Вработена во продавница кај Обровац осомничена дека украла повеќе од 30.000 евра

Полицијата во Задар поднесе кривична пријава против 24-годишна вработена во продавница на подрачјето на Обровац, под сомнение дека во периодот од април до септември минатата година проневерила повеќе од 30.000 евра, задржувајќи за себе делови од дневните пазари.Според наводите на полицијата, осомничената систематски го присвојувала паричниот износ што ѝ бил доверен како вработена, така што наместо да го уплати целокупниот дневен промет, задржувала дел од средствата. Незаконските дејствија, како што е утврдено со криминалистичката истрага, траеле шест месеци, од почетокот на април до крајот на септември 2023 година.Со тоа е предизвикана материјална штета на трговско друштво со седиште во сплитското подрачје. По завршувањето на истрагата, против осомничената е поднесена кривична пријава до надлежното Општинско државно обвинителство во Задар.

Свет | пред 2 месеци

Стојаноска: СДСМ нека ги вратат украдените пари ако сакаат минимална плата

Пратеничката на ВМРО-ДПМНЕ, Дафина Стојаноска, со остри обвинувања реагираше на повиците од СДСМ за обезбедување средства за зголемување на минималната плата, наведувајќи дека парите треба да се обезбедат преку враќање на, како што рече, „испокраденото“ во периодот на нивното седумгодишно владеење.Според Стојаноска, доколку СДСМ самите не ги вратат средствата, тоа ќе се случи преку судски процеси, заедно со, како што посочи, казни затвор. Таа додаде дека, доколку во Буџетот се пронајдат средства за кои опозицијата зборува, тие веднаш би биле пренаменети за хуманитарни цели.Во својата изјава, Стојаноска алудираше дека средствата за минималната плата „може веднаш да се најдат“, наведувајќи локации како делови на Водно, Дубаи и Струмица, со што упати политички обвинувања кон поединци од редовите на СДСМ.Изјавата доаѓа во контекст на засилената политичка дебата околу минималната плата и буџетските приоритети. ССМ бара минималната плата да биде 600 евра.

Македонија | пред 2 месеци

Јапонија вложува 36 милијарди долари во американски проекти за нафта, гас и минерали

Јапонија најави инвестиции од околу 36 милијарди долари во американски проекти за нафта, гас и клучни минерали, како прв бран договори со администрацијата на Доналд Трамп. Договорот го објавија Трамп и јапонската премиерка Санае Такаичи, со цел зајакнување на економската безбедност и намалување на зависноста од Кина. Најголемиот проект е гасна електрана во Портсмут, Охајо, која се најавува како најголема во историјата на САД, со капацитет од 9,2 гигавати годишно. Со неа ќе управува компанијата SB Energy, подружница на јапонската групација СофтБанк груп. Предвидени се и вложувања во терминал за извоз на сурова нафта во Тексас и во фабрика за синтетички индустриски дијаманти.Проектите се дел од поширок пакет од 550 милијарди долари што Јапонија се обврза да ги инвестира според трговскиот договор со САД, во замена за намалување на американските царини за јапонските производи, вклучително и автомобилите. Фабриката за индустриски дијаманти во Џорџија, вредна околу 600 милиони долари, треба да обезбеди американска самостојност во клучен материјал за напредно производство и полупроводници. Трамп изјави дека со тоа ќе се намали зависноста од странски извори, пред сè од Кина, која доминира во производството и преработката на ретки метали.Американскиот министер за трговија Хауард Латник истакна дека Јапонија обезбедува капитал, а САД добиваат стратешка инфраструктура и засилена енергетска позиција.Договорот доаѓа во период на тензии меѓу Токио и Пекинг околу Тајван. И покрај тоа, Јапонија објави раст на извозот од речиси 17 проценти во јануари, делумно благодарение на зголемената трговија со Кина, додека Трамп порача дека „огромниот трговски договор со Јапонија стапи во сила“.

Свет | пред 2 месеци

Муцунски: Македонија останува целосно посветена на реализација на Коридорот VIII

Денеска, во Тирана, на покана на министерката за Европа и надворешни работи на Република Албанија, Елиса Спиропали, министерот за надворешни работи и надворешна трговија, Тимчо Муцунски, заедно со колегите од Италија, Бугарија и Романија, учествуваше на Министерскиот состанок „Коридор VIII во стратешкиот момент на Европа: Поврзаност, отпорност преку воена мобилност и споделен просперитет преку интеграција“. Состанокот се реализираше како продолжение на инаугуративната сесија одржана во Бриндизи, Италија, на 27 јули 2023 година. Во фокусот на разговорите беа актуелните инфраструктурни проекти што се операционализираат долж Коридор VIII, предизвиците во нивната реализација, како и потребата од засилено политичко внимание и координација.Министрите констатираа дека постои заедничко разбирање оти Коридор VIII треба да функционира како еден прекуграничен систем, а не како серија одвоени национални проекти што запираат на следната државна граница. Беше нагласено дека коридорот претставува стратешка врска меѓу Јадранското и Црното Море и дека во актуелниот геополитички контекст поврзаноста претставува елемент на отпорност и сила. Во своето обраќање, министерот Муцунски ја истакна важноста од целосно вклучување на сите клучни актери, нагласувајќи дека улогата на Италија како значаен фактор на Јадранот и на Романија како клучна држава на Црното Море и во регионалната економија е суштинска за Коридор VIII да стане вистинска европска врска од почеток до крај. Осврнувајќи се на националните обврски, Муцунски потенцираше дека државата, како централна точка на коридорот, останува целосно посветена на неговата реализација. Како значаен исчекор беше посочено потпишувањето на договорот со Бугарија за прекуграничниот железнички тунел во ноември 2025 година. Првата железничка делница на источниот дел е завршена, втората е во изградба, а работите напредуваат и на третата. Во патниот сегмент, целта е целосна автопатска и експресна поврзаност од Ќафасан до Деве Баир до 2029 година. Дополнително, беше истакната и енергетската димензија на коридорот, како и потребата од усогласување на процедурите, граничното управување и олеснувањето на трговијата, со цел новата инфраструктура да биде придружена со модерни и ефикасни стандарди. Посебен акцент беше ставен на искористување на европските финансиски инструменти, вклучително и следната програма „Connecting Europe Facility“, за забрзување на имплементацијата и обезбедување конкретни придобивки за граѓаните и бизнисите. Соговорниците се согласија дека фокусот во наредниот период треба да биде на реализација на финансиски одржливи проекти, координирана прекугранична имплементација и одржување на еднаков интензитет на реализација долж целата траса на Коридор VIII.

