Голем интерес за вакцинација против сезонски грип – над 70 илјади пријавени, 22 илјади веќе вакцинирани

Министерството за здравство информира дека интересот за вакцинација против сезонски грип континуирано расте. Досега се пријавени над 70 илјади граѓани, а вакцинирани се повеќе од 22 илјади лица низ државата.Вакцинацијата се спроведува на 35 вакцинални пункта, од кои пет се во Скопје. Сите заинтересирани граѓани можат да се пријават преку апликацијата vakcinacija.mk или преку својот матичен лекар.Со бесплатната вакцинација се опфатени ризичните категории население, меѓу кои: лица над 65 години, лица со хронични заболувања, здравствени работници, бремени жени, деца од 6 месеци до 5 години, лица сместени во установи за социјална заштита на стари лица и вработените во овие установи.Во организација на Министерството, превентивни тимови од здравствени установи низ државата продолжуваат со теренска вакцинација и во домашни услови за повозрасни и неподвижни лица, како и за лица со попреченост.

Македонија | пред 6 месеци

Директорот на „Комунална хигиена“ од вчера е во полициска станица, дали ќе се бара притвор зависи од пријавата од МВР

Директорот на ЈП „Комунална хигиена – Скопје“, Сабахадин Рустеми, кој вчера беше приведен заедно со уште едно лице од раководството на претпријатието, и денеска се наоѓа во полициска станица.Според информации од Основното јавно обвинителство – Скопје, двајцата се осомничени за кривично дело „загрозување на животната средина и природата со отпад“ – дело предвидено во член 230 од Кривичниот законик, за кое е пропишана и казна затвор.„Во однос на ова, лицата се задржани и постапката е во тек. Штом имаме повеќе детали, сите ќе бидете известени“, изјавија за Скопје1 од Обвинителството.Приведувањата следуваат по неколкудневни активности на полицијата, која по наредба на Обвинителството обезбедуваше докази поврзани со управувањето со отпад и постапувањето на претпријатието во делот на заштита на животната средина.Од МВР се дознава дека се проверуваат постапки за складирање и транспорт на комунален и индустриски отпад, како и договори со приватни фирми кои се под сомнение дека не биле во согласност со законските процедури.Обвинителството најави дека по документирањето на случајот ќе се одлучи дали ќе се побара притвор за директорот и неговиот соработник.

Скопје | пред 6 месеци

ВЛЕН обвинува: Коалицијата на ДУИ влезе во „срамна зделка“ со Левица во Тетово

Политички скандал ја тресе изборната кампања во Тетово, откако во јавноста се појави фотографија на која се гледа Арди Исмаили, претставникот на коалицијата на ДУИ на средба со кандидатката на Левица, Катка Божиновска.Од коалицијата ВЛЕН во соопштение тврдат дека фотографијата е најјасен доказ дека тие се подготвени да ги жртвуваат националните вредности само за да дојдат повторно на власт.Во реакцијата се наведува дека Левица е партија која, според нив, „отворено ги навреди Албанците, се изјасни против независноста на Косово, се спротивстави на членството во НАТО, бараше затворање на џамиите и ограничување на правата на Албанците“.„И денес НАИ седи на маса со нив за валкан изборен договор. Ова не е политика, туку срамна зделка. Ова не е стратегија, туку морален колапс“, порачаа од ВЛЕН.Оттаму додаваат дека сега е јасно – за да ги зачуваат своите позиции, тие се подготвени на компромиси со сили кои, како што велат, се против Албанците.„Тетово, Дебар, Струга и секоја албанска општина треба да знаат: на 2 ноември, гласот за НАИ е глас за Левица, за антиалбанство и за политички срам. ВЛЕН, преку своите кандидати Билал Касами во Тетово, Фисник Мела во Дебар и целиот тим, претставува достоинство, развој и иднина“, се наведува во соопштението.Коалицијата ВЛЕН заклучува дека „Албанците не тргуваат со своето достоинство и не се продаваат на оние што ги навредиле“.

Македонија | пред 6 месеци

Се вратило од училиште и затекнало празен стан: Дете од Тексас останало само, мајката го напуштила и заминала со нејзиниот партнер

Мајка и нејзиното момче од сојузната држава Тексас се уапсени под обвинение дека го напуштиле нејзиниот 12-годишен син, откако се иселиле од станот додека тој бил на училиште, без да го известат за своите намери. Двајцата наводно го испразниле домот и ги однеле речиси сите работи, па кога детето се вратило дома, затекнало празен стан, објави UNILAD.Случајот бил пријавен во полицијата во градот Копeрас Коув на 17 октомври од директорот на училиштето што го посетувал момчето. Кога полицајците разговарале со детето, тој им рекол дека не знаел ништо за плановите за преселба и дека по враќањето од училиште затекнал стан без мебел и предмети што наутро биле таму. Службениците ја потврдиле неговата приказна, опишувајќи го домот како „празен и целосно опустошен“.Соседите на парот, исто така, разговарале со властите и изјавиле дека тие и претходно знаеле да го избркаат момчето од дома. Детето потврдило дека му спомнале „дека во некој момент ќе се преселат“, но никогаш не му кажале кога тоа ќе се случи.Уапсениот Кевин Двејн Адамс негирал дека неговата девојка, Ерика Рене Сандерс, го напуштила синот. „Ние сега живееме заедно, а нејзиниот син не е добредојден во мојот дом“, изјавил тој. Од друга страна, мајката на момчето рекла дека нејзиниот брат, односно вујкото на детето, требало да го земе по завршувањето на часовите.Сепак, таа не можела да обезбеди никакви контакт-податоци или дополнителни информации за братот. Потоа Адамс дал спротивставена изјава, тврдејќи дека тој самиот требало да го земе 12-годишното дете и да го однесе кај вујкото. Бидејќи поминале неколку часа, а никој не се појавил, властите конечно успеале да стапат во контакт со девојката на вујкото, која потврдила дека тој воопшто не знаел дека треба да го преземе момчето.Детето било привремено згрижено од Службата за заштита на децата, која подоцна, од непознати причини, наложила повторно да му се довери на грижа на Адамс. Тој го презел детето истата вечер околу 21:30 часот, но кратко потоа парот бил уапсен.Мајката и нејзиното момче се обвинети за напуштање и загрозување на дете со намера да не се вратат. Според судските записи, момчето на крај било згрижено кај својот вујко.

