Остро обраќање на таткото на загинатата Фросина: „Парите им се помили од образот“

Тодор Кулаков, татко на усмртената Фросина, со жестока и емотивна порака реагираше по одлуката на Апелациониот суд, оценувајќи дека ниската доверба во судството е директна последица на, како што вели, системска заштита на криминалот и неказнивоста.Во објавата, Кулаков наведува дека „2% доверба во судството значи анархија“, посочувајќи дека со години човечкиот живот нема вредност, бидејќи, според него, сторителите не одговараат за своите дела. Тој директно обвинува дел од судиите и институциите дека го спасувале Васо Јованов (возачот кој ја усмрти) од одговорност уште пред трагедијата во која беше убиена неговата ќерка.Кулаков тврди дека во Министерството за внатрешни работи биле „чувани во фиока“ околу 15 пријави за дивеење во сообраќајот, кои никогаш не стигнале до суд. Во објавата ја споменува и судијката Даниела Алексовска, за која вели дека претходно го ослободила Јованов во предмет поврзан со трговија со дрога, а дури по убиството на Фросина бил донесен осудителен исход.Тој остро реагира и на висината на изречената казна, оценувајќи дека за, како што наведува, „најсвирепото убиство во сообраќајот“ е изречена казна која е едвај половина од законскиот максимум. Според него, дополнителен срам е што, како што вели, уште пет судии со своите одлуки ја продолжуваат неправдата, ставајќи ги, според Кулаков, парите пред моралот и одговорноста.„Седум судии – седум за судење, народот да им суди“, порачува Кулаков во објавата, завршувајќи со апел дека без вистинска одговорност во судството, државата тоне во анархија, а правдата останува недостижна за жртвите и нивните семејства.

Македонија | пред 4 месеци

Уапсено лице оти полицијата му нашла 300 теписони и стази без документи

На 15.12.2025 година полициски службеници од Мобилната единица за компезаторни мерки при Одделот за гранични работи и миграции на подрачје на СВР Охрид, поточно на место викано Подмоље го лишија од слобода А.Ј (52) од Скопје. Имено, откако било сопрено товарно возило “Форд Транзит” со скопски регистарски ознаки, управувано од А.Ј., при преглед на возилото во товарниот дел пронајдени се 300 теписони и стази, без соодветна документација.Лицето е лишено од слобода, а возилото и стоката се одземени.По целосно документирање на случајот ќе биде поднесен соодветен поднесок.

Македонија | пред 4 месеци

Што правела Државната лотарија? Ревизорите открија хаос со пари, нерегуларности и сомнителни трансакции од 2 милиони евра

Државниот завод за ревизија утврди сериозни неправилности, незаконитости и сомнежи за злоупотреба на јавни средства во финансиското работење на АД „Државна лотарија“ за 2024 година, поради што се воздржа од изразување мислење за реалноста и објективноста на финансиските извештаи и даде неповолно мислење за усогласеноста со законската регулатива.Според ревизорскиот извештај, во работењето на друштвото се евидентирани нелогични и непостоечки трансакции, сметководствени записи без соодветна финансиска документација или поткрепени со неверодостојни документи, што отвора сомнеж за злоупотреба на парични средства и незаконско работење со благајната и платежните сметки.Во текот на 2024 година, кај 10 сопствени продажни места на Државна лотарија бил остварен дневен пазар од продажба на лотариски и електронски игри на среќа во износ од 46.039 илјади денари, но овие средства не биле редовно уплатувани на платежните сметки на друштвото, иако законската регулатива обврзува готовинските приходи да се уплатат најдоцна наредниот работен ден. Во текот на целата година, уплата на дневен пазар била извршена само двапати – во април и на крајот на годината – при што ревизорите утврдиле дека уплатените средства не потекнувале од реално примени готовински приходи, туку од подигање готовина од една и уплата на друга сметка на друштвото.Ревизорите констатирале дека не била воспоставена практика за водење благајнички дневник, не се изготвувала соодветна документација за примопредавање на готовината, не постоела прегледност на остварениот дневен пазар и не бил овозможен навремен увид и евидентирање на трансакциите. Дополнително, не бил воспоставен систем на внатрешни контроли, ниту јасно разграничување на надлежностите меѓу вработените.Иако во систематизацијата биле предвидени работни места благајник и шеф на сметководство, најголем дел од активностите поврзани со прием, ракување и евидентирање на готови пари ги извршувало едно лице – директорот на Секторот за финансии и сметководство. Во друштвото воопшто не функционирала внатрешната ревизија, што, според ДЗР, придонело недозволените и незаконски активности да останат неоткриени.Ревизијата утврдила дека директорот на Секторот за финансии и сметководство директно исплаќал аванси за мали добивки на дел од деловните соработници во износ од 13.971 илјади денари, без користење на пропишаниот механизам преку мастер дилер. За најголемиот дел од овие трансакции, во износ од 13.054 илјади денари, не била доставена уредна и валидна документација или воопшто немало документи, што создава несигурност за вистинитоста на евидентираните настани. Забележани се и случаи во кои на ист ден на исти деловни соработници им биле исплатени средства и преку благајна и преку мастер дилер, без логично објаснување.Кај одливите и приливите на готовина по основ на дадени и вратени аванси за исплата на мали добивки, во вкупен износ од над 44 милиони денари, ревизорите утврдиле дека поткрепувачката документација е спорна и неверодостојна. Дополнително, обезбедени се писмени изјави од вработени во друштвото со тврдење дека за наведените износи не биле примени ниту вратени аванси, што упатува на сомнеж за сериозни нерегуларности и можна злоупотреба на парични средства.Преку анализа на трговските книги, податоците од централниот онлајн систем и платформите за интернет игри на среќа, ревизорите утврдиле нереални и неоправдани сметководствени записи за нелогични трансакции по повеќе основи во вкупен износ од 122.490 илјади денари, што претставува сериозен сомнеж за злоупотреба на јавни средства.Во делот на инстант лотаријата, ревизорите утврдиле дека евидентираниот износ на неисплатениот фонд на добивки е за 63.294 илјади денари помал од износот според централниот онлајн систем, што не е во согласност со правилата на играта и ја доведува во прашање исплатата на идните добивки. За три инстант игри со добивки во предмети – станови, автомобили и електрични скутери – не била воспоставена сметководствена евиденција за набавените добивки, набавките биле вршени пред одобрување на правилата од Министерството за финансии, а не биле евидентирани трошоци и обврски во значителни износи.Во 2024 година за реклама, пропаганда, промоција и саеми биле потрошени 220.823 илјади денари, што е десет пати повеќе во однос на 2020 година. Ревизијата утврдила неправилности во јавните набавки за маркетинг, недостиг на прецизни договорни одредби, недоставени медија планови и извештаи, фактури без детален опис и сомнеж во оправданоста на дел од исплатените средства. Забелешки по овој основ утврдила и Управата за јавни приходи.Ревизорите изразиле сомнеж и за оправданоста на средствата потрошени за организирање настани, телевизиски продукции и услуги од маркетинг агенции, при што дел од емисиите за кои било платено не биле доставени, а за други биле исплатени повисоки износи од реалните.Неправилности се утврдени и при набавка на опрема, каде дел од опремата не одговарала на техничките спецификации, а со пописот бил утврден и кусок. Во делот на закупите, ревизијата покажува нерационално користење на јавни средства, зголемување на трошоците и плаќање закупнини за простори кои не биле користени. Забележани се и нерегуларности при реконструкција и реновирање на објекти, со утврдени неосновано поголеми износи.Ревизорите утврдиле и сериозни слабости во јавните набавки, со голем број постапки со една понуда, рамковни спогодби со еден оператор и избегнување на Законот за јавни набавки. Констатирани се и незаконски исплати по договори за дело, неправилности кај службените патувања, репрезентацијата, одржувањето на возила и други трошоци.Во извештајот се наведува дека за сите утврдени неправилности, незаконско користење на средства и сомнежи за незаконско работење, Државниот завод за ревизија ги известил надлежните институции за понатамошно постапување и дал конкретни препораки за отстранување на слабостите и унапредување на финансиското и материјалното работење на АД „Државна лотарија“.