Македонија | пред 2 месеци

Шанса за Центар: Вакво чудовиште градот не видел, Советот утре одлучува за поранешната Печатница

Граѓанската иницијатива Шанса за Центар објави дека за локацијата на поранешната Печатница на Нова Македонија утре ќе се одлучува на Седницата на Советот на Општина Центар.„Вакво чудовиште градот не видел, но општината не смогна сили да направи ново решение туку со ʼкорекцииʼ се обидува да го „дотера“. Се смета за грешка една линија која недостасува во планот, ама не е грешка целиот концепт на развој на овој простор. Дали со сите сознанија и искуства во 2026 мора да спроведуваме одлуки од 2012 година?Планерот ТАЈФА ПЛАН го повикуваме јавно да го образложи решението со кое:Површината за градба е 105.000m2, на основа од 5.200 m2 .Согласно правилникот за урбанистичко планирање за таа површина со деловна намена потребни се 1.750 паркинг места, мои може да се обезбедат само со 10 подземни нивоа.Коефициентот на искористеност е k= 17, иако за сите околни градби е 4 или 5Пристапниот пат до влезот за гаражата е залепен до постојните стари објекти без можност за тротоар.Нели урбанистичкото планирање треба да обезбеди уставно загарантирана заштита на јавниот интерес“, велат од Шанса за Центар.

Скопје | пред 2 месеци

Со 63 гласа „за“, Гоце Наумовски назначен за нов уставен судија

Професорот од Правниот факултет Гоце Наумовски кој му беше советник на премиерот Христијан Мицкоски на собраниска седница со 63 гласа „за“ е избран за нов судија на Уставниот суд. Против беа седум, а немаше воздржани.Наумовски се најде на списокот на советници на Владата кој беше објавен во јануари минатата година, а како што пишуваше, тој го советувал премиерот за прашања од областа на правото.Тој е редовен професор на катедрата Римско право и предава неколку предмети, Римско право, Право и информатичка технологија, Право на трговски марки и географски називи; Патентно право, Спортско право, Реторика, Интелектуална сопственост, Правна реторика и аргументација.Тој треба да дојде на местото на судијката Јадранка Дабовиќ-Анастасовска, која во декември поднесе оставка од функцијата судија на Уставниот суд. Оставката, како што информираат од Уставниот суд, е поднесена поради здравствени и лични причини.

Македонија | пред 2 месеци

Мицкоски за истрагата за 40 тони марихуана: Се зголемува бројот на лица коишто се замешани

Премиерот Христијан Мицкоски денеска на прес-конференција изјави дека истрагата за случајот со запленетите 40 тони марихуана се проширува, се откриваат нови аспекти и се зголемува бројот на лица вклучени во случајот.„Не би рекол дека нема никој приведен, но да бидеме трпеливи. Да, сега за сега, тоа што е потребно да го споделиме со јавноста, го споделуваме, сепак станува збор за огромна количина, не се наoѓаат секој ден 40 тона марихуана, којшто се резултат на последиците на една несреќна влада, којашто, освен тоа што ја ограбувше државата, својата економска политика ја темелеше на производство на дрога и ја распродаваше државата пред се нејзиниотѕ национален интерес. Е, сега, ние се справуваме со тие остатоци од едно такво несреќно владеење, седум години. Дел од на тоа несреќно управување со владата е и ова што вие го споменавте, овој случај, но да почекаме, ќе споделиме многу брзо со јавноста, како е, што е, кој е, каде е и така натаму, бидејќи се отвараат нови аспекти, нови перспективи, се зголемува бројот на лица коишто се замешани, се отворат нови позиции, нови агли на тоа што се набљудува во целата оваа истрага, така да бидеме трпеливи. Министерството за натрешни работи покажа дека е прилично транспарентно, така што верувајте дека ќе ве информира“, изјави Мицкоски.

Македонија | пред 2 месеци

Костадиновска-Стојчевска ја повика Јаневска да го повлече предлог-законот за високо образование