Свет | пред 6 месеци

Авганистан и Пакистан не постигнаа договор за примирје

Преговорите меѓу Авганистан и Пакистан во Истанбул, чија цел беше постигнување на долгорочно примирје, завршија без договор, изјавија денеска два извора запознаени со ситуацијата, што претставува удар за мирот во регионот по смртоносните судири овој месец.Целта на разговорите беше воспоставување траен мир меѓу двата јужноазиски соседа, откако неколку десетици лица беа убиени долж нивната граница во најжестокото насилство откако талибанците ја презедоа власта во Кабул во 2021 година.Двете страни на 19 октомври во Доха се согласија за прекин на огнот, но не успеаја да постигнат заеднички став за време на вториот круг преговори, со посредство на Турција и Катар во Истанбул, пренесуваат авганистански и пакистански извори. Секоја страна ја обвини другата за неуспехот.Извор од пакистанските безбедносни служби изјави дека талибанците не биле подготвени да се обврзат дека ќе ги ограничат пакистанските талибанци — посебна милитантна група непријателски настроена кон Пакистан, за која Исламабад тврди дека делува неказнето во рамки на Авганистан.Авганистански извор запознаен со разговорите изјави дека тие завршиле по „напрегнати разменети зборови“ околу тоа прашање, додавајќи дека авганистанската страна тврдела оти нема контрола врз пакистанските талибанци, кои последниве недели изведувале напади врз пакистанската војска.Најновите судири избувнаа по пакистанските воздушни напади на почетокот од месецов врз Кабул и други локации во Авганистан, при што цел беа водачи на пакистанските талибанци. Талибанците возвратија со напади врз пакистански воени позиции долж целата граница долга 2.600 километри.Триесетмина загинати во судирите за време на викендотПрекинот на преговорите, кој го привлече вниманието на американскиот претседател Доналд Трамп, може дополнително да го оптовари примирјето меѓу Авганистан под талибанска власт и нуклеарно вооружениот Пакистан. Пред три дена, пакистанскиот министер за одбрана изјави дека верува оти Авганистан сака мир, но дека неуспехот на разговорите во Истанбул би можел да значи „отворена војна“.И покрај примирјето меѓу Пакистан и талибанците, во судирите за време на викендот загинале пет пакистански војници и 25 пакистански талибанци во близина на границата со Авганистан, соопшти војската завчера.

Свет | пред 6 месеци

„Лукоил“ планира продажба на странските средства поради санкциите

Рускиот нафтен гигант „Лукоил“ соопшти дека планира да ги продаде своите средства во странство, откако неколку земји воведоа рестриктивни мерки против компанијата и нејзините подружници.Во известувањето објавено на веб-страницата на компанијата се наведува дека веќе започнало разгледувањето на понудите од потенцијални купувачи. Продажбата, како што се додава, се спроведува согласно лиценца за ликвидација на бизнисот издадена од Канцеларијата за контрола на странски средства (OFAC) при Министерството за финансии на САД.„Лукоил“ најави дека, доколку биде потребно, ќе поднесе барање за продолжување на лиценцата со цел да се обезбеди непречено работење на неговите средства во странство.На 22 октомври, САД воведоа санкции за повеќе од 30 подружници на руските енергетски компании „Роснефт“ и „Лукоил“, давајќи им рок до 21 ноември за прекин на сите трансакции со руските производители на нафта.

Свет | пред 6 месеци

Ќе биде комплицирано за понатамошна помош: Унгарија со Чешка и Словачка сака да формира сојуз на скептици кон Украина

Унгарија настојува да ги обедини силите со Чешка и Словачка за да формира блок на земји скептични кон понатамошната помош за Украина во рамките на Европската унија. Таквиот потег би можел значително да ги искомплицира напорите на Брисел да обезбеди континуирана финансиска и воена поддршка за Киев, пишува „Политико“.Балаш Орбан, главниот политички советник на унгарскиот премиер, изјави дека се надева на здружување со Андреј Бабиш, чија десничарска популистичка партија победи на неодамнешните парламентарни избори во Чешка, како и со словачкиот премиер Роберт Фицо. Според неговите зборови, целта е координација на ставовите пред состаноците на лидерите на ЕУ, што подразбира и одржување средби пред самите самити.Иако сè уште не е постигнат силен политички сојуз, неговото формирање би можело значително да ги отежни напорите на ЕУ за обезбедување финансиска и воена поддршка за Украина, наведува „Политико“.Тројка наместо четворка од Вишеградската група„Мислам дека тоа ќе се случи – и ќе стане сè поочигледно“, изјави Балаш Орбан на прашањето за можноста од формирање блок скептичен кон Украина во рамките на Европскиот совет.Тој потсети на моделот на соработка на таканаречената Вишеградска група (Унгарија, Чешка, Словачка и Полска) за време на миграциската криза.„Тоа многу добро функционираше во текот на миграциската криза. Така успеавме да се спротивставиме“, рече тој, алудирајќи на периодот по 2015 година, кога во Варшава беше на власт евроскептичната партија „Право и правда“.Како што наведува „Политико“, новиот сојуз би се состоел од три, а не од четири членки. Сегашниот полски премиер од центар-десницата, Доналд Туск, е цврсто проукраински ориентиран и малку е веројатно дека ќе се приклучи на каков било сојуз со унгарскиот премиер.Унгарскиот премиер, кој е на власт веќе 15 години, следната година ќе се соочи со борба за повторен избор. Според анкетите на јавното мислење што ги наведува публикацијата, партијата „Тиса“ на опозицискиот лидер Петер Мадар во моментов е популарна од владејачката „Фидес“.

