со градоначалникот Илиевски ја развиваме Брвеница, опонентите се нервозни, ветуваме специјален буџет за нови проекти

,,За општина Брвеница со идниот градоначалник Јовица Илиевски ќе реализираме нови проекти со специјален буџет преку Министерството за транспорт. Исто така донесена е одлука да се изгради нов влез и излез на автопатот. Политиката на национализам ќе доживее пораз и во општина Брвеница, а Јовица Илиевски ќе добие втор мандат за градоначалник“, истакна  потпретседателот на ВМРО ДПМНЕ, Александар Николоски на средбата со граѓани во Брвеница.,,Успешните треба да се наградуваат и затоа во општината инвестираме во повеќе проекти кои целосно ќе го променат ликот и ќе го подобрат животот на жителите“, вели Николоски.Во продолжение интегрален текст од изјавата на Николоски:,,Улицата "Браќа Јаниќ" во општина Брвеница е дел од еден поголем проект кој што го работиме заедно со Светска Банка. Тука инвестираме некаде околу 10 милиони денари, за целосно уредување на улицата и ова ќе биде една прекрасна улица, драго ми е што цела една нова населба се развива тука и драго ми е што општина Брвеница расте, луѓе доаѓаат и се доселуваат тука. Исто така, она што можам да го најавам, е дека по насока на Владата и Министерството за транспорт, Јавното претпријатие за државни патишта работи на нешто што беше децениско барање на жителите на општина Брвеница, а тоа е клучка која што ќе ја поврзува општината директно на автопатот. Знаете дека сега од едната страна има влез, од другата страна нема влез, така што, ќе имаме целосно решение кое ќе овозможи директен излез на автопат на сите населени места кои што гравитираат кон општината.  Кажа градоначалникот дека од првиот повик сите средства се искористени и сакам да му честитам за тоа. Во однос на вториот повик имаме околу 60 милиони денари, се работи за некаде десетина проекти кои што ќе ги реализираме и сакам да најавам уште една работа вечерва. Се работи за исклучително успешен градоначалник, човек кој целосно ја трансформира општината, свесен сум дека неговите опоненти заради тоа се нервозни, свесен сум дека има сериозна нервоза кај неговиот против кандидат, затоа што нема што да каже, не може да се пофали ниту со дела, ниту со проекти, ниту нешто оставил позади себе и затоа оди на национализам. Тој национализам нема да помине и градоначалникот ќе добие втор мандат, а во вториот мандат првиот состанок ќе му биде со мене. Имаме резервирано дополнителни средства во Министерството за транспорт, и најавувам дека за општина Брвеница ќе има специјален буџет, кој што ќе е дополнителен. Готовите проекти кои што ќе ги донесе градоначалникот, ќе бидат финансирани од Министерството за транспорт и ќе бидат реализирани, затоа што успешните треба да се наградуваат“.

Македонија | пред 6 месеци

(Видео) Судир меѓу Геровски и Цветковска околу случајот ‘Пулс’: Овие снимки што јас ги објавив, Сашка ги скрила

