(Видео) Херојска спасувачка акција: Тројца мажи извлекоа дете и мајка од потопен автомобил

Снимка на која тројца мажи спасуваат дете и неговата мајка од полупотопено такси возило во река предизвика восхит на социјалните мрежи. Несреќата се случила за време на студена ноќ во Дагестан.На снимката се гледа како еден од мажите преминува преку греда додека автомобилот се приближува. Во истиот момент, друг маж, облечен само во долен дел, полека се спушта по гредата за да помогне, додека третиот го држи детето за нозете додека неговиот колега го префрла на сигурно.Со заеднички напор успеале да го извлечат детето од возилото, а потоа ја спасиле и мајката, која исто така била заробена. Возачот на автомобилот бил извлечен без повреди.Еден од спасувачите е идентификуван како Асадула Магомедов, ученик на школата на Абдулманап Нурмагомедов, именувана по легендарниот ММА тренер. Снимката брзо стана вирална на интернет, а корисниците ја истакнуваат храброста и одлучноста на тројцата мажи.

Свет | пред 3 месеци

Таткото на загинатата Надица со остра порака до адвокатката нa Деко: Кога кажавте дека тој е човек а не монструм беше најболна реченица досега

Александар Наунов, татко на загинатата Надица во трагедијата во „Пулс“, остро реагираше на јавната изјава на адвокатката на обвинетиот сопственик на објектот, Дејан Јованов-Деко, оценувајќи дека повикувањето на сочувство и емпатија е во целосна спротивност со зборовите што таа претходно ги упатила пред родителите на жртвите.Наунов потсети на изјави дадени за време на судењето, кога, како што наведе, адвокатката јавно тврдела дека обвинетиот требало да одговара за небрежност, а не за тешки кривични дела, дека немал свест за своите обврски, како и на, за родителите, најболната реченица: „За вас тој е монструм, а за мене е обичен човек“.„Тоа беше кажано директно пред нас – родители кои ги погребаа своите деца. Тоа не е емпатија, тоа е суровост“, истакна Наунов, оценувајќи дека денешните тврдења за злоупотреба на ликот на адвокатката претставуваат не само неточност, туку и потценување на интелигенцијата на семејствата на жртвите.Тој нагласи дека на транспарентите од протестот не била препознаена само една личност и дека повеќе луѓе имале физичка сличност со прикажаниот лик, но никој друг не реагирал ниту ја толкувал пораката како личен напад. „Ние семејствата никого не спомнавме по име, ниту напаѓаме. Се бориме за вистината и за животите што ги загубивме“, порача Наунов.Во својата реакција, тој се осврна и на обидите, како што рече, да се заштити угледот на правната професија, истакнувајќи дека истиот не го нарушуваат родители кои бараат правда, туку релативизирањето на одговорноста на лице кое, според обвинението и досега изнесените докази, стои во центарот на нелегален, небезбеден и финансиски нерегулиран објект. „Се работи за лице кое поради профит ги игнорирало безбедносните стандарди, го заобиколувало законот преку мито и корупција, а денес се прикажува како некој што немал свест. Дали сте свесни колку е тоа сурово за родители чии деца таа вечер беа изгорени, задушени, згмечени и отруени?“, рече Наунов.Претходно, адвокатката Ивана Коцевска, бранител на прво и третообвинетиот во предметот „Пулс“, излезе со јавно соопштение поради, како што наведе, употребата на нејзиниот лик на транспарентите што ги носеа учесниците на денешниот „Марш на ангелите“ во Кочани.Во реакцијата, Коцевска наведува дека досега се воздржувала од јавни настапи од почит кон болката на родителите, но дека по поднесувањето кривична пријава за настани кои ги оцени како вандализам од 17 март 2025 година, повеќе немала простор за молк. Таа тврди дека нејзиниот лик бил злоупотребен и фотомонтиран на начин што, според неа, го нарушува не само нејзиниот личен углед, туку и угледот на адвокатската професија во целина, поради што апелира до надлежните институции да реагираат во заштита на професионалниот и личниот интегритет.

Македонија | пред 3 месеци

Тензичен старт на судењето за “Пулс”: доцнење на спровод на обвинети од тетовскиот затвор го одложи стартот, судијката не сакаше да слуша објаснувања и ги искара полицајците

Судското рочиште за предметот „Пулс“ денеска започна со приближно едночасовно задоцнување, откако спроводната служба од Тетово не пристигна навреме. Пролонгирањето на почетокот предизвика напнатост во судницата и остра реакција од судечкиот совет.Веднаш по стартот на постапката, судијката Диана Груевска Илиевска побара објаснување за доцнењето и им нареди на судските полицајци да ги повикаат одговорните од спроводот. „Зошто доцните?“ праша таа, без да остави простор за одолговлекување.Еден од полициските службеници се обиде да објасни дека биле известени подоцна, но судијката го прекина, нагласувајќи дека вакви оправдувања се неприфатливи. Таа посочи дека сите термини биле однапред познати и дека наредбите биле испратени уште пред повеќе од еден месец.„Пренесете им дека мора еден час порано да тргнувате. Датумите ви се достапни навреме“, порача судијката, потенцирајќи дека ваквите пропусти не смеат да се повторуваат.