Пратеничката на СДСМ, Бисера Костадиновска-Стојчевска, на денешната собраниска седница упати прашање до министерката за образование, Весна Јаневска, кое се однесуваше на предлог законот за високо образование и последиците од неговите решенија врз автономијата на универзитетите, квалитетот на образованието и можностите за развој на студентите и академскиот кадар.  Таа се осврна на реакциите од академската заедница кои предупредуваат дека законот премногу ја централизира контролата, се фокусира на процедура и административни прашања, а не ги решава суштинските проблеми како финансии, одлив на млади кадри и слабата поврзаност со пазарот на труд.Во продолжение е интегралното обраќање на Костадиновска-Стојчевска:Министерке,Квалитетот во високото образование мора да биде највисок приоритет не само на надлежниот министер и на владата туку и на сите вклучени во тој степен на образование. И затоа секое законско решение кое го регулира  високото образование мора редовно да се осовременува, но тој процес мора да ги вклучува сите чинители и да се сослушаат сите страни.Откако беше објавен на ЕНЕР предлог законот за високо образование, не стивнуваат реакциите. Дозволете да прочитам неколку од нив:-Закон за високо образование: Борба меѓу универзитетската автономија и политички агенди-Создавањето на нов наставно-научен кадар ќе стане екстремно тешко и -практично невозможно.Усвојувањето на овој Закон би донело далекусежни последици односно „ старомодни, неатрактивни и тесно специјални наставни програми кои не соодветствуваат со реалноста и потребите на пазарот на труд во земјата и светот“.-Европските искуства се прилично јасни: силни универзитети се градат врз реална институционална самоуправа, стабилно финансирање и доверба во академската заедница, а не врз централизирана контрола и административни механизми. Автономијата не е формула во закон, туку начин на функционирање на системот-повторно менување на телата и процедурите, без да се решат суштинските проблеми, ризикуваме да добиеме уште една нормативна реформа без реален ефект врз квалитетот-Наместо стабилен академски развој, системот повторно се враќа во состојба на нормативна транзиција. Системот е за студентот, а не студентот за системот. Ако студентот не почувствува разлика, реформата не успеала“-Фамозниот h-index не е дефинирано ни за кој h-index се работи, иако го има и на WoS, Scopus, google scholar, а притоа не зависи од самиот професор, туку од бројот на цитирања во рамки на една база, на слободен избор на оние кои пишуваат.-законот премногу се фокусира на процедура, а недоволно на суштинските проблеми: недоволното финансирање на научни истражувања, политизацијата на универзитетите, одливот на млади кадри и слабата поврзаност меѓу образованието и пазарот на труд. Без реална поддршка за научно-истражувачка работа и подобрување на статусот на професорите и соработниците, секоја законска промена може да остане „реформа на хартија“.-Во предложениот закон зборот „влада“ се споменува триесет пати, зборот „министерство“ четириесет и два пати, а „министер“ четириесет и четири пати.Се разбира, во сите примери станува збор за моќ што им се дава на овие „именки“ да одлучуваат за прашања за кои во нормалниот свет одлучува академската заедница. Владата и министерот назначуваат членови на Национален совет, на Агенција за квалитет, на одбори и комисии, одлучуваат за буџети, одобруваат вработувања, статути на факултети, датуми на конкурси и уписи, се мешаат каде што треба и не треба, прават севозможни големи и мали нешта… Автономија на универзитетот, што беше тоа?Министерке, дали сметате дека овој предлог навистина ги опфаќа сите профили кои студираат на нашите високо образовни институции?Дали суштински се решаваат проблемите  со тоа што се скратуваат можностите на младите да останат да работата на некоја високообразовна институција?Дали сметате дека предлог законот НЕ дискриминира? Дали сте подготвени да ги сослушате СИТЕ страни? Дали сметате дека закон за високо образование треба да се донесе со сила, со инает, а повторно да останат можностите за “диплома на секое ќоше”? дали сметате дека со вака поставени нешта во високото образование, нема да се продлабочи проблемот со неквалитетните дипломи- додипломски, магистерски, докторски- кои одамна се навлезени во општеството и тие се тие против кои всушност се бориме?На крај, дали ќе го повлечете законот и ќе пристапите кон изработка на нов предлог закон?

Македонија | пред 2 месеци

Трипуновски: Зголемување од 15% на откупот и продажбата на земјоделски производи во последното тримесечје, споредбено со лани

„Минатата година, следејќи ги сите тримесечја во споредба со 2024 година, и последниот извештај потврди позитивни трендови во земјоделството. Според официјалните податоци, откупот и продажбата на земјоделските производи во последното тримесечје изнесуваат 12,5 милијарди денари, што претставува раст од 15% во однос на истиот период од 2024 година“, истакна министерот за земјоделство, шумарство и водостопанство, Цветан Трипуновски од Струмица. Тој додаде дека растот не се однесува само на откупните и продажните цени, туку и на зголемениот квантитет на земјоделски производи. „Според табелите објавени од Државниот завод за статистика, речиси кај сите земјоделски производи се бележи зголемување на количините. Особено се издвојуваат грозјето, пченицата и јаболката, како и производството во сточарството, особено во свињарството, овчарството и производството на говедско месо“, појасни министерот Трипуновски. Тој додаде дека зголемувањето на количините е забележано и кај останатите земјоделски култури, што претставува значаен показател дека 2025 година може да се оцени како успешна, со зголемен интензитет и на откупот и на извозот на земјоделски производи.

Македонија | пред 2 месеци

МВР доби донација од САД: Најсовремена опрема за единицата за експлозиви

Во рамки на денешните активности во кругот на Министерството за внатрешни работи, министерот Панче Тошковски присуствувше на предавањето на донација од Амбасадата на САД – најсовремена опрема за Единицата за откривање и демонтирање на експлозивни средства.„Оваа донација, вредна околу еден милион евра е уште една потврда за силното стратешко партнерство и пријателството меѓу Македонија и Соединетите Американски Држави. Со оваа високософистицирана опрема која се состои од роботи, бомбашки одела, телескопски манипулативни раце, детектори и рендген уреди за откривање експлозивни средства, фибер-оптички камери, како и специјализирано возило за транспорт, директно вложуваме во заштита на човечки животи и во безбедноста на нашите полициски службеници кои се справуваат со најсложени задачи.Упатувам искрена благодарност до Амбасадата на САД за континуираната поддршка, обуките и довербата што ја даваат на македонската полиција. Продолжуваме заедно да ги јакнеме капацитетите на МВР и да градиме посигурна и побезбедна држава“, вели Тошковски.

Македонија | пред 2 месеци

Минчев: Одговорност, мерит и јасни правила за високото раководство во администрацијата

Министерот за јавна администрација Горан Минчев денеска се обрати на јавната расправа во рамки на Комисијата за политички систем при Собранието на Република Македонија, посветена на Предлог-законот за високата раководна служба во органите на државната управа и фондовите.Во своето обраќање, министерот Минчев истакна дека реформата на високата раководна служба претставува клучен сегмент од сеопфатната реформа на јавната администрација и дел од пошироката реформска агенда насочена кон изградба на професионална, стабилна и отчетна државна администрација.„Реформата на високата раководна служба не е техничка интервенција во законодавството. Таа е политичка одлука од највисок ранг и одраз на државничка зрелост и одговорност“ нагласи министерот, додавајќи дека начинот на уредување на највисоките управувачки позиции директно влијае врз квалитетот на владеењето, стабилноста на институциите и довербата на граѓаните.Министерот посочи дека со предложеното законско решение првпат се воспоставува кохерентна и унифицирана рамка за именување, мандат, оценување и разрешување на високите раководители, вклучително и директорите, државните секретари, замениците и членовите на управните одбори.„Принципот на мерит, кој со години го споменувавме во декларативна форма, со овој закон станува системско правило. Воведуваме појасни критериуми, јавен повик, структурирана селекција и рангирање, со јасна обврска процесот да биде транспарентен и сеопфатен“ истакна Минчев.Во однос на улогата на извршната власт во процесот на избор, министерот нагласи дека задржувањето на конечната одлука кај Владата е во согласност со уставниот поредок и принципот на политичка одговорност.„Во парламентарна демократија, одговорноста не може да биде апстрактна. Таа мора да има јасен носител. Ова не е отстапување од мерит-системот, туку негово институционално усогласување со демократската легитимност“ посочи министерот.Посебен акцент беше ставен и на реформата на управните одбори, со намалување на нивниот состав на три члена, како и на ограничувањето на институтот „вршител на должност“ кој со новото законско решение станува строго временски ограничен механизам.„Овој закон не создава привилегии, туку поставува одговорности. Тој не концентрира моќ без контрола, туку ја поврзува моќта со отчетност и резултати“ истакна министерот, додавајќи дека целта е воспоставување функционална држава во која секој носител на одлуки јасно знае како е именуван и пред кого одговара.