Свет | пред 6 месеци

Како малиот бизнис „Сакаш“ преку Wolt го забрза својот развој

Пет години постои палачинкарата „Сакаш“, бизнис што започна скромно, во мал дрвен киоск од пет квадрати. Гордан Миленковски, тогаш само 19-годишен, ја имал идејата за сезонски бизнис во летните месеци, но наместо тоа „Сакаш“ многу брзо прерасна во постојан дел од скопската гастрономска сцена. „Никогаш не мислевме дека ова ќе стане целогодишна приказна. Почнавме од љубов кон палачинките и желбата да направиме нешто поразлично. Но луѓето реагираа веднаш – и така малата идеја стана голема обврска“, вели Гордан. Иако почетната замисла беше нешто мало и привремено, палачинките на „Сакаш“ станаа вистински хит, производ што не е „само обична палачинка“, туку must try, must eat, must have искуство за различни генерации потрошувачи. „Нашата цел отсекогаш била да направиме палачинка што ќе биде доживување. Не само вкусна, туку и искуство што се памети“, додава Гордан.Токму квалитетот и креативноста во понудата, комбинирани со искрена енергија и посветеност, овозможија „Сакаш“ да создаде лојална база на купувачи кои се враќаат повторно и повторно. Дополнително на тоа, беше фактот што „Сакаш“ од самиот почеток работи на дигитална промоција. Брендот почна да користи социјални мрежи како главна маркетинг алатка за да допре до младата публика и да изгради препознатлива заедница околу себе. Но, ни тоа не беше доволно да се излезе од микро-локалните рамки на првиот капацитет на „Сакаш“ во населба Илинден, иако многумина патуваат и до Илинден за да ги вкусат нивните палачинки.Иако побарувачката постоела од самиот почеток, „Сакаш“ долго време не се осмелувал да воведе достава, чекор што бара сериозна логистика и организација. Пресвртниот момент дојде со партнерството со Wolt, кој ја презеде таа улога и овозможи палачинките да стигнуваат до поширока публика. „Ние знаеме да направиме одлична палачинка, но достава не беше нешто што можевме да го изведеме сами. Кога се појави Wolt, сфативме дека тоа е можност за раст без ризик – ние се фокусираме на вкусот, тие на брзината и сигурноста“, раскажува Гордан.Резултатите не доцнеа - дневниот обем на продажба се зголеми за 20%, а бројот на испечени палачинки порасна. „Откако ќе ја примиме нарачката од Wolt, за девет минути таа е готова и уште за толку време е веќе кај потрошувачот. Верувам дека заедно создадовме најбрза достава во Скопје“, вели тој.Оваа динамика и сигурноста што му ја овозможи доставата, го охрабрија тимот да оди чекор понатаму. „Сакаш“ веќе се подготвува за отворање на нов локал во голем трговски центар, со што и бројот на вработени порасна над 40 млади луѓе, со планови за дополнително проширување на понудата. „За нас ‘Сакаш’ не е само бизнис, ние градиме енергија и култура. Тимот е млад, мотивиран и знае да работи, но и да се дружи. Сакаме луѓето да доаѓаат на работа со насмевка, затоа често организираме тим билдинзи. Веруваме дека кога тимот е среќен, и палачинките имаат поубав вкус“, вели Гордан со насмевка.Приказната на „Сакаш“ е пример како мал бизнис, со вистинска идеја, квалитет и соодветна поддршка, може да израсне во перспектива за поширок раст. Од мал киоск до бренд со препознатливо име, од сезонски план до целогодишен успех, „Сакаш“ докажа дека кога зад производот стои визија и љубов, палачинките можат да бидат многу повеќе од обичен десерт – тие стануваат дел од културно искуство што градот го прифаќа како свое.

Магазин | пред 6 месеци

Јамајка е пред голема опасност, ураганот „Мелиса“ ќе удри силно!

Моќна бура од петта категорија и една од најсилните регистрирани во историјата, се приближува кон островот Јамајка. Ураганот „Мелиса“, ќе донесе ветрови со брзина од 282 километри на час, како и катастрофални поплави.Според податоците на Американскиот национален центар за урагани (NHC), максималната брзина на ветерот и многу низок атмосферски притисок, Мелиса е најсилната бура во светот досега во 2025 година.Ураганот предизвика огромни штети уште вчера, но има и четворица загинати во Хаити и Доминканската република.Уште три лица загинаа и на Јамајка, вели министерот за здравство Кристофер Тафтон. Луѓето загинале додека сечеле стебла и поправале покриви, во обид подобро да се заштитат. Тафтон препорачал жителите да бидат внимателни при подготовките, како и да си обезбедат доволно количество питка вода и нерасиплива храна.