Одговорниот уредник на „Плусинфо“, Бранко Геровски, реагираше по гостувањето на Сашка Цветковска од Истражувачката лабораторија – ИРЛ во подкастот „Претрес со Ландов“, во кој таа изнесе тврдења поврзани со неговата работа. Во својата реакција, Геровски ја обвини Цветковска за изнесување невистинити информации, тврдејќи дека таа неточно изјавила оти поседува целосен фајл со доказите и снимките од случајот, а дека тој не ги поседувал.Геровски наведе дека Јавното обвинителство доставило целосен извештај со снимени материјали до Судот, и дека дел од тие снимки се наоѓаат и во негова сопственост.„Во интерес на јавноста, а секако и како доказ дека Сашка Цветковска селективно објавила дел од снимките а дел ги скрила - сега знаеме дека таа ги скрила. бидејќи вели дека го поседува целиот извештај! - јас објавив дел од снимките. Овие снимки што јас ги објавив, Сашка ги скрила. Анализата на содржината на тие снимки покажа зошто ги скрила. Е сега... Дали јас ги поседувам снимките што ги објавив или не? Во мојот коментар на бруталниот напад на ИРЛ врз мене, јавно повикав двајца новинари да дојдат кај мене и да им го покажам делот од извештајот што јас го поседувам. Она што не можам да го дозволам е тие да ги објават снимките во онаа форма во којашто ги имам, бидејќи содржат податоци што не смеат да се објават. Она што моите колеги можат да утврдат е дали ги поседувам снимките чија содржина ја објавив (поседувам и други, иако не сите), во онаа форма во која се доставени од ЈО до Судот. Со други зборови, поканив двајца мои колеги - а и натаму канам! - да утврдат кој овде ја зборува вистината, а кој лаже. Па сами нека кажат што виделе и што заклучиле“, напиша Геровски.Во реакцијата, тој нагласи дека е подготвен двајца новинари или претставници на новинарски здруженија да извршат увид во материјалите што ги поседува, со цел да се утврди точноста на неговите наводи.„Јавно ги поканувам двајца колеги да дојдат и да видат дел од извештајот што го имам. Можат да потврдат дали ги поседувам снимките што ги објавив, во формата во која биле доставени од Обвинителството до Судот“, напиша тој.Во завршницата на реакцијата, Геровски се осврна и на тврдењата во подкастот поврзани со финансиското работење на „Плусинфо“, наведувајќи дека сите податоци за бонитетот и деловните резултати на издавачот „Плусинфо издаваштво“ се јавно достапни на интернет, и ги повика заинтересираните да ги проверaт.Целиот поткаст со Цветковска:Тврдењата на Цветковска, главна уредничка на ИРЛ:

Коментари | пред 6 месеци

Се менуваат цените на горивата, има зголемувања

Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука со која се врши зголемување на малопродажните цени на нафтените деривати во просек за 0,59% во однос на одлуката од 29.10.2025 година.Референтните цени на нафтените деривати на светскиот пазар во споредба со претходната пресметка бележат зголемување во просек: кај бензините за 3,480%, кај дизелот за 1,760%, кај екстра лесното масло за 5,965%  и кај мазутот зголемувањето е за 3,830%.Курсот на денарот во однос на доларот во изминатиот период по кој беа формирани цените со претходната пресметка е понизок за 0,0496%Од 31.10.2025 година од 00:01 часот максималните цени на  нафтените деривати ќе изнесуваат:Моторен бензин       ЕУРОСУПЕР БС - 95                  73,50 (денари/литар)Моторен бензин       ЕУРОСУПЕР БС - 98                             75,50 (денари/литар)Дизел гориво            ЕУРОДИЗЕЛ БС (Д-Е V)            70,00 (денари/литар)Масло за горење      Екстра лесно 1 (ЕЛ-1)               69,50 (денари/литар)Мазут М-1 НС                                                                 36,057 (денари/килограм)Малопродажната цена на Екстра лесното масло за домаќинство на (ЕЛ-1) се зголемува за 2,00 ден/лит.Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на ЕУРОДИЗЕЛ (Д-Е V) и на Мазутот М-1 НС не се менуваат.Напоменуваме дека ова се максималните цени на нафтените деривати од 00:01 часот на 31.10.2025 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Македонија | пред 6 месеци

Александар Јовановски е назначен за нов директор на „Комунална хигиена – Скопје“

Александар Јовановски на позицијата директор на Комунална хигиена Скопје доаѓа од Град Скопје како инспектор во Секторот за инспекторат, а претходно искуство има и во Секторот за локален економски развој.Александар има повеќегодишно искуство во приватниот сектор во трговија како раководител на организациска единица, а со работен ангажман во Здружение за заштита и унапредување на животната средина работел на реализација на еколошки и општествено одговорни проекти.Јовановски има високо образование за менаџмент на Универзитетот „Гоце Делчев“ во Штип, и стекнат меѓународен сертификат за Институционални пристапи за заштита на животната средина.Со своето образование, професионално искуство и ангажман во јавниот и приватниот сектор, Јовановски ќе придонесе во КХС Скопје за унапредување на стандардите на јавното претпријатие, модернизација на системите за управување со отпад и одржување на чиста, здрава и еколошки одговорна животна средина во градот Скопје.

