САД

Трамп им се закани на Италија и Шпанија

Американскиот претседател Доналд Трамп најави дека размислува за повлекување на дел од американските воени сили од Шпанија и Италија, како и за можна ревизија на военото присуство во рамките на НАТО, поради нивното противење на американската политика во однос на конфликтот во Иран.Тој во изјава за медиумите во Овалната соба ги критикуваше сојузниците, наведувајќи дека Шпанија и Италија не учествуваат доволно во заедничките напори поврзани со, како што рече, неутрализирање на иранската нуклеарна закана. Во истиот контекст, Трамп повторно ги нарече „т.н. сојузници“, изразувајќи незадоволство од нивната политика.Според официјални податоци, во Германија и други европски земји се распоредени десетици илјади американски војници, а дел од тие сили се стационирани и во Италија и Шпанија. Сè уште не е прецизирано колкав би бил обемот на евентуалното намалување.Американско-европските односи дополнително се оптоварени со разлики околу воените расходи во рамките на НАТО, каде што Вашингтон инсистира на значително зголемување на издвојувањата за одбрана. Шпанија, пак, останува на ставот дека ќе ги следи сопствените економски приоритети.Сето ова доаѓа во момент кога глобалниот конфликт околу Иран предизвикува раст на цените на нафтата и дополнително ја усложнува безбедносната и економската ситуација на меѓународно ниво.

Свет | пред 4 седмици

Тензии меѓу Иран и САД растат: Техеран обвинува за агресија и најавува воено зајакнување

Иранските власти ја заоструваат реториката кон Доналд Трамп и Бенјамин Нетанјаху, обвинувајќи ги САД и Израел за, како што наведуваат, агресија и погрешно прикажување на трошоците од конфликтот што започна на 28 февруари.Иранскиот министер за надворешни работи, Абас Арагчи, изјави дека Вашингтон ги преувеличува финансиските последици од војната и дека вистинските трошоци се далеку повисоки од официјално објавените процени. Тој додаде дека товарот од конфликтот директно паѓа врз американските даночни обврзници.Во меѓувреме, иранските правосудни и политички претставници нагласуваат дека Техеран не се откажал од можноста за преговори, но дека нема да прифати услови под притисок. Според нив, дипломатијата мора да се заснова на рамноправност и меѓусебно почитување, а не на закани и наметнување решенија.Иранскиот став дополнително се заострува и во однос на безбедноста во Персискиот Залив и Ормутскиот теснец, каде што властите најавуваат засилено воено присуство и развој на нови капацитети. Техеран испраќа порака до земјите од регионот да не дозволуваат присуство на странски воени сили, особено американски бази.Според иранските официјални изјави, контролата врз стратешките поморски рути се смета за клучна за националната безбедност, а најавите за ново вооружување дополнително ги зголемуваат тензиите во регионот.

Свет | пред 4 седмици

Хиперсоничното оружје на Америка во фокус: САД размислуваат за распоредување на „Dark Eagle“ на Блискиот Исток

Американската војска разгледува можност за распоредување на новото хиперсонично оружје „Dark Eagle“ на Блискиот Исток, откако Иран ги преместил своите балистички ракети надвор од досегот на постојните американски системи.Според наводи на американски медиуми, Централната команда на САД побарала испраќање на овој систем со долг дострел, што би значело значително проширување на ударните способности на Вашингтон во регионот. Барањето доаѓа како директен одговор на проценките дека иранските лансирни позиции повеќе не можат да бидат погодени со оружјето што моментално го поседуваат американските сили.Претставник на Министерството за одбрана потврдил дека системот веќе достигнал почетна оперативна способност, што практично значи дека САД за првпат располагаат со копнено хиперсонично оружје подготвено за евентуална употреба. Сепак, засега нема официјална потврда дека ќе биде распоредено во регионот, а иранско-американското примирје сè уште е во сила додека се очекуваат пошироки преговори за нуклеарната програма на Техеран.„Dark Eagle“ е дизајниран да се движи со хиперсонична брзина и да маневрира во текот на летот, што овозможува погодување цели на далечини поголеми од 2.700 километри. За разлика од класичните балистички ракети со предвидлива траекторија, овој систем е значително потежок за следење и пресретнување, што го прави особено ефикасен против подвижни или силно утврдени цели.Американската копнена војска започна со негово воведување во декември 2025 година, по серија тестирања и вежби. Оружјето е наменето за специјализирани единици за прецизни удари на големи растојанија. Цената на еден проектил се проценува на околу 15 милиони долари, додека комплетна батерија со лансери и придружна опрема достигнува вредност од околу 2,7 милијарди долари.Овој потег се случува во време кога Пентагон ги засилува напорите за развој на хиперсонично оружје, во услови на растечка конкуренција со Кина и Русија, кои веќе имаат оперативни системи од ваков тип. Американските власти нагласуваат дека развојот и проширувањето на ваквите технологии е меѓу највисоките приоритети, со цел побрзо и поефикасно справување со современите безбедносни предизвици.