Свет | пред 6 месеци

Хорор во Кавадарци: Го убил сопствениот брат, па го влечел телото од домот во шупата за да го крие

По спроведената истрага, Основното јавно обвинителство Кавадарци поднесе Обвинителен акт против едно лице за кривично дело- Убиство од член 123 став 2 точка 4 од Кривичниот законик.-Обвинетиот 43-годишник, на 27 јули годинава од користољубие го лишил од живот својот помлад брат. На роденденот на жртвата, двајцата браќа започнале да се расправаат, бидејќи обвинетиот верувал дека неговиот брат сака да го преземе целиот имот. Поттикнат од чувства на гнев и омраза, тој со тапиот метален дел од тесла го удрил брат му по главата, а кога оштетениот паднал, уште два пати го удрил со теслата, нанесувајќи му моментални смртоносни повреди.Потоа обвинетиот си заминал, а следниот ден се вратил во домот на оштетениот и телото го префрлил во бањата. Во следните неколку дена исто така се враќал за да го прикрие делото, ја бришел крвта од подот и од предметите, а телото го пренел во шупата, го затрупал во ров и врз него ставил шперплоча и други предмети, се вели во соопштението на обвинителството.Во периодот од 30 јули до 5 август кога било откриено телото, обвинетиот во повеќе наврати повлекувал пари со банкарската картичка на жртвата.Јавниот обвинител, со поднесеното обвинение, побара продолжување на претходно определената мерка притвор за обвинетиот.

Македонија | пред 6 месеци

(Видео) Вардар не се гледа од пластични шишиња!

Водите на реката Вардар носат илјадници пластични шишиња. Видеото објавен на социјалните мрежи предизвика осуда за целосното деградирање на животната средина.

Скопје | пред 6 месеци

По силниот уште 100 последователни потреси во Турција

По синоќешниот земјотрес од 6,1 стеоен во Турција следеле повеќе од 100 потреси.По земјотресот со јачина од 6,1 степен кој го погоди регионот Баликешир најсилниот кој следел бил со јачина од 4,4 степени.Во земјотресот беа повредени најмалку 22 лица.Министерот за внатрешни работи Али Јерликаја информира дека во Центрите за итни повици биле примени 504 пријави од кои повеќето биле за оштетувања на инфраструктурата.Според соопштението на Канцеларијата на гувернерот на Баликешир, училиштата денеска нема да работат, а исто така беше објавено дека бремените жени и лицата со попреченост кои работат во јавни институции и организации се ставени на административен одмор, објави Хаберлер.Училиштата беа затворени и во пет области на Маниса.Потресот се почувствувал и во Грција.

Свет | пред 6 месеци

(Видео) Земјотрес со јачина од 6,1 степени ја погоди Турција

Силен земјотрес со јачина од 6,1 степени според Рихтеровата скала, вечерва ја погоди западна Турција.Земјотресот е регистриран на 27 октомври во 19:48:29 часот UTC, односно 22:48:29 часот по локално време.Епицентарот бил на 62 километри југоисточно од Баликешир и 10 километри јужно од Синдирги.Земјотресот предизвикал продолжено тресење кое предизвикало паника и страв кај жителите на погодените подрачја. Долгото траење на земјотресот ја зголемило загриженоста бидејќи луѓето ги напуштале зградите и барале сигурност.Според официјалните податоци, едно лице загинало, додека најмалку 29 лица се повредени, претежно полесно. Локалните власти наведуваат дека повеќе од 15 згради се уништени или тешко оштетени во земјотресот, главно во Синдирги и околните области.

Свет | пред 6 месеци

9-годишно дете оставено само во Тетово – таткото го донел за питачење

Полицијата утврдила дека 9-годишното дете, пронајдено само пред угостителски објект во Тетово, е дел од организирана група која присилува малолетници да питачат.Според информациите од Министерството за внатрешни работи, на 24 октомври 2025 година во 01:30 часот, жител на Тетово пријавил дека пред локал на улицата „Маршал Тито“ пронашол дете кое било изгубено и не комуницирало.„Веднаш било постапено по пријавата и било утврдено дека станува збор за малолетник од населбата Шуто Оризари – Скопје. Неговиот татко, Е.М., заедно со други деца со комбе бил донесен во Тетово за питачење. Околу 22 часот, комбето со останатите деца се вратило во Скопје, а него го заборавиле“, информираа од МВР.На местото интервенирале претставници од Центарот за социјални работи – Тетово, кои по документирањето на случајот го предале детето на колегите од ЦСР – Скопје.Од полицијата велат дека се преземаат мерки за целосно расчистување и документирање на случајот, со фокус на идентификација на организаторите на мрежата која експлоатира деца за питачење.

Македонија | пред 6 месеци

Митески: Општина Аеродром успешно се справи со нефункционалноста на Комунална хигиена, го исчистивме целото ѓубре и во Дрисла депониравме 600 тони отпад