Македонија | пред 2 месеци

Први притвори во Македонија за запленетата мархуана во Србија: уапсени две лица

По предлог на јавен обвинител од Основното јавно обвинителство за гонење на организиран криминал и корупција, вчера на две лица, кои претходно беа сослушани во својство на осомничени, судијата на претходна постапка при Основниот кривичен суд Скопје им определи мерка краткотраен притвор во траење од 48 часа.„Како резултат на преземените дејствија и анализата на прибраните информации и докази, постојат основи на сомнение дека лицата преземале активности поврзани со запленетите 5 тони марихуана во Република Србија, поради што јавниот обвинител достави образложен предлог за определување краткотраен притвор.Барањето за определување на краткотрајниот притвор е со цел обезбедување на лицата и овозможување на доволно време на јавниот обвинител за преземање на неопходните процесни дејствија и донесување соодветна одлука за понатамошно постапување. Во вакви случаи, особено кога се работи за предмети со поголема сложеност, како и предмети со меѓународен карактер, временските рокови често се ограничени, што ја оправдува примената на оваа мерка.Основното јавно обвинителство за гонење на организиран криминал и корупција продолжува со интензивно постапување во предметот и јавноста ќе биде навремено информирана за понатамошниот тек, согласно законските можности“, велат од обвинителството.

Македонија | пред 2 месеци

Јовановски повикува граѓаните да ги пријават штетите од поплавите во Кичево

Градоначалникот на општина Кичево, Д-р Александар Јовановски ги повика сите граѓани кои претрпеле штета на објекти, предмети или добра во домаќинствата и деловните субјекти да ја пријават штетата.„Во периодот на поплавите што ја зафатија територијата на град Кичево на 14-ти и 15-ти февруари 2026 година, брзата поддршка и солидарноста се од клучно значење за помош на погодените граѓани.За подобрување на условите и обезбедување на подостоинствено сместување на лицата привремено сместени во спортската сала „Христо Узунов“, Општина Кичево, во координација со Генералштабот на АРМ и касарната „Чеде Филиповски-Даме“, овозможи мобилна бања за туширање. Ова вклучува две цистерни, мобилна бања со пресоблекувална и техничко возило со бојлери за обезбедување топла вода.Општина Кичево изразува искрена благодарност до Генералштабот на АРМ за брзата и несебична помош, која значително го олеснува справувањето со последиците од поплавата.Исто така, Општина Кичево ги повикува сите граѓани и правни лица кои претрпеле штета на објекти, предмети или добра во домаќинствата и деловните субјекти да ја пријават штетата. Барањата и сите потребни информации за пријавување на штета може да се подигнат во Архивата на Општина Кичево или да се преземат од веб-страницата“, вели Јовановски.

Македонија | пред 2 месеци

Фатени шест возачи без возачка дозвола, со активна забрана и под дејство на алкохол

Во текот на вчерашниот ден, полициски службеници на целата територија на државата лишија од слобода шест возачи, од кои четири за возење без возачка дозвола, еден со забрана за управување возило од Б категорија и еден под дејство на алкохол.По еден возач во прилепско – малолетник и тројца возачи од тетовско управувале возило без возачка дозвола. Еден возач во Скопје управувал возило иако имал мерка забрана за управување моторно возило од Б категорија и 37-годишна жена управувала возило под дејство на алкохол. Лицата се приведени во полициска станица, а по целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 2 месеци

Костадиновска-Стојчевска до Алиу: Зошто се кратат пари за пациентите со ретки болести чиј живот е донесен во опасност?

Пратеничката на СДСМ, Бисера Костадиновска-Стојчевска, на денешната собраниска седница упати прашање до министерот за здравство, Азир Алиу, кое се однесуваше на кратењето на буџетот за програмата за ретки болести, за 180 милиони денари или околу 3 милиони евра, прашувајќи што ќе преземе за да ја исправи неправдата кон пациентите чиј живот е донесен во опасност.Во продолжение е интегралното обраќање на Костадиновска-Стојчевска:Бројот на пациенти со ретки болести расте, а буџетот се намалува. Средствата за програмата за ретки болести се намалени за 180 милиони денари (околу 3 милиони евра). Тоа се огромни пари.Минатата година, Министерството за здравство за болните од ретки болести издвоило 1 милијарда и 260 милиони денари, а сега се предвидени 1 милијарда и 80 милиони денари.За државната каса тоа можеби е само бројка. За пациентите – тоа е терапија што може да доцни, лек што може да недостига и неизвесност што секојдневно го нагризува нивното здравје.Лекарите дополнително предупредуваат дека процедурите за набавка на одредени лекови се долги и макотрпни, а во многу случаи пациентот нема време за чекање.Регистарот за ретки болести брои 1093 пациенти, од кои 260 се починати, а 180 со цистична фиброза добиле посебно финансирање надвор од програмата.Од вкупно евидентираните, 240 се деца до 14 години. Многумина од нив со години чекале точна дијагноза, минувајќи низ погрешни третмани, скапи испитувања и психолошки исцрпувачка неизвесност.Ако правото на здравје е универзално, тогаш мора да важи и за оние чија болест е ретка. Зашто ако е ретка дијагнозата, ретко скапоцен е и човечкиот живот.Државата не може да им гарантира третман на овие пациенти со вакви буџетски кратења и директно ги загрозува. Ова е неправда.Моето прашање е: што ќе преземете за да ја исправите оваа неправда?