Македонија | пред 3 месеци

Ексминистерот Лога фати да ја критикува Владата поради одлука на Трамп, Најчевска му напиша “Кретену неписмен…!”

Поранешниот министер за правда, Кренар Лога, во јавна реакција оцени дека е загрижувачки фактот што Северна Македонија и нејзиниот премиер остануваат надвор од агендата на американскиот претседател Доналд Трамп, посочувајќи дека земјата е изоставена од иницијативата „Board of Peace“, заедно со Србија и Босна и Херцеговина. Според Лога, ваквото изоставување не е случајно, туку претставува директна последица на погрешни политики и недостиг од јасна дипломатска визија.Тој наведува дека етноцентричните политики, внатрешната реторика насочена кон дневнополитички поени и отсуството на суштински реформи придонеле државата да ја загуби својата меѓународна кредибилност. Наместо да биде дел од клучните маси каде што се носат важни одлуки, Северна Македонија, според Лога, е сведена на обиди за средби на маргините на самитите, често не со водечките меѓународни фактори, туку со соседи со кои контактите се редовни и на домашен терен.Лога нагласува дека дипломатската изолација не е резултат на туѓи неправди, туку на внатрешни слабости: неспроведени реформи, заробени институции, недоволно владеење на правото и инструментализација на идентитетските прашања за политички цели. Според него, меѓународните партнери не ги вреднуваат декларативните патриотски пораки, туку конкретните резултати, институционалната стабилност и државната сериозност. Тој предупредува дека доколку ваквата практика продолжи, постои реален ризик земјата дополнително да западне во изолација и да се претвори во периферна држава без политичка тежина и без вистински глас во меѓународните процеси на одлучување.Наспроти оваа оценка, професорката по право Мирјана Најчевска реагираше со исклучително остра реторика, целосно отфрлајќи ја идејата дека блискоста со Доналд Трамп може да се смета за политичка предност. Таа порача дека е срамно да се биде близок до Трамп, а уште помалку негов сојузник, оценувајќи дека таквите кругови ги сочинуваат криминалци или луѓе подготвени на понижувачка сервилност. Според Најчевска, македонското општество треба да се стреми кон изградба на демократска држава заснована на европски вредности, а не, како што истакна, кон создавање мафијашко опкружување.“Кретену неписмен, срамно е да се биде близу до Трамп а камо ли да се биде негов сојузник”, напиша Најчевска меѓудругото.

Македонија | пред 3 месеци

Три автомобили се судрија во тетовско, две лица префрлени на клиника во Скопје

На 25 јануари 2026 година, во 22:50 часот, СВР Тетово доби пријава за сообраќајна несреќа на регионалниот пат село Јажинце – Тетово, во близина на влезот за село Непроштено, во која учествувале три патнички возила „Фолксваген Голф“ со тетовски регистарски ознаки.Возилата ги управувале Е.С. (25) од село Слатино, А.И. (55) од село Доброште и А.Ј. (19) од село Слатино.Во несреќата, со тешки телесни повреди се здобиле Е.С. и неговиот сопатник Б.С. (36), кои по укажаната помош во Клиничка болница Тетово, поради сериозноста на повредите, се префрлени во Комплекс клиниките „Мајка Тереза“ во Скопје.Исто така, со тешки повреди се здобила Ш.В. (45) од село Доброште, сопатничка во возилото управувано од А.И., кој се здобил со телесни повреди. Со телесни повреди се здобил и возачот А.Ј. од село Слатино.На местото на несреќата увид извршила екипа од СВР Тетово во координација со јавен обвинител, а истрагата е во тек.

Македонија | пред 3 месеци

Вучиќ: Оваа година одиме на избори, мислам дека ќе бидат на есен

Претседателот Александар Вучиќ изјави за „Blic TV“ дека оваа година ќе се одржат избори и дека најверојатно тоа ќе биде на есен.„Оваа година одиме на избори. Мислам дека сите избори ќе бидат на есен. Мислам дека тоа е поверојатна опција“, рече Вучиќ за Blic TV.На прашањето дали би поднел оставка од претседателската функција за да се спојат претседателските и парламентарните избори, тој рече дека не ја исклучува таа можност.