На телевизија Канал 5 во емисијата „Само Вистина“ вечерва гостуваше кандидатот за градоначалник за општина „Аеродром“ од редовите на ВМРО-ДПМНЕ, Дејан Митески, кој на самиот почеток дискутираше за актуелната тема денес, односно за приведувањето на директорот на Комунална хигиена како и раководителот во претпријатието, заради непостапувањето со ѓубрето во Скопје.Митески истакна дека општина Аеродром со помош на околните општини во Скопје, успеала да го собере целиот отпад во Аеродром, и дека повеќе од 600 тони отпад биле депонирани во Дрисла.„Денеска она што го гледаме како исход на кривичната пријава којашто е поднесена токму од страна на општина Аеродром, и од мене како градоначалник против одговорните лица во Комунална хигиена Скопје, само ја потврдува тезата којашто ја говоревме во изминатиот период, дека ние како граѓани плаќаме во Комунална хигиена меѓутоа не ја добиваме услугата којашто треба да ја испорача. Во текот на изминатава недела како општина со помош на околните општини од градот Скопје, Илинден, Зелениково, Сопиште, Петровец, успеавме да го собереме целиот отпад којшто се наоѓаше покрај контејнерите, повеќе од 600 тони отпад депониравме во депонијата Дрисла“, рече Митески.Митески објасни дека општина Аеродром ангажирала соодветна механизација од околните општини, со цел сметот да не остане на улиците, како резултат на непостапувањето и нефункционирањето на Комунална хигиена.„Моравме интервентно да преземеме чекор да го исчистиме оној отпад којшто се создаде а не беше собран повеќе од 10 дена од страна на Комунална хигиена. Во изминатиот период ние ангажиравме механизација од околни градови, поради  нефункционирањето на Комунална хигиена, се со цел да не го оставиме сметот на улиците, туку да го собереме. Ова е последица на непостапувањето на јавното претпријатие, и како општина и како институција нема да дозволиме да останеме нем сведок на она што се случува, прв бев што поднесов кривична пријава по која денеска постапува обвинителството“, објасни Митески.Митески посочи дека поради неизвршувањето на обврските од страна на претпријатието, општината нашла соодветни алтернативни начини за решавање на проблемот со отпадот.„Ако оној чиј примарна цел тоа да го врши, оној на којшто му плаќаме сите ние, не го врши, тогаш ние мора да се снаоѓаме со алтернативни начини. Меѓутоа мора да знаеме дека тоа општината ја чини дополнителни пари, едно собирање отпад во изминативе денови и депонирање во Дрисла, кошташе повеќе од 50 илјади евра дневно, тоа се пари коишто наместо да бидат наменети за потреби на граѓаните, ние ги трошевме за собирање на отпад, работа за којашто Комунална хигиена Скопје наплаќа“, рече Митески.На крај Митески се осврна на темата за вториот круг на локалните избори и посочи дека СДС станува трета партија, и дека граѓаните ќе ја дадат поддршката за ВМРО-ДПМНЕ.„Добивме како ВМРО-ДПМНЕ најголема поддршка на овие локални избори во Аеродром со огромна предност пред останатите политички партии, мене навистина ми е жал што СДСМ веќе е и трета партија, во Советот на општина Аеродром добивме мнозинство со 15 советници, а бројот на советници на СДСМ падна на 5, тоа значи дека и тука ја губат поддршката од страна на гласачите и верувам дека уште еднаш ќе се потврди онаа разлика којашто ја имавме во првиот круг, со сериозна можност за зголемување на разликата, имајќи предвид дека граѓаните се повеќе препознаваат и даваат поддршка на ВМРО-ДПМНЕ и на мене како градоначалник, она што го работиме го работиме во интерес на граѓаните“, дециден е Митески.

Македонија | пред 6 месеци

Мицкоски: Во недела масовно да излеземе на избори, да го заокружиме бројот 9 за Тони Тоневски и за развој на Пробиштип, седењето дома е најлошата опција

Во првиот круг коалицијата којашто ја предводи ВМРО-ДПМНЕ освои 33 градоначалници. Двајца во меѓу време, помеѓу првиот и вториот круг, против кандидати на нашите кандидати се откажаа, што значи дека сега веќе се 35 градоначалници и во уште 24 општини сме во вториот круг. Во недела ќе се одлучува кој ќе биде градоначалник во тие 24 општини. Во 6 од тие 26 општини сме второпласирани, со тенденција и со голема шанса, бидејќи разликата е премногу мала, да бидеме првопласирани, рече претседателот на ВМРО-ДПМНЕ, Христијан Мицкоски на вечерашниот мини митинг во Пробиштип во рамките на изборната кампања под слоган „Вистинскиот избор! Твојот човек! Твоето место! За твојата иднина!“ за вториот круг од локалните избори во недела на 2 ноември.Мицкоски изрази убедување дека коалицијата предводена од ВМРО-ДПМНЕ, после овие локални избори ќе има 59 градоначалници.„Истовремено, дозволете ми да информирам дека во 58 општини советничките листи ан коалицијата предводена од ВМРО-ДПМНЕ победија и имаат убедливо мнозинство во Советот. Кога на сето тоа ќе се додаде и резултатот во Градот Скопје, односно убедливото водство на идниот градоначалник на Градот Скопје, Орце Ѓорѓиевски, 90 илјади наспроти 30 илјади, отприлика нешто повеќе од 3 спрема 1, очекуваме во вториот круг таа бројка да дојде до 120 можеби 125 илјади гласа. И убедливата победа на советничката листа на коалицијата предводена од ВМРО-ДПМНЕ за Град Скопје, доаѓаме до фантастична бројка од 60 општини во кои што се состои и Градот Скопје, нешто што до сега на ниту една политичка коалиција во независна Македонија не и се случило“, истакна Мицкоски.Втората крупна политичка порака, вели Мицкоски, која сакам денес од Пробиштип да ја испратам, е дека конечно, партијата која повеќе од 20 години беше дел од сите влади во Македонија, Демократската унија за интеграција, на овие локални избори е поразена.„Ние велевме на парламентарните избори пред година и половина ги развластивме и дека ќе дојде време, кога на локалните избори, тие ќе бидат поразени. И тие практично се поразени на овие локални избори“, рече Мицкоски.Додаде дека во вториот круг имаме три опции, од кои првата е да се гласа за коалицијата која ја претставува ВМРО-ДПМНЕ, која е победничката коалиција, додека втората опција е поранешната владина коалиција предводена од СДСМ, која е опција која не враќа назад во времето и која ја ограбуваше, понижуваше и распродаваше Македонија.„И третата опција, по мене, најкатастрофални е да останеме дома и да не излеземе на изборите и да дозволиме некој друг да одлучува во наше име“, дециден беше Мицкоски додавајќи дека со седењето дома никој не се казнува, туку со тоа се казнуваат самите граѓани кои не излегле на гласање.Затоа, Мицкоски ги повика граѓаните на Пробиштип, но и на цела Македонија во недела на 2 ноември да излезат на гласање што е можно помасовно и да го дадат својот глас онака како што тие мислат дека е најдобро.„Но, убеден сум дека кога ќе застанете позади параванот, со пенкалото во рака и со гласачкото ливче пред вас, ако го слушате разумот и вашето срце, и длабоко погледате во вашата душа, ќе видите и ќе препознаете дека таму извира бројот 9 и името на Тони Тоневски. И јас сум убеден дека тоа ќе биде вашата опција за следните четири години“, посочи Мицкоски.