Македонија | пред 2 месеци

Мицкоски: Очекувам преку Договорот со САД билатералната соработка и трговија да се зголеми

Претседателот на Владата на Република Северна Македонија, Христијан Мицкоски денеска одговарајќи на новинарско прашање во однос на тоа дека САД излезе со нова политика за царини кон Македонија и што значи ова за економијата, изјави: „Во рамките на мандатот на оваа Влада, во овие 20 месеци, не цели, постигнавме Договор за стратешко пријателство со Велика Британија. Повторно од опозицијата настапуваа со лажни тези, дека ќе сме примале мигранти за пари и тоа траеше со месеци. Еве излезе амбасадорот на Обединетото Кралство, даде интервју, ги демантираше. Нема поголем демант од тоа. Но, Договор за стратешко пријателство не е само договор, туку и порака. А таа порака, ние можеме и ефектите на таа порака да ги видиме и во нашата економија, па дури ако сакате и во условите со кои се издаде Еврообврзницата, затоа што тоа е силна порака. Тоа е еден стратешки документ. Вториот документ е документот со којшто ние имаме, за први во регионот, а тоа е заедничка усогласена надворешна и одбранбена политика со Европската Унија. Третата важна дипломатска работа којашто нас нѐ стави во друштвото на функционални демократии, зрели демократии каде што владее правото, каде што се почитуваат човековите права е стопирањето на пост мониторинг мисијата на Советот на Европа. И ние сме единствената земја во регионот. Сите коишто се дел од Западен Балкан 6 групата или се во мониторинг или се во пост мониторинг. И овој договор којшто потенцијално ќе го потпишеме со Соединетите Американски Држави, во рамките на параметрите коишто се содржани во заедничката изјава, ќе овозможи македонските компании, односно производите од Македонија, помеѓу 62 и 64, отприлика царински броеви, да се најдат на американскиот пазар со повластени тарифи од 0 до 6,5%.Инаку, вреди да се напомене дека во 2025 година, билатералната трговска размена надминува половина милијарда долари. Мислам дека ближиме докај 600 милиони долари во којшто имаме благ суфицит како држава. Македонија има повеќе извоз, отколку увоз во Соединетите Американски Држави. И очекувам преку овој договор, билатералната соработка и трговија да се зголеми. Но повторни ќе кажам, самиот договор по себе  е единствен надвор од Европската Унија со тарифи исти какви што има Европската Унија и Обединетото Кралство. Но пораката е силна. Пораката е силна, односно порака на Високиот трговски претставник на Соединетите Американски Држави, кој што е на ниво на Секретар, господинот Грир, дека испраќаат порака кој е нивниот најсилен партнер во регионот, а тоа е нашата Македонија. Значи многу и за инвеститорите и за економската состојба во државата“, изјави Мицкоски.

Македонија | пред 2 месеци

Тренчевска: Шест месеци ништо не преземавте за превозниците – кој ќе одговара за штетата што ја трпат?

Пратеничката на Социјалдемократскиот сојуз на Македонија, Јована Тренчевска, на денешните пратенички прашања, во отсуство на министерот за надворешни работи и надворешна трговија Тимчо Муцунски, упати прашање до заменик министерот за надворешни работи и надворешна трговија, Зоран Димитровски. Во прашањето Тренчевска нагласи дека власта ги излажа транспортерите дека проблемот со ограничувањето на престојот на возачите од Западен Балкан, вклучително и Македонија, во земјите од ЕУ, е решен.Тренчевска посочи дека вистината е дека проблемот не е решен, а транспортерите се соочуваат со реални пречки и проблеми, нагласувајќи дека компании веќе размислуваат или започнале постапки за регистрација во други земји, како Бугарија и Хрватска. Таа укажа дека овој проблем значи губење приходи, губење работни места и одлив на капитал од државата. Во обраќањето Тренчевска го праша заменик министерот Димитровски, зошто Министерството за надворешни работи и трговија и тој како заменик министер, ништо не преземале шест месеци колку што се знаела новата одлука на ЕУ и кој ќе понесе одговорност за штетата што ја трпат транспортерите и македонската економија?Во продолжение е интегралното обраќање на Тренчевска:„Деновиве се виде и се потврди дека власта, наместо да ги решава проблемите, единствено што знае е да дефокусира и да води лажен ПР на штета на државата, граѓаните и компаниите.Последен ваков пример е случајот со транспортерите. Пред само три недели ги излажавте овие луѓе дека проблемот со ограничувањето на престојот на возачите од Западен Балкан, вклучително и Македонија, во земјите од ЕУ, е решен.Ова помпезно и на социјалните мрежи и преку медиумите што ги контролирате, го изјави вицепремиерот Николоски, кој рече, цитирам: Добив одлични вести од Брисел во врска со огромниот проблем на превозниците од Македонија, нашите ставови се прифатени, возачите се прифатени како професионалци.“Само пред три дена видовме дека оваа изјава била една голема лага, уште еден лажен ПР, од кој трпи бизнисот и економијата.Вистината е дека проблемот не е решен. Транспортерите се соочуваат со реални пречки и проблеми. Компании веќе размислуваат или започнале постапки за регистрација во други земји, како Бугарија и Хрватска. Ова значи губење приходи, губење работни места и одлив на капиталот од државата.Овој проблем „не падна од небо“ пред три недели. Новите правила на Европската Унија не се донесени пред три недели.Конкретно, одлуката сте ја знаеле од 26 јули 2025 година. Тогаш била донесена, со постепено воведување од октомври истата година. Тоа значи дека сте имале цели шест месеци за подготовки, за разговори, преговори, за можности за некакви транзициски механизми, односно сте имале време да ги заштитите домашните превозници.Ако Европската Унија јасно кажала дека ги менува плановите и регулативите за движење, со воведување на електронски систем уште минатата година, што правеше владата и што правевте вие во Министретсвото за надворешни работи и трговија?Заменик министeр, како дипломат и како претставник на државата во комуникацијата со Европската Унија, сте имале обврска навреме да реагирате, да преговарате и да обезбедите заштита на транспортерите, на националните економски интереси.Но вие свесно одбравте да молчите, како и за сè друго. Па сега, кога дојде „нож под грло“, целиот овој проблем се обидувате да го вклопите во вашата анти-ЕУ кампања што ја водите, за да прикажете дека виновна е Европската Унија, да предизвикате негативна реакција кај граѓаните, а всушност единствениот виновник е вашата Влада.Јавноста гледа, гледаме сите ние, дека и овој проблем за кој вие сте виновни како власт е само дел од анти-ЕУ кампањата на Владата, која наместо кон интеграција ја води земјата кон изолација, без јасен план за напредок, што носи сериозни последици врз економијата, компаниите и граѓаните.Проблемот на транспортерите не е само прашање за една стопанска гранка, туку е прашање за економијата во целост. Кога транспортниот сектор е блокиран, страда индустријата, страда извозот, страдаат бизнисите, страдаат и граѓаните.Вие како министер, меѓу другото и за надворешна трговија, ги знаете последиците.Оттука, моето прашање до вас е: Зошто ништо не преземавте шест месеци и кој ќе понесе одговорност за штетата што ја трпат транспортерите и македонската економија?

