Кандидатот за Скопје на ВМРО-ДПМНЕ, Орце Ѓорѓиевски: „Скопје заслужува визија, развој и сигурна иднина“

Кандидатот за градоначалник на Скопје на ВМРО-ДПМНЕ, Орце Ѓорѓиевски, порача дека денешните локални избори се  празник на демократијата и апелираше за масовна излезност.„Денес е празник на демократијата, ден кога гласот на секој граѓанин има сила да ја обликува иднината, рече Орце Ѓорѓиевски, кандидат за градоначалник на град Скопје од редовите на ВМРО-ДПМНЕ. Ве повикувам да излезете масовно, да го остварите своето право на глас и да го направите изборот што го заслужувате вие, вашите деца и генерациите што доаѓаат, истакна Ѓорѓиевски откако го оствари своето право на глас.„Скопје заслужува визија, развој и сигурна иднина.Скопје го заслужува најдоброто!“, нагласи Ѓорѓиевски.

Скопје | пред 6 месеци

„Досадна“ изборна слика: Што очекува претседателката Гордана Силјановска Давкова

Според претседателката Гордана Силјановска Дафкова се повторува 30-годишното искуство во однос на изборниот ден, односно денеска имаме фер и демократски избори кои изминаа во мирна атмосфера.-Да, малку покомплицирано, има многу повеќе кандидати од изминатите изборни циклуси, но тоа им да дава и поголем демократски легимтимет на изборите, граѓаните имаат поголем избор. Јас ја извршив мојата граѓанска должност, а со оглед на фактот дека некаде може да има втор круг, очекувам да биде исто така досадна изборна слика, рече Силјановска Давкова.

Македонија | пред 6 месеци

(Во живо) Резултати, сите прес-конференции, вклучувања во штабови, МВР, ДИК и гости во студио

Во живо следете го завршувањето на првиот круг од локалните избори. Со затворањето на изборните кутии, започнуваме со вклучувања во живо во Државната изборна комисија, потоа во МВР, во штабовите на партиите.Во нашето студио ќе бидат Стефан Андоновски од ВМРО-ДПМНЕ, Дарја Мустафаоглу од Левица и Ана Чупевска од СДСМ.Дискутираме заедно преку коментарите кои можете да ги пишувате на „Јутуб“:

Македонија | пред 6 месеци

Уапсен член на избирачко место во Чаир

Член на избирачки одбор бил уапсен денеска на гласачкото место број 2938 во просториите на Основното училиште „Имри Елези“ во општина Чаир, објави Алсат.Според информациите од терен, приведувањето се случило за време на паузата. Претседателот на избирачкиот одбор на ова гласачко место изјавил дека засега нема официјални информации за причините за апсењето, но потврдил дека изборниот процес продолжил без прекин и гласањето се одвива нормално. Се очекува надлежните институции да објават повеќе детали во текот на денот.

Скопје | пред 6 месеци

Регистрирани нарушувања на изборниот молк

За време на предизборниот молк, вчереа и денеска до отворање на избирачките места, регистрирани се 20 пријави за нарушување на изборниот молк од кои шест на подрачје на СВР Скопје, четири на подрачје на СВР Куманово, потоа СВР Велес – три, по два настани на подрачје на СВР Охрид, СВР Штип и СВР Битола и еден на подрачје на СВР Струмица. По преземени мерки не се потврдени пријавите за 15 настани.Покрај ова, регистрирани се 47 објави на социјалните мрежи за време на изборниот молк кои се однесуваат на повик за гласање за одредени кандидати, како и објавени видеа и слики од партиски активности во штабови, соопшти МВР.

Македонија | пред 6 месеци

Најмала излезност има во Центар Жупа, не гласале ниту 20 отсто од избирачите

На прес конференцијата на ДИК за излезноста на локалните избори беше соопштено дека најмала излезеност има во Центар Жупа со 19,15 проценти. Потоа следуваат општините Врапчиште со 20,94 отсто, Маврово-Ростуше со 25,89 проценти, Гостивар 28,02 проценти, Шуто Оризари со 30,38 проценти.Портпаролката на ДИК, Радица Тодоровска Алексовска, информира дека споредено со локалните избори во 2021 година, излезеноста до 17 часот изнесувала 41,38 проценти.