Македонија | пред 6 месеци

Албанија го претстави првиот „вештачки интелигентен кабинет“: AI министерката Диела „очекува“ 83 дигитални наследници

Албанскиот премиер Еди Рама ја шокираше јавноста со објава дека нивната министерка за вештачка интелигенција, Диела, е „бремена“ и ќе „роди“ 83 дигитални потомци – виртуелни асистенти создадени за да им помагаат на пратениците од Социјалистичката партија.Според Рама, секој од овие AI асистенти ќе биде задолжен за водење парламентарни записи, изработка на предлози за политики и анализа на податоци при донесување одлуки.„Овие деца ќе ја познаваат својата мајка“, изјави Рама, објаснувајќи дека сите 83 системи ќе бидат поврзани со централната мрежа на Диела, овозможувајќи им да соработуваат и заеднички да учат.Премиерот ја опиша иницијативата како револуционерен чекор кон создавање самoodржлив дигитален екосистем, кој ќе ја зголеми транспарентноста и ефикасноста на парламентот.Името Диела, што на албански значи сонце, не припаѓа на вистинско лице, туку на напреден систем на вештачка интелигенција, создаден специјално за албанската влада. Таа стана првата виртуелна министерка во светот, именувана во мај 2025 година.Главната задача на Диела е борба против корупцијата во државните тендери – преку алгоритми кои вршат надзор, евалуација и одлуки ослободени од човечка пристрасност. Таа ги анализира сите јавни набавки според критериуми на транспарентност, ефикасност и законитост.Рама ја нарече оваа технологија „оружје против системската корупција“, додавајќи дека „со Диела, тендерите ќе бидат 100% дигитални и проверливи“.Раминиот опис на „бремена министерка“ е, секако, симболичен: 83-те „потомци“ се AI единици, програмирани да опслужуваат пратеници, да бележат податоци, да следат говори и да генерираат извештаи во реално време.Албанија на овој начин развива поврзан систем на интелигенции што може со тек на време да еволуира во целосно автоматизиран административен модел.Веста предизвика мешани реакции.Додека дел од експертите го пофалија потегот како визионерски чекор во борбата против корупцијата, други предупредија на етички ризици – прашувајќи се кој ќе биде одговорен ако „Диела“ или нејзините „потомци“ направат грешка во одлуките.„Интелигенцијата може да биде алгоритамска, но одговорноста мора да остане човечка,“ коментираше еден европски експерт за дигитална етика.

Свет | пред 6 месеци

Тоневски: Со глас за број 9, Пробиштип добива нов правец, проекти за младите и развој на туризмот

На вечерашниот мини-митинг во општина Пробиштип, во рамки на вториот круг од локалните избори кои ќе се одржат на 2 ноември, се обрати кандидатот за градоначалник од редовите на ВМРО-ДПМНЕ, Тони Тоневски кој истакна дека во Пробиштип е потребна промена после 8 години апатија и уништување на градот, потенцирајќи дека новиот правец во кој ќе се движи општината ќе биде развиен, вистински и долгорочен со реализација на многу проекти кои ќе донесат развој и напредок на Пробиштип.„Во првиот круг жителите на Пробиштип беа јасни, покажавте верба храброст и желба за промени, освоивме стабилно мнозинство во советот и сега сигурно со дигната глава  одиме на уште поголема победа. Вие граѓаните ја препознавте програмата што значи работа, развој и сигурна иднина. Вие граѓаните го направивте вистинскиот избор за нашиот Пробиштип. Осум години стоевме во место, наместо да броиме нови индустриски погони, работни места, водоводи, ние броевме изгаснати светла во домовите. Затоа минатата недела Пробиштип испрати јасна порака, доста беше стагнација, уназадување и апатија, време е за нов правец, развиен, вистински, долгорочен“, рече Тоневски.Кандидатот за градоначалник на општина Пробиштип посочи дека програмата е сеопфатна и е сработена заедно со граѓаните, со нивни предлози и идеи, со што ќе се инвестира во секој дел од општината, со проекти за младите да останат во својот роден град како и инвестиции во областа на  туризмот, спортот и индустријата.„Многу ми е важно нашиот град да има иднина, нашиот Пробиштип заслужува многу повеќе, ние не ветуваме чуда ние ветуваме само работа, ветуваме развој, ветуваме иднина. Во програмата се влезени вашите идеи, оваа програма е победничка, заедно ја пишувавме заедно ќе ја реализираме, ќе започнеме со нова урбанизација, нова населба за изградба на куќи и нова индустриска зона исклучиво за незагадувачка индустрија. Ќе создадеме услов за нови работни места и повисоки плати, нашиот фокус се младите, младите ќе имаат бесплатен канцелариски простор доколу сакаат  да започнат сопствен бизнис и бесплатни проекти за типски куќи. Голем дел од младите ќе можат да ја градат својата кариера и во туристичката дејност затоа што инвестициите во Лесново и Пониква ќе бидат големи, ќе изградиме детско одморалиште на Пониква, ново одбојкарско игралиште, Пробиштип ќе добие и нов градски базен“, вели Тоневски.