Македонија | пред 2 месеци

(Видео) Драматични снимки од Италија: Огромна снежна лавина се спушти низ шумата кон скијачите

Моќна лавина се сруши по стрмна падина во близина на италијанскиот скијачки центар Курмајор во вторник, а драматични снимки од инцидентот се проширија на социјалните мрежи. Видеото е снимено од скијачи кои биле во близина во тој момент. Засега нема официјални информации за повредени.Снимките покажуваат голема маса снег и мраз како се спушта низ високи борови дрвја кон скијачите. Во еден момент, се појавува паника, а некои од присутните се обидуваат да избегаат додека густ облак од снег ги покрива.Несреќата се случува само неколку дена по трагичниот настан во истата област. Во неделата, лавина однесе тројца мажи на Кулоар Весес, позната рута за фрирајд во скијачкиот центар Курмајор, објави Италијанската планинска служба за спасување, според Дејли Меил.Еден маж почина на местото на несреќата, додека друг им подлегна на повредите додека беше транспортиран во болница. Третиот беше тешко повреден и лекуван во болницата Ле Молинет во Торино. Во спасувачката операција учествуваа 15 спасувачи, три кучиња трагачи и два хеликоптери. Идентитетите на жртвите сè уште не се објавени.

Свет | пред 2 месеци

Фетаи: Конфискацијата на незаконски имот останува приоритет

По конститутивната седница на Националниот совет за финансиски истраги и конфискација на имот, одржана на 2 февруари 2026 година, денес се означува влегувањето во одлучувачката фаза на конкретна имплементација на Стратегијата за периодот 2025–2028 и Акцискиот план 2025–2026.„Со Одлуката на Владата од 9 септември 2025 година и со именувањето на членовите на 28 октомври 2025 година, целосно е консолидирана институционалната структура за координација и мониторинг на оваа стратегија. Сепак, како што истакна Заменик- претседателот на Владата за добро владеење, г. Арбен Фетаи, самата структура не создава резултати, резултатите се постигнуваат преку координирано дејствување, јасна институционална одговорност и конкретна отчетност.Националниот совет го утврдува политичкиот правец, додека Националната комисија има задача да обезбеди тој правец да се претвори во мерливи резултати во пракса. Првиот годишен извештај евидентира нормативен напредок, но тековната фаза бара зголемен оперативен ангажман, дисциплина во известувањето и итна реакција на системските пречки.Во овој контекст, Националната комисија ќе функционира како активен механизам за имплементација и мониторинг, со фокус на: целосна имплементација на институционалните надлежности; идентификување и адресирање на реалните пречки во системот; известување со интегритет, транспарентност и без политички калкулации; итна интервенција во случај на доцнења или недостиг на капацитети.За време на состанокот беше промовиран документот подготвен во соработка со United Nations Office on Drugs and Crime (UNODC), „Контролна листа за олеснување на враќањето на имот“, како практичен инструмент за стандардизација и зајакнување на процесите на поврат на средства. Овој документ претставува конкретен чекор кон зајакнување на техничките капацитети и усогласување со меѓународните стандарди.Повратот и конфискацијата на незаконски стекнатиот имот остануваат приоритет на судскиот систем, органите за спроведување на законот и финансиското разузнавање.Владата е решена криминалот да не остане економски исплатлив и процесите на пронаоѓање, идентификување, конфискација и управување со имотот да бидат ефективни и одржливи.Резултатите ќе се мерат не според бројот на состаноци, туку според конкретниот напредок на терен и зајакнувањето на меѓународниот кредибилитет на државата.Кабинетот на Заменик-претседателот на Владата за добро владеење ќе бара целосна посветеност на овој процес, дисциплина во известувањето, транспарентност на податоците и јасна институционална одговорност од сите вклучени страни.Одговорноста е колективна. Отчетноста е конкретна“, се вели во соопштението.

Македонија | пред 2 месеци

Обвинет е во болница, па судењето за „Пулс“ утре нема да се одржи

Расправа за предметот со ознака К.бр.1872/25, поврзан со пожарот во дискотеката „Пулс“ во Кочани, закажана за 19 февруари 2026 година, е одложена поради влошена здравствена состојба на обвинетиот Г.М., кој се наоѓа на болничко лекување во Општата болница во Кочани, информираат од Кривичниот суд.Како што соопштуваат од Судот, претседателот на судечкиот совет во текот на денот остварил телефонски контакти со лекарите задолжени за лекувањето на обвинетиот. Тие го известиле дека Г.М. во моментот не е во состојба да присуствува на главната расправа, но изразиле уверување дека неговата здравствена состојба ќе се подобри и ќе може да продолжи да ја следи постапката.Поради економичност на постапката и со цел да не се предизвикаат дополнителни трошоци, претседателот на советот за одлагањето ги известил бранителите, полномошниците и законските застапници на оштетените, сведоците, како и надлежните казнено-поправни установи и полициски станици.Од Судот додаваат дека сите веќе определени последователни термини за одржување на расправата остануваат во сила.Ова е второ одлагање на рочиште во овој предмет во краток период, откако претходно беше одложена расправата закажана за 14 јануари, бидејќи еден од обвинетите остана без адвокат.