Свет | пред 3 месеци

„Приказната за Сиљан“ од февруари во Кинотека на Македонија

Програмата на Кинотека на Македонија за февруари 2026 година претставува внимателно изграден мозаик од современи авторски визии и значајни европски остварувања, кој уште еднаш ја потврдува Кинотеката како простор на мисла, чувствителност и отпор кон заборавот. Ова не е програма што нуди лесна забава, туку покана за длабинско гледање и активно учество во филмот како уметнички и етички чин, велат од Кинотеката.Во центарот на вниманието е актуелниот филм на Тамара Котевска, авторка чиј сензибилитет се движи меѓу документарното и поетското, помеѓу човекот и пејзажот, помеѓу исчезнувањето и траењето. Нејзиното дело продолжува да ја истражува кревката рамнотежа помеѓу личното сведоштво и универзалната грижа за светот што го населуваме. Во истата линија на тивка, но моќна авторска исповед се вклучува и документарецот „Приказната за Сиљан“, филм што преку интимна нарација отвора пошироки прашања за идентитетот, наследството и човечката потреба да се раскаже сопствената приказна.Февруарската програма го вклучува и новиот филм на култниот независен автор Џим Џармуш. Неговата минималистичка естетика, тивки паузи и егзистенцијален хумор повторно нè потсетуваат дека филмот може да биде простор на созерцание, а не само на наративна ефикасност. Џармуш останува еден од ретките автори што доследно ја брани слободата на независниот филм.Европската селекција ја проширува програмата со филмовите „Љубовта што останува“, „Луда љубов“, „Двајца обвинители“, „Приватен живот“ и „Ромериа“ — остварувања што низ различни поетики и жанровски регистри се занимаваат со интимноста, вината, правдата и кревките човечки односи во современиот свет. Овие филмови не нудат конечни одговори, туку отвораат простор за сомнеж, емпатија и морална дилема, токму онаму каде европскиот авторски филм е најсилен.Посебно значајна е и програмата за најмладата публика, со избор на квалитетни анимирани филмови за деца, кои не ја потценуваат својата публика. Преку јасна визуелна имагинација и внимателно обликувани приказни, тие носат сериозни пораки за емпатијата, различностите, пријателството и одговорноста — градејќи темели за идни гледачи што ќе умеат да гледаат, а не само да консумираат.„Февруари 2026 во Кинотеката на Македонија не е само месечна програма, туку јасна изјава за филмот како уметност што мисли, чувствува и памети. Простор каде тишината зборува, а сликите остануваат долго по завршувањето на проекцијата“, велат од таму.

Магазин | пред 3 месеци

Кремљ позитивно ги оценува преговорите во Абу Даби – продолжуваат следната недела

Портпаролот на рускиот претседател, Дмитриј Песков, изјави дека Кремљ ги оценува како позитивни првите преговори меѓу претставници на Русија, САД и Украина во Абу Даби.„Не би рекол дека таму имаше пријателство, тоа е тешко можно во моменталната фаза. Би било погрешно да се очекува голема ефикасност од првите контакти. На дневен ред беа сложени прашања. Но, ако се обидувате нешто да постигнете преку преговори, тогаш неопходно е да се води конструктивен дијалог“, истакна Песков.Преговорите во Абу Даби се однесуваа на териториите во Донбас и нуклеарната електрана Запорожје. Песков додаде дека „продолжувањето на преговорите е планирано за следната недела“.Москва не планира јавни дискусии за поединечни прашања што биле разгледувани, а за Русија принципијално значење има територијалното прашање, кое е дел од формулата договорена во Анкоридж.Преговорите се одржаа зад затворени врати, а руската работна група ја предводеше началникот на Главната управа на Генералштабот, адмирал Игор Костјуков. САД, според помошникот на претседателот Јуриј Ушаков, признаа дека без решавање на територијалното прашање не може да се очекува долгорочно решение. Воените сили на Украина треба да се повлечат од Донбас, што е важен услов за Москва.

Свет | пред 3 месеци

Австралиан опен со итно соопштение – променет распоредот

Австралиан опен издаде соопштение поради најавените високи температури за вторник, 27 јануари, кога се очекуваат скоро 40 степени.„Поради прогнозата за високи температури за утре, вторник, 27 јануари, направени се следните измени во распоредот. Организаторите одлучија порано да го отворат комплексот за програмата да започне пред најголемата топлина. Вратите ќе се отворат утре во 9:00 часот наутро. јуниорските натпревари ќе започнат во 9:00. Натпреварите на Margaret Court Arena започнуваат во 11:00 и се отворени за сопствениците на „Ground pass“ билети.“„Натпреварите на Rod Laver Arena ќе започнат во 11:30, каде што Арина Сабаленка ќе игра против Ива Јовиќ, а потоа следува Александер Зверев против Лернер Тиен.“Исто така, натпреварувањето на тенисерите во колички е одложено од вторник за среда.