Македонија | пред 6 месеци

Костадинов: Продолжувам натаму, од срце за Струмица

Досегашниот градоначалник на Струмица, Костадин Костадинов, кој не го криеше незадоволството бидејќи неговата партија не го кандидираше за втор мандат, денеска ја предаде функцијата на нивоизбраниот Петар Јанков, му честиташе и напиша на ФБ, но без збор за досегашните несогласувања со СДСМ:„Секој мандат има свој почеток и крај.Денес, функцијата Градоначалник на општина Струмица му ја предадов на новоизбраниот Градоначалник, Петар Јанков.Јавно му пожелувам, пред сѐ многу здравје и секако, успех во работењето, затоа што посветеноста на таткото на општината е секогаш успех за Струмица.Сакам да го охрабрам да ја согледа и препознае визијата за Струмица како модерен, европски и зелен град, визија ина цела генерација Струмичани која верува во подобра иднина тука, дома.Огромна чест и задоволство е да се води општина како Струмица и верувам дека со мојата јасна визија успеав да ги исполнам очекувањата на сите Струмичани. Заедно со мојот тим, во изминатите четири години ја создадовме најдобрата верзија на нашата Струмица. Проектите и резултатите се евидентни, а голем дел оставаат и траен белег во развојот на општината.Се надевам дека со довербата која ја добив од струмичанки и струмичани ги исполнив нивните очекувања, а тие го препознаа вложениот труд и ангажман и денес ги живеат резултатите од мојот градоначалнички мандат. Во оваа прилика благодарам на сите за поддршката, но и за критиките кои секогаш нè прават подобри.За сѐ има вистинско време и место. Да ги видиш и да ги согледаш е доблест, а да делуваш е моќ.Кон нови победи и успеси, продолжувам понатаму, од срце за Струмица“.

Македонија | пред 6 месеци

По 20 години градиначалник од ВМРО-ДПМНЕ седна во престижната фотелја

Кандидатите за градоначалници кои победија во првиот круг вече седнаа во градоначалничките фотелји.Во Струмица досегашниот градоначалник, Костадин Костадинов му ја отстапи функцијата на новоизбраниот Петар Јанков.Јанков го доби уверението од ОИК и од денеска официјално е нов градоначалник на Струмица.ВМРО-ДПМНЕ по цели 20 години победи во овој град и тоа уште во првиот круг.Јанков го доби уверението за четиригодишниот мандат за градоначалник од претседателката на Општинската изборна комисија, Елисавета Пецева.Претходно и новоизбраните членови на Советот на општина Струмица ги примија уверенијата од Општинската изборна комисија, а деновиве се очекува и свикување на првата конститутивна седница на Советот на општина Струмица.

Македонија | пред 6 месеци

СНС се заканува: Ќе реагираме на насилство на 1 ноември, Академскиот пленум бара Вучиќ да се откаже од насилството

Се вжештува атмосферата во Србија пред 1 ноември, на годишнината од падот на настрешницата во Нови Сад кога погинаа 16 лица.Претседателот на Српската напредна партија, Милош Вучевиќ, изјави дека државата ќе реагира на „секоја форма на насилство“ доколку на 1 ноември во Нови Сад дојде до инциденти за време на собирот.Во истиот настап, зборувајќи за барањето на студентското движење за вонредни избори, порача дека се залага изборите да се одржат кон крајот на 2026.Академски пленум пак ја повика власта да се откаже од насилството кое според нив, го подготвува на 1 ноември за време на одбележувањето на годишнината од несреќата.Тие укажуваат на подготвеноста на оваа влада, во како што велат сопствената беспомошност, да испрати провокатори и маскирани фигури на комеморативна прошетка што ќе се обиде да предизвика немири.,,Затоа, ги повикуваме да се откажат од ваквите намери, студентите и сите присутни граѓани ќе сторат сè што можат за да се осигураат дека комеморативниот собир ќе помине мирно и достоинствено, а сите потенцијални провокатори ќе бидат изолирани и идентификувани.Доколку се случи какво било насилство, единствениот виновник и единствениот одговорен ќе биде – лично Александар Вучиќ“, порачаа од Академски пленум.

Свет | пред 6 месеци

За Мицкоски локацијата на болницата „8-ми Септември“ е идеална за нов Клинички центар

Повторно се актуелизира прашањето за нов клиничкк центар. Локацијата на ГОБ „8 Септември“ на премиерот Христијан Мицкоски му изгледа како одлична за нов клинички центар бидејќи има три булевари, гасна поврзаност, сепак последниот збор ги остава да го кажат експертите.Премиерот чека да завршат локалните избори за да распише повик за финансиски институции што ќе понудат кредити за болниците во Штип, Тетово и во Кичево, а веднаш потоа како следен чекор најави дека со партнерите од Обединетото Кралство ќе работат на нов клинички центар во Скопје.„Чекор по чекор. Сега првин да завршат локалните избори, па да се распише јавен повик за финансиски институции за болниците, кои се поврзани со договорот влада со влада со Обединетото Кралство. Да заживее тоа, па следно е големиот клинички центар. Инаку, навистина овде изгледа како одлична можност, одлична локација – три булевари, гасна поврзаност, сообраќајна поврзаност”, рече премиерот Мицкоски денес одговарајќи на новинарски прашања по посетата на болницата „8 Септември“, во која почна да функционира хибербарната комора за третман на хронични рани, дијабетично стапало, изгореници, како и поддршка за пациенти од пластична хирургија, пулмологија, а ќе функционира и како поддршка за спортисти.Премиерот Мицкоски ги повика експертите и Министерството за здравство да направат анализи за новиот клинички центар во Скопје за потоа Владата да излезе со конкретен став.

Македонија | пред 6 месеци

(Видео) Двајца полицајци уапсени за филмскиот грабеж на златарница во Гостивар

Двајца полициски службеници од ОВР Кичево се уапсени поради сомнение дека учествувале во оружано разбојништво во златарница во Гостивар, при што беа одземени околу 18 килограми злато, соопшти Министерството за внатрешни работи.„Министерството за внатрешни работи до Основното јавно обвинителство Гостивар поднесе кривична пријава против две лица поради сомнение дека како соизвршители учествувале во извршување на кривично дело ‘разбојништво’ по член 237 став 4 во врска со став 1 од Кривичниот законик. Осомничените се лишени од слобода во текот на вчерашниот ден“, велат од МВР.Според истрагата, разбојништвото се случило на 10 октомври 2025 година, кога двајцата осомничени полицајци, заедно со засега непознати лица, влегле во златарница во центарот на Гостивар и со закана со огнено оружје ја ограбиле.Осомничените, кои биле активни полициски службеници, претходно планирале и координирале дел од нападот. Тие извршиле извидување на локацијата два дена пред грабежот, следејќи го движењето и навиките на вработените во златарницата. На денот на нападот, со службено возило на МВР, го обезбедувале патот за движење на возилата користени при грабежот.Едно од возилата потоа било пронајдено запалено на магистралниот пат Гостивар–Дебар, а другото напуштено во Кичево, во близина на сточниот пазар.„МВР, во координација со Основното јавно обвинителство Гостивар, презема мерки и активности за целосно расчистување на случајот“, соопштија од Министерството.Според изворите, се трага по уште најмалку две лица кои се поврзуваат со грабежот, а истрагата треба да утврди дали биле вмешани и други припадници на полицијата.

Македонија | пред 6 месеци

Доаѓа период на суво и стабилно време со студени утра, но повисоки дневни температури

Под влијание на стабилна воздушна маса, во наредните денови не очекува суво и стабилно време.Како што прогнозира Управата за хидрометеоролошки работи, од утре утринската температура ќе се спушти под нулата, а во одредени котлини ќе има појава на магла.Врнежите што ја зафатија земјава, денеска попладне насекаде ќе престанат, а облачноста ќе се намали. Во западните делови од државава до крајот на денов ќе дува слаб до умерен ветер од западен и југозападен правец, а во источните слаб ветер од променлив правец.Тепмературите ќе бидат во пораст.Планинските котлини и источниот регион наутро ќе бидат свежи (понекаде до 0 °C), но попладнињата ќе се искачуваат до 18–21 °C, а за викендот најтопло ќе биде во Пелагонија, Скопската Котлина и југоистокот до 21 °C.

Македонија | пред 6 месеци

Обвинителството со детали за апсењето на директорот на Комунална хигиена, познато е за кое дело го сомничат

Директорот на Јавното претпријатие „Комунална хигиена – Скопје“, Сабахадин Рустеми, е приведен утрово по наредба на Основното јавно обвинителство Скопје.„По наредба на Основното јавно обвинителство Скопје, полициски службеници преземаат дејствија за обезбедување докази. Приведени се и задржани две лица од раководството на ЈП ‘Комунална хигиена’ – Скопје, во врска со сомненија за кривично дело од член 230 од Кривичниот законик“, соопштија од Обвинителството.Загрозување на животната средина и природата со отпад:Член 230(1) Тој што со оставање, фрлање, собирање, со непрописно транспортирање на една или повеќе поврзани пратки, со преработка или отстранување на отпадот, со создавање на депонии спротивно на прописите за заштита на животната средина, пропуштање на вршење надзор над собирањето, со транспортот и преработката, со непрописно управување со отпадот, или на друг начин ќе предизвика или може да предизвика значително оштетување на квалитетот на почвата, воздухот или водата или опасност за животот или здравјето на луѓето или уништување на растителен или животински свет во поголеми размери, или на ретки видови на растенија или животни, ќе се казни со затвор од една до десет години.(2) Ако делото од ставот (1) на овој член е сторено со опасен отпад што содржи супстанции кои имаат својство на експлозивност, реактивност, запаливост, надразливост, токсичност, инфективност, канцерогеност, мутагеност, тератогеност, екотоксичност или својство на испуштање отровни гасови преку хемиска реакција и биолошко разложување, сторителот ќе се казни со затвор од најмалку четири години.(3) Ако делото од ставот (1) на овој член е сторено од небрежност, сторителот ќе се казни со парична казна или со затвор до три години, а во случајот од ставот (2) на овој член сторителот ќе се казни со затвор од една до пет години.(4) Тој што неовластено тргува со отпад, ќе се казни со затвор од една до пет години.(5) Ако делото е сторено од организирана група составена од три или повеќе лица сторителот ќе се казни за делото од ставовите (1) и (4) на овој член со затвор најмалку четири години, а делото за ставот (2) на овој член најмалку осум години.(6) Ако делото од овој член го стори правно лице, ќе се казни со парична казна.Според првичните информации, станува збор за сомнение за злоупотреба на службената положба и овластување, а акцијата се спроведува под надзор на јавен обвинител. Од МВР и Обвинителството засега не ги откриваат деталите, но најавуваат дека јавноста ќе биде информирана откако ќе заврши обезбедувањето на доказите.Рустеми во изминатиот период беше во фокусот на јавноста поради состојбите во претпријатието и конфликтите со Управниот одбор, кој обвинуваше дека работата е блокирана и нефункционална, а претпријатието се соочува со намален капацитет за собирање отпад и хаос во координацијата со Градот Скопје.

Скопје | пред 6 месеци