Македонија | пред 2 месеци

ТППЕ Струмица со полни раце работа: Викендица, куќа и оџак гореле утринава

Денес, уште во утринските часови ТППЕ Струмица имаше три интервенции.„06.55 часот, во излетничката населба Суви Лаки, запалена викендица, интервенирано со 1 ПП возило и 4 пожарникари-спасители и ТППЕ Берово со 1 ПП возило и 4 пожарникари-спасители.08.12 часот, на улица Бетовенова, запалена куќа, интервенирано со 3 ПП возила и 8 пожарникари-спасители09.48 часот, во село Муртино, запален оџак, интервенирано со 1 ПП возило и 4 пожарникари-спасители“, велат од ТППЕ Струмица.

Македонија | пред 2 месеци

Тренчевска до Дурмиши: Пола Влада се шетала со владиниот авион, малтене како јавен превоз сте го користеле

Пратеничката на Социјалдемократскиот сојуз на Македонија, Јована Тренчевска, на денешните пратенички прашања, упати прашање до министерот за економија и труд, Бесар Дурмиши, во кое посоли дека за две години владата на ВМРО-ДПМНЕ покажа дека граѓаните, работниците, не им се на приоритената листа. Тренчевска нагласи дека наместо да ми се помогне на работниците и да им се обезбеди 600 евра минимална плата, власта со парите на граѓаните се луксузира. Во обраќањето Тренчевска го праша министерот Дурмиши дали не се срами како министер кој е одговорен за благосостојбата на работниците да кажува дека нема пари за 600 евра минимална плата, додека премиерот Мицкоски го користи владиниот авион за летување на Јадранско море, а работниците надвор протестираат за својот егзистенцијален минимум.Во продолжение е интегралното обраќање на Тренчевска:„Животот на граѓаните е сведен на преживување. Луксуз е да се живее достоинствено. Луксуз е да се наполни кошничката во маркет со основните прехранбени производи, луксуз е да се платат сметки за струја и комуналии, луксуз е да се оди на годиншен одмор.За две години владата на ВМРО-ДПМНЕ покажа дека граѓаните, работниците, не им се на приоритената листа.Семејниот буџет на работникот е на минимум, а притисокот од цените расте. Ниту три минимални плати не се доволни за покривање на основните животни потреби.И во ова време кога синдикалната кошничка надминува 66.000 денари, кога една третина од месечните трошоци одат само за храна и пијалоци, кога родителите пресметуваат дали ќе има за струја, за школски прибор или за храна, оваа власт  гледа само како повеќе да зграби од граѓаните, за да има повеќе за своите луксузи.Зборуваме за 600 евра минимална плата за достоинствен живот на работниците, наспроти милионските криминални тендери и луксузирања на власта.Квалитетот на животот на работниците е на дното. Владата има обврска да обезбеди достоинствени плати, а не бизнис тендери.Парите во Буџетот ги има, и ви дадовме предлог од кои ставки да се скрати, за да се обезбеди повисока минимална плата.Ама треба да си скратите од луксузот, од вашата комфорност на грбот на работниците.Еве ќе ви повторам - ако скратите 20-30% само од ставките 42 и 43/6 од Буџетот, за патни трошоци, за репрезентативен материјал, за патување, службени возила итн,  ќе обезбедите околу 120 милиони евра.Ајде, покажете доблест, покажете дека се грижите за работниците. Покажете волја и минимум почит кон они кои ве гласале и благодарение на кои седите во овие удобни столчиња.Со кое лице излегувате во јавност и кажувате дека нема пари за 600 евра минимална плата, додека видовме како министрите и премиерот се луксузира со владиниот авион врз грбот на народот.И не само он, пола Влада се шетала со владиниот авион. Малтене како јавен превоз сте го користеле владиниот авион, само што и јавниот превоз за граѓаните е луксуз, ама тоа е друга тема.Ова е лицемерие на дело. Да се крати од граѓаните, од земјоделците, од работниците, од младите - за да може власта да аздисува со народни пари, да троши милиони за своите удобности, додека граѓаните едвај врзуваат крај со крај.Па уште и нов авион ќе купувате, подготвени сте да дадете 300-400 милиони евра за нов авион, за нови туристички патувања и луксузирања, ама не и да ја зголемите минималната плата на 600 евра.Жално…Немате никакво оправдување за оваа ваша неодговорност, и безобразно трошење на парите на граѓаните. Се се може кога се сака. Два пати го поднесуваме Законот за минимална плата и упорно се инаетите и не го прифаќате.Зошто? Затоа што е од СДСМ? Па сите ние сме избрани за да работиме за доброто на граѓаните.Вашите први две години од мандадот ќе останат запаметени по криминални тендери и приватни бизниси, луксизирања, папаја, манго, пуста желба за еден нов авион.Првите две години од мандатот на владата на СДСМ ќе останат запаметени по 300% зголемена социјална помош и зголемена минимална плата од 8.000 на 14.500 денари. Ете тоа е разликата меѓу нас, ние сочуствуваме и се грижиме за граѓаните. Вам граѓаните ви се само статистичка бројка на избори.Моето прашање до вас, министре Дурмиши, е: Дали не се срамите како министер кој е одговорен за благосостојбата на работниците да кажувате дека нема пари за 600 евра минимална плата, додека премиерот Мицкоски го користи владиниот авион за летување на Јадранско море, а работниците надвор протестираат за својот егзистенцијален минимум?“