Спорт | пред 3 месеци

ВМРО-ДПМНЕ: Мицкоски заработува чесно, Филипче и Заев се збогатиле преку власта

СДС изгледа мислат дека имаат многу јака тема за соопштение, па се фатија за вредноста на часовниците на претседателот Мицкоски, велат од ВМРО-ДПМНЕ.„Не е никаква тајна тоа дека претседателот Мицкоски пред да влезе во политиката има работено во бизнис секторот во делот на енергетиката, нешто коешто тој самиот го има јавно говорено, каде што со познати светски фирми има соработувано и има добро заработено.Тоа е се до моментот пред да влезе во политиката, каде што престанува со било каков вид на бизниси и работење за приватни фирми. И што е најважно, се е чесно, транспарентно и до детал објаснето за неговите примања што ги имал.Од друга страна пак, го имаме Филипче и Заев, едниот хирург, другиот земјоделец од Муртино, кои пред да влезат во политиката се никој и ништо, а по нивното владеење или се уште активно појавување во политиката, се здобија со куќи во Нерези, станови и згради во Дубаи, акции во индиски авиокомпании, фирми во и надвор од државата со сомнителен капитал, подароци од фирмите што добивале тендери во вид на автомобили, проценти од тендери, договори и слично.Е ова е разликата помеѓу претседателот Мицкоски и Филипче и Заев. Тоа што овие двајца од СДС од голтари станаа милионери со помош на власта, а претседателот Мицкоски има заработено чесно и на лесно проверлив начин може да се види како заработувал.Пред СДС да каже повторно нешто колку да каже, нека погледне во сопствениот двор.П.С. Ако имаат сомнеж за нешто незаконско, нека се обратат на судиите и обвинителите кои им слугуваат, нека проверат. Ете на оние истите што им помагале да ја откупат Жан Митрев“, се вели во соопштението,

Македонија | пред 3 месеци

(Видео) Со необележани полициски возила ќе се мери брзина и ќе се казнува низ Македонија

Министерот за внатрешни работи Панче Тошковски најави дека паралелно со системот “Сејф сити” ќе бидат активирани и полициски возила со мобилни камери на т.н црни точки.“За многу побрзо од шест месеци ќе може со камерите имплементирани во рамки на возилата да ги ставиме во функција”, рече Тошковски.Изминативе денови се врши тестирање на камерите на сите точки каде се поставени.

Македонија | пред 3 месеци

Акциска контрола во Скопје: 37 сообраќајни прекршоци, одземен мотоцикл, две лица уапсени за дрога

На 25 јануари 2026 година, во периодот од 14:00 до 22:00 часот, Одделението за безбедност на патниот сообраќај Скопје заедно со Единицата за недозволена трговија со дрога при СВР Скопје спроведоа зајакната акциска контрола на подрачјето на општина Аеродром.При контролата, од слобода се лишени Б.П. (33) и К.З. (21), двајцата од Скопје, затоа што кај нив беше пронајдена и одземена марихуана. Кај Д.А. (26) од Скопје бил пронајден и одземен нож, а во друг случај е одземен мотоцикл поради сомневање за фалсификат.Во текот на акцијата санкционирани се 37 сообраќајни прекршоци, меѓу кои две за управување возило без возачка дозвола, две за истечена регистрација и една за управување под дејство на алкохол. Извршена е контрола на 55 моторни возила, легитимирање на 55 лица и преглед на 48 возила.

Скопје | пред 3 месеци

Златото урива рекорди, достигнат историски максимум од 5.000 долари за унца

Цените на златото денес се искачија на историски максимум на повеќе од 5.000 долари или 4.215 евра за унца, поставувајќи нов рекорд.Цената на златото го продолжи историскиот раст во кој цената на овој благороден метал се зголеми за повеќе од 60 проценти во 2025 година. Зголемувањето на цените на златото доаѓа во време кога тензиите меѓу САД и НАТО околу Гренланд придонесоа за растечка загриженост за финансиската и геополитичката неизвесност.Златото и другите благородни метали се сметаат за таканаречени средства за безбедно засолниште што инвеститорите ги купуваат во време на неизвесност.Рос Норман, независен аналитичар, за Reuters, рече дека растот сè уште не е завршен.„Проценуваме дека оваа година цената на златото би можела да достигне и до 6.400 долари за унца, додека просечната цена би се движела околу 5.375 долари“, изјави Норман.Златото е релативно ретко, а според Светскиот совет за злато, до денес се ископани околу 216.265 тони од металот, при што поголемиот дел од златото е извлечено од земјата од 1950 година, како што се развиваше технологијата за рударство и беа откриени нови наоѓалишта.Геолошкиот завод на САД проценува дека уште 64.000 тони злато можат да се ископаат од подземните резерви, иако се очекува залихите да се стабилизираат во наредните години. Во петокот, цената на среброто за прв пат надмина 100 долари за унца, или 28,3 грама, продолжувајќи го растот на цената од минатата година.