Свет | пред 4 седмици

Чарлс ја заврши посетата на САД со средба со Трамп

Британскиот крал Чарлс и кралицата Камила ја завршуваат својата четиридневна државна посета на САД со кратка посета на Белата куќа, каде што ќе се простат од американскиот претседател Доналд Трамп, кој веќе беше домаќин на свечена вечера за нив пред два дена.Официјалната цел на кралската посета е одбележување на 250-годишнината од американската независност од британската колонијална власт. Посетата, исто така, имала цел да ги зајакне односите меѓу двете земји, кои кралот Чарлс ги опишал како „нераскинлива врска“ и „неопходен сојуз“.И покрај неодамнешните тензии околу одбивањето на Обединетото Кралство да се приклучи на воениот конфликт меѓу САД и Израел против Иран, односите меѓу Лондон и Вашингтон се оценуваат како стабилизирани. Трамп, иако критичен кон британскиот премиер Кир Стармер, изјавил дека има добри односи со кралот Чарлс, кого го нарекол „голем пријател“.За време на посетата кралскиот пар оддаде почит на жртвите од терористичките напади на 11 септември 2001 година во Њујорк, положувајќи цвеќе кај споменикот на местото на поранешниот Светски трговски центар.Чарлс се очекува да положи венец и на Националните гробишта Арлингтон, додека кралскиот пар ќе присуствува и на настан во сојузната држава Вирџинија, по што ќе отпатува за Бермудите, во рамките на продолжението на неговата турнеја.

Свет | пред 4 седмици

Во Иран расте моќта на контроверзен генерал: „најлошото сценарио за Трамп“

Американскиот претседател Доналд Трамп тврди дека постојат знаци на внатрешни тензии во иранското воено раководство, додека, според анализа на „Њузвик“, се издвојува нов клучен играч кој може значајно да го обликува правецот на Исламската Република, како на бојното поле, така и на преговарачката маса.Станува збор за бригадниот генерал Ахмад Вахиди, чие влијание, според анализата, нагло расте во рамките на сложената структура на моќ во Иран. Тој е именуван за командант на Корпусот на чувари на исламската револуција (КВИР) по убиството на неговиот претходник Мохамад Пакпур, кој ја презел функцијата по елиминацијата на поранешниот шеф на КВИР Хосеин Салами.Вахиди претходно бил заменик-командант на КВИР, министер за внатрешни работи во владата на Ебрахим Раиси и министер за одбрана во времето на Махмуд Ахмадинеџад. Тој бил и еден од основачите на елитните сили „Кудс“, кои подоцна ги водеше Касем Сулејмани, убиен во американски напад во 2020 година, нареден од Доналд Трамп.Според аналитичари цитирани од „Њузвик“, Вахиди во моментот ја консолидира моќта во услови кога Иран се соочува со сериозна безбедносна и политичка криза. Дел од експертите го опишуваат како фигура која „ги влече конците“ во актуелниот систем.Неговата биографија, според извештајот, е обележана и со контроверзии, вклучително и меѓународна потерница и санкции од САД и Европската Унија поради наводна поврзаност со терористички напади во Аргентина во 1990-тите, обвинувања кои Техеран ги отфрла.Во анализата се наведува дека слабеењето на улогата на врховниот лидер и ограниченото присуство на неговите наследници во политичкото одлучување дополнително придонеле за раст на влијанието на КВИР и воените структури.Истовремено, дел од американските аналитичари сметаат дека отсуството на јасен врховен авторитет во Иран создава простор за внатрешно прегрупирање на моќта, при што Вахиди се издвојува како една од централните фигури.Иако постојат различни фракции во рамките на иранското раководство, дел од експертите оценуваат дека надворешните притисоци од САД и Израел придонесуваат за поголема внатрешна кохезија, а не за поделби, додека идниот правец на земјата останува неизвесен.