Македонија | пред 4 месеци

Смрт на новороденче на Гинекологија: Министерството чека обдукциски наод

Министерството за здравство изрази сочувство до семејството по смртта на новороденче на Клиниката за гинекологија и акушерство и информираше дека се преземаат сите неопходни чекори за целосно расветлување на случајот. Министерот за здравство, Азир Алиу, иницирал вонреден инспекциски надзор преку Државниот санитарен и здравствен инспекторат, по што ќе следи и стручен надзор.Од Министерството потенцираат дека постапувањето ќе биде професионално, стручно и транспарентно, со цел јавноста да биде точно и објективно информирана за околностите под кои настанал трагичниот исход, како и за преземените активности од стручен аспект.Во соопштението се апелира до јавноста да се почекаат резултатите од инспекциските и стручните надзори, како и обдукцискиот наод, кој, како што наведуваат, е единствениот и конечен релевантен документ за утврдување на причините за смртта. До добивање на конечните резултати, Министерството повикува да не се создава дополнителен немир кај семејството и во јавноста.Воедно, потсетуваат дека Клиниката за гинекологија и акушерство претставува врвна терциерна здравствена установа, во која се применуваат законски пропишани протоколи за постапување во вакви случаи. Министерството за здравство најавува дека ќе остане отворено и транспарентно во комуникацијата и дека јавноста ќе биде навремено информирана веднаш по добивањето на сите релевантни наоди.

Македонија | пред 4 месеци

Коцевски заминува со обвинувања за политички притисок врз обвинителството: Се удира врз правната држава

Љупчо Коцевски соопшти дека поднел неотповиклива оставка од функцијата државен јавен обвинител, оценувајќи дека целата постапка за негово разрешување била политичка одлука и директен удар врз принципите на правната држава и поделбата на власта. Тој истакна дека од функцијата заминува со „гордо крената глава“, но и со сериозна разочараност поради, како што наведе, очигледното непочитување на законските процедури и институционалната самостојност на обвинителството.Коцевски посочи дека поканата за седницата на Собранието на која требало да се расправа за негово разрешување ја добил дури еден час пред нејзиниот почеток, без претходно да му биде доставен предлогот за разрешување и без можност да се подготви и произнесе. Според него, тоа покажува дека расправата била планирана како формалност, а не како суштинска и законска постапка, при што предлогот за разрешување, како што наведе, содржел само неколку реда без факти, аргументи и образложенија.Тој потенцира дека Законот е јасен и дека државниот јавен обвинител може да биде разрешен само доколку е утврдена тешка дисциплинска повреда, што во неговиот случај никогаш не било сторено. Потсети дека Советот на јавните обвинители дал негативно мислење по предлогот на Владата, што, според него, дополнително ја прави постапката правно неиздржана.Говорејќи за суштината, Коцевски истакна дека обвинителството работело во услови на сериозен недостиг од кадар, ресурси и техничка поддршка, но и покрај тоа, резултатите биле видливи и мерливи. Тој наведе дека ефикасноста во 2024 година е зголемена во однос на претходната година, а дека истиот тренд се очекува и за 2025 година. Потсети и на бројни предмети од висок јавен интерес, вклучително и случаи на поткуп, влијанија во правосудството, организиран криминал, даночни малверзации и злоупотреби на европски фондови.Коцевски посебно ја истакна истрагата за пожарот во дискотеката „Пулс“, која, како што рече, била завршена за рекордно краток рок, нагласувајќи дека сето тоа се случувало без соодветна поддршка од извршната власт. Тој оцени дека најсериозната критика во извештаите на Европската комисија – политичките притисоци врз правосудството – токму со оваа постапка добива своја потврда.Како една од клучните причини за притисоците, Коцевски го наведе процесот на „прочистување“ во обвинителството, потсетувајќи дека бил првиот државен јавен обвинител кој спровел контроли во вишите обвинителства и во Обвинителството за гонење организиран криминал и корупција, по што иницирал дисциплински постапки за утврдени пропусти и нанесени милионски штети.Во своето последно обраќање од функцијата, тој им се заблагодари на јавните обвинители и вработените за, како што рече, нивната пожртвувана работа под силни притисоци и неоправдани јавни напади, нагласувајќи дека обвинителството мора да остане институција што му служи на законот, а не на политиката.На граѓаните им порача да ја чуваат и бранат самостојноста на обвинителството, оценувајќи дека институциите се поголеми од поединците и дека правдата мора да биде поголема од политиката, без разлика на тоа кој ја извршува функцијата.

Македонија | пред 4 месеци

Љупчо Коцевски и официјално замина: Собранието ја констатираше оставката на државниот јавен обвинител, следеа реакции

Љупчо Коцевски и официјално повеќе не е државен јавен обвинител, откако Собранието на Република Северна Македонија ја констатираше неговата оставка и го утврди престанокот на функцијата.Собранискиот спикер Африм Гаши информираше дека поради поднесената оставка, пратениците нема да го разгледуваат предлогот за негово разрешување, кој претходно беше ставен на дневен ред.„Собранието на Македонија му го утврди престанокот на функцијата јавен обвинител на Македонија. Ве известувам дека Собранието нема да го разгледа предлогот за негово разрешување“, изјави Гаши од собраниската говорница.По оваа одлука следуваа реакции од пратеници на ВМРО-ДПМНЕ. Пратеничката Дафина Стојановска оцени дека повлекувањето на Коцевски пред собраниската расправа претставува признавање на причините наведени во иницијативата за негово разрешување.„Избегнување на соочување со Собранието е признание на причините за негово разрешување“, напиша Стојановска на социјалните мрежи.Со сличен став излезе и пратеникот Антонијо Милошоски, кој посочи дека тајмингот на оставката не е случаен.„Обвинителот Коцевски си поднесе оставка уште пред да започне расправата во Собранието. Ова може да се смета и како негово прифаќање на наодите од предлогот за негово разрешување“, напиша Милошоски.Со констатирањето на оставката, завршува мандатот на Љупчо Коцевски како државен јавен обвинител, а во наредниот период се очекува да започне постапка за избор на негов наследник.

Македонија | пред 4 месеци

„Не може повеќе да се издржи“: Клиничката перална затворена, работниците оставени без плата

Жаклина Блажевска, која 24 години е вработена во Клиничката централна перална, вели дека веќе 11 месеци не земала плата и дека состојбата станува неподнослива. Таа посочува дека Клиничкиот центар алиштата ги пере на друго место, а вработените во пералната останале без работа и без примања. Како што раскажува, тие повеќепати побарале одговори од раководството и од Министерството за здравство, но добивале само уверувања дека се чека „еден потпис“. И покрај тоа, решението со месеци не доаѓа, а работниците живеат во неизвесност и надеж дека ќе им се реши статусот.Слична е состојбата и кај Осман Џафери, кој веќе 30 години работи во пералната на Клиничкиот центар. Тој потсетува дека за време на ковид-пандемијата вработените непрекинато работеле и ги переле алиштата за сите клиники, без оглед на ризиците и притисокот. Вели дека и тогаш, и сега, работеле исклучиво за пациентите и нивната безбедност. Денес, пак, се соочуваат со тешка егзистенцијална состојба, без плата и без јасна перспектива. Според Џафери, неколку негови колешки веќе дале отказ поради неможност да издржат без приходи, а самиот тој завршил и пред инфаркт од стресот и неизвесноста.Дел од вработените бараат пералната повторно да се стави во функција и институциите конечно да го решат нивниот работен статус. Тие апелираат да им се овозможи да ја продолжат работата која со децении ја извршувале, или, доколку тоа не е можно, да им се најде соодветно работно место, со што ќе се стави крај на, како што велат, тортурата и долгомесечната неизвесност.

Македонија | пред 4 месеци

Навид Акрам кој уби десетици луѓе преживеа, се разбуди од кома: Почна распитот во болница

Нападот на плажата Бонди, најсмртоносниот во Австралија во изминатите три децении, уште е во центарот на вниманието на светската јавност: полицијата соопшти дека преживеаниот напаѓач Навид Акрам се разбудил од кома и дека започнало неговото испрашување во болница. Акрам, стар 24 години, беше хоспитализиран по размената на оган во која неговиот татко и соучесник, 50-годишниот Саџид Акрам, беше убиен на лице место.Според полицијата на Нов Јужен Велс, Навид бил извлечен жив со кардиопулмонална реанимација по неколку полициски истрели, а денеска, по денови во критична состојба, се разбудил од кома. Неговото апсење следеше по жестока вооружена пресметка на пешачки мост во близина на Бонди Бич.Таткото и синот се осомничени за убиството на 15 лица кои ја славеле Ханука на плажата во неделата навечер. Најмладата жртва имала 10 години, а најстарата 87. Покрај загинатите, десетици други лица се хоспитализирани со тешки повреди. Полицијата го опиша настанот како „пукање што се случува еднаш во животот“ и ги истакна храбрите постапки на офицерите кои интервенирале.Снимките од местото на нападот покажуваат искусен полицаец кој се засолнува зад дрво пред да отвори оган кон Саџид Акрам, додека вториот напаѓач – неговиот син – бил погоден двапати пред да биде совладан. Саџид починал пред пристигнувањето на медицинските екипи, а Навид бил реанимиран на самото место.Новите информации доаѓаат откако истражителите пронашле видео-снимка во Airbnb сместување што Акрамови го изнајмиле непосредно пред нападот. На видеото, таткото и синот позираат со оружје и дискутираат за свои екстремистички убедувања.Истрагата потврди дека двајцата се вратиле во Австралија по едномесечен престој на Филипините – регион со активни жаришта на исламистички екстремизам. По враќањето, резервирале краткорочен престој за 45 фунти по ноќ во Кемпси, 19 километри од Бонди, а на семејството рекле дека заминуваат на риболов.Полицијата продолжува да го реконструира движењето на напаѓачите во деновите пред масакрот, додека преживеаниот Навид Акрам останува во болнички надзор и под полициско обезбедување.

Свет | пред 4 месеци

Од „не поднесувам оставка“ до заминување: Коцевски си замина по месеци тврдења дека нема да се повлече

Државниот јавен обвинител Љупчо Коцевски денеска поднесе оставка на функцијата, непосредно пред почетокот на собраниската расправа за негово разрешување, иако во изминатите месеци во повеќе наврати јавно тврдеше дека нема намера да се повлече и дека не постојат законски основи за негово разрешување.На 18 февруари 2025 година, откако премиерот Христијан Мицкоски побара од него да ја напушти функцијата, Коцевски изјави дека одлуката ја остава на политичарите и дека јавноста ќе цени дали ќе биде разрешен на законит начин. Истовремено, тогаш порача дека ќе се повлече само доколку се утврди дека навистина сторил тешка дисциплинска повреда, како што е предвидено со Законот.Нешто подоцна, на 7 март 2025 година, Коцевски децидно изјави дека нема намера да поднесе оставка и дека не гледа никаква причина за негово разрешување, отфрлајќи ги сите наводи содржани во владиниот предлог за негово отповикување. Според него, не постоела основа за утврдување тешка дисциплинска повреда.И на 31 јули 2025 година, Коцевски повторно јавно истапи со став дека не поднесува оставка, наведувајќи дека обвинителството располага со „цврсти докази“ за најголемите случаи, меѓу кои „Онкологија“, „Пулс“ и „Крмзов“.И покрај овие претходни изјави, утрово Коцевски достави писмено барање до Собранието за престанок на функцијата, повикувајќи се на член 86 од Законот за јавно обвинителство, и побара законодавниот дом формално да го утврди крајот на неговиот мандат на денешната седница.Со овој чекор, практично, се затвора постапката за негово разрешување која требаше да се разгледува во Собранието, а останува отворено прашањето што доведе до пресвртот и до одлуката да се повлече, спротивно на повеќемесечните јавни тврдења дека тоа нема да се случи.

Македонија | пред 4 месеци

Државниот обвинител Коцевски се повлече од функцијата непосредно пред седницата за негово разрешување

Државниот јавен обвинител Љупчо Коцевски утрово поднел оставка на функцијата, непосредно пред почетокот на собраниската расправа на која требаше да се разгледува предлогот за негово разрешување.Во писменото известување доставено до Собранието, Коцевски наведува дека за денеска, 16 декември 2025 година, со почеток во 11 часот е закажана седумдесет и шестата седница на законодавниот дом, на чиј дневен ред е ставена точката за негово разрешување од функцијата Јавен обвинител на Република Македонија.Тој посочува дека, согласно член 86 став 1 алинеја 1 од Законот за јавно обвинителство, поднесува барање за престанок на функцијата по сопствено барање, а врз основа на став 2 од истиот член, побарал Собранието на закажаната седница формално да го утврди престанокот на неговиот мандат.Со оваа оставка, практично, се затвора постапката за негово разрешување, која требаше да се разгледува на денешната пленарна седница, а Собранието ќе треба да донесе одлука за констатирање на престанокот на функцијата и за понатамошните чекори во однос на изборот на нов државен јавен обвинител.

Македонија | пред 4 месеци

СДСМ ја претстави дигиталната платформа „МИЦКО“ за пријавување случаи на корупција

На прес-конференција денеска, генералниот секретар на СДСМ, Александар Саша Димитријевиќ, го промовираше новиот дигитален проект на партискиот Антикорупциски тим – платформата „Македонски истражувачки центар за корупција и организиран криминал“ (МИЦКО), достапна на https://micko.mk/.Како што беше објаснето, платформата е наменета за истражување, систематизација и архивирање на јавно достапни податоци и материјали поврзани со наводни случаи на корупција во земјата. Според СДСМ, целта е граѓаните, новинарите и експертската јавност да добијат полесен пристап до собрани информации од повеќе извори.Од партијата наведоа дека тимот врши анализа на тендери, медиумски објави и случаи што се однесуваат на можни судири на интереси, како и други сомнителни активности во институциите на локално и централно ниво. Материјалите се архивираат во дигитален регистар со наведени извори, датуми и детални податоци.На платформата се објавени и дел од досегашните случаи што АКТ ги претставуваше во јавноста, меѓу кои и примерот со фирма со двајца вработени што добила тендери во вредност од 9 милиони евра, потоа компанија со 161 добиен тендер во вкупен износ од 5,3 милиони евра, како и наводите поврзани со преземањето на „Алта банка“.Платформата, како што беше истакнато, содржи и можност граѓаните директно да пријават сомнежи за корупција или злоупотреби, со опција да приложат документација и да го сторат тоа анонимно.„Ги повикуваме граѓаните, медиумите и организациите да се вклучат и да придонесат со пријавување“, рече Димитријевиќ, нагласувајќи дека платформата од денес е целосно оперативна.СДСМ оцени дека борбата против корупцијата е „заеднички интерес“ и најави дека сите преземени постапки ќе бидат јавно достапни преку платформата.

Македонија | пред 4 месеци

Граѓаните на Белград може да здивнат: нема да се гради хотелот на местото на Генералштабот – фирмата на Кушнер се повлече од проектот

Проектот што со месеци го потресуваше Белград заврши со неочекуван пресврт: приватната инвестициска фирма „Афинити партнерс“ на Џаред Кушнер, зетот на американскиот претседател Доналд Трамп, соопшти дека се повлекува од планот за купување на зградата на Генералштабот. Од фирмата за „Волстрит џурнал“ велат дека одлуката е донесена „од почит кон народот на Србија и градот Белград“, бидејќи, како што наведуваат, големите проекти треба да обединуваат, а не да предизвикуваат поделби.„Од почит кон народот на Србија и градот Белград, ја повлекуваме нашата апликација и се повлекуваме во овој момент“, изјави портпаролот на фирмата, пренесуваат српските медиуми.Повлекувањето доаѓа во момент кога случајот со Генералштабот стана предмет на кривична постапка: Обвинителството за организиран криминал поднесе обвинение против министерот за култура Никола Селаковиќ и уште тројца лица. „Волстрит џурнал“ потсетува дека Кушнер работел на проектот повеќе од две години, но дека тој станал „сè поконтроверзен“ поради постапките што ги презела власта.Кризата започна откако администрацијата на претседателот Александар Вучиќ се обиде да ја укине заштитата на културното наследство од комплексот на поранешниот Генералштаб, за да може просторот да му биде префрлен на Кушнеровиот инвеститор. Обвинителството реагираше, отворајќи истрага за фалсификување документи и апсејќи еден службеник. Како одговор, владејачката партија во Собранието со две брзи одлуки ги избриша заштитните статуси од оваа и од повеќе стари згради, потег што критичарите го оценија како неуставен и коруптивен.Опозицијата тврдеше дека државниот врв се обидува да му се додвори на Вашингтон. „Ова го нарекувате инвестиција, ние го нарекуваме велепредавство“, изјави пратеничката Мариника Тепиќ. Студентски протести, маршеви и најави за блокади и окупација на просторот дополнително го зголемија јавниот притисок.Во понеделникот, специјалниот обвинител соопшти дека поднел обвинение против Селаковиќ и уште три лица поради злоупотреба на службената должност и фалсификување документи поврзани со проектот.Според досега познатите информации, формално е потпишан само еден договор за заедничко инвестирање помеѓу стратешки партнер од САД и Србија. Во нацрт-форма се наоѓаат уште два договори за функционирањето на планираното заедничко вложување, како и предлог за 99-годишен закуп на земјиштето и модел за пренос на акции. Бидејќи документите не се потпишани или објавени, не можат ни да стапат во сила.Основниот инвестициски договор пропишува неколку причини за раскинување. Првата е неисполнување на т.н. претходни услови, неопходни за основање заедничка фирма. Други можни причини се непочитување на обврските во процесот на формирање на друштвото или неспособност страните да склучат договор за закуп и да го регистрираат во катастарот. Бидејќи во случајот не е постигнато ниту отворање на заедничка компанија ниту издавање под закуп на земјиштето – делумно поради нерешените оптоварувања на парцелите – договорот може да се раскине исклучиво поради неисполнети претходни услови.Интересно е што договорот предвидува дека само стратешкиот партнер може да го раскине договорот во таква ситуација. Србија, пак, има обврска во рок од пет дена од приемот на писменото известување да му ги надомести трошоците за раскинување: трансакциски трошоци плус еден милион евра. Стратешкиот партнер може да бара компензација и доколку државата прекрши некоја од дадените гаранции или ако гаранцијата се покаже како неточна и предизвикала загуба.Гаранциите се однесуваат на тоа дека земјиштето е навистина државно, дека не е оптоварено со реституциски или други права, дека даноците се платени – прашања што се директно поврзани со сомневањата дека укинувањето на заштитата за Генералштабот било направено со документ изработен надвор од законската постапка. Дали е така, ќе покаже текот на истрагата.

Свет | пред 4 месеци

Законот за правична застапеност става крај на децениската политичка измама, вели ВЛЕН

Новиот закон за правична и соодветна застапеност е најјасен доказ дека нешто што повеќе од две децении се користеше како слоган, алиби и алатка за политичка уцена, сега конечно станува законски, мерлив и применлив стандард, соопштија денеска од владината коалиција ВЛЕН.Од коалицијата наведуваат дека со овој закон еднаш засекогаш се затвора едно од најголемите поглавја на политичка измама кон Албанците – прашањето за правична и соодветна застапеност. Според нив, законот наскоро се очекува да влезе во собраниска процедура, при што ги повикуваат сите пратеници, без исклучок, да постапат одговорно и во јавен интерес.„Ова не е партиски закон, туку закон за еднаквост, закон за правда и закон за европската иднина на земјата“, порачуваат од ВЛЕН.Како што посочуваат, фактите се неспорни и јасно укажуваат дека Венецијанската комисија, како највисок европски орган за уставни и правни прашања, дала позитивно мислење за законското решение. Според ВЛЕН, ова директно ја разоткрива пропагандата на Демократската унија за интеграција, која со години зборувала за застапеност, но никогаш немала храброст, волја и политичка чесност тоа прашање да го регулира со закон.„ВЛЕН го направи она што другите само го ветуваа. Правичната застапеност се трансформира во правен механизам што гарантира еднаквост, транспарентност и правда за сите граѓани, без оглед на нивната припадност и без партиски посредници“, велат од коалицијата.Со усвојувањето на овој закон, како што додаваат од ВЛЕН, се затвора клучната алка од Охридскиот рамковен договор. За првпат, правичната застапеност повеќе нема да зависи од политичката волја на владите, партиските пазарења или изборните манипулации, туку ќе биде уредена со јасен, обврзувачки и надгледлив законски механизам.Вицепремиерот за добро владеење Арбен Фетаи на 12 декември годинава информираше дека предлог-законот добил позитивна оценка од Венецијанската комисија, со што се потврдува дека решението е во целосна согласност со европските стандарди и демократските вредности. Предлог-законот беше усвоен од Владата во јуни, а пред да влезе во собраниска процедура беше доставен на оценување до Венецијанската комисија. Со него треба да се замени алатката „балансер“ за вработување во јавните институции, која Уставниот суд ја укина во октомври минатата година.

Македонија | пред 4 месеци

Зеленски очекува санкции и повеќе оружје ако Москва ги одбие мировните услови

Украинскиот претседател Володимир Зеленски изјави дека очекува Соединетите Американски Држави, предводени од претседателот Доналд Трамп, да извршат силен притисок врз Русија доколку Москва одбие да ги прифати мировните услови договорени меѓу Украина, САД и Европа. Изјавата ја даде за време на летот од Берлин кон Украина, по вчерашните разговори, пренесува „Украинска правда“.Одговарајќи на новинарско прашање што би се случило ако Кремљ ги отфрли договорите кои се финализираат со Вашингтон и европските партнери, Зеленски со доза хумор ја спореди ситуацијата со турбуленциите во авионот. Тој рече дека, ако Путин одбие сè, ќе се соочиме со „турбуленции“, додавајќи дека токму во тој момент авионот навистина минувал низ такви услови, но дека тоа е ништо во споредба со војната и со последиците од евентуално уништување на сите дипломатски можности од страна на Русија.Зеленски оцени дека во таков случај би било логично САД да го засилат притисокот врз Москва преку санкции и зголемена воена помош за Украина. Според него, доколку Америка е подготвена да даде безбедносни гаранции и да реагира доколку тие бидат прекршени, тогаш нема суштинска разлика меѓу ситуација во која Путин ги прекршува договорите и ситуација во која одбива да ја запре војната. Тој нагласи дека би било фер барање Украина и дел од европските лидери да добијат барем дел од тие гаранции, особено во форма на засилена противвоздушна одбрана и оружје со долг дострел, за да можат ефикасно да се бранат.Украинскиот претседател информираше и дека по разговорите ќе бидат формализирани пет документи поврзани со безбедносните гаранции и обновата на земјата, истакнувајќи дека е постигнат сериозен напредок на ова поле. Тој повтори дека Украина нема да прифати ниту де јуре ниту де факто признавање на окупираниот Донбас како руска територија. Во меѓувреме, американски медиуми, повикувајќи се на свои извори, наведуваат дека Вашингтон смета оти околу 90 проценти од несогласувањата меѓу Украина и Русија веќе се надминати.

Свет | пред 4 месеци

„Крвави донации“: Деца со рак користени за глобална измама вредна милиони

Истражување на Би-Би-Си откри глобална мрежа на измамници кои брутално ги искористувале децата заболени од рак за да собираат милиони долари преку лажни хуманитарни кампањи, оставајќи ги семејствата без пари, а често и без надеж. Родители од различни делови на светот биле убедувани да дозволат снимање потресни видеа со нивните болни деца, при што измамниците користеле и крајно нечовечки методи за да предизвикаат солзи и емоции, додека најголемиот дел од донациите завршувале во приватни џебови.Една од најпотресните приказни е онаа за седумгодишниот Калил од Филипините. Неговата мајка Алјин прифатила снимање видео со надеж дека ќе собере средства за лекување на својот син. Снимањето било режирано како филмска сцена – на детето му ја избричиле главата, го приклучиле на лажна инфузија и го терале да учи текст на англиски јазик. За да заплаче, му ставале исечкан кромид покрај лицето и ментол под очите. Иако на негово име биле собрани околу 27.000 долари, на семејството му било кажано дека кампањата пропаднала и добиле само 700 долари како „надомест“. Една година подоцна, Калил починал. Неговата мајка вели дека никогаш нема да престане да се прашува дали детето ќе било живо доколку парите навистина стигнеле до нив.Би-Би-Си идентификувал најмалку 15 семејства со слични искуства, од кои девет тврдат дека не добиле ниту еден долар, иако во нивно име биле собрани околу четири милиони долари. Свиркач открил дека децата биле селектирани според „визуелниот ефект“, при што се барале „убави деца на возраст од три до девет години, без коса“. Како клучна фигура во мрежата бил идентификуван Израелецот Ерез Хадари, со живеалиште во Канада, поврзан со повеќе наводни добротворни организации.Истрагата започнала во октомври 2023 година, кога новинарите наишле на вознемирувачка реклама на Јутјуб во која девојче од Гана низ солзи вели: „Не сакам да умрам“. Кампањата наводно собрала речиси 700.000 долари. Потоа биле откриени десетици слични, професионално продуцирани видеа со болни деца од целиот свет, најчесто под името на организацијата „Chance Letikva“ („Шанса за надеж“), регистрирана во Израел и САД.Со користење геолокација, социјални мрежи и софтвер за препознавање лица, новинарите ги пронашле семејствата зад видеата – од Колумбија до Филипините. Во Колумбија, таткото Серхио Каре раскажал дека му била понудена „помош“ за неговата осумгодишна ќерка Ана, која имала тумор на мозок. Во болницата се појавил човек кој подоцна го препознал како Хадари. Иако кампањата наводно собрала околу 250.000 долари, на семејството им било кажано дека видеото никогаш не било објавено.Сличен случај бил откриен и во Украина, каде мајката на петгодишната Викторија, која боледува од рак на мозок, воопшто не знаела дека постои кампања во име на нејзиното дете. Кампањата, според податоците, собрала повеќе од 280.000 евра, но семејството не добило ништо. Подоцна било утврдено дека снимањето било организирано без одобрение на клиниката, која ја прекинала соработката со одговорното лице.Истрагата покажала дека името на Ерез Хадари се појавува во регистрациите на повеќе организации, меѓу кои „Walls of Hope“, „Saint Teresa“ и „Little Angels“. Кога семејствата барале објаснување, им било кажувано дека парите се потрошени за рекламирање, иако експертите наведуваат дека ваквите трошоци не смеат да надминат 20 проценти од собраните средства. Обидите да се пронајдат канцелариите на организациите на наведените адреси биле неуспешни.И покрај разоткривањето, дел од кампањите и понатаму се активни и собираат донации, дури и во име на деца кои веќе починале. Американскиот огранок на „Chance Letikva“ се поврзува со нова организација под името „Saint Raphael“, која веќе продуцирала нови видеа.Би-Би-Си се обидел да стапи во контакт со Хадари, кој кратко одговорил дека организацијата „никогаш не била активна“, без дополнителни појаснувања, по што престанал да одговара. Во меѓувреме, на малата Викторија повторно ѝ бил дијагностициран тумор на мозок. „Кога вашето дете се бори за живот, а некој заработува на тоа – тоа е валкано. Тоа е крвав пари“, порача нејзината мајка.

Свет | пред 4 месеци

Ленче Карпузовска добитничка на признанието PRO PR Globe Awards

На 27 март 2026 година, во рамки на PRO PR Меѓународната конференција во хотелот „Хилтон“ во Подгорица, ќе бидат доделени престижните признанија PRO PR Globe People Achievement Awards. Добитниците на ова признание ги номинираат поранешни лауреати, меѓу кои и пет светски комуникациски здруженија: Public Relations and Communications Association (PRCA) – Здружение за односи со јавност и комуникации, International Public Relations Association (IPRA) – Меѓународна асоцијација за односи со јавност, World Communications Forum Association (WCFA) и Global Alliance. Исто така, од оваа година конференцијата, поради квалитетот на програмата, се бодува и добива статус CIPR CPD Approval (одобрување за програма за континуиран професионален развој на CIPR). На сите добитници ќе им бидат врачени уникатни графики, изработки на студенти од Факултетот за ликовни уметности во Цетиње.Добитничка на признанието од Македонија е Ленче Карпузовска, директорка на одделот за комуникации во ЕВН.Покрај неа, добитници на признанието од Босна и Херцеговина се: Звездана Жујо, сосопственичка и директорка на агенцијата Communis Sarajevo и Индира Мусиќ, маркетинг менаџерка во ASA Болници.Од Словенија: Јернеј Ковач, директор за корпоративни комуникации во Стопанската комора на Словенија и Изток Вердник, директор на секторот за корпоративни комуникации во Mercator.Од Црна Гора: Бранко Латиновиќ, раководител на Одделот за медиуми и односи со јавност во Фудбалскиот сојуз на Црна Гора. Милена Ѓерговиќ, директорка за стратешки партнерства во Kotor Art. Ивана Бобичиќ, извршна директорка на агенцијата Represent Communications. Лена Бошковиќ, раководителка на корпоративни комуникации во Vezuv Group и Сенада Мулешковиќ, директорка за односи со јавност во претпријатието Čistoća d.o.o.Од Хрватска: Ива Стилинoвиќ Граховац, раководителка за односи со јавност во Хрватскиот народен театар во Загреб и Влатка Камениќ Јагодиќ, директорка за корпоративен маркетинг и информирање во Кончар Електроиндустрија.Од Србија: Милица Милановиќ, директорка за корпоративни работи во Nestlé (Србија, Црна Гора, Северна Македонија), Жељка Јаковљевиќ, директорка за корпоративни комуникации во UniCredit Bank Србија и Сања Милаковиќ Колунџија, партнерка и сосопственичка на агенција за интегрирани комуникации во Executive Group.Од Бугарија: Марија Желијазова, раководителка за комуникации за Балканскиот кластер во компанијата AstraZeneca. Од Обединетото Кралство: Адвита Пател, претседателка на Chartered Institute of Public Relations и Фарзана Бадуел, избрана претседателка (2025) на Chartered Institute of Public Relations и основачка и извршна директорка на Curzon PR.Од Германија: Михаел Шрёдер, директор и основач на ORCA Affairs GmbH. Од Унгарија: Петер Елкан, директор за ПР и маркетинг во компанијата 4iG. Од Франција: Силвија Арто, глобална раководителка за комуникации за функции, технологија и оперативна ефикасност во BNP Paribas и Самуел Хит, директор за комуникации во Интерпол. Од Индија: Амит Прабху, основач на The Promise Foundation.Со признанието Vision Manager наградени се Бранко Митровиќ, CEO на компанијата One Црна Гора, Драган Бокан, претседател на Одборот на директори на компанијата Voli и Зорица Мишковиќ, менаџерка на трговски центар (Shopping Center Manager) во BIG Group. Transparency Awards: Ирена Радовиќ, гувернерка на Централната банка на Црна Гора.

Македонија | пред 4 месеци

Херојот од Сиднеј може да ја изгуби раката, изгубил многу крв

Ахмед ал Ахмед, минувачот кој херојски успеа да совлада и разоружа еден од напаѓачите за време на крвавиот напад во Бонди, изјави дека и покрај тешките повреди и силната болка, без двоумење повторно би го направил истото. Ова го потврди неговиот адвокат за миграции, Сем Иса, наведувајќи дека Ахмед не жали за својот чин, иако неговата здравствена состојба останува сериозна.Ахмед е хоспитализиран во болницата „Сент Џорџ“ во Когара, каде веќе ја поминал првата операција. Тој има пет прострелни рани на левата рака, а еден куршум сè уште е заглавен во пределот на левата лопатка. Лекарите предупредуваат дека поради значителната загуба на крв постои реален ризик тој да ја изгуби раката.Според адвокатот, Ахмед е скромен човек кој не бара медиумско внимание и дејствувал исклучиво од чувство на морална и човечка одговорност. По добивањето на австралиско државјанство во 2022 година, тој се чувствувал должен да ѝ возврати на заедницата која, како што вели, му дала безбедност и нов живот.Неговите родители изјавија дека и покрај тешката состојба, Ахмед е добро расположен. Мајката признала дека плачела од гордост кога дознала дека нејзиниот син спасил животи, додека таткото додал дека Ахмед му се заблагодарил на Бога што имал сила да им помогне на невините луѓе.Херојството на Ахмед ал Ахмед беше јавно пофалено од австралискиот премиер Ентони Албаниз и од премиерот на Нов Јужен Велс, Крис Минс, а поддршка упати и американскиот претседател Доналд Трамп. Во меѓувреме, преку кампања на платформата GoFundMe, во знак на солидарност и поддршка за неговото лекување и опоравување, се собраа над половина милион долари.Ахмед ал Ахмед (44), со сириско потекло, живее во Австралија од 2006 година. Тој е сопственик на мал бизнис и татко на две мали ќерки. Неговото семејство и блиските сведочат дека станува збор за човек кој без двоумење би го ризикувал сопствениот живот за да ги заштити другите.

Свет | пред 4 месеци

Трамп го прогласи фентанилот – најсмртоносната дрога во Америка – за хемиско оружје за масовно уништување

Претседателот на САД Доналд Трамп вчера потпиша извршна уредба со која фентанилот се прогласува за „оружје за масовно уништување“, со што овој синтетички опиоид не се третира само како смртоносна дрога, туку и како потенцијално хемиско оружје.Уредбата наложува и Пентагон и американското Министерство за правда да преземат дополнителни мерки во борбата против производството и дистрибуцијата на оваа супстанца. Одлуката доаѓа во период кога администрацијата на Трамп сè почесто применува поригорозни и поизразено милитаризирани методи во борбата против криумчарењето дрога.Од Белата куќа соопштија дека оваа мерка „ги активира сите алатки за борба против картелите и странските мрежи одговорни за преплавување на заедниците со оваа смртоносна материја“, со предупредување дека фентанилот може да се искористи за „концентрирани, масовни терористички напади од организирани противници“.„Илегалниот фентанил е поблиску до хемиско оружје отколку до наркотик“, се наведува во уредбата на Трамп. Засега не е јасно какви непосредни последици ќе има оваа одлука врз националните политики. Веќе постојат кривични дела за закана со употреба или обид за употреба на оружје за масовно уништување.Историски гледано, оружјето за масовно уништување се дефинира како „радиолошко, хемиско, биолошко или друго средство наменето за нанесување штета на голем број луѓе“, според американското Министерство за внатрешна безбедност.Уредбата следи по обидите на администрацијата на Трамп оваа година да ги прогласи нарко-картелите за странски терористички организации, што би послужило како оправдување за воена интервенција против нив.Од почетокот на септември администрацијата на Трамп извела повеќе од 20 напади врз пловила за кои се сомнева дека се поврзани со криумчарењето дрога во Карипското Море и Тихиот Океан, при што биле убиени повеќе од 80 лица.Војни аналитичари предупредуваат дека картелите кои оперираат во Карипскиот регион најчесто пренесуваат кокаин, а не фентанил, кој главно се упатува кон Европа, а не кон САД.Многу од хемикалиите потребни за производство на фентанил доаѓаат од Кина. Мексико е најголемиот извор на незаконски фентанил што завршува во САД, додека оваа супстанца е еден од водечките причини за смртни случаи од предозирање, иако бројот на такви случаи е во опаѓање последните години.Трамп и понатаму го посочува фентанилот како една од најголемите закани, настојувајќи проблемот да го решава со трговски мерки и построги казни за криумчарите.

Свет | пред 4 месеци

Бегаше од медиуми, стоеше зад премиерот, куп афери: Владата му „сплете” свилен гајтан на државниот обвинител Љупчо Коцевски

Спикерот Африм Гаши експресно на предлог и барање на Владата ја стави точката за разрешување на државниот обвинител Љупчо Коцевски на дневен ред на Собранието и пратениците на денешната седница ќе започнат со изнесување на аргументи за и против.Владата уште во февруари се подготви да го разреши државниот обвинител Љупчо Коцевски.Коцевски, според Владата, не ги задоволи критериумите за ефикасно обвинителство, направи процедурални пропусти и затоа на брза лента ја започна постапката за негово разрешување.Одредени експерти не беа убедени во законитоста на постапката бидејќи сметаат дека не се исполнети ниту еден од условите за предвремено разрешување на Коцевски, не е член на политичка партија и не е јасен критериумот по кој се оценило дека направил тежок прекршок. На ист став беа и колегите на Коцевски од Советот на јавни обвинители, кои се изјаснија против предлогот и ставот на Владата.Коцевски ,,ќари” уште неколку месеци и остана да го води ЈОРМ поради трагедијата во Кочани, за да нема застој и да има брза и ефикасна постапка. Коцевски, со сите сили се обиде да ја убеди јавноста дека работи посветено, професионално и без политички притисок за да има брза разрешница на случајот, па дури назначи и 15 обвинители да работат на случајот. Поапси се и инсистираше на притвор на се што има каква било поврзаност со трагедијата, па и да се работи за дејство од пред 13 години.Коцевски ќе остане запаметен како единствен обвинител, кој на настан стои позади премиерот, во јавноста имаше информации дека неговата ќерка давала на новинари информации за работата на обвинителството, иако ова упорно го демантираше.Се раскара со поранешниот шеф на Вишото јавно обвинителство Мустафа Хајрулахи за бонусите на СЈО. Хајрулахи не чекаше да го разрешат и побрза да си даде оставка, но Коцевски не успеа да се израдува и набрзо доби предновогодишна „честитка” oд Владата со барање за негово заминување.Обвинителите се жалат дека имале слаба комуникација со нивниот шеф и ретки се тие кои можеле да бидат примени кај него, се жалеа и учесниците во сообраајот, бидејќи Коцевски многу сакаше сите да знаат дека тој минува, поради флешерите од неговиот службен автомобил. Заради безбедност или чалам, верно беше чуван од неговото обезбедување.Во јавноста могу милуваше да се фали дека транспарентноста во Обвинителството започнала со него. Да, тој беше љубител на настапи но во медиуми кои тој ги бираше.Скопје 1 и Претрес имаат преписки со Коцевски и неговиот ПР со покани и барање за интервју и емисија со него. Но, сите, можеби дваесетина покани, не се одважи и не почувствува почит еднакво кон сите медиуми и гледачи да можат да го чујат и да добијат одговори на нивните прашања.Претрес ја остава отворена поканата за гостување на Љупчо Коцевски.

Македонија | пред 4 месеци

Прилепчанец украл пари од манастирот „Св. Ѓорѓи“ во Неготино: Полицијата го уапси неколку часа подоцна

Полициски службеници од ОВР Неготино го уапсиле М.А. (44) од Прилеп, откако било пријавено дека со употреба на сила украл пари од манастирот „Св. Ѓорѓи“ во Неготино.Според информациите од полицијата, пријавата била примена околу 09:00 часот, по што веднаш биле преземени мерки за расчистување на случајот. Осомничениот бил лоциран и приведен околу 12:30 часот.По целосно документирање на настанот, против него ќе биде поднесена соодветна пријава.

Македонија | пред 4 месеци

Герасимовски: Поставени сите уреди за мерење бучава – инспекциските служби вршат контроли на 30 локации во Центар

Општина Центар ја заврши првата фаза од воспоставувањето систем за мониторинг на бучавата во јавниот простор со поставување на вкупно 30 уреди за мерење на бучава на повеќе фреквентни локации низ општината.Уредите се поставени на улиците: „Народен фронт“, „Наум Наумовски Борче“, „Орце Николов“, „Михаил Цоков“, „Славка Недиќ“, „Живко Чинго“, „Радњанска“, Бул. „Климент Охридски“, „Ленинова“, „Самоилова“, „Отон Жупанчиќ“, „Мирослав Крлежа“, „Ѓорѓи Пешков“, „Пиринска“, „Јордан Мијалков“, како и на Кеј „13-ти Ноември“.Градоначалникот на Општина Центар, Горан Герасимовски, истакна дека уредите се наменети исклучиво за индикативни мерења и претставуваат значајна алатка за поддршка на инспекциските служби.„Овие мерни единици не препознаваат гласови, туку ја мерат амбиенталната бучава во децибели и фреквенцијата на звукот. Со тоа овозможуваме побрза и поефикасна реакција на инспекциските служби и подобра заштита на јавниот ред и мир“, изјави Герасимовски.Од Општина Центар информираат дека податоците добиени од уредите за мерење на бучавата, служат како индикатор за дополнителна теренска контрола, а врз основа на нив не се покренуваат прекршочни постапки.Инспекцијата за животна средина постапува согласно Законот за заштита од бучава во животната средина, при што санкции се изрекуваат исклучиво врз основа на официјални мерења извршени од акредитирана лабораторија.Согласно член 56 од Законот, прекршочните санкции се утврдуваат според големината на правниот субјект и изнесуваат од 6.000 до 7.000 евра за микро, од 13.000 до 14.000 евра за мали и од 37.000 до 41.000 евра за средни правни субјекти.Уредите се користат со посебен фокус на бучавата која потекнува од угостителски објекти и сообраќајот, со цел унапредување на квалитетот на живот и заштита на јавниот мир на граѓаните во Општина Центар.

Скопје | пред 4 месеци

СДСМ обвинува за корупциска мрежа и најавува нова дигитална алатка против криминалот

СДСМ денеска обвини дека е откриена, како што велат, корупциска мрежа преку која милиони евра од јавните средства завршувале кај компании блиски до власта, преку наместени тендери. Според партијата, додека „тече грабеж на народот“, државата доцни со повеќе видови исплати.„Додека тече грабеж на народот каснат исплатите за породилното, доцни повратот на ДДВ, доцни социјалната помош, се намалува буџетот за болните од ретки болести, нема пари за поголеми плати и пензии“, наведува СДСМ, додавајќи дека граѓаните „едвај врзуваат крај со крај“, а власта се „богатела преку наместени тендери и сомнителни зделки“.Според изнесените податоци, една фирма добила 161 тендер во вредност од 5,3 милиони евра, а друга компанија, основана лани и со двајца вработени, добила тендери во вкупна вредност од 9 милиони евра. СДСМ го оцени ова како „организирано испумпување на граѓаните“, на кое, според партијата, мора да му се стави крај.Од партијата најавуваат и нова дигитална платформа како алатка во борбата против корупцијата и криминалот.„Граѓаните ќе стават крај на криминалот и корупцијата. Власта ќе ја вратиме назад во рацете на граѓаните“, се наведува во соопштението.СДСМ додава дека „не е крај кога ќе каже Мицкоски, туку граѓаните кажуваат кога е крај“, упатувајќи порака дека „сите ќе одговараат“

Македонија | пред 4 месеци

(Фото) Скопје ја донесе празничната магија: новогодишната елка блесна на градскиот плоштад

Градот Скопје вчера ја одбележа свечената најава на празниците со осветлување на новогодишната елка и отворање на Божиќниот маркет. Настанот, кој собра огромен број жители и деца, градоначалникот Орце Ѓорѓиевски го оцени како пресвртница во враќањето на празничниот дух во главниот град.Градот убав повторно блесна!Од срце ви благодарам, драги скопјани, најдраги дечиња, за масовното присуство, за радоста и за прекрасната енергија што вечерва ја споделивме заедно.По години сивило, Скопје повторно блесна, свечено ја осветливме новогодишната елка и официјално го отворивме Божиќниот маркет, со што симболично го означивме почетокот на празничната магија во нашиот главен град.Со оваа церемонија, Скопје направи значаен чекор напред кон визијата да се развива рамо до рамо со современите европски градови, создавајќи настани што носат позитивна енергија, заедништво и радост за сите генерации.Оваа вечер ќе остане запишана во историјата и ќе прерасне во убава традиција.Ви благодарам што со вашето присуство ја направивте оваа ноќ навистина посебна.Време е Скопје повторно да живее со светлина, насмевки и празнична топлина.

Скопје | пред 4 месеци

Матичарите штрајкуваат: денеска нема изводи, нема запишување бракови – револтот зовре

Граѓаните денеска нема да можат да извадат документи од Управата за водење на матични книги, затоа што вработените ќе бидат на своите работни места, но целосно ќе ги прекинат обврските како знак на револт кон институциите што, како што велат, не ги исполниле дадените ветувања и не го потпишале колективниот договор.Од Независниот синдикат на Управата се децидни: ако нема поместување, следниот чекор може да биде генерален штрајк.Потпретседателот на синдикатот, Насер Џемаили, предупредува дека состојбата со кадарот и платите одамна е алармантна:„Никому не му е гајле за вработените во Управата за водење матични книги. Ниту една институција не реагира на нашите барања. А ние сме една од најважните управи во државата – без нас нема изводи, нема запишување бракови.“Во Управата се вработени околу 350 лица, најголем дел од нив земаат минимална плата, а хроничниот недостиг од работници постојано го оптоварува системот. Според Џемаили, недостигаат над 90 вработени, што доведува до сè почести одливи на кадар – токму поради ниските примања.Штрајкот продолжува додека не се обезбеди решение, а граѓаните денеска ќе се соочат со целосен застој во издавањето на најосновните лични документи.

Македонија | пред 4 месеци

Што правеле на Филипините таткото и синот кои го изведоа масакрот на Бонди? Нови детали откриваат можен мотив за нападот

Австралиските и филипинските власти интензивно ги реконструираат последните движења на Саџид и Навид Акрам — татко и син кои го изведоа терористичкиот напад на плажата Бонди во Сиднеј, при што загинаа 16 лица, а околу 40 беа повредени. Испливуваат нови сознанија за нивниот едномесечен престој на Филипините непосредно пред нападот.Истрагата покажува дека двајцата отпатувале од Австралија на 1 ноември и останале на Филипините до 28 ноември, информација што ја потврди имиграциската служба во Манила. Последната точка од нивното патување била градот Давао, на југоистокот од островот Минданао — регион каде што со години се активни исламистички милитантни групи, особено во посиромашните делови на централниот и југозападниот дел од островот.Според австралиските медиуми, кои се повикуваат на безбедносни извори, токму на Филипините таткото и синот наводно поминале „воена обука“. Иако оваа теза доминира во јавните извештаи, ни австралиските ни филипинските власти засега не ја потврдуваат официјално.Полицискиот комесар на Нов Јужен Велс изјави дека се испитува секој аспект од нивниот престој:„Се разгледуваат причините за патувањето, целите и сите локации на кои престојувале“.И филипинската армија излезе со став дека засега нема докази дека двајцата учествувале во било каков вид воена активност, но потврди дека истрагата продолжува.Пасошките податоци откриваат дека Саџид Акрам, кој има 50 години, патувал со индиски пасош, додека 24-годишниот Навид влегол во земјата како австралиски државјанин. Саџид живеел во Австралија од 1998 година, имал дозвола за огнено оружје поради рекреативен лов и бил член на стрелачки клуб.Би-би-си објави дека двајцата биле поддржувачи на групата „Исламска држава“ во Сиднеј, а симболи и знамиња со идеолошка содржина биле пронајдени во нивниот автомобил по нападот.Австралиската Еј-би-си дополнително открива дека Навид, иако роден во Австралија, уште пред повеќе од пет години бил испрашуван од полицијата поради врски со локална ќелија поврзана со ИД. Во тоа време било проценето дека не претставува закана и дека нема индиции за негово можно учество во насилство.Нападот на Бонди ја потресе цела Австралија, а граѓаните непрекинато му оддаваат почит на 15-те жртви и на претепаниот напаѓач кој загина на местото на инцидентот. Паралелните истраги што ги водат австралиските и филипинските служби имаат цел да утврдат дали нивното патување било дел од поширока мрежа на радикализација.

Свет | пред 4 месеци