Македонија | пред 6 месеци

Вевчаници предводат, таму гласале речиси 62 отсто од избирачите: Најнови податоци на ДИК за излезноста до 17 часот

ДИК информира за излесноста до 17 часот од досега добиените податоци. Како што соопштија, од 3221 избирачки места каде право на глас имаат 1 699 296 гласачи, правото на глас го искористиле 39,61 проценти.Најголема излезност има во:Вевчани 61,84 %Дебарца 53,41 %Демир Капија 57,65 %Дојран 60,91 %Зелениково 52,77 %Карбинци 50,25 %Конче 55,13 %Крива Паланка 56,01 %Излезноста во скопските општини до 17 часот:Аеродром е 39,32 %Бутел 42,29 %Гази Баба 35,55 %Ѓорче Петров 37,73 %Карпош 42,86 %Кисела Вода 39,37 %Сарај 47,94 %Центар 42,35 %Чаир 45,09 %Шуро Oризари 30,38 %Претставниците на ДИК истакнаа дека процесот на гласање се одвива мирно и без значителни нарушувања на повеќето избирачки места.Комисијата продолжува со следење на изборниот процес и очекува конечни податоци за излезноста и резултатите по затворањето на избирачките места.

Македонија | пред 6 месеци

(Видео) Возилото е целосно згмечено! Директен судир меѓу возило и автобус кај Чачак

Едно лице загина, а две се повредени при судир на автобус и патничко возило на патот Чачак-Крагуевац во Србија, јавуваат српските медиуми. Несреќата се случила денеска кај Бечањ, во Општина Чачак.Од српското Министерство за внатрешни работи за РТС изјавија дека се случил директен судир на двете возила.Општата болница во Чачак информира дека едно машко лице по првичниот преглед е префрлено на одделението за ортопедија со тешки повреди.Сѐ уште нема официјални информации за причините за несреќата, а надлежните велат дека истрагата е во тек.

Свет | пред 6 месеци

(Видео) На крадците им паднала круната на кралицата Евгенија што ја украле во Лувр

Во потерата по крадците кои извршија грабеж во Лувр, пронајдена е круната на кралицата Евгенија, објави телевизијата BFM.Скапоцениот предмет е пронајден во близина на местото на грабежот, најверојатно откако им паднал на крадците кои се обидувале набрзина да избегаат.Според досегашните информации, крадците успеале да украдат десеттина вредни предмети, чија вредност е „скоро бесценета“.Опишувајќи ги крадците, француската министерка за култура Рашида Дати рече дека крадците „дејствувале професионално, не користеле насилство и дејствувале без паника“.Ограбувањето на накитот се случило утрово во времето на отворањето на музејот Лувр, поради што е донесена одлука да се затвори за посетители од вонредни причини.Инцидентот наводно се случил во моментот кога првите посетители почнале да влегуваат во музејот, по што веднаш била распоредена полицијата, а посетителите биле предупредени да не влегуваат во музејот.

Свет | пред 6 месеци

Кражба во аптека во Центар – украдени пари од каса

Непознат сторител провалил во аптека во центарот на Скопје и одзел пари со помош на алат.На 18.10.2025 во СВР Скопје е пријавено дека во аптека во Центар, лице со употреба на физичка сила и алат провалило и одзело пари. Полицијата работи на откривање на сторителот.

Скопје | пред 6 месеци

ДИК соопшти нови податоци за излезноста на гласачите, од скопските општини најмногу гласале во Сарај

Државната изборна комисија информира дека до 15 часот излезеноста на локалните избори била 31 отсто, најмногу гласачи излегле во Сарај.Излезноста на локалните избори до 15 часот во Скопје е 31,16 проценти, информира Државната изборна комисија.По општини во Скопје:Аеродром – 31,50 проценти излезностБутел – 33,10 проценти излезностГази Баба – 27,82 проценти излезностЃорче Петров – 30,11 проценти излезностКарпош – 33,37 проценти излезностКисела Вода – 31,58 проценти излезностСарај – 36,33 проценти излезностЦентар – 34,40 проценти излезностЧаир – 35,3 проценти излезностШуто Оризари – 21,99 проценти излезностМакедонија:Берово 40,14 проценти излезностБогданци 39,57 проценти излезностВаландово 35,88 проценти излезностГевгелија 35,78 проценти излезностГрадско 37,12 проценти излезностДебарца 43,43 проценти излезностДемир Капија 46,65  проценти излезностДојран 48,88 проценти излезностЗелениково 41,34 проценти излезностКратово 42,35 проценти излезностКрушево 47,47 проценти излезностЛозово 47,32 проценти излезностМакедонски Брод 48,21 проценти излезностНоваци 52,84 проценти излезностПробиштип 45,12 проценти излезностРосоман 46,4 проценти излезностСтаро Нагоричане 43,48 проценти излезностЧашка 53,19 проценти излезностНајмала излезност има во општините:Центар Жупа 17,12 проценти излезностРадовиш 24,24 проценти излезностМаврово Ростуше 20,14 проценти излезностГостивар 20,95 проценти излезностВрапчиште 14,94 проценти излезностДосега, како што велат од ДИК, нема никакви приговори за неправилности на избирачките места.

Македонија | пред 6 месеци

Осуммина кавадарчани насилно влегле во дом и нападнале брачен пар

Група лица ги искршила вратите и покуќнината во дом на сограѓанин и физички го нападнала сопружничкиот пар.Во периодот од 22:05 до 01:25 часот во Кавадарци, полицијата извршила разговор со осум лица осомничени дека ја оштетиле влезната врата и нападнале брачен пар во нивниот дом. По документирање ќе бидат поднесени пријави, информира МВР.

Македонија | пред 6 месеци

Тешка сообраќајка кај Струга – четворица со сериозни повреди

Судир меѓу два автомобили кај селото Подгорци заврши со повеќе повредени лица, меѓу кои и тешко повредени патници.На 18.10.2025 околу 16:10 часот на локалниот пат кон с.Подгорци, струшко, се судриле два автомобила – „цитроен берлинго“ и „цитроен саксо“. Со тешки повреди се здобиле возачот А.Д.(41) и тројца сопатници, а со полесни возачот А.О.(45). Повредените се хоспитализирани во Струга, Охрид и Скопје. Извршен е увид од јавен обвинител и полициска екипа, соопшти МВР.

Македонија | пред 6 месеци

Граѓаните може да пријавуваат повреда на избирачкото право на бесплатна телефонска линија: Ќе функционира до 19.00 часот

Во канцеларијата на Народниoт правобранител денеска на денот на одржувањето на првиот круг од Локалните избори во периодот од 7:00 до 19:00 часот ќе функционира бесплатната телефонска линија: 0800-54321, на којашто граѓаните ќе можат да пријават каква било повреда на избирачкото право.Покрај телефонски, граѓаните ќе може да пријават повреда на нивното избирачко право и лично во сите седум канцеларии на Народниот правобранител во: Скопје, Битола, Кичево, Куманово, Струмица, Тетово и Штип, со цел да им се помогне во остварувањето и заштитата на нивните избирачки права.Исто така, граѓаните ќе можат за заштита на своите права да се јават и на следниве телефонски броеви: Тетово: 044 344-082, Струмица: 034 329- 996, Кичево: 045 228-586, Битола: 047 242-310, Штип: 032 389-701 и Куманово: 031 431-488.Народниот правобранител, правата на граѓаните ќе ги штити со преземање на итни мерки за ефективно постапување од странa на надлежните органи во изборниот процес и другите институции кои се должни да им обезбедат заштита на нивните загарантирани права.И во оваа пригода, народниот правобранител потенцира, дека, избирачкото право е уставно загарантирано како еднакво, општо и непосредно и се остварува на слободни избори со тајно гласање и дека никој не смее да биде повикан на одговорност заради остварување на ова право, поради што не случајно повредата на слободата на определувањето на избирачите како и други повреди на избирачкото право се казниви дела.Народниот правобранител апелира до сите чинители во изборниот процес да ги почитуваат здравствените протоколи утврдени за начинот на гласање.

Македонија | пред 6 месеци

ДИК со нови податоци за излезноста на локалните избори

Државната изборна комисија излезе со нов пресек до 13 часот за излезноста на локалните избори на ниво на државата.На овие избори учествуваа вкупно 309 кандидати за градоначалници и 576 листи за членови на општинските совети. Граѓаните со право на глас, вкупно 1.832.415, можеа да го остварат своето право на 3.474 избирачки места. Најголем број кандидати за градоначалничката функција, вкупно 16, беа пријавени во главниот град Скопје.

Македонија | пред 6 месеци

СЛЕДЕТЕ: Излезност во живо

Македонија | пред 6 месеци

Обвинителството: Изборниот ден поминува мирно, без поголеми неправилности

Досегашниот тек на локалните избори 2025 година минува мирно и без сериозни нарушувања на изборниот процес, информира Јавното обвинителство на Република Северна Македонија.Според податоците добиени од обвинителствата низ земјата, до овој момент не се пријавени инциденти или неправилности на гласачките места кои би имале елементи на кривично дело.Јавен обвинител од ОЈО Струмица бил усно известен за случај на погрешно испечатени гласачки ливчиња во Ново Село, но по извршен разговор и замена на материјалот од страна на Државната изборна комисија, не се утврдени елементи на кривично дело.Во текот на вчерашниот ден, поединечни настани со наводи за изборен поткуп биле евидентирани во обвинителствата во Велес, Прилеп, Крива Паланка и Свети Николе. За сите случаи, јавните обвинители преземаат дејствија за проверка на пријавите.Евидентирани се и неколку случаи на прекршување на изборниот молк, но станува збор за мал број настани кои засега немаат карактер на кривично дело.Привремената комисија на Јавното обвинителство и денеска го следи изборниот процес, а електронската адреса izbori@jorm.mk останува отворена за пријави на евентуални неправилности.Од обвинителството потврдуваат дека се организирани вонредни дежурства во сите основни јавни обвинителства, кои тесно соработуваат со останатите институции надлежни за спроведување и надзор на изборите.„Сите евентуални сомненија за кривични дела кои би можеле да го нарушат изборниот процес ќе бидат испитани, а предметите ќе имаат приоритет во постапувањето“, соопштија од Јавното обвинителство.

Македонија | пред 6 месеци

Украински дронови ja погодија најголемата постројка за обработка на гас во Русија – „Оренбург“

Најголемата постројка за преработка на гас во светот, „Оренбург“, било погодено во напад со украински дронови, при што е оштетен дел од објектот, соопшти гувернерот на регионот Јевгениј Солнцев.Нападот предизвикал пожар во една од работилниците, но, според гувернерот, нема повредени меѓу вработените. Екипи на противпожарната служба веднаш интервенирале и успеале да го изгаснат пожарот.Ова е првпат постројката „Оренбург“ да биде цел на напад, а таа претставува дел од гасно-хемискиот комплекс на „Гаспром“, со годишен капацитет од 45 милијарди кубни метри гас. Во објектот се преработува гасен кондензат од полињата во Оренбург и казахстанското поле Карачаганак.Паралелно, гувернерот на Самарската област, Вјачеслав Федоришчев, соопшти дека руската противвоздушна одбрана делувала против украински дронови, при што локалниот аеродром и мобилниот интернет биле привремено прекинати.Руското Министерство за одбрана објави дека ноќта биле соборени 45 украински дронови – меѓу нив 12 над Самарската област, 11 над Саратовската и еден над Оренбургската област.Од Украина засега нема официјална реакција, но од август таа значително ги зголеми нападите врз руските рафинерии и енергетски постројки, со цел да ја наруши снабденоста со гориво и да ѝ ја ослаби финансиската моќ на Москва.

Свет | пред 6 месеци

Тошковски: Полицијата обезбедува мирен и безбеден изборен процес, демократијата се гради преку учество

Министерот за внатрешни работи, Панче Тошковски, денеска го искористи своето демократско право на глас, при што изјави дека демократијата се гради преку учество, доверба и почит кон волјата на граѓаните.Министерот Тошковски потенцира дека денешниот ден е ден на демократијата – кога граѓаните слободно, мирно и достоинствено ја изразуваат својата волја.„Нашата задача како институција е да обезбедиме таа волја да се реализира во безбедна и мирна атмосфера. Полицијата е на висина на задачата и професионално, непристрасно и одговорно го обезбедува изборниот ден, гарантирајќи дека целиот процес ќе тече мирно, безбедно и во духот на демократијата“, истакна министерот.Во својата изјава, Тошковски ги повика сите граѓани активно да се вклучат во изборниот процес и да го искористат своето демократско право на глас, согласно своите убедувања и совест.„Секој даден глас е израз на лична одговорност и придонес кон иднината на нашето општество. Само преку учество и мирно изразена волја ја градиме довербата во институциите и во демократијата,“ нагласи министерот за внатрешни работи Панче Тошковски.

Македонија | пред 6 месеци

(Видео) Излезност до 11:15 часот – гласале 9,38 проценти од избирачите

До 11:15 часот, според податоците од Државната изборна комисија, пристигнати се информации од 3.139 избирачки места. Од вкупно 1.645.583 запишани гласачи, на овие избирачки места гласале 154.275 граѓани, што претставува излезност од 9,38 проценти.Од ДИК информираат дека изборниот процес го следат 1.484 набљудувачи од различни организации и мисии.Највисока излезност досега е забележана во општините Берово, Богданци, Бутел, Вевчани, Виница, Гевгелија, Градско, Дебрца, Демир Капија, Зелениково, Кратово, Крива Паланка, Крушево, Новаци, Пробиштип, Ранковце и Чашка.Најниска излезност, пак, е регистрирана во Сопиште, Центар Жупа, Боговиње и Врапчиште.„Од општини каде е забележана најмала излезност до сега се Сопиште, Центар Жупа, Боговиње, Врапчиште“, додадоа од ДИК.

Македонија | пред 6 месеци

„Гласање ко Мет Гала, а избори за канализации и ѓубре“

Инфлуенсерката Ина Многуфина повторно предизвика реакции на социјалните мрежи со својот саркастичен коментар за начинот на кој политичарите се појавуваат на денот на изборите.„Која е потребата да се покрива гласањето ко да е Мет Гала, од доаѓањето пред изборно место ко да е ред карпет – политичарот и жена му дотерани, па малку интервју пред избирачко место, сите радосни, насмеани... па слика како го спуштаат ливчето со поглед во камера, мислиш не знам каков ивент се дешава, а тоа избори за канализации и ѓубре,“ напиша Многуфина.Објавата, со нејзиниот препознатлив ироничен тон, доби голем број реакции и коментари од граѓани кои се согласија со нејзината критика кон, како што велат, „театралноста“ на дел од политичарите во денот на гласањето.

Коментари | пред 6 месеци

„Ако не ви се допаѓа инфраструктурата – дигнете ја во воздух!“ – жестока реакција на Унгарија кон Полска

Унгарскиот министер за надворешни работи Петер Сијарто остро реагираше на одлуката на полскиот суд да го ослободи украинскиот државјанин Володимир Журављов, осомничен за вмешаност во терористичкиот напад врз гасоводот „Северен тек“, нарекувајќи ја постапката на Варшава „невиден скандал“.„Според полското мислење, ако не ви се допаѓа инфраструктурата во Европа, можете да ја дигнете во воздух. Полска не само што ослободи терорист, туку и му оддава почит – до тоа дошло европското владеење на правото,“ изјави Сијарто.Тој оцени дека одлуката на судот во Варшава претставува „прелиминарна дозвола за терористички напади во Европа“ и предупреди дека ваквиот пристап ги поткопува темелите на заедничката безбедност во рамките на Европската унија.Одлуката на судот ја поддржа полскиот премиер Доналд Туск, кој рече дека таа е „точна“ и дека „случајот е затворен“.Журављов беше уапсен во Полска на барање на германските власти под сомнение дека бил вмешан во нападот врз гасоводот „Северен тек“ во Балтичкото Море. Окружниот суд во Варшава му одреди притвор од седум дена на 1 октомври, кој потоа беше продолжен за уште 40 дена, а во петокот судот донесе одлука да го ослободи и да ја одбие неговата екстрадиција во Германија.

Свет | пред 6 месеци

Нетанјаху повторно ќе се кандидира за премиер

Израелскиот премиер Бенјамин Нетанјаху синоќа најави дека повторно ќе се кандидира за нов мандат на претстојните избори.Во разговор за израелскиот Канал 14, Нетанјаху истакна дека планира да се кандидира за премиер на следните избори.Тој изрази увереност дека ќе победи на парламентарните избори, кои се очекува да се одржат наесен 2026 година.Како лидер на десничарската партија Ликуд („Унија“), Нетанјаху го држи рекордот со најмногу години на чело на израелска влада – вкупно повеќе од 18 години, со прекини, од 1996 година.

Свет | пред 6 месеци

Пребрзо возење – причина за несреќата кај Сремска Митровица во која загинаа три лица

Полицијата се сомнева дека пребрзото возење е причина за тешката сообраќајна несреќа што се случи во петокот попладне на патот Сремска Митровица – Јарак, во која загинаа три лица, а околу 80 беа повредени.Потполковникот Дејан Стевиќ од Управата за сообраќајна полиција потврди дека полицијата ги утврдила сите потребни факти за понатамошниот тек на истрагата, која ја води обвинителството.„Притворот на возачот истекува денес и тој ќе биде изведен пред обвинителот. Претпоставуваме дека неговиот притвор ќе биде продолжен“, изјави Стевиќ.Полицијата на тахографот на автобусот регистрирала брзина од 120 километри на час, што, според Стевиќ, е „неверојатно за толку големо возило кое превезувало 83 патници“.„Голема неодговорност во овој момент. Сообраќајните знаци предупредуваат на двојна, опасна кривина, а физиката едноставно не можеше да го одржи возилото на патот со таа брзина“, рече тој.Стевиќ нагласи дека делницата е целосно реконструирана и отворена пред еден месец, а сигнализацијата е во целосна функција.„Асфалтот е нов, а знаците се јасно поставени. На овој дел од патот, откако повторно е пуштен во сообраќај, имаме евидентирано над 60 прекршоци за несоодветна брзина“, додаде тој.Според информациите, вoнреден технички преглед на автобусот бил извршен на 15 септември 2025 година, додека возачот последен пат бил на лекарски преглед кон крајот на 2024 година.Несреќата се случила околу 14:45 часот, кога автобусот што превезувал работници од приватна компанија излетал од патот и се превртел.

Свет | пред 6 месеци

МВР: 20 пријави за прекршување на изборниот молк, најмногу во Скопје и Куманово

Министерството за внатрешни работи соопшти дека во текот на изборниот молк, од 18 октомври до утрово во 7 часот, биле регистрирани 20 пријави за нарушување на изборниот молк низ земјата.Најмногу случаи се евидентирани на подрачјето на СВР Скопје – шест, по што следат четири пријави во Куманово, три во Велес, по две во Охрид, Штип и Битола, и една пријава во Струмица.„По преземените мерки, не се потврдени пријавите за 15 од пријавените настани,“ соопштија од МВР.Покрај тоа, биле регистрирани 47 објави на социјалните мрежи кои го прекршиле изборниот молк, главно со повици за гласање за одредени кандидати или со видеа и фотографии од партиски активности во штабови.Министерството информира дека гласањето на болните и изнемоштените лица, како и на лицата во затвори и притвор, поминало без инциденти, освен еден изолиран настан, кој бил навремено третиран.

Македонија | пред 6 месеци