Македонија | пред 2 месеци

Трамп ја менува бојата на Air Force One, за да ја додаде неговата омилена

Американското воено воздухопловство најави нова палета на бои за својата флота за воздушен транспорт, која ќе се применува и на авионите од следната генерација што ќе ја носат ознаката „Air Force One“. Новиот дизајн, покрај црвената, белата и темносината, ќе вклучува и златна боја.Со ова се прави отстапување од актуелната бела и двотонска сина шема што датира од времето на администрацијата на John F. Kennedy. Новиот изглед ја оживува претходната идеја на Donald Trump за понагласена црвено-бело-сина комбинација, која во 2022 година беше отфрлена поради проценки дека потемните бои можат да предизвикаат проблеми со прегревање на леталото.Редизајнот ќе се применува на моделот VC-25B, воена ознака за авионот „Боинг 747-8i“, кој ќе служи како нова генерација претседателски авион. Програмата предвидува пренамена на два авиона 747-8 во специјализирани летала со напредни комуникациски и одбранбени системи. Проектот доцни четири години, а испораката се очекува во 2028 година.Во меѓувреме, во 2025 година Трамп прифати луксузен патнички авион „Боинг 747“ како подарок од Катар, со барање тој да биде што побрзо пренаменет за претседателски потреби.Новата палета ќе се применува и на четири модифицирани авиони „Боинг 757-200“, кои се користат за превоз на потпретседателот, членови на кабинетот, конгресмени и други високи функционери. Засега не се објавени детали како ќе се надминат претходно утврдените топлински предизвици поврзани со потемните бои, поради кои администрацијата на Џо Бајден ја отфрли првичната верзија.Редизајнот доаѓа во контекст на пошироката естетска трансформација што Трамп ја спроведе по враќањето на функцијата, особено во Овалниот кабинет, каде доминираат позлатени елементи. Претседателот повеќепати јавно истакна дека златната боја, според него, симболизира квалитет и престиж, а новиот изглед на „Air Force One“ се вклопува во таа визија.

Свет | пред 2 месеци

Јаневска: Нема повеќе вонредно студирање на наставничките факултети

На дел од регулираните професии законот не дозволува вонредно студирање и тоа е во правец на јавниот интерес на државата. Не се дозволува вонредно студирање на Медицинскиот факултет, што и досега е така, но отсега и на наставничките факултети. Тоа е од јавен интерес, тие студии да се модернизираат, да се зајакнат, за да може во иднина да добиеме подобар производ, не последен на ПИСА, туку ученици кои ќе се придвижат нагоре на скалилата на рангирање на знаењето на учениците. Ова го истакна министерката за образование и наука проф. д-р Весна Јаневска во гостувањето на утринската програма на ТВ Алфа.- Многу нешта променивме од стариот закон. Секогаш почнувам од грижата за студентите. Додадовме неколку значајни елементи кои ним им се многу важни. Дадовме предност во вработување на оние студенти кои ќе се вратат од студиите на првите 100 светски универзитети, на студентите кои се добитници на Инженерски прстен и на најдобрите 10 студенти на универзитетите. Го продолживме нивниот мандат од една на две години во сите тела на факултетите и универзитетите.Дозволивме нивно вработување на проекти и одредивме колку е минимумот што ќе го добиваат како демонстратори. Сметам дека ова е многу значајно и реакциите се многу позитивни, додаде Јаневска, напоменувајќи дека со предлог Законот за високото образование, чија Јавна расправа започнува денес на Универзитетот „Мајка Тереза“, се предвидуваат и измени кои се однесуваат на организацијата на универзитетите, критериумите за избор во звања.- Во овој момент се дискутираат критериумите за избор во наставно-научните звања и имаме промени каде што бараме повеќе научна работа со објавување на научни трудови во бази на научни трудови како што се Web of science и Scopus. Дополнително на тоа, бараме и цитираност на овие нивни дела на научно-истражувачкиот потенцијал на универзитетите. Законот јасно бара интернационализација на факултетите, поврзување со други, тие може да одлучат со кои, но препорачливо е тоа да е во европскиот простор, да формираат или да организираат заедничка настава во правец на двојни дипломи и многу други промени, структурни промени, кои сметаме дека ќе придонесат за раст на квалитетот на квалитетот во високото образование, напомена министерката.Министерството, потенцираше Јаневска, не смее и не може да се меша во студиските програми, тука доаѓа до израз студентската автономија, но законот бара и да се модернизираат студиските програми.- Го менуваме моделот, законот бара модуларност во студирањето, што значи ќе треба нови студиски програми, и со самото тоа што ги зајакнуваме критериумите за избор во звања, очекуваме наставно-научниот кадар малку повеќе да се бави со наука и тоа знаење да го пренесе и на студентите, рече министерката, истакнувајќи дека во минатото имало закон во кој повеќе се барало од наставниците и тогаш нашите универзитети станувале повидливи.- Потоа доаѓа еден друг закон кој драстично ги намалува критериумите и евидентен е падот на рејтингот на нашите универзитети. Сега повторно очекуваме тој да се покрене. Нашите научници, нашите универзитети да кои навистина ги има добри и кои без обврска објавуваат во значајни бази на списанија, треба да станат повидливи, треба да станат препознаени во светот, нашите универзитети да нудат квалитет и да станат повидливи, со тоа да привлекуваат повеќе студенти, вклучително и странски.Вмрежувањето на наши со други странски универзитети, исто така ќе ги направи универзитетите и наставно-научниот кадар повидливи а студентите од тоа секако ќе имаат бенефит затоа што ќе има размена на искуства. оттука, дефинитивно очекуваме рејтингот на нашите универзитети после извесен број години, да се подобри, изјави министерката Јаневска.

Македонија | пред 2 месеци

Дури шест обиди за измами вчера во Велес и Неготино: се бараат 35.000 евра за наводни операции на роднини

Шест обиди за измами со лажни лекари се пријавени вчера на подрачјето на СВР Велес, од кои пет во Неготино и еден во Велес, информира Министерството за внатрешни работи.Во Велес, 53-годишна жена пријавила дека непознато машко лице му се јавило на нејзиниот татко и му кажало дека неговата ќерка се здобила со тешки повреди и дека е потребна итна операција, за што требало да донесе пари во болницата во Велес.Останатите пет случаи биле пријавени во ОВР Неготино од лица на возраст од 69 до 78 години. Според пријавите, машко лице им се јавувало и им тврдело дека нивни блиски роднини се повредени и дека за оперативен зафат е потребно да донесат пари. Побараните суми достигнувале и до 35.000 евра.Во дел од случаите, измамникот се претставувал како лекар, а во други како полициски службеник. На некои од оштетените им било кажано парите да ги однесат во здравствени установи во Скопје, а на други во болницата во Велес.Сите пријавители се посомневале во веродостојноста на повиците, ги контактирале своите блиски и утврдиле дека станува збор за обид за измама.Од СВР Велес апелираат до граѓаните да бидат особено внимателни при комуникација со непознати лица и сите сомнителни повици веднаш да ги пријават во најблиската полициска станица. Полицијата најавува засилени превентивни активности, особено насочени кон повозрасната популација, со цел навремено информирање и едукација за препознавање и спречување на телефонските измами.

Македонија | пред 2 месеци