Несреќа во Велес: „Мерцедес“ излетал од патот и удрил во дрво, тешко повреден возачот

Утрово околу 09:35 часот во Велес, на улицата „Академик Пенчо Давчев“, се случила сообраќајна несреќа во која патничко возило „мерцедес“, управувано од А.П. (47) од Велес, излетало од коловозот и удрило во дрво, соопшти Министерството за внатрешни работи.Во несреќата возачот се здобил со тешки телесни повреди, кои биле констатирани во Општата болница во Велес.По овластување на јавен обвинител, увид на местото извршила екипа на СВР Велес, информираат од МВР.

Македонија | пред 6 месеци

Македонија изгубила 509 лекари за една година – 70% од пациентите завршуваат во Клиничкиот центар

Според најновите податоци од Регистарот на лиценци на Лекарската комора, Македонија годинава има 509 лекари помалку во однос на лани, откри министерот за здравство Азир Алиу во интервју за Радио Слободна Европа.Алиу истакна дека Министерството за здравство изработило Национална стратегија за потребните медицински кадри, но и дека се работи на дисперзија на здравствените услуги за да се намали концентрацијата на пациенти во Клиничкиот центар „Мајка Тереза“.„За жал, нормално стана секој пациент да заврши на крај во Клинички центар ‘Мајка Тереза’. Дури 70 проценти од пациентите таму ја црпат здравствената услуга, а би требало да ја добиваат на примарно и секундарно ниво,“ рече министерот.Тој додаде дека со новата организација се очекува да се намали бројот на пациенти во централниот клинички комплекс и да се скрати времето на чекање за прегледи и интервенции.Во однос на можните кадровски промени, Алиу изјави дека анализата на профилите и процесите е завршена, и дека по неа премиерот ќе треба да одлучи дали ќе следи реконструкција на Владата.„Јас како министер си терам со работата,“ додаде тој.

Македонија | пред 6 месеци

(Видео) Трагедија на Тенерифе: Двајца загинати и петнаесет повредени од силни бранови

Две лица загинаа, а најмалку 15 се повредени, од кои тројца тешко, во серија инциденти предизвикани од силни бранови на шпанскиот остров Тенерифе, јавува El Mundo.Канарските Острови беа под предупредување за опасни крајбрежни појави, но, како што наведува весникот, многумина не ги сфатиле сериозно предупредувањата.Првиот инцидент се случил на плажата Роке де Лас Бодегас, во регионот Таганана, кога бран повлекол шест француски туристи во морето.На местото веднаш биле испратени екипи на итна помош и медицински хеликоптер, кој пренел една жена со умерени повреди во Универзитетската болница Nuestra Señora de la Candelaria.Четворица други туристи биле хоспитализирани со полесни повреди, додека едно лице добило медицинска помош на самото место.Локалните власти апелираат до жителите и туристите да ги почитуваат безбедносните предупредувања, бидејќи според метеоролошките служби, брановите на Канарските Острови ќе останат високи и во наредните денови.

Свет | пред 6 месеци

Филипче ја доведе СДС до степен на трета партија во државата – време е за негова оставка, вели Андоновска

Викторија Андоновска од ВМРО-ДПМНЕ, изјави дека структурните реформи кои Венко Филипче и СДСМ ги најавуваа како „нов почеток“ – никаде не се видливи, и дека со тоа партијата дополнително тоне во политичка криза.„Филипче ја доведе СДС до степен на трета партија на државно ниво и петта во Скопје, а најавените реформи се само празни зборови,“ изјави Андоновска.Таа нагласи дека во СДСМ владее безидејност и дезориентираност, што уште повеќе ги поткопува „веќе разнишаните темели на партијата“.„Крајно време е СДС да се реформира. Оставката на Филипче е неизбежна доколку партијата сака да продолжи да постои на политичката сцена,“ порача Андоновска.Според неа, во СДСМ има „чесни и трудољубиви активисти“ кои, како што вели, не можат да дојдат до израз поради влијанието на Филипче и неговиот ментор Зоран Заев.„Македонскиот политички систем има потреба од опозиција со интегритет и визија. Затоа СДС мора конечно да се ослободи од прангите на Филипче и Заев,“ заврши Андоновска.

Македонија | пред 6 месеци

Македонија тоне по животен стандард – инфлацијата достигна 4,5%, тврди СДСМ

Социјалдемократскиот сојуз на Македонија реагира дека реалните економски показатели ги побиваат, како што велат, „лажните тврдења на власта“ за економски бум.„Последните податоци за инфлацијата покажуваат дека, спротивно на уверувањата на Мицкоски и ВМРО-ДПМНЕ, цените и понатаму растат, а куповната моќ на граѓаните се намалува,“ соопштија од партијата.Според Државниот завод за статистика, годишната инфлација во октомври изнесува 4,5%, при што цените на храната и безалкохолните пијалаци пораснале за 7%.„Ова значи дека основните производи без кои не може ниту едно семејство – како лебот, млекото и зеленчукот – се сè поскапи,“ наведува СДСМ.Цените на мало се зголемиле за 2,8% во споредба со октомври лани, а најголем раст има кај прехранбените производи (6,7%) и кај овошјето и зеленчукот (4,3%).Партијата смета дека ова е доказ дека економските политики на Владата се промашени и без резултати, и дека сметката ја плаќаат граѓаните преку повисоки трошоци за живот.„Платите и пензиите не го следат растот на трошоците. Животот секој ден станува поскап, а Владата не презема ништо,“ додаваат од СДСМ.Во соопштението се вели дека во новиот буџет за 2026 година не е предвидено зголемување на минималната плата на 500 евра, ниту мерки за намалување на цените на храната, како што партијата претходно предлагала.„На ВМРО-ДПМНЕ им одговара граѓаните да живеат полошо. Тоа е нивна стратегија за слабеење на народот и создавање евтина работна сила. Но граѓаните тоа го препознаваат,“ порачаа од СДСМ.Тие додаваат дека ќе продолжат да предлагаат конкретни политики за повисоки плати, пониски цени и подобар животен стандард.

Македонија | пред 6 месеци

(Видео) „Нема да му простам на Вучиќ“ - мајката на загинатиот Стефан Хрка осми ден во штрајк со глад

Мајката на трагично загинатиот Стефан Хрка, Дијана Хрка, и денес го продолжува штрајкотот со глад пред српскиот Парламент, барајќи одговорност за смртта на нејзиниот син, кој почина при пад на натстрешница во Нови Сад.Хрка веќе осум дена престојува во шатор на улица, спиејќи на палети, откако не ѝ било дозволено да се приближи до Домот на Народното собрание, каде што првично планирала да протестира. Подрачјето го обезбедува полицијата, а во непосредна близина постојано има поддржувачи на владејачката Српска напредна странка (СНС), јавува Н1.Во изјава за медиумите, Хрка му одговори на претседателот Александар Вучиќ, кој претходно изјави дека е „подготвен да разговара со неа и дека неговата совест е чиста“.„На почетокот не ме повика директно, туку преку неговите медиуми. А потоа рече нешто што ме боцна во уши — ‘ме навреди, но ќе ѝ простам’. Го прашувам претседателот – тој нè навредува сите веќе една година, се закануваше дека ќе нè уништи. Нема да му простам. Нека размисли зошто ме повикува дури сега, по една година,“ изјави Хрка.Таа истакна дека ако Вучиќ навистина сака да разговара, треба да дојде пред народот и пред сите медиуми.„Ако се плаши од скандирање, тоа е негов проблем, а не мој. Тој ги собра луѓето што ги плаќа да бидат тука. Тоа се мафијаши, тоа се криминалци. И тој е повреден, а јас не сум?“ праша Хрка.Храброто мајчино сведоштво повторно го разбуди прашањето за институционалната одговорност и односот на власта кон граѓаните кои бараат правда. Таа порача дека нема да се откаже додека не ја дознае вистината за смртта на својот син.

Свет | пред 6 месеци

(Фото) Сообраќајна несреќа кај „Џевахир“ – возило удри во контејнери и паркирани автомобили

Ноќеска во скопската населба Аеродром, во близина на кулите „Џевахир“, се случи сообраќајна несреќа. Според првичните информации и сведоштва на очевидци, возило што се движело со голема брзина удрило во неколку контејнери и две паркирани возила.Очевидци на социјалните мрежи објавија дека возачот изгубил контрола врз возилото, предизвикувајќи значителна материјална штета. Неофицијално, се работи за турски државјанин, а ова е втора сообраќајна несреќа во истиот дел на булеварот во само една недела.Жителите на Аеродром остро реагираат дека три од четири ленти на булеварот се речиси постојано блокирани со непрописно паркирани возила, што, како што велат, го отежнува сообраќајот и ја зголемува опасноста во овој дел од населбата.Повеќе детали за несреќата се очекуваат во текот на денот.

Скопје | пред 6 месеци

Лавров и Рубио подготвени за средба – Москва бара признавање на нејзините интереси во Украина

Рускиот министер за надворешни работи Сергеј Лавров изјави дека е подготвен да се сретне со американскиот државен секретар Марко Рубио, но нагласи дека секој мировен процес за Украина мора да ги земе предвид интересите на Русија.„Државниот секретар Марко Рубио и јас разбираме дека редовната комуникација е неопходна. Таа е важна за дискусија на украинското прашање и за унапредување на билатералната агенда. Затоа комуницираме телефонски и подготвени сме за средба лице в лице кога ќе има потреба,“ изјави Лавров за агенцијата РИА Новости.Од Кремљ демантираа дека Лавров ја изгубил довербата на претседателот Владимир Путин, откако минатиот месец беа замрзнати напорите за организирање самит меѓу Путин и американскиот претседател Доналд Трамп.Според Reuters, Вашингтон го откажал планираниот самит поради ставот на Москва дека нема да отстапи од своите барања во врска со Украина.Financial Times цитираше извор според кој исходот од телефонските разговори меѓу Лавров и Рубио бил клучен фактор за одлуката на Вашингтон да го одложи средбата на највисоко ниво.

Свет | пред 6 месеци

(Видео) Ноќна акција на плоштадот – Скопје конечно се чисти по долги години запуштеност

Во рамките на најавената акција за чистење на главниот град за 72 часа, ноќеска десетици работници рачно и со механизација работеа на расчистување на плоштадот „Македонија“.Со метли, цистерни и машини се миеја и чистеа плочките, клупите, фонтаните и спомениците, а се вршеше и празнење на кантите за отпад и собирање на насобраниот смет. Акцијата е дел од првата голема операција што ја спроведува новоизбраниот градоначалник на Скопје, Орце Ѓорѓиевски, кој најави дека градот ќе биде исчистен „од корен“ во рок од три дена.Оваа иницијатива доаѓа по години јавни критики и негодување за состојбата во која се наоѓаше центарот на градот, со валкани плочки, нефункционални фонтани и запуштени јавни површини.Според Град Скопје, акцијата ќе продолжи и во наредните денови, а во неа се вклучени сите јавни претпријатија со цел градот да добие „нов сјај“ пред почетокот на зимата.

Скопје | пред 6 месеци

(Видео) Снимка од Трамп се прошири со молскавична брзина: спиеше или не на средба?

Фотографии на кои се чини дека претседателот Доналд Трамп задремал во Овалната сала за време на официјален настан, се проширија со молскавична брзина низ социјалните мрежи, отворајќи нова лавина коментари за неговата работна способност и здравствена состојба, пренесува CNN.Снимките се направени во четврток, додека Трамп објавувал мерки за намалување на цените на популарните лекови за слабеење. На фотографиите се гледа како тој држи затворени очи, а во некои моменти се чини дека се бори да остане буден, триејќи го лицето со рака.Критиките од политичките противници не изостанаа. Канцеларијата на гувернерот на Калифорнија, Гавин Њусом, на „X“ објави фотографии со саркастичен коментар: „Поспани Дон се врати.“На обвинувањата остро реагираше портпаролката на Белата куќа, Тејлор Роџерс, која ги нарече вестите „бесмислени“.„Претседателот не спиеше; напротив, зборуваше цело време и одговараше на прашања од новинарите. Настанот беше важен – најави историско намалување на цените на два клучни лека кои им помагаат на Американците што се борат со дијабетес, срцеви заболувања и дебелина. Наместо да се зборува за тоа, пропаднатите либерални медиуми туркаат празни приказни,“ изјави Роџерс за CNN.Иако фотографиите отворија сомнежи за замор, Трамп често држи долги говори и редовно одговара на новинарски прашања, а негови соработници ја истакнуваат неговата енергија.Само еден ден пред настанот во Белата куќа, Трамп имал повеќе од еден час говор во Мајами, а неодамна се вратил од интензивна турнеја во Азија.Сепак, прашањата за неговото здравје не престануваат, особено бидејќи со 79 години е највозрасниот претседател во американската историја. Минатиот месец откри дека направил магнетна резонанца, без да објасни зошто, а претходно Белата куќа објави дека лекарите му дијагностицирале хронична венска инсуфициенција поради оток на нозете.

Свет | пред 6 месеци

Прекинат воздушниот сообраќај во САД – илјадници летови откажани поради недостиг на контролори на летање

Соединетите Американски Држави се соочуваат со сериозен колапс во воздушниот сообраќај, откако повеќемесечниот застој во работата на федералната влада доведе до тежок недостиг на контролори на летање.Според податоците на Федералната управа за авијација (FAA), проблемите со смените на контролорите ги зафатиле 42 кули и контролни центри, со доцнења во најмалку 12 големи градови, меѓу кои Њујорк, Чикаго, Сан Франциско и Атланта. Околу 1.500 летови биле откажани, а над 6.000 доцнеле.Поради безбедносни причини, FAA им наложи на авиокомпаниите да го намалат бројот на дневни летови за 4%, а од вторник намалувањето ќе достигне 6%, додека на 14 ноември ќе изнесува 10%. Контролорите, околу 13.000 на број, како и 50.000 припадници на безбедносните служби, работат без плата речиси шест недели, што доведе до масовни отсуства и дополнителен хаос.Авиокомпаниите American Airlines, Delta, Southwest и United веќе откажаа стотици летови и предупредија дека е „речиси невозможно“ да се планира распоред на летање доколку кризата продолжи.Проблемите се резултат на политичка блокада во Сенатот, која трае рекордни 38 дена. Републиканците, со поддршка на претседателот Доналд Трамп, инсистираат на „чист“ закон за финансирање на владата, додека демократите бараат вклучување на продолжување на субвенциите за здравствено осигурување (ACA).Демократскиот лидер Чак Шумер понудил компромис – повторно отворање на владата со едногодишно продолжување на субвенциите – но предлогот бил одбиен како „неприфатлив“.„Ова е интергалактички циркус,“ изјави републиканскиот сенатор Џон Кенеди од Луизијана, додека демократот Бен Реј Лухан предложи „да ги заклучат сите во сала додека не постигнат договор“.Доколку не се постигне политички договор, FAA предупреди дека ќе мора да се намали бројот на летови и до 20%, што може да доведе до нови доцнења и масовни откажувања.Во меѓувреме, стотици илјади државни службеници работат без плата, а патниците низ целата земја остануваат заглавени на аеродромите, додека Вашингтон останува без компромис помеѓу републиканците и демократите.

Свет | пред 6 месеци

АХВ заплени и уништи 37 тони храна со истечен рок

Инспекциските служби на Агенцијата за храна и ветеринарство (АХВ) неделава спроведоа вонредна контрола кај оператор со храна, при што беа запленети и уништени околу 37 тони храна и тоа јаткасти плодови, зрнести и мешункасти производи и разни зачини. Производите биле без декларации и со истечен рок на употреба од една до две години.За утврдените прекршоци, операторот доби времена забрана за работа, парична казна и наредба за отстранување на сите утврдени недоследности.Покрај тоа, АХВ спроведе вонредни контроли и кај други оператори со храна, како месарници, ресторани, сендвичарници и маркети. При проверките беа утврдени различни недоследности, како што се: нерегистрирани оператори со храна, непроведени задолжителни обуки за безбедност на храната, пуштање во промет на небезбедна храна и слично. За овие прекршоци, одговорните лица и операторите добија парични казни и времени забрани за работа.„Сите затекнати недостатоци мора да бидат отстранети, а небезбедната храна е нештетно уништена”, соопшти АХВ.

Македонија | пред 6 месеци

Еден загинат и осум повредени во судар на автомобил и автобус во тешка сообраќајка во Србија

Едно лице загина, а осум се повредени во судир на автобус и патничко возило на патот Обреновац помеѓу Умка и Обреновац.Во директен судир помеѓу автобус и автомобил, возачот на автомобилот го загуби животот, а повредените со возило на брза помош беа префрлени во Ургентниот центар.Истрагата е во тек, а сообраќајот на тој дел од патот е забавен.

Свет | пред 6 месеци

Спречен можен инцидент во Риека, малолетници планирале напад врз деца од Србија

Во Риека била спречена опасноста од можен инцидент откако полицијата добила пријава за собирање на сомнителна група во близина на Центарот Замет, каде што се одржува Првенството на Балканот во карате.Како што посочуваат неофицијални информации, цел на наводниот напад требало да бидат деца од Србија, но благодарение на брзата интервенција на полицијата, ситуацијата завршила без инцидент.Од Полицијата на Приморско-горанската жупанија потврдиле дека реагирале по пријава за собирање на група лица околу спортската сала.„Со доаѓањето на местото на настанот, дел од групата беше затекнат, меѓу нив десет малолетни лица,“ соопштија од полицијата.Полицијата истакна дека не дошло ниту до вербален, ниту до физички судир.„Според досега собраните информации, не е забележан вербален ниту физички напад врз учесниците на меѓународното натпреварување во карате, на кое учествуваат спортисти од 13 земји.Исто така, не се евидентирани оштетувања на имотот. Полицијата продолжува со утврдување на сите околности поврзани со настанот и можното постоење на противправно однесување,“ соопштија од полицијата.Во Риека од денес се одржува Првенството за кадети, јуниори и младинци во карате, на кое учествуваат повеќе од 1.200 натпреварувачи од Албанија, Босна и Херцеговина, Бугарија, Кипар, Грција, Косово, Црна Гора, Северна Македонија, Романија, Србија, Словенија, Турција и Хрватска.

Свет | пред 6 месеци

(Фото) „Бранкојавление” или повторно „случајна” средба

Поранешниот премиер, претседател на државата и долгогодишен лидер на СДСМ, Бранко Црвенковски, повторно е фотографиран, овојпат во скопски ресторан во друштво на министерот за јавна администрација, Горан Минчев.Минчев, кој сега е висок функционер во владејачката ЗНАМ, беше генерален секретар на СДСМ во времето кога Црвенковски ја предводеше СДСМ.Заедно со нив е и Зоран Попов, актуелниот амбасадор во САД.Црвенковски со години беше надвор од политиката и не се појавуваше ниту во тешки и кризни моменти за државата, иако редовно ја зема високата претседателска пензија и има и кабинет.Минатата година неофицијално се говореше дека работи во корист на ЗНАМ, каде се негови поранешни блиски луѓе.Последниов месец, среде кампања, беше фотографиран во друштво со актуелни функционери и политичари.Црвенковски прво беше фотографиран во Охрид на маса во ресторан со староновиот градоначалник Кирил Пецаков од ВМРО-ДПМНЕ, за што имаше објаснување дека била случајна средба.Ден по изборите се појави и фотографија од поранешниот лидер на СДСМ со активисти на партијата во Кичево.Познавачи на политичката клима велат:,, Ако Бранко не сака, нема да се појави никаква фотографија”.

Македонија | пред 6 месеци

(Видео) „Супорт Кочани“:Собравме и поделивме 11 милиони денари на 137 лица

Граѓанската иницијатива „Супорт Кочани“ соопшти дека е извршена втора распределба од средствата од заедничката сметка за донации од близу 11 милиони денари.Во објавената видео информација на фејсбук се вели дека од вкупната сума од 10. 944.793 денари еден милион се за данок на државата, а останатите се еднакво распределени на 137 лица во износ од по 71 900 денари.,,Почитувани, транспарентно ја споделуваме информацијата за втората распределбата на средствата од заедничката сметка за донации преку SupportKocani, кои беа собрани по трагедијата што нè погоди”, стои во објаватаСредствата се од компании, здруженија, групни акции и хуманитарни настани организирани во земјата и во странство.

Македонија | пред 6 месеци

Денеска облачно со повремени врнежи од дожд и температури до 18 степени

Времето денеска ќе биде променливо облачно со повремени локални врнежи од дожд. Ќе дува слаб до умерен ветер од јужен правец. Минималната температура ќе биде во интервал од 5 до 11, а максималната ќе достигне 18 степени.Во Скопје ќе биде променливо облачно со повремен слаб дожд. Ќе дува слаб до умерен ветер од јужен правец. Минималната температура ќе се спушти до 9, а максималната ќе достигне 17 степени.Според прогнозата на УХМР, во понеделник ќе се задржи претежно облачно време со повремени локални врнежи од дожд. На одреддни места врнежите ќе бидат поројни и пообилни (над 30 литри на квадратен метар за 24 часа) со појава на грмежи.,,Во вторник претпладне ќе има повремен локален дожд, а преку денот ќе дува умерен, долж Повардарието повремено засилен северен ветер. Во деновите потоа времето ќе биде стабилно и суво со пониски утрински температури”, соопшти Управата за хитрометеоролошки работи.

Македонија | пред 6 месеци

Свикана третата седница на Советот на Општина Охрид

Врз основа на член 39 од Законот за локалната самоуправа („Сл.весник на РМ“ бр.5/02) и член 26 од Статутот на општина Охрид („Сл.гласник на општина Охрид“ бр. 8/2007, 01/08, 10/10, 05/11, 09/14,14/14, 10/19 и 15/20), Претседателот на Советот донесува:Р Е Ш Е Н И ЕЗА СВИКУВАЊЕ НА ТРЕТАТА СЕДНИЦАНА СОВЕТОТ НА ОПШТИНА ОХРИДЈА СВИКУВАМ третата седница на Советот на општина Охрид на ден 13.11.2025 година (четврток) со почеток во 10:00 часот.Седницата ќе се одржи во зградата на општина Охрид.За седницата го предлагам следниот:Д Н Е В Е Н   Р Е ДПредлог-програма за изменување и дополнување на програмата за поддршка на локалниот економски развој на општина Охрид за 2025 година.Предлог-програма за изменување и дополнување на годишната програма за спорт и рекреација за 2025 година.Предлог-програма за изменување и дополнување на програмата за млади и невладини организации за 2025 година.Предлог-програма за изменување и дополнување на програмата за активностите на општина Охрид во областа на културата за 2025 година.Предлог-програма за изменување и дополнување на годишната програма за активностите на општина Охрид во областа на основното образование за 2025 година.Предлог-програма за изменување и дополнување на годишната програма за активностите на општина Охрид во областа на средното образование за 2025 година.Предлог-програма за изменување и дополнување на годишната програма на општина Охрид за детска заштита за 2025 година.Предлог-програма за изменување и дополнување на програмата за јавно осветлување за 2025 година.Предлог-програма за изменување и дополнување на програмата за одржување јавна чистота за 2025 година.Предлог-програма за изменување и дополнување на програмата за подигање и одржување на паркови и зеленило за 2025 година.Предлог-програма за изменување и дополнување на програмата за уредување на градежно земјиште во 2025 година.Предлог – програма за изменување и дополнување на Развојната програма за уредување на градежно земјиште за 2025 -2027 година.Предлог-програма за дополнување на Програмата ЈМ за капитални расходи за паркови и зеленило за 2025 година – подпрограма ЈМА реализација на „Проект за употреба и одржување на урбан простор и парк на дел од Кеј Македонија“.Предлог-програма ЈЕ изградба на простор за паркирање за 2025 година – подпрограма ЈЕА – реализација на основен проект „Изградба на катна гаража во Општина Охрид“.Предлог-програма ЈГ за дополнување на програмата за изградба на системи за водоснабдување за 2025 година подпрограма ЈГЦ – реализација на основен проект за мониторинг и управување СКАДА (SCADA) систем за водоснабдителен систем на град Охрид и изработка на ГИС систем со интеграција на двата системи.Предлог-програма за дополнување на Програмата ЈИ – изградба на системи за одведување и пречистување на отпадни води за 2025 година – подпрограма ФАЕ – реализација на Проектот „реконструкција на линиски инфраструктурен објект за фекална и атмосферска канализациона мрежа за дел од улици „Малесија“, „Александар Гушо“, „Трајче Дојчиноски“, „1-ви Мај“, „Вангел Николоски“, „Дебарца“ и „Момчило Јорданоски“.Предлог-програма за дополнување на Програмата ЈД Изградба и реконструкција на локални патишта и улици за 2025 година – подпрограма ЈДХ – реализација на основен проект „Реконструкција на линиски инфраструктурен објект за постоечки локален пат од Камп Љубаништа до стационажа од км. 0+000,00 до км. 0+999,24“.Предлог-програма за дополнување на Програмата  ЈД Изградба и реконструкција на локални патишта и улици за 2025 година – подпрограма ЈДИ – реализација на основен проект „Реконструкција на потег дел од улица „Петрино“ до пресек со улица „Караорман“, село Лескоец-Охрид“.Предлог-програма за дополнување на Програмата ЈД Изградба и реконструкција на локални патишта и улици за 2025 година – подпрограма ЈДЈ – реализација на основен Проект „Реконструкција на линиски инфраструктурен објект кој ги поврзува село Велгошти со село Лескоец“.Предлог-програма за дополнување на Програмата ЈД Изградба и реконструкција на локални патишта и улици за 2025 година – подпрограма ЈДК – реализација на основен Проект „Реконструкција на линиски инфраструктурен објект, реконструкција на дел од улица „Даме Груев“ од кружна крстосница „Јане Сандански“ со улица „Питу Гули“ до пресек со „Булевар Туристичка“.Предлог-програма ЈД за дополнување на Програмата Изградба и реконструкција на локални патишта и улици за 2025 година – подпрограма ЈДЛ – реализација на основен Проект „Реконструкција на линиски инфраструктурен објект на дел од улица „7-Ми Ноември“ од кружна крстосница „Охридска банка“ до пресек со улица „Егејска“ – Охрид“.Предлог-програма ЈД за дополнување на Програмата за изградба и реконструкција на локални патишта и улици за 2025 година – подпрограма ЈДМ – реализација на основен проект „Реконструкција на линиски инфраструктурен објект за дел од улица „Кленоец“ и дел од улица „Петрино“.Предлог-програма ЈД за дополнување на Програмата за изградба и реконструкција на локални патишта и улици за 2025 година – подпрограма ЈДН – реализација на основен проект „Реконструкција на линиски инфраструктурен објект за населба Бараки во град Охрид“.Предлог-програма ЈД за дополнување на Програмата за изградба и реконструкција на локални патишта и улици за 2025 година – подпрограма ЈДО – реализација на основен проект „Реконструкција на линиски инфраструктурен објект – локален пат за село Завој“.Предлог-програма ЈД за дополнување на прогтрамата за изградба и реконструкција на локални патишта и улици за 2025 година – подпрограма ЈДП – реализација на основен проект „Реконструкција на линиски инфраструктурен објект – улица во село Долно Лакочереј (крак 2)“.Предлог-програма ЈД за дополнување на Програмата за изградба и реконструкција на локални патишта и улици за 2025 година – подпрограма JDQ – реализација на „Основен проект за линиски инфраструктурен објект – локален пат од село Лескоец до село Горно Лакочереј“.Предлог-програма ЈД за дополнување на Програмата за иградба и реконструкција на локални патишта и улици за 2025 година – подпрограма ЈДР – реализација на основен проект „Реконструкција на линиски инфраструктурен објект на дел од улица „Партизанска“ (населба Охридати) во град Охрид“.Предлог-одлука за изменување и дополнување на Буџетот на ЕЛС Охрид за 2025 година.Предлог-oдлука за донесување на буџетскиот календар.Предлог-одлука за отпис на основни средства – лаптопи.СОВЕТ НА ОПШТИНА ОХРИДПретседателПерчо БожиновскиОПШТИНА ОХРИДЛОКАЛНА САМОУПРАВАБрој 08-15102/107.11.2025 год.О х р и д

ОО | пред 6 месеци

Вучиќ подготвен за средба со мајката на загинатиот во Нови Сад: „Совеста ми е чиста, но не сакам политичка претстава

Претседателот на Србија, Александар Вучиќ, ѝ порача на Дијана Хрка, мајката на младичот кој загина во трагедијата во Нови Сад и која веќе седум дена штрајкува со глад пред Народното собрание, дека е подготвен за разговор со неа, нагласувајќи дека совеста му е чиста.„Секогаш и во секој момент сум подготвен да ја примам или да ја посетам, но сакам разговорот да помине без политичка претстава и без инциденти“, рече Вучиќ.Тој додаде дека е претседател на сите граѓани и дека мора да биде подготвен да слушне и најтешки навреди, но и да разбере болка како нејзината.Вучиќ ја замоли Хрка да го прекине штрајкот со глад, предупредувајќи дека „никој не смее да си поигрува со своето здравје“.

Свет | пред 6 месеци

(Видео) „Марш за ангелите во Кочани“ – семејствата на жртвите бараат правда за трагедијата во „Пулс“

Денеска во Кочани се одржа „Маршот за ангелите“, кој го организираат семејствата на загинатите во пожарот во дискотеката „Пулс.Семејствата, со болка и револт, излегоа на улиците држејќи транспаренти и фотографии од своите најблиски кои трагично ги загубија животите.Со маршот тие бараат правда и одговорност за трагедијата, потсетувајќи дека, и по повеќе месеци од несреќата, сè уште нема конкретни одговори ниту завршена истрага.

Македонија | пред 6 месеци

Алиу: Нема да ја одбиеме поканата за учество во Владата

Демократската партија на Албанците (ДПА) доколку добие покана за влез во Владата нема да ја одбие, рече членот на централното претседателство на партијата, Имер Алиу на денешното Централно собрание.Алиу, во изјава за медиумите потврди дека партијата сè уште нема добиено официјална покана за влез во Владата.„Не, немаме добиено, но всушност нема да ја одбиеме поканата. Ќе имаме дијалог или дебата, поточно, со сите од сега па натаму, вклучително и со Владата“, рече Алиу.Тој посочи дека иако агендата на ДПА и агендата на партиите на власт се чини дека се различни, но дека сепак ќе дебатираат со сите.Во врска со резултатите од локалните избори, Алиу истакна дека „тоа што изгуби ДУИ не е национална трагедија“. Според него, сега е време да се реализира сè што е ветено, за што одговорноста е на албанската партија која е дел од Владата.„Многу ветувања се дадени, сега е време тие да се реализираат. Секако ќе ја повикаме на одговорност албанската партија на власт, бидејќи тие ветија и секако од сега па натаму немаат изговор да не ги исполнат ветувањата“, рече Алиу.

Македонија | пред 6 месеци

Крипто милионер и сопругата убиени во Дубаи по неуспешен обид за изнуда

Рускиот крипто милионер Роман Новак и неговата сопруга Ана биле киднапирани и брутално убиени во Обединетите Арапски Емирати по неуспешен обид за изнуда. Двојката била намамена на лажен деловен состанок во близина на Хата, каде киднаперите се обиделе да добијат пристап до неговите крипто средства. Кога Новак одбил да ги предаде дигиталните клучеви, тие биле убиени, а нивните тела пронајдени распарчени во контејнери.Новак, познат по измами со криптовалути во Санкт Петербург, по издржана затворска казна се преселил во Дубаи, каде повторно лансирал крипто апликација и собрал милиони од инвеститори.Седуммина осомничени се уапсени во ОАЕ и Русија, а властите ги истражуваат врските со меѓународен криминален синџир. Случајот го нагласува растечкиот ризик од насилни напади насочени кон лица кои поседуваат значително дигитално богатство и потребата за поголема безбедност во крипто заедницата.

Свет | пред 6 месеци

(Видео) Сообраќајна несреќа во скопско Ново Село – неколку лица се жалеле на повреди, сообраќајот по една лента

Вечерва во скопската населба Ново Село, во општина Ѓорче Петров, се случила сообраќајна несреќа во која, според првичните информации, има материјална штета и повеќе лица што се пожалиле на повреди. Дел од патниците биле пренесени во здравствена установа за лекарски прегледи.Местото на несреќата е обезбедено од полицијата, а сообраќајот се одвива по една коловозна лента. Причините за несреќата засега не се познати, а увидот е во тек.

Македонија | пред 6 месеци

Претеничката Салиу тврди:Беким Сали наскоро ќе биде премиер на Албанците во Северна Македонија

Пратеничката Имерлије Салиу од коалициската ВРЕДИ, на социјалните мрежи напиша дека премиер на Албанците во Македонија.,,Господинот, Беким Сали за кратко ќе биде премиер на Албанците во Северна Македонија”, напиша Салиу објавувајќи заедничка слика.За Сали, портпаролот на ВРЕДИ изјави дека тој ќе биде новиот прв вицепремиер кој доаѓа на местото на Изет Меџити кој е избран за градоначалник на Чаир.ВРЕДИ не ја исклучија можноста и за министерството за животна средина да номинираат друг кандидат.Премиерот Христијан Мицкоски одговори дека има добро мислење за Беким Сали, но тоа не значи дека Влен ќе добие два ресора.Сали е актуелен пратеник и поранешен министер за здравство во периодот од јануари 2022 до февруари 2023 година.

Македонија | пред 6 месеци

Хорор во Дебарско: жена киднапирана од дворот на својот дом, однесена во напуштена зграда и силувана

Две лица од Дебарскиот регион се лишени од слобода и против нив е поднесена кривична пријава за „грабнување“ и „полов напад и силување“, соопшти Министерството за внатрешни работи.„ОВР Струга поднесе кривична пријава против А.Л. (26) од селото Џепиште поради постоење основи на сомнение дека ги сторил кривичните дела грабнување и полов напад и силување, како и против Е.В. (18) од селото Отишани, поради сомнение за сторено кривично дело грабнување,“ информираат од МВР.Според полициските информации, на 6 ноември 2025 година околу 19 часот, двајцата осомничени насилно ја извлекле 30-годишната жена од дворот на нејзината куќа во село во Дебарско и ја внеле во возило „Ауди“, управувано од Е.В.Потоа се упатиле кон напуштен објект во близина на Струга, каде што А.Л. физички ја нападнал, при што оштетената изгубила свест, а тој потоа ја силувал.По извршениот напад, двајцата ја однеле жената во Општата болница во Струга, каде побарале лекарска помош.Од МВР информираат дека двајцата сторители се пронајдени и уапсени, а против нив е поднесена кривична пријава до надлежното обвинителство.

Македонија | пред 6 месеци