Свет | пред 4 седмици

(Видео) По седум години, авион од САД повторно полета за Венецуела

Директните авионски летови од САД кон Венецуела повторно се воспоставени утрово, за првпат по седум години, а првиот авион полета од Мајами кон Каракас, соопшти авиокомпанијата „Американ ерлајнс“.Според податоците, американскиот министер за транспорт, Шон Дафи, во јануари ја укинал забраната од 2019 година, со која им беше забрането на американските авиокомпании да летаат кон Венецуела, по налог на претседателот Доналд Трамп. Подоцна, во март, беше одобрено и барањето на „Американ ерлајнс“ за воспоставување секојдневни летови.Авиокомпанијата соопшти дека летовите ќе бидат користени за деловни, туристички и хуманитарни патувања, а „Американ ерлајнс“ беше најголемиот американски превозник во Венецуела пред прекинот на сообраќајот во 2019 година.Според најавите, повторното воспоставување на линијата доаѓа по долги години прекин на директните врски меѓу двете земји, а компанијата сега повторно го поврзува Мајами со Каракас.

Свет | пред 4 седмици

Хамнеи: Единственото место за Американците во Персискиот Залив е на дното на неговите води

Врховниот лидер на Иран Моџтаба Хамнеи изјави дека „единственото место за Американците во Персискиот Залив е на дното на неговите води“. Изјавата била прочитана на иранската државна телевизија и е пренесена од меѓународни медиуми.Тој наведе дека од почетокот на конфликтот меѓу Иран, Соединетите Американски Држави и Израел на 28 февруари се отвора ново поглавје за регионот, особено во однос на Ормутскиот теснец. Според него, Иран ќе обезбеди безбедност во Персискиот Залив и ќе ги спречи, како што ги нарече, злоупотребите на странските сили на ова стратешко поморско подрачје.Исто така истакна дека нов модел на управување со Ормутскиот теснец би донел стабилност, напредок и економски придобивки за земјите од регионот.Во меѓувреме, дел од странските медиуми објавија дека постојат информации за наводно тешко повредување на Хамнеи, кој не се појавил во јавноста по назначувањето на функцијата, но овие тврдења не се официјално потврдени.

Свет | пред 4 седмици

Хамнеи со остри пораки: САД нема да ја гарантира безбедноста на регионот

Врховниот лидер на Иран Моџтаба Хамнеи изјави дека во Ормутскиот теснец се отвора „ново поглавје“ по, како што го нарече, „срамниот неуспех“ на Соединетите Американски Држави. Пораката беше пренесена преку иранските државни медиуми по повод Националниот ден на Персискиот Залив.Тој нагласи дека американското воено присуство на Блискиот Исток е главен извор на регионална нестабилност, додавајќи дека странските воени бази не можат да обезбедат сопствена безбедност, а уште помалку да гарантираат стабилност за сојузниците во регионот.Според него, иднината на Персискиот Залив и Ормутскиот теснец ќе биде без американско влијание и ќе се темели на развој и просперитет на регионалните држави. Тој се повика и на историски настани, истакнувајќи дека регионот низ вековите бил предмет на надворешни интервенции.Хамнеи нагласи и дека Иран ќе ги зачува своите стратешки капацитети, вклучително нуклеарните и ракетните програми, кои ги опиша како национално богатство од клучно значење за безбедноста на земјата.