Свет | пред 3 месеци

Серхио Рамос ja купува Севилја, клубот во кој играше двапати

Серхио Рамос и неговиот партнер Мартин Инк од групацијата „Фајв Илевен Капитал“ постигнаа принципиелен договор со група клучни акционери за преземање на фудбалскиот клуб Севилја, објави Маноло Агилар. Договорот отвора период на ексклузивна анализа на финансиската состојба на клубот пред да се пристапи кон склучување на конечен договор, пренесува „Кадена СЕР“.Процесот на длабинска анализа се очекува да трае неколку месеци, по што ќе се донесе конечна одлука. Првичната понуда за преземање на клубот изнесува 450 милиони евра, според информациите на Мигел Анхел Чазари.Рамос играше за Севилја двапати во кариерата – од 2003 до 2005 година и повторно во сезоната 2023/24, по престојот во Реал Мадрид и Пари Сен Жермен.На 15 јануари се одржа и состанок со акционерите, каде Рамос и Перез Солано ја презентираа својата понуда и проект. Состанокот, кој траеше повеќе од два часа, беше оценет многу позитивно, што доведе до постигнување на принципиелниот договор.

Спорт | пред 3 месеци

СКСМ: Блокадите на граничните премини не се решение, ризик од колапс на економијата на Западен Балкан

Проблемот со примената на правилото од 90/180 дена за професионалните возачи во товарниот патен транспорт (евиденцијата на влез и излез на граничните премини согласно EES системот) треба исклучиво да се бара преку институциите, а не со блокади на граничните премини, за да не се случи колапс на целата економија во државата и регионот на Западен Балкан во целост, е ставот на Стопанската комора на Северна Македонија (СКСМ).„Блокадите не може да бидат решение, бидејќи ако се наруши протокот на стоки на граничните премини со ЕУ, само еден ден, а не дури седум дена какви што се моменталните најави, губитници не се само транспортерите во меѓународниот патен сообраќај, туку сите деловни субјекти кои се влучени во надворешно трговската соработка. Засега никој неможе да каже колкави ќе бидат загубите бидејќи тие ќе бидат по повеќе основи: пенали за задоцнета испорака, откажување на договори, намалено производство, нереализиран извоз, неможност за навремено производство ради недостаток на суровина итн, но сигурно е дека загубите ќе бидат од големи размери, што не е во ничиј интерес“, се наведува во соопштението.Минатата недела, СКСМ, заедно со коморите од Западен Балкан, упати заеднички апел до претседателката на Европската комисија во кое укажаа дека очекуваат земјите-членки да усвојат привремени мерки овозможувајќи им на професионалните возачи непречено да го вршат меѓународниот патен транспорт, сè додека не се воспостави трајно и системско решение.Според СКСМ, ваквиот пристап би бил во заеднички интерес на Европската Унија и Западен Балкан и би претставувал јасен сигнал за веродостојна посветеност на интеграцијата на регионот и зачувувањето на функционирањето на синџирите на снабдувањe.„Моменталниот пристап е неконзистентен со целите на Планот за раст на ЕУ за Западен Балкан и тешко е да се усогласи со нашите заеднички напори за понатамошно интегрирање на економиите на регионот во Единствениот пазар на ЕУ. Економиите на Западен Балкан, како кандидати и на јасен пат кон членство во Европската Унија, целосно опкружени со границите на ЕУ, треба да имаат корист од поедноставена и диференцирана примена на режимот на ЕЕS, што ќе го одрази нивниот статус како партнери во пристапувањето и ќе обезбеди јасна разлика од другите трети земји. На крај останува фактот дека Европската Унија е нашиот најважен извозен пазар, со над три четвртини од вкупниот извоз на земјата и затоа од наш стратешки интерес е да се одржи стабилноста на синџирите на снабдување и непречено да се одвива протокот на стоки“, велат од Стопанската комора.