Скопје | пред 6 месеци

Од гробишта Бутел украдени бронзени бисти

Две пријави за кражба на бронзени бисти поднесени во СВР Скопје, случаите се истражуваат.На 29.10.2025 во 12:00 часот во СВР Скопје, Д.В.(79) од Скопје пријави дека во периодот од месец мај 2025 до 26.10.2025 на градските гробишта Бутел од гробно место биле одземени две бронзени бисти. Исто така, Б.В.(41) од Скопје пријави дека во периодот од месец април 2025 до 23.10.2025 на градските гробишта Бутел од гробно место била одземена една бронзена биста. Се преземаат мерки за расчистување на случаите., соопшти МВР

Скопје | пред 6 месеци

Управниот одбор на „Комунална хигиена“ бара од Арсовска итно да назначи нов директор

Управниот одбор на ЈП „Комунална хигиена – Скопје“ ѝ испратил итна ургенција на градоначалничката Данела Арсовска, со барање веднаш да назначи нов вршител на должноста директор, поради сериозни проблеми во работењето на претпријатието.Во дописот, кој го потпишале членовите на Управниот одбор, се наведува дека токму градоначалничката има исклучива надлежност да именува и разрешува директори, согласно Законот за јавни претпријатија и Статутот на ЈП „Комунална хигиена – Скопје“.„Спротивно на вашите тврдења, сите ингеренции и надлежности за назначување и разрешување директор на ЈП Комунална хигиена – Скопје ги имате исклучиво вие“, се наведува во писмото.Одборот потсетува дека Арсовска во изминатите четири години именувала пет вршители на должност и разрешила четворица од нив. Во документот се предупредува дека состојбата во претпријатието е критична, бидејќи се при крај резервите на нафта за службените возила што се користат за собирање и транспорт на отпадот. Без потпис на директор, велат од Одборот, не може да се изврши набавка на нови количества гориво.„Доколку во најкус можен рок не назначите в.д. директор на ЈП Комунална хигиена – Скопје, одговорноста за алармантната состојба со одржувањето на хигиената во градот е ваша“, стои во ургенцијата.Од Управниот одбор апелираат итно да се назначи нов раководител, „во насока на остварување на примарната дејност на претпријатието, а во интерес на заштитата на животната средина и јавното здравје“.Писмото е потпишано од сите дванаесет членови на Управниот одбор на ЈП „Комунална хигиена – Скопје“.

Скопје | пред 6 месеци

Македонците најмногу патуваат од регионот: Скопскиот и белградскиот аеродром со најмногу патници

Аеродоромите во Скопје и во Белград, според објавениот зимски ред на летање, се очекува да го забележат најсилниот раст во регионот, со по повеќе од половина милион патници, што се должи пред се на проиширувањето на авиолиниите на „Виз Ер“.Скопскиот аеродором планира до 28 март да опслужи околу 548 илјади патници повеќе од лани, а белградскиот 518 илјади. На аеродромот во Охрид, пак, се очекува зголемување од 24 илјади патници, објави специјализираниот портал „Ex-Yu aviation“.Речиси сите аеродроми во поранешна Југославија го зголемуваат својот расположлив капацитет во споредба со минатата година. Аеродромот во Загреб ги комплетира првите три со најголем раст во регионоот, со 176 илјади патници повеќе од зимската сезона 2024/25, а главен двигател таму е „Кроација ерлајнс“, која ja проширува својата флота и мрежа.Четврти по раст се очекува да биде аеродромот во Сараево со 113 илјади патници, тузланскиот планира зголемување за 96 илади, љубљанскиот за 91 илјада, а аеродоромот во Ниш за 88 илјади патници.Најпрометна меѓународна дестинација кон која се насочени авиоператерите од регионот, е аеродромот во Истанбул, со 473.568 патници, по што следуваат Цирих со 414.502 и Истанбул Сабиха Гокчен со 342.704.На зимскиот распоред за летање вкупно се закажани 26 нови рути од аердормите во поранешна Југославија.

Скопје | пред 6 месеци

Од цело семејство преживеа само ќерката Дилара, денеска се извлечени мртвите тела на родителите од под урнатата зграда во Турција

Од петчленото семејство кое вчера беше заробено под урнатините на седумкатната зграда во Гебзе, Турција, преживеа само една ќерка. Денеска спасувачките екипи ги извлекоа и телата на родителите – Левент и Емине Билир, со што завршија операциите за пребарување и спасување.Трагедијата се случи вчера околу 7 часот наутро, кога зградата на улицата Исикгол, во населбата Мевлана, се сруши од засега непознати причини. Од раните утрински часови на терен беа распоредени стотици спасувачи кои неуморно работеа цел ден и ноќ, отстранувајќи бетонски блокови и остатоци со кранови и кофи.Како мерка на претпазливост, дванаесет околни згради беа евакуирани, а улицата беше затворена за сообраќај. Областа беше обезбедена со челични бариери за да се овозможи непречена работа на екипите.Први беа пронајдени безживотните тела на 12-годишниот Мухамет Емир и неговата 14-годишна сестра Хајруниса. Неколку часа претходно, по осум часа напорна работа, спасувачите ја извлекоа жива нивната постара сестра, 18-годишната Дилара Билир. Таа беше свесна и во стабилна здравствена состојба и веднаш беше пренесена во болница.Со пронаоѓањето на телата на родителите, Левент и Емине, кои беа меѓу последните исчезнати под урнатините, спасувачката операција е официјално завршена.

Свет | пред 6 месеци

Се менува сопственикот на „Лукоил Македонија“, руската компанија склучи договор со купувач

Рускиот нафтен гигант „Лукоил“ постигна договор со компанијата „Гунвор груп“ за продажба на целиот свој странски имот, вклучително и на „Лукоил интернешнал“, кој е сопственик на македонскиот огранок на компанијата. Како што соопшти „Лукоил“, продажбата е резултат на рестриктивните мерки што неколку држави ги воведоа против компанијата и нејзините подружници.Според информациите на „Ројтерс“, клучните услови на трансакцијата веќе се усогласени меѓу двете страни. „Лукоил“ ја прифатил понудата на „Гунвор груп“ и се обврзал дека нема да преговара со други потенцијални купувачи додека не се финализира процесот.Пред потпишување на конечниот договор и исплатата, „Гунвор груп“ мора да добие одобрение од Канцеларијата за контрола на странски средства при американското Министерство за финансии (ОФАК), институцијата што воведе санкции кон „Лукоил“.Во соопштението на компанијата се наведува дека, доколку е потребно, ќе биде побарано продолжување на постојната лиценца на ОФАК и издавање дополнителни дозволи, со цел да се овозможи непречено работење и банкарско сервисирање до завршување на трансакцијата.„Гунвор груп“ е компанија регистрирана на Кипар, основана во 2000 година од шведскиот милионер Торбјорн Торнквист и рускиот олигарх Генадиј Тимченко, кој подоцна се повлече од сопствеништвото. Денес „Гунвор“ е четвртиот најголем трговец со сурова нафта во светот, со главен фокус на нафта од Америка, но присутен и на пазарите во Африка, Азија и Јужна Америка.По воведувањето на санкциите кон Русија поради војната во Украина, компанијата „Гунвор“ ја прекина трговијата со руската сурова нафта.

Македонија | пред 6 месеци

Тројца пратеници го напуштаат Собранието, сега имаат градоначалнички места

Во првиот круг од локалните избори тројца актуелни пратеници освоија градоначалнички мандат и наскоро ќе ги напуштат своите места во Собранието. Станува збор за Елизабета Стаменковска-Трајковска, која ќе ја предводи општина Кисела Вода, Јане Мицевски, новиот градоначалник на Сопиште, и Дејан Продановски, избран за градоначалник на Прилеп.Констатирањето на нивните оставки се очекува на првата пленарна седница што ќе се одржи в понеделник, по завршување на вториот изборен круг. На нивно место ќе бидат назначени следните кандидати од партиските листи — за Стаменковска-Трајковска и Мицевски тоа ќе бидат пратеници од изборната единица 1, а за Продановски од изборната единица 4.На истата седница најавено е и обраќање на претседателот на Парламентарното собрание на Советот на Европа, Теодорос Русопулос. Во наредните денови се очекува во собраниска процедура да влезе и Предлог-буџетот за 2026 година. Работата на законодавниот дом беше во прекин поради текот на локалните избори.

Македонија | пред 6 месеци

Села откри дали пак влегува во Влада, а излегува од „прегратките” на Ахмети

Лидерот на дел од Алијанса за Албанците Зијади Села вели дека е невистинита најавата на Изет Меџити од ВРЕДИ дека е можно АА да стане дел од Владата. Тој потенцира дека секогаш дејствувал чесно за да ги заштити правата на Албанците, а не за привилегиите на власта. „Вие во комуникација со мене – НЕ. Јас сум дел од владата – НЕ. Јас сум на страната на оние кои сакаат да ги поништат нашите права како народ – НЕ“, напиша Села на Фејсбук.Според него работата во парламентот ќе продолжи, но како што вели, лице в лице со Владата, за да се заштитат интересите на граѓаните Албанци.Села ова го соопшти откако Изет Меџити, во изјава за ТВ „21“ рече дека не ја исклучува можноста политичари од Националната алијанса за интеграција (НАИ), предводена од ДУИ, меѓу кои и Зијадин Села и неговото крило на Алијанса за Албанците, да станат дел од Владата.

Македонија | пред 6 месеци

(Фото) Комунална хигиена-Скопје колабираше? Депонии по домови во Бутел

Градоначалникот на Општина Бутел, Дарко Костовски во обајава на ФБ вели дека состојбата со ѓубрето во општината е алармантна и презеде вонредна акција.ВОНРЕДНА АКЦИЈА, КХС СКОПЈЕ КОЛАБИРАШEОд рано утрово, поради алармантната состојба, општина Бутел спроведува вонредна акција за собирање на сметот низ територијата на општината!Поради нефункционалност и целосниот колапс на ЈП „Комунална хигиена“ и Град Скопје граѓаните се соочуваат со депонии пред нивните домови.Акцијата ја започнавме со собирање на сметот од зелените канти пред домовите на нашите граѓани, а отпадот го одлагаме на депонијата Дрисла.Голема благодарност до комуналните работници за нивната ангажираност во интерес на граѓаните на општина Бутел.Продолжуваме и следните денови!, напиша Костовски

Скопје | пред 6 месеци

Здружението на пензионери од Општина Центар ја потврди поддршката за Горан Герасимовски во вториот круг од изборите

Здружението на пензионери на Општина Центар на средбата со кандидатот за нов мандат, Горан Герасимовски, ја потврди својата поддршка за него во вториот круг од локалните избори. Герасимовски, заблагодарувајќи им се на пензионерите, истакна дека нивната поддршка многу му значи.„Тоа е генерација која заслужува внимание, почит и помош, а јас како градоначалник, заедно со мојот тим, секогаш сме излегувале во пресрет. Им благодарам што го препознаа сето она што го правиме за нив, преку разни проекти и иницијативи. На средбата разговаравме и за идните планови, како и за можностите за унапредување на квалитетот на нивниот живот,“ истакна Герасимовски.На средбата се разговараше и за новата програма во која се предвидува изградба на дом за стари лица, во кој највозрасните ќе можат да домуваат по субвенционирана цена.Здружението изрази надеж дека одличната соработка со Општина Центар, а особено со градоначалникот Герасимовски ќе продолжи и во иднина.Пензионерите изразија задоволство од проектот „Сервис за стари лица“, како и од континуираната соработка со општината и нивната вклученост во креирање на политиките на локалната самоуправа.

Скопје | пред 6 месеци

Цензусот не е достигнат – изборите се повторуваат во четири општини

Поради непостигнат цензус во првиот круг од локалните избори, во четири општини – Гостивар, Врапчиште, Центар Жупа и Маврово и Ростуше – ќе се повтори гласањето за избор на градоначалници.Како што информира Државната изборна комисија (ДИК), во овие општини не била постигната потребната излезност од најмалку една третина (33,33%) од запишаните гласачи, што е предуслов за успешност на изборите според Изборниот законик.Според податоците, одзивот на гласачите изнесувал:во Гостивар – 33,31%,во Врапчиште – 25,18%,во Маврово и Ростуше – 30,31%,во Центар Жупа – 21,49%.Со оглед на тоа што излезноста во ниту една од овие општини не го достигнала законскиот праг, изборната постапка ќе се повтори во целост.Согласно член 132 став (2) од Изборниот законик, ако во првиот круг не излезе најмалку една третина од гласачите, изборите се повторуваат. Дополнително, член 132-а предвидува дека повторените избори се одржуваат во рок од најмногу 60 дена по објавувањето на конечните резултати, а при тоа не важи условот за излезност.Тоа значи дека целиот прв круг во овие четири општини ќе се спроведе повторно во наредните два месеци, по што ќе следи и втор круг доколку има потреба.Во меѓувреме, вториот круг од Локалните избори 2025 ќе се одржи во недела, кога гласачите ќе избираат градоначалници во 32 општини и во Градот Скопје, додека изборот на градоначалници во 44 општини беше завршен уште во првиот круг.

Македонија | пред 6 месеци