Свет | пред 4 седмици

Нови закани и можни воени операции против Иран

Претседателот Доналд Трамп, според информации од американски медиуми, побарал од своите соработници да бидат подготвени за можни сценарија на блокада на ирански пристаништа и за нови воени операции, во услови на зголемени тензии на Блискиот Исток.Според истите извештаи, Вашингтон не е задоволен од иранскиот предлог за одвојување на нуклеарното прашање од договорите за безбедност на Ормутскиот теснец, што дополнително ги усложнува преговорите меѓу двете страни. Во меѓувреме, Иран најави дека ќе одговори со „невообичаена воена акција“ доколку се продолжи со блокадите и притисоците.Конфликтот, кој трае повеќе од два месеца, според достапните информации, сè уште не покажува знаци на смирување, иако одредени фронтови, како оној меѓу Израел и либанската група Хезболах, моментално се со намален интензитет.Во контекст на кризата, претседателот Трамп разговарал и со рускиот претседател Владимир Путин, при што било споменато дека Москва би можела да има улога во евентуално посредување.Ескалацијата веќе има сериозни економски последици, а цената на нафтата на светските пазари достигна значително повисоки нивоа, надминувајќи 119 долари за барел, што дополнително ја зголемува загриженоста за глобалната стабилност.

Свет | пред 4 седмици

Трамп најави можно намалување на американските трупи во Германија

Претседателот Доналд Трамп изјави дека САД размислуваат за можно намалување на бројот на американски војници во Германија, при што нагласи дека одлуката би можела да биде донесена во краток рок.Изјавата доаѓа во период на зголемени геополитички тензии и дебати за улогата на САД во Европа. Според Трамп, се разгледуваат различни опции поврзани со прераспоредување на воените сили, но засега не се објавени конкретни детали.Во меѓувреме, германскиот канцелар Фридрих Мерц изјави дека не гледа јасна стратегија на САД во однос на кризата на Блискиот Исток и војната со Иран. Тој оцени дека американската политика е под силен притисок и дека одредени потези на Иран претставуваат политичко понижување за Вашингтон.Дискусиите меѓу двете земји дополнително ја отвораат темата за идната безбедносна архитектура во Европа и степенот на американско воено присуство на континентот.

Свет | пред 4 седмици

Путин го предупреди Трамп: Ескалацијата со Иран носи сериозни ризици

Рускиот претседател Владимир Путин го предупреди американскиот претседател Доналд Трамп дека продолжувањето на воените операции против Иран би било „опасно и неприфатливо“, истакнувајќи дека таков потег може да има сериозни последици за глобалната безбедност.Според информациите од Кремљ, за време на телефонски разговор меѓу двајцата лидери било нагласено дека евентуална ескалација, особено копнена операција на иранска територија, претставува висок ризик не само за регионот, туку и за меѓународната стабилност. Советникот за надворешна политика Јуриј Ушаков пренел дека Москва предупредува на тешки последици доколку борбите продолжат и покрај постојното примирје.Тензиите дополнително се зголемија откако Трамп го одби најновиот предлог од Техеран за повторно отворање на Ормускиот теснец, со што поморската блокада останува во сила, а кризата влегува во нова фаза на застој.Во разговорот било отворено и прашањето за дипломатските напори. Путин оценил дека продолжувањето на примирјето е исправен чекор кој создава простор за дијалог и стабилизација, додека Трамп изнел сопствена оценка за досегашниот тек на воените активности.Американскиот претседател пред новинарите изјави дека разговорот со Путин бил „многу добар“, додавајќи дека рускиот лидер понудил и соработка во врска со прашањето за збогатување на ураниумот. Сепак, Трамп нагласи дека би претпочитал Москва да се ангажира повеќе околу завршувањето на војната во Украина.Во меѓувреме, конфликтот меѓу Русија и Украина, кој трае повеќе од четири години, останува еден од клучните безбедносни предизвици на глобално ниво.Во Вашингтон, изјавите на американскиот министер за одбрана Пит Хегсет, кој пред Конгресот тврдеше дека иранските нуклеарни постројки се уништени, предизвикаа силни реакции и сомнежи кај пратениците. Расправата се одвива во рамки на разгледувањето на предложениот одбранбен буџет за 2027 година, кој предвидува рекордни средства за Пентагон.Сукобот со Иран, започнат без одобрение од Конгресот, веќе е проценет на десетици милијарди долари, што дополнително ги продлабочува политичките тензии во САД. Пратеници од двете партии бараат појасни одговори за целите и последиците од воената интервенција.И покрај изразената желба за брзо решение, актуелните позиции на Вашингтон и Техеран укажуваат на продолжена неизвесност. САД не покажуваат подготвеност да го прифатат иранскиот предлог за отворање на Ормускиот теснец во замена за прекин на војната и укинување на блокадата, додека Иран не се откажува од своите нуклеарни амбиции, што останува главна пречка за постигнување трајно решение.

Свет | пред 4 седмици

Литиумот во фокус: САД инвестираат во стратешки ресурс на Гренланд

Американската рударска компанија Критикал Металс постигна договор за преземање на компанијата Европиан Литиум во зделка вредна околу 835 милиони долари, со што ќе стекне целосна сопственост врз проектот за ретки земни метали Танбриз на Гренланд.Според информациите, компанијата веќе поседува мнозински удел од 92,5 проценти во проектот, додека преостанатите 7,5 проценти се во сопственост на Европиан Литиум. Со најновиот договор се предвидува преземање на целиот преостанат удел, со што ќе се обезбеди целосна контрола врз проектот.По објавата на зделката, акциите на американската компанија забележаа раст од над шест проценти, што укажува на позитивна реакција на инвеститорите.Проектот Танбриз се смета за значаен извор на ретки земни метали, кои имаат клучна улога во производството на електрични возила, енергетски технологии и одбранбената индустрија. Овој потег се вклопува во пошироките напори на западните земји за намалување на зависноста од кинеските извори на овие ресурси.Од компанијата наведуваат дека целосната сопственост ќе овозможи поефикасно управување и полесно финансирање на понатамошниот развој на проектот. Завршувањето на трансакцијата се очекува во втората половина од годината.Медиумите претходно објавија дека американската администрација разгледувала можност за вложување во Критикал Металс, што дополнително го нагласува стратешкото значење на проектот на Гренланд.

Свет | пред 4 седмици

Продолжен рокот за договори за имотот на Лукоил

Министерство за финансии на САД го продолжи рокот за енергетските компании да склучат договори за купување на странската имотна актива на вториот најголем руски производител на нафта, Лукоил, за околу еден месец, се наведува во објава на нивната веб-страница.Рокот е поместен од 1 мај на 30 мај, пренесува Ројтерс.Во февруари, администрацијата на Доналд Трамп ја забави продажбата на меѓународниот имот на Лукоил, вреден околу 22 милијарди долари, како дел од напорите за притисок врз Русија во мировните преговори за Украина.Соединетите Американски Држави досега го продолжија рокот околу пет пати, откако во октомври воведоа санкции кон Лукоил и државната компанија Роснефт поради улогата што нивните приходи ја имаат во поддршката на војната во Украина.Санкциите го принудија Лукоил да го продаде меѓународното портфолио, кое опфаќа нафтени полиња, рафинерии и бензински пумпи – од Ирак до Финска.Санкциите предвидуваат дека секој договор мора да обезбеди Лукоил да не добие никаква авансна уплата, а целиот приход се става на замрзната сметка под јурисдикција на САД.Трансакциите исто така бараат конечно одобрување од Канцеларијата за контрола на странска имотна актива при Министерството за финансии на САД.

Свет | пред 4 седмици

Американски министер за енергетика: Иран нема да добие нуклеарно оружје

Американскиот министер за енергетика, Крис Рајт, кој учествува на Самитот на Иницијативата Три Мориња, се осврна на геополитичката состојба и конфликтот на Блискиот Исток, порачувајќи дека Иран нема да добие нуклеарно оружје.Рајт изјави дека Иран бил само неколку недели од нивото на збогатен ураниум потребно за производство на нуклеарна бомба и предупреди на ризиците што би ги носело тоа.„Замислете таква држава со десет нуклеарни боеви глави. Тие и денес имаат проектили што можат да го погодат Дубровник“, рече Рајт.Тој нагласи дека САД и претседателот Доналд Трамп оцениле дека таквата ситуација е целосно неприфатлива.„Тоа е егзистенцијална закана за регионот на Блискиот Исток, за светската економија, за Соединетите Американски Држави и за сите наши сојузници“, изјави Рајт.Според него, Трамп донел тешка одлука за да го запре тој ризик, споредувајќи ја ситуацијата со лекување рак.„Кога имате рак, сè изгледа во ред додека не започнете хемотерапија. Тогаш не е во ред, но го уништувате ракот што би ве убил. Тоа е она што сега го правиме“, рече американскиот министер.Тој додаде дека Трамп бил под силен притисок и критики, вклучително и од дел од европските сојузници, но оцени дека американските чекори се оправдани.„Не го правиме ова само за Америка, туку за целиот свет. Ќе го поминеме ова. Иран нема да добие нуклеарно оружје“, порача Рајт.

Свет | пред 1 месец

Трамп ја заострува реториката: Опаметите се, го нема више доброто момче, расте цената на нафтата

Тензиите меѓу Техеран и Вашингтон повторно ескалираат, откако Иран ги обвини САД за „пиратерија“ и заплена на бродови, со најава за можен воен одговор од страна на Исламската револуционерна гарда (ИРГЦ).Во меѓувреме, Израелските одбранбени сили (ИДФ) и утрово гаѓаа цели на југот на Либан, тврдејќи дека мета се позиции на Хезболах. Техеран го повика Советот за безбедност на ОН да го принуди Тел Авив да ги запре нападите, предупредувајќи на можни сериозни последици од понатамошна ескалација.На светските пазари, неизвесноста веќе се чувствува – цената на нафтата порасна од 112 на 114 долари за барел, што дополнително ги засилува стравувањата од пошироки економски последици.Претседателот на САД, Доналд Трамп, ја заостри реториката, изјавувајќи дека Иран „не може да се среди“ и дека „подобро би било наскоро да се вразуми“ кога станува збор за нуклеарниот договор.„Не знаат како да потпишат ненуклеарен договор. Подобро би било наскоро да се вразумат“, напиша Трамп на својата социјална мрежа.Покрај пораката, тој објави и фотографија генерирана со вештачка интелигенција на која држи оружје, со експлозии во позадина и натпис „No more Mr. Nice Guy”( Го нема веќе доброто момче), дополнително подгревајќи ја веќе напнатата атмосфера на Блискиот Исток.

Свет | пред 1 месец

Албанија и САД потпишаа 20-годишен договор за течен природен гас

Албанија и Соединетите Американски Држави потпишаа долгорочен договор од 20 години за снабдување со течен природен гас, во зделка вредна околу шест милијарди долари.Според договорот, американската компанија Venture Global и фирмата Aktor LNG USA ќе обезбедуваат извоз на американски течен гас кон Албанија. Овој чекор е дел од пошироката стратегија на Вашингтон за зајакнување на своето присуство во енергетскиот сектор во Југоисточна Европа.Со договорот се предвидува и поддршка за развој на гасна инфраструктура во регионот, што вклучува и проекти за транспорт на гас преку терминали во соседните земји и поврзување со пошироката европска мрежа за снабдување со енергенси.Енергетската соработка се оценува како значаен чекор кон диверзификација на изворите на гас во Европа и намалување на зависноста од традиционалните снабдувачи, при што Балканот станува сè поважна транзитна и енергетска зона.

Свет | пред 1 месец

Иран го обвинува Вашингтон за „пиратерија“ и се заканува со одговор

Иран ги обвини Соединетите Американски Држави за „пиратерија“ и незаконска заплена на ирански трговски бродови, наведувајќи дека ваквите потези претставуваат сериозно кршење на меѓународното право.Во писмо до Обединетите нации, иранскиот амбасадор Амир Саеид Иравани изјави дека американските сили наводно пресретнуваат и запленуваат ирански бродови на отворено море, меѓу кои и танкери со нафта. Тој оцени дека станува збор за „чин на агресија“ и „државно поддржана пиратерија“.Техеран побара од Советот за безбедност на ОН да ги осуди овие дејства и да наложи итно ослободување на бродовите и имотот, предупредувајќи дека последиците ќе ги сносат Соединетите Американски Држави.Иранските власти дополнително порачаа дека нема да се вратат на преговори со Вашингтон додека, како што наведуваат, продолжуваат заплените и блокадите. Во исто време, воени претставници предупредија дека, во случај на понатамошна ескалација, би можеле да следат воени одговори со „нови капацитети“ и „изненадувачки тактики“.Ситуацијата дополнително ја зголемува напнатоста во регионот, додека двете страни остануваат на спротивставени позиции, без знаци за скорешно намалување на кризата.

Свет | пред 1 месец

Трамп бара продолжување на блокадата на Иран, растат критиките

Американскиот претседател Доналд Трамп им порачал на своите соработници да се подготват за продолжена блокада на Иран.Трамп на неодамнешни состаноци одлучил да го зголеми притисокот врз иранската економија и извозот на нафта преку ограничување на поморскиот сообраќај кон и од иранските пристаништа. Како што се наведува, тој оценил дека други опции, како продолжување на бомбардирањето или повлекување од конфликтот, носат поголем ризик од одржување на блокадата.Во меѓувреме, се појавија информации дека Техеран предложил план за повторно отворање на Ормутскиот теснец и прекин на конфликтот, но според изјавите на Трамп, предлогот не е прифатлив за американската страна.На својата социјална мрежа Truth Social, Трамп објави дека Иран наводно се наоѓа во состојба на колапс и дека бара што побрзо отворање на теснецот, додека се обидува да ја стабилизира внатрешната состојба. Овие тврдења не се потврдени од иранските власти.Изјавите на американскиот претседател предизвикуваат сè поголеми реакции во меѓународната јавност. Германскиот канцелар Фридрих Мерц оцени дека САД се доведени во неповолна позиција во односите со Иран, алудирајќи на застојот во преговорите.Истовремено, анкетите покажуваат пад на поддршката за Трамп, при што дел од граѓаните изразуваат незадоволство поради растот на трошоците за живот и конфликтот со Иран. Цените на горивата во САД достигнаа највисоко ниво од почетокот на кризата, што дополнително ја зголемува загриженоста од долготрајна енергетска нестабилност.Иранските претставници, пак, објавија детали за повеќефазен предлог што предвидува прекин на нападите, постепено укинување на блокадата на Ормутскиот теснец и подоцнежни разговори за нуклеарната програма. Од Техеран порачаа дека Вашингтон треба да се откаже од, како што наведуваат, „неоснованите барања“ за да се постигне напредок.И покрај дипломатските напори, односите меѓу двете земји остануваат затегнати, додека исходот од кризата сè уште е неизвесен.

Свет | пред 1 месец

Трамп остро го нападна Мерц: „Не знаеш за што зборуваш“

Американскиот претседател Доналд Трамп остро го критикуваше германскиот канцелар Фридрих Мерц, тврдејќи дека тој „смета дека е во ред Иран да има нуклеарно оружје“.Трамп, исто така, порача дека доколку Техеран дојде до нуклеарна бомба, „целиот свет би бил заложник“, додавајќи дека во моментов презема чекори во врска со Иран кои, како што тврди, други држави и претседатели одамна требало да ги преземат.„Германскиот канцелар Фридрих Мерц смета дека е во ред Иран да има нуклеарно оружје. Тој не знае за што зборува! Кога Иран би имал нуклеарно оружје, целиот свет би бил заложник. Токму сега правам нешто во врска со Иран, нешто што други држави или претседатели одамна требало да го направат. Не е ни чудо што на Германија ѝ оди лошо, и економски и на други начини“, напиша Трамп на мрежата „Truth Social“.

Свет | пред 1 месец

Американски маринци упаднаа на трговски брод

Американските сили го запреле во Арапското Море трговскиот брод „Блу Стар 3“ поради сомнеж дека се обидел да доплови до Иран, соопшти денеска Централната команда на Оружените сили на Соединетите Американски Држави (CENTCOM).Како што се наведува во објава на социјалната мрежа Икс, американски маринци се качиле на трговски брод за кој постоел сомнеж дека се обидува да влезе во водите на Иран, со што, нагласува CENTCOM, би ја прекршил американската блокада на иранските пристаништа.Како што е посочено, американските сили по контролата и прегледот на бродот утврдиле дека пловилото не планира да вплови во ирански пристаништа, по што му било дозволено да ја продолжи пловидбата.CENTCOM соопшти дека американските сили продолжуваат со операциите и спроведувањето на блокадата на просторот на Блискиот Исток.Се додава дека досега 39 бродови биле пренасочени со цел „обезбедување почитување на важечките ограничувања“, односно американската блокада на иранските пристаништа.

Свет | пред 1 месец

(Видео) Американска војска: Запленивме брод во Арапското Море

Американски маринци од 31-та поморска експедициска единица во Арапското Море привремено го запленија, а потоа го ослободија бродот M/В Блу Стар III, поради сомневање дека плови кон Иран.Инцидентот се случува во рамките на американската блокада на иранските пристаништа, соопшти Централната команда на САД (CENTCOM) на платформата Икс.„Американските сили го ослободија бродот по претрес и потврда дека неговото патување не вклучува впловување во иранско пристаниште“, соопшти CENTCOM.Оттаму додаваат дека досега, заради спроведување на блокадата, биле пренасочени 39 брода.Началникот на Здружениот штаб, генерал Ден Кејн, минатата недела изјави на прес-конференција во Пентагон дека САД заплениле најмалку три брода кои и натаму се наоѓаат под американска контрола.Станува збор за пловилата M/В Туска, M/T Тифани и M/T Маџестик Икс.

Свет | пред 1 месец

Трамп тврди дека Иран е во состојба на колапс

Американскиот претседател Доналд Трамп објави на својата социјална мрежа Truth Social дека, според неговите зборови, Иран ја информирал американската страна дека се наоѓа во состојба на колапс и дека бара што поскоро отворање на Ормутскиот теснец.Во објавата, Трамп наведува дека Иран наводно се обидува да ја надмине внатрешната криза и дека очекува решавање на состојбата со државното раководство. Тој додава дека верува оти ситуацијата во Иран може да се стабилизира, без да наведе дополнителни детали за изворот на информацијата.Ормутскиот теснец претставува еден од најважните светски поморски коридори, преку кој се транспортира значителен дел од глобалната нафта и гас. Секоја блокада или ограничување во овој регион има директно влијание врз светските енергетски пазари.Тврдењата на Трамп засега не се официјално потврдени од иранските власти, а содржината на објавата се заснова исклучиво на неговиот јавен настап на социјалната мрежа. Меѓународната заедница внимателно ги следи случувањата во регионот, кој веќе подолго време е обележан со зголемени тензии и геополитички напнатости.

Свет | пред 1 месец

САД и Иран поблиску до договор отколку што се мислеше

CNN објави дека САД и Иран можеби се поблиску до договор отколку што изгледа, иако формалните преговори сè уште не се во напредна фаза.Според изворите, дипломатските напори продолжуваат зад затворени врати, а првиот можен чекор би бил враќање на состојбата пред ескалацијата и целосно повторно отворање на Хормушкиот теснец за слободна пловидба.Прашањето за иранската нуклеарна програма би се разгледувало во подоцнежна фаза, додека посредниците вршат притисок врз двете страни за постигнување компромис. Сепак, останува неизвесноста дали САД би можеле да се повлечат од процесот и да се вратат кон воен притисок.

Свет | пред 1 месец

Иран предлага фазен план: отворање на теснецот, па преговори за нуклеарната програма

Иран наводно доставил нов фазен предлог до САД, во кој се предлага постепено решавање на тековните тензии, почнувајќи од отворање на Ормутскиот теснец.Според планот, првата фаза предвидува прекин на воените дејствија и гаранции од САД и Израел дека нападите нема да продолжат. Во втората фаза би се укинале блокадите и би се нормализирал поморскиот сообраќај низ Заливот, што Иран би сакал да го стави под сопствен надзор.Третата фаза би се однесувала на нуклеарните преговори, при што Техеран бара признавање на правото за збогатување ураниум како дел од договорот.

Свет | пред 1 месец

Нов инцидент во Заливот: САД пресретнаа брод со сурова нафта

Американскиот воен брод USS Rafael Peralta (DDG 115) пресретнал танкер со сурова нафта кој се движел кон иранска пристанишна локација, соопшти Централната команда на CENTCOM.Според соопштението, танкерот „M/T Stream“ бил запрен во рамки на тековните операции поврзани со блокадата на иранските пристаништа. Бродот наводно се обидувал да се упати кон Иран кога бил пресретнат од американските сили.Инцидентот се случил во недела, но засега не се објавени точни детали за локацијата ниту за начинот на кој е утврдено движењето на танкерот.

Свет | пред 1 месец