Македонија | пред 3 месеци

Бројот на загинати во пожарот во фабриката во Грција се искачи на четири, една жена исчезната

Бројот на загинати во пожарот во фабриката за храна „Violanta“ во близина на градот Трикала, во централна Грција, се зголеми на четири, додека една жена сè уште се води за исчезната, пренесуваат медиумите.Според официјален претставник на пожарната служба, 13 лица се наоѓале во фабриката кога пожарот избил околу 4 часот наутро во понеделник, а осум успеале да го напуштат објектот.Причината за пожарот сè уште не е позната, а локалните медиуми известија дека пред избувнувањето на пожарот се слушнал голем експлозивен звук.На местото на настанот се испратени околу 40 пожарникари со 13 возила. Исто така, интервенирале сили од Специјалната единица за справување со катастрофи (EMAK) и експерти од Одделот за кривични дела од пожарната служба (DAEE).

Свет | пред 3 месеци

Вучиќ: Луѓето видоа дека министрите не работат како што треба; Барав две работи – борбеност и храброст

Претседателот на Србија, Александар Вучиќ, во гостување на ТВ Блиц изјави дека граѓаните имаат јасна слика дека не сите министри се посветени на своите обврски, посебно во критични моменти како што беа снежните непогоди кои оставија делови од земјата без струја.Претседателот посочи дека граѓаните кои беа без струја за време на снежните врнежи видоа дека министрите заминале на одмор и не ги решавале проблемите.„Проблемите секогаш ќе постојат, но важно е луѓето да видат дека министрите се трудат да ги решат, а сега тоа не се случи и луѓето тоа го забележаа“, истакна Вучиќ.Од министрите, како што нагласи, барал две квалитети: борбеност и храброст при носење на одлуки, со уверување дека граѓаните ќе им простат грешки.Тој истакна и дека во земјата постојат луѓе чиј единствен сон е да рушат и дека затоа е важно да се изготват конкретни планови за иднината. Вучиќ потенцираше дека секогаш ги чита сите документи пред да одлучи што е потребно и што да се фрли, за разлика од другите.

Свет | пред 3 месеци

(Видео) Објавено видео од апсење на навивачите по тепачката на аеродромот во Тузла: Се криеле меѓу куќи, во шума и поток

Навивачите на хрватскиот клуб „Хајдук“, познати како „Торцида“, извршија заседа на Меѓународниот аеродром во Тузла пред два дена на навивачи на Црвена звезда кои се враќаа од Малме.Во конфликтот учествувале 93 лица, кои подоцна биле приведени во Министерството за внатрешни работи на Тузланскиот кантон. Од нив 14 лица се уапсени, а за поголемиот дел се очекува да им биде определен притвор.Повеќето приведени се државјани на Хрватска, главно од Далмација, кои влегле во БиХ преку граничниот премин Каменско, а граничните полицајци им рекле дека одат на хуманитарен турнир во Жепче.Во инцидентот биле повредени 23 лица, меѓу кои и еден полицаец, а 18 од нив се јавиле на Ургентниот центар во Тузла. Еден маж од Приједор останал на интензивна нега, додека останатите биле пуштени.Екипа на емисијата „Случајеви X“ придружувана од специјалците на МУП ТК трагала по навивачите, пронаоѓајќи ги меѓу куќи, во шума и во локален поток.

Свет | пред 3 месеци

Водата во Скопје е безбедна за пиење – сите анализи покажуваат усогласеност со стандардите

ЈП „Водовод и канализација – Скопје“ го објави неделниот извештај за квалитетот и безбедноста на водата за пиење, со цел подобра информираност на граѓаните на Скопје.Според податоците од Секторот за санитарна контрола, во периодот од 20.01.2026 до 23.01.2026 биле земени 150 примероци за физичко-хемиска анализа и 150 примероци за микробиолошка анализа од 42 мерни места низ градот.Резултатите покажуваат дека сите примероци одговараат на барањата утврдени со Правилникот за безбедност и квалитет на водата за пиење (Службен весник на РМ, бр.183/18), што потврдува дека водата во Скопје е безбедна за пиење.ЈП „Водовод и канализација – Скопје“ апелира граѓаните редовно да се информираат за квалитетот на водата и уверува дека ќе продолжи со редовно мониторирање и контрола.

Скопје | пред 3 месеци

Апокалипса во САД: Најмалку седум загинати, повеќе од 860.000 домаќинства без струја, откажани 12.000 летови

Зимската бура која го зафати поголемиот дел од Соединетите Американски Држави досега однесе најмалку седум животи. Повеќе од 860.000 домаќинства се без струја, а околу 12.000 летови се откажани.Тенеси пријави три смртни случаи поврзани со временските услови, две лица загинаа во Луизијана, едно во Тексас и едно во Канзас, според податоците на локалните власти пренесени од NBC News.Температурите во некои делови достигнаа до -35 степени Целзиусови.За некои области на југот на САД е прогласена опасност од силни временски непогоди, а на сила е и предупредување за торнадо за делови од Алабама, Џорџија и Флорида.Во погодените области повеќе од 860.000 корисници се без струја.Ледена дождовница паднала во делови од Џорџија, преку Северна и Јужна Каролина и средноатлантскиот регион, додека во долината на Охајо и североисточниот дел паднал обилен снег.Поради бурната зима откажани се повеќе од 12.000 летови планирани за денеска.

Свет | пред 3 месеци

Филипче под сомнеж за приватизација на јавни пари – ВМРО-ДПМНЕ бара ЈО да истражи злоупотреби во „Жан Митрев“

Дали буџетот на клиничката болница „Жан Митрев“ растел во време на мандатот на Венко Филипче како министер за здравство, за да тој си подготви профитабилен бизнис, прашува ВМРО-ДПМНЕ.„Со зголемување на буџетот на болницата секоја година, Филипче веќе имал план.Сопственикот на таа болница, бил дел од судски спор против него, па на Филипче му светнала сијаличката, како може ова да го искористи. Ветувале со Заев дека ќе го ослободат од обвиненијата против него, а тој да им ја продаде болницата по багателна цена, па така министерот за здравство да стане сопственик на истата.Уцени, спогодби, ветувања за влијание во судски постапки, ова е  партиската култура на СДС.И на врвот биле Филипче и Заев, но такво ветување од нивна страна не би можело да се исполни ако многумина знаеле, гледале и молчеле. Кој друг знаел за овие планови?Како точно мислеле да влијаат врз судскиот процес на сопственикот на болницата,и  како планирале да го ослободат од обвиненијата против него? Дали навистина можело да се случи вакво влијание без координација меѓу партијата, администрацијата и судските структури?Вака СДС и ДУИ го урнисаа системот, и ја сведоа довербата во судството на 2%, преку инсталирање на партиски посланици, во секоја институција, во секоја пора на општеството.Очигледно за нив влијание врз судски процеси е легитимен метод на работа.А ако Филипче навистина ја презел болницата по цена далеку пониска од пазарната, како и што му нудел на сопственикот на истата, тоа би било приватизација на јавни пари.Министерот за здравство калкулирал со приватни болници, додека здравствениот систем се рушел од сите страни.Да му светнала сијаличката и за болниците, за ковид болните  кои му умираа по ходници, за ненабавувањето на вакцини, за онколошки болните и скандалот кој се случи на тоа одделение, за условите во државните болници во кои граѓаните треба да се лекуваат, немаше да го уназади и доведе здравството на колена.ЈО да ги испита  индициите за изнуда и сомнежите за криминал за злоупотреба на службената положба“, се вели во соопштението.

Македонија | пред 3 месеци

МВР ќе обезбеди непречен сообраќај за патничките возила и автобусите

Министерството за внатрешни работи – Оддел за гранични работи и миграција ја информира јавноста дека до Министерството за внатрешни работи е доставена најава за одржување на јавен протест од страна на асоцијацијата „Макам-транс“, кој е најавен да започне денеска (26.01.2026) од 12:00 часот.Според доставената најава, протестот е планиран да се реализира на следните гранични премини: Деве Баир, Делчево, Ново Село, Дојран, Богородица, Меџитлија, Ќафасан, Блаце и Блато.Протестот ќе се манифестира со ограничување на сообраќајот за товарни моторни возила, односно со затворање на коловозните ленти и терминалите наменети за товарен сообраќај, додека патничкиот сообраќај ќе се одвива непречено на сите гранични премини. Според најавата на организаторот, протестот е предвидено да трае до седум дена, со можност да биде прекинат и порано, доколку во меѓувреме дојде до надминување на причините поради кои е организиран.Министерството за внатрешни работи, во согласност со своите законски надлежности, ќе преземе соодветни мерки и активности за одржување на јавниот ред и мир, како и за обезбедување на безбеден и непречен сообраќај, со посебен акцент на движењето на патничките возила, автобусите и возилата кои превезуваат лекови, жива стока, опасни материи и други приоритетни пратки. МВР апелира до граѓаните и до превозниците навремено да се информираат за состојбата на граничните премини, да ја следат официјалната комуникација и, доколку е потребно, да користат алтернативни гранични премини.

Македонија | пред 3 месеци

ВМРО-ДПМНЕ: СДС и ДУИ гласаа против „Безбеден град“ и покажа опозициска хипокризија

Системот Безбеден град за дигитален надзор е дел од стратегијата на МВР за зголемување на безбедноста во сообраќајот, а резултатите беа видливи уште во првите 24 часа од тест-периодот што е јасен показател дека мерката функционира, велат од ВМРО-ДПМНЕ.„На СДС изговорот им беше злоупотреба на податоци, на ДУИ затоа што немало да се спроведува на ниво на целата држава, па се здружија во опозиција со недоволно потковани причини.Приоритет е безбедноста на граѓаните во сообраќајот, а во првата  фаза камерите ќе бидат поставени на локации со поголем ризик, додека во текот на годината системот постепено ќе се проширува на целата територија на државата.Но, сепак како пратенички групи одлучија  да гласаат против измените на Законот за прекршоци во Собранието.Јавноста добро памети на нивните сојузништва, рака под рака во бројни сомнителни тендери и афери, а сега откако се во опозиција се загрижени за транспарентност и злоупотреби.Или не се свесни за сопствената хипокризија, па не препознаваат или улогата на опозиција ја имаат сфатено како неприфаќање на секој предлог, на секоја иницијатива, што би можела да го подобри животот и да ја зголеми безбедноста на граѓаните.Еве тогаш да прашаме, дел од владината коалиција на СДС и ДУИ беше и Оливер Спасовски, министер за внатрешни работи. Зошто не презеде ништо во 7 години власт за подобрување на безбедноста во сообраќајот?Измените на Законот за прекршоци кои беа неопходни за официјален старт на системот Безбеден град се усвоија во Собранието со 81 глас ЗА.81 претставници во Собранието, избрани од народот, сметале дека треба да се воведе сисемот Безбеден град.Ама, Венко и Али  сметаат дека тоа е не е добро за граѓаните.Сите развиени земји во светот имаат имплементирано ваков систем.На пример, во Дубаи постои ,,Смарт Дубаи“, официјална иницијатива на Владата на Дубаи, лансирана во 2014 година, со цел Дубаи да се трансформира преку технологија и дигитални иновации. ,,Смарт Дубаи“ вклучува и иницијативи за паметен сообраќај и мобилност, преку податочно-управувани системи.Еден од столбовите е безбедноста во сообраќајот.На Филипче со златна виза ова му одговара, ама граѓаните на Македонија да бидат безбедни, не му одговара.Едноставно е, треба само да пребараат на гугл, дека ваквите системи се гаранција за безбедноста на луѓето во сообраќајот во цел свет.И ова не е конструктивна опозиција“, се вели во соопштението.

Македонија | пред 3 месеци

Oбилни дождови и снег со метео аларм од жолто и портокалово ниво!

Управата за хидрометеоролошки работи (УХМР) сподели метео аларм за денеска кад територијата на Македонија е прекриена со „жолто“ и „портокалово“ ниво на врнежи од дожд.УХМР За денеска најави дека ќе има врнежи од дожд, кои наместа особено во централните и источните делови ќе бидат пообилни (над 30л/м2) проследени со ретки грмежи, а на планините врнежите ќе бидат од снег.Во Југоисточна Македонија објави и „жолто“ ниво на хидро аларм каде постои потенцијална опасност од излевање на реките.Денеска времето во Македонија ќе биде облачно со повремени врнежи од дожд, кои наместа ќе бидат пообилни (над 30л/м2) проследени со ретки грмежи. На планините врнежите ќе бидат од снег. Ќе дува слаб до умерен ветер од југоисточен правец, а дневните температури ќе е движат од 5 до 11 степени Целзиусови.Во Скопје, претежно облачно со повремени врнежи од дожд.Утре претпладне времето ќе биде променливо облачно, со дневни температури од 5 до 12 степени. Во источните делови ќе има повремен локален дожд, а на планините слаб снег. Попладне облачноста ќе се намали. Ќе дува слаб до умерен ветер од северозападен правец.

Македонија | пред 3 месеци

(Видео) Три лица загинаа, а две се исчезнати по пожар во фабрика за храна во Грција

Три лица беа пронајдени мртви, а две други се исчезнати по пожар што избувна во фабрика за храна во близина на градот Трикала во централна Грција, изјави официјален претставник на противпожарната служба за Reuters.Официјалниот извор додаде дека во моментот на пожарот во фабриката имало 13 лица, а осум од нив успеале да излезат од објектот.Причината за пожарот, кој избувнал во раните утрински часови, сè уште не е позната. Локалните медиуми известуваат дека пред пожарот се слушнала голема експлозија.Околу 40 пожарникари и 13 возила биле распоредени на местото на настанот, изјави официјалниот претставник на противпожарната служба.

Свет | пред